بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

قۋىرشاق فيلمدەردە ماسەلە كوپ، دارەجەگە ءبولۋ ارقىلى كومەسكى دەرتتى الاستاۋ كەرەك

ۋاڭ گۇيشيا

2021.04.09 15:36     كەلۋ قاينارى : حالىق تورابى

  5 جاستاعى بالا قۋىرشاق فيلمدەگى دارەت شەلەگى سياقتى ىدىسقا قۇيىلعان سۋسىندىقتى كورگەن سوڭ، ۇيدەگى دارەت شەلەگىنەن ىستاكانمەن سۋ الىپ ىشكەن؛ زورلىقتى كۇشتى، قىلمىستىق ارەكەتتەردى كورسەتەتىن وقيعالار قۋىرشاق فيلمدەردە ۇشىراسىپ تۇرادى ... جياڭسۋ ولكەلىك تۇتىنۋشىلاردىڭ ۇقىق – مۇددەسىن قورعاۋ كوميتەتى جۋىردا جاريالاعان «قۋىرشاق فيلم سالاسىنداعى ازامات جاسىنا تولماعانداردىڭ ەسەيىپ - ەرجەتۋ حاۋىپسىزدىگىنە زياندى ماسەلەلەر جونىندە تۇتىنۋشىلار تۇرعىسىنان تەكسەرۋ جۇرگىزۋ مالىمەتىنە» قاراعاندا، 21 قۋىرشاق فيلمنەن جيىنى 1465 ماسەلە بايقالعان؛ اتا – انالاردىڭ 80 پايىزى قۋىرشاق فيلمدەردى باسقارۋ ولشەمىن اناعۇرلىم قاتاڭداتۋعا قولداۋ بىلدىرگەن. جياڭسۋ ولكەلىك تۇتىنۋشىلاردىڭ ۇقىق – مۇددەسىن قورعاۋ كوميتەتى قۋىرشاق فيلمدەردى دارەجەگە ءبولۋ ءتۇزىمىن شىعارۋ جونىندە ۇندەۋ تاستاعان، كەلەسى قادامدا قۋىرشاق فيلمدەر ىسىنە قاتىستى جاقتاردى زاڭ بويىنشا شاقىرىپ اڭگىمەلەسەدى، وزگەرىس ەنگىزۋدەن باس تارتقان كاسىپورىندارعا الەۋمەتتىك يگىلىك سيپاتىندىق شاعىم بەرۋ قاتارلى تاسىلدەردى قولدانىپ، ازامات جاسىنا تولماعانداردىڭ زاڭدى ۇقىق – مۇددەلەرىن باتىل قورعايدى.

  ۇنەمى كورىلەتىن 21 قۋىرشاق فيلمنەن 1465 ماسەلە بايقالعان، بۇل ماسەلەلەر ءسوز قولدانۋ، وقيعا، ارەكەت، سۋرەت، كورىنىس قاتارلى جاقتارعا سايىپ، ازامات جاسىنا تولماعانداردىڭ ەسەيىپ – ەرجەتۋ حاۋىپسىزدىگىنە اۋىر نۇقسان جەتكىزەدى. قۋىرشاق فيلم — بالالاردىڭ «رۋحاني ازىعى»، وتە – موتە، بالدىرعاندار نەگىزىنەن ءار كۇنى قۋىرشاق فيلم كورەدى، ونىڭ ۇستىنە، ولار قۋىرشاق فيلمدەگى كەيىپكەرلەردىڭ تۇلعاسى، ارەكەتى، ءتىلى، فيلمنىڭ وقيعاسى قاتارلىلارعا ەلىكتەيدى، وسىنىڭ سالدارىنان ناشار ارەكەتتەر جۇقتىرىپ الۋى دا ابدەن مۇمكىن، ءتىپتى جارالانۋ، ءولىم – ءجىتىم سىندى اۋىر زارداپ تا تۋىلۋى مۇمكىن. قۋىرشاق فيلمدەردە بايقالعان ماسەلەلەرگە نەمقۇرايدى قاراۋعا بولمايدى، بۇل ماسەلەلەردى جالپى بەتتىك جونگە سالۋ قاجەت ءارى قۋىرشاق فيلمدەردى دارەجەگە ءبولۋ ءتۇزىمىن جەدەل اتقارىپ، بالالاردىڭ قۋىرشاق فيلمدەردى الاڭسىز تاماشالاۋىنا شارت – جاعداي جاساۋ كەرەك.

  ۇزاق ۋاقىتتان بەرى، جۇرت قۋىرشاق فيلم بالالارعا ارنالعان، ازامات جاسىنا تولماعان بارلىق بالالارعا ۇيلەسەدى، زيانى جوق دەپ قاراپ كەلگەندىكتەن، قۋىرشاق فيلمنىڭ مازمۇنىنا ەگجەي – تەگجەيلى تالداۋ جاساماي كەلگەن. ءىس جۇزىندە، ءجۇز جىلدان استام ۋاقىت دامۋ بارىسىندا، قۋىرشاق فيلمدەر الدەقاشان كوپ نەگىزدەندى، قامتيتىن ءتۇرى وتە كەڭ بولۋدان سىرت، ءتۇرلى جاس شاماسىنداعى بالالارعا سايكەس كەلەتىن قۋىرشاق فيلمدەر دە ۇقسامايدى. بالدىرعاندار مەن جاسى ۇلكەندەۋ بالالارعا ارنالعان «انتەننالى بالاقاي»، «ايۋ كەلدى» اتتى قۋىرشاق فيلمدەر ءبىر – بىرىنەن كوپ پارىقتى، تاڭداپ كورۋ قاجەت. مۇنان سىرت، ەرەسەكتەرگە ارنالعان قۋىرشاق فيلمدەر دە بار، ولاردىڭ مازمۇنىندا قانقۇيلىلىق، ماحاببات سياقتىلاردى بەينەلەيتىن وقيعالار قامتىلعان، مۇنداي قۋىرشاق فيلمدەر ازامات جاسىنا تولماعانداردىڭ تاماشالاۋىنا تىپتەن ۇيلەسپەيدى.

  ەلىمىزدە قۋىرشاق فيلمدەردى دارەجەگە ءبولۋ ءالى اتقارىلماعان، اتا – انالاردىڭ بالاعا قۋىرشاق فيلمدى تاڭداپ كورسەتەتىندەي نەگىزى جوق، مازمۇنىنا دا ونشا قانىق بولمايدى، سونىڭ سالدارىنان ۇنەمى سەزىمنىڭ جەتەگىنە نەمەسە ەلدىڭ باعاسىنا باعىنىپ، بالاعا ءتۇرلى قۋىرشاق فيلمدەردى كورسەتەدى. وسىلايشا، قۋىرشاق فيلمدەردە جاسىرىنعان كومەسكى ماسەلە بالاعا ەشقانداي قورعانىسسىز حالدە ىقپال جاسايدى، بالا كوپتەگەن ناشار مازمۇنداردى بايقاماستان قابىلدايدى، بۇل بالانىڭ پسيحولوگيالىق جاقتان اقاۋسىز جەتىلۋىنە ىقپال ەتەدى. مىسالى، الاكولەڭكەلى كورىنىستەر ازامات جاسىنا تولماعانداردىڭ قۇمارتۋ، اۋەستەنۋ پسيحيكاسىن ءداپ باساتىندىقتان، ەشقانداي ەسكەرتۋ بەرىلمەگەن جاعدايدا، جاستار مەن جاسوسپىرىمدەردە ۋايىمداۋ، قىسىمدى سەزىنۋ سىندى كوڭىل – كۇيلەرىن تۋىنداتۋى، ءتىپتى زورلىقتى كۇش ارەكەتتەرى جونىندە قاتە تۇسىنىك تۋدىرۋى مۇمكىن.

  ازامات جاسىنا تولماعانداردىڭ اقىل – ويى ءالى تولىسپاعاندىقتان، پارىقتاۋ قابىلەتى، ءوزىن تەجەۋ قابىلەتى جەتەرسىز بولادى، سوندىقتان، قۋىرشاق فيلمدەگى مازمۇندارعا وڭاي ەلىكتەيدى، ازامات جاسىنا تولماعاندار ابايسىزدا قۋىرشاق فيلمدەگى زورلىقتى كۇش، قىلمىستىق ارەكەتتەرگە ەلىكتەيتىن بولسا، وسىنىڭ سالدارىنان تراگەديالى جاعداي تۋىلۋى مۇمكىن. مىسالى، «قوشاقان» اتتى قۋىرشاق فيلمگە ەلىكتەگەن بالاقاي دوسىن اعاشقا تاڭىپ قويىپ، استىنان وت جاعىپ، اۋىر جارالاعان، «ايۋ كەلدى» فيلمىندەگى «تاقىرباسقا» ەلىكتەگەن بالا قارىنداسىنىڭ مۇرنىن كەسپەك بولعان، قولشاتىردى جايىپ، 11 – قاباتتان سەكىرىپ كەتىپ، اۋىر جارالانعان ... مۇنداي مىسالداردى ايتا بەرسەك جەتەرلىك.

  قۋىرشاق فيلمدەر ءارقانداي جاستاعى بالالاردىڭ بارلىعىنا ۇيلەسپەۋى مۇمكىن، بۇل جونىندە قازىر قوعامدا ورتاق تانىم قالىپتاستى. باقىلاۋ – باسقارۋ تاراۋلارى ارەكەتكە كەلىپ، تەكسەرۋ بارىسىندا انىقتالعان ماسەلەلەرگە جالپى بەتتىك تۇزەتۋ ەنگىزۋى ءارى قۋىرشاق فيلمدەردى دارەجەگە ءبولۋ ءتۇزىمىن تەز ارادا ورتاعا قويۋى، بالالاردىڭ جاس شاماسىنا جانە قۋىرشاق فيلمنىڭ مازمۇنىنا قاراي، بالالاردىڭ تاڭداپ كورۋىنە ۇسىنۋ قاجەت، وسى ارقىلى قۋىرشاق فيلمدى دارەجە بويىنشا كورۋگە شارت – جاعداي جاراتىپ، بالالاردىڭ ەسەيىپ – ەرجەتۋى بارىسىنداعى حاۋىپسىزدىككە ساياتىن كومەسكى دەرتتى شىنايى الاستاۋى كەرەك.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار