بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ياڭزىجياڭ ءدارى – دارمەك كاسىبى سەرىكتەستىگىنە 764 ميلليون يۋان اقشالاي ايىپ سالىندى

2021.04.16 15:49     كەلۋ قاينارى : حالىق تورابى

  2019 – جىلى 11 – ايدا، بازاردى باقىلاۋ – باسقارۋ باس مەكەمەسى اشكەرەلەۋگە نەگىزدەلىپ، ياڭزىجياڭ ءدارى – دارمەك كاسىبى شەكتى سەرىكتەستىكتەر توبىنىڭ (تومەندە ياڭزىجياڭ ءدارى – دارمەك توبى دەپ اتالادى) مونوپولداۋعا ساياتىن كەلىسىمشارتتى جاساۋ جانە اتقارۋ سىندى كۇماندى ارەكەتىنە دەلو تۇرعىزىپ، تەكسەرۋ جۇرگىزگەن.

  تەكسەرۋگە قاراعاندا، 2015 – جىلدان 2019 – جىلعا دەيىن، ياڭزىجياڭ ءدارى – دارمەك توبى بۇكىل ەلىمىز كولەمىندە (شياڭگاڭ، اۋمىن، تايۋان وڭىرلەرىن قامتىمايدى) سەلبەستىك كەلىسىمشارتىن جاساۋ، باعانى رەتتەۋ حاتىن جىبەرۋ، اۋىز ەكى ۇقتىرۋ قاتارلى تاسىلدەر ارقىلى ءدارى – دارمەكتى تولايىم ساتۋ ساۋداگەرلەرى، بولشەك ساتاتىن دۇكەندەر قاتارلى كاسىپ تىزبەگىندەگى كاسىپورىندارمەن تۇراقتى ءدارى – دارمەكتەردى وتكەرمەلەپ ساتۋ باعاسى جانە وتكەرمەلەپ ساتاتىن ءدارى – دارمەكتەردىڭ ەڭ تومەنگى باعاسىنا شەك قويۋ سىندى كەلىسىمشارتتاردى جاساۋ ءارى اتقارىلاتىن بەلگىلەمەلەردى بەلگىلەۋ، باعالاۋ – باقىلاۋدى كۇشەيتۋ، تومەن باعادا ساتقان ساۋداگەرلەردى جازالاۋ، ينتەرنەتتە ساتىلاتىن ءدارى – دارمەكتەردىڭ باعاسىن باقىلاۋدى دەلدالدىق قۇرىلىمدارعا تاپسىرۋ قاتارلى شارالار ارقىلى كەلىسىمشارتتىڭ اتقارىلۋىنا كەپىلدىك ەتكەن.

  ياڭزىجياڭ ءدارى – دارمەك توبىنىڭ جوعارىداعى ارەكەتتەرى باسەكەنى جويىپ، شەكتەپ، تۇتىنۋشىلاردىڭ زاڭدى ۇقىق – مۇددەسى مەن قوعامنىڭ الەۋمەتتىك مۇددەسىن زيانداپ، «مونوپوليالاۋعا قارسى تۇرۋ زاڭىنىڭ» 14 – تارماعىنداعى «تيجاراتشىلاردىڭ ساۋدا – ساتتىق بايلانىسى بار جاقتارمەن تومەندەگىدەي مونوپوليالاۋ كەلىسىمشارتتارىن جاساسۋىنا تيىم سالىنادى: 1. ءۇشىنشى جاققا تاۋارلاردى وتكەرمەلەپ ساتۋ باعاسىن تۇراقتاندىرۋ؛ 2. ءۇشىنشى جاققا تاۋارلاردى وتكەرمەلەپ ساتۋعا قاتىستى ەڭ تومەنگى باعاعا شەكتەمە قويۋ» دەگەن بەلگىلەمەگە قايشى كەلگەن.

  2021 – جىلى 4 – ايدىڭ 15 – كۇنى بازاردى باقىلاۋ – باسقارۋ باس مەكەمەسى «مونوپوليالاۋعا قارسى تۇرۋ زاڭىنىڭ» 46 – تارماعى، 49 – تارماعىنداعى بەلگىلەمەلەر بويىنشا، اكىمشىلىك جاقتان جازالاۋدى ماقۇلداپ، ياڭزىجياڭ ءدارى – دارمەك توبىن زاڭعا قايشى ارەكەتىن توقتاتۋعا بۇيىردى ءارى 2018 – جىلدان بەرگى 25 ميلليارد 467 ميلليون يۋان ساتىلىم سوماسىنىڭ %3 ىندەي اقشالاي ايىپ سالدى، بۇل 764 ميلليون يۋان بولادى.

  ءدارى – دارمەك باعاسى حالىق شارۋاشىلىعى مەن حالىق تۇرمىسىنا قاتىستى، بۇقارانىڭ ەمدەلۋ اۋىرتپالىعىن جەڭىلدەتۋگە، حالىقتىڭ باقىتتى تۇرمىسىن ىلگەرىلەتۋگە ساياتىن كەلەلى ماسەلە، بازاردى باقىلاۋ – باسقارۋ باس مەكەمەسى ءدارى – دارمەك سالاسىنداعى مونوپوليالاۋعا قارسى زاڭ اتقارۋدى ۇزدىكسىز كۇشەيتىپ، مونوپوليالاۋ ارەكەتىنەن ءونىمدى ساقتانىپ جانە ونى تەجەپ، بازارداعى ءادىل باسەكەنى شىنايى قورعايدى، تۇتىنۋشىلاردىڭ زاڭدى ۇقىق – مۇددەسى مەن قوعامداعىلاردىڭ الەۋمەتتىك مۇددەسىن قورعاپ، سوتسياليستىك بازار شارۋاشىلىعىنىڭ اقاۋسىز دامۋىن ىلگەرىلەتەدى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار