بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ەڭ جاڭا اقپارات! كورەيا جاپونيانىڭ ۇستىنەن حالىقارالىق سوتقا ارىزدانباق

2021.04.16 16:18     كەلۋ قاينارى : حالىق تورابى

  4 – ايدىڭ 13 – كۇنى جاپونيا ۇكىمەتى توكيو ەلەكتر سەرىكتەستىگىنىڭ فۋكۋشيما 1 – يادرو ەلەكتر ستانسياسىنا ساقتالعان يادرولىق لاس سۋدى تەڭىزگە توگۋدى رەسمي ماقۇلدادى. كورەيا پرەزيدەنتى ۋىن زاييان 4 – ايدىڭ 14 – كۇنى جاپونيانىڭ فۋكۋشيما يادرو ەلەكتر ستانسياسىنداعى لاس سۋدى تەڭىزگە توگۋ بەكىمىن جاساعانى جونىندە جاپونيانىڭ كورەياداعى باس ەلشىسىن شاقىرىپ، قاتاڭ نازار اۋداراتىندىعىن ءبىلدىردى، سونىمەن بىرگە، ءمانساپتىلاردان «لاس سۋدى ىعىستىرۋ» ءىسى جونىندە حالىقارالىق سوتقا ارىز بەرۋدى زەرتتەۋدى تالاپ ەتتى.

  كورەيا جاپونيانىڭ ۇستىنەن حالىقارالىق سوتقا ارىزدانباقشى

  سول كۇنى ۋىن زاييان جاپونيانىڭ كورەيادا تۇراتىن باس ەلشىسى مىندەتىنە جاڭادان تاعايىندالعان شياڭشيڭ شياۋ – يدىڭ مەملەكەتتىك جولدامانى تاپسىرۋىن قابىلدادى، ىلە – شالا وتكىزىلگەن اڭگىمە بارىسىندا، جاپونيانىڭ جاقىن كورشىسى بولعان كورەيانىڭ جاپونيا جاقتىڭ فۋكۋشيما 1 – يادرو ەلەكتر ستانسياسىنداعى لاس سۋدى تەڭىزگە توگۋدى ماقۇلداعانىنا «قاتاڭ نازار اۋداراتىندىعىن» قارسى جاققا جەتكىزدى. ۋىن زاييان شياڭشيڭ شياۋي - دان كورەيا جاقتىڭ پوزيتسياسىن جاپونيا ۇكىمەتىنە جەتكىزۋدى تالاپ ەتتى.

  ۋىن زاييان سول كۇنى چيڭۋاتاي زۇڭتۇڭ سارايىندا وتكىزىلگەن ىشكى ىستەر ماجىلىسىندە ءارقايسى تاراۋلارعا جاپونيانىڭ يادرولىق لاس سۋدى تەڭىزگە توگۋ ءىسى تۋرالى «بەلسەندىلىكپەن زەرتتەۋ» جۇرگىزىپ، بۇل ءىس جونىندە حالىقارالىق تەڭىز – مۇحيت سوتىنا ارىزدانۋ جونىندە نۇسقاۋ بەردى.

  چيڭۋاتاي زۇڭتۇڭ سارايىنىڭ مالىمدەمەشىسى كاڭ مينشو بىلاي دەدى: ۋىن زاييان زۇڭتۇڭ مىنانى ءبىلدىردى: جاعراپيالىق ورنالاسۋى جاعىنان ايتقاندا، كورەيا جاپونياعا ەڭ جاقىن مەملەكەت، ەكى ەل تەڭىزدەن ورتاق يگىلىكتەنەدى، ءبىز جاپونيانىڭ يادرولىق لاس سۋدى تەڭىزگە توگۋ بەكىمىن جاساعانىنان قاتتى الاڭدايمىز. باس ەلشى شياڭشيڭ شياۋ – ي كورەيا ۇكىمەتى مەن حالقىنىڭ ۋايىمىن وتە انىق بىلۋگە ءتيىستى، ونىڭ جاپونيا ۇكىمەتىنە مەنىڭ مايدانىمدى ءبىلدىرىپ قويۋىن وتىنەمىن.

  4 – ايدىڭ 13 – كۇنى كورەيانىڭ مەملەكەت ىستەرىن رەتكە سالۋ كەڭسەسىنىڭ باستىعى جۇي رۇنجى شۇعىل ءماجىلىس اشقان ءارى ىلە – شالا وتكىزىلگەن اقپار جاريالاۋ ماجىلىسىندە جاپونيا جاقتىڭ بەكىمىن «قابىلداۋعا بولمايدى» دەگەن بولاتىن.

  كورەيانىڭ مەملەكەت ىستەرىن رەتكە سالۋ كەڭسەسىنىڭ باستىعى جۇي رۇنجى: جاپونيا ۇكىمەتىنىڭ بەكىمىن، مۇلدە، قابىلداۋعا بولمايدى. جاپونيا جاقتىڭ يادرولىق لاس سۋدى تەڭىزگە توگۋ بەكىمى ىرگەلەس مەملەكەتتەردىڭ حاۋىپسىزدىگى مەن تەڭىز – مۇحيت ورتاسىنىڭ حاۋىپسىزدىگىنە قاتەر توندىرەدى، سونىمەن بىرگە، بۇل ەڭ جاقىن كورشىسىمەن تولىق كەڭەسپەي تۇرىپ، جاپونيا جاقتىڭ سىڭار جاقتىلى جاساعان بەكىمى، — دەگەن.

  جۇي رۇنجى تاعى مىنانى ءبىلدىردى: كورەيا جاق بارلىق قاجەتتى شارالاردى قولدانا وتىرىپ، كورەيا حالقىنىڭ حاۋىپسىزدىگىن قامتاماسىزداندىرۋدى باستى ورىنعا قويادى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار