بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

حان جىڭ ولكە، مينيسترلىك دارەجەلى كادرلاردىڭ وسىزامانعى قازىنا، سالىق، فينانس ءتۇزىلىسىن ورناتۋ ارناۋلى تاقىرىپتىق زەرتتەۋ - تالقىلاۋ كۋرسى اڭگىمە ماجىلىسىندە مىنانى دارىپتەدى

ەكونوميكالىق جاعدايعا عىلمي تالداۋ جاساپ، ءتۇيىندى قازىنا - سالىق قىزمەتتەرىن ويداعىداي يگەرىپ، وسىزامانعى قازىنا - سالىق ءتۇزىلىسىن ورناتۋدى ىلگەرىلەتۋ كەرەك

2021.04.16 16:27     كەلۋ قاينارى : حالىق تورابى

  شينحۋا اگەنتتىگى، 4 - ايدىڭ 15 - كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى حان جىڭ 4 - ايدىڭ 15 - كۇنى ولكە، مينيسترلىك دارەجەلى كادرلاردىڭ وسىزامانعى قازىنا، سالىق، فينانس ءتۇزىلىسىن ورناتۋ ارناۋلى تاقىرىپتىق زەرتتەۋ - تالقىلاۋ كۋرسى اڭگىمە ماجىلىسىنە قاتىناسىپ، كۋرسانتتار ۋاكىلدەرىنىڭ ءسوزىن تىڭدادى ءارى ءسوز سويلەدى. ول مىنالاردى دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى مەن ۇكىمەت قىزمەتىنەن بايانداماداعى ورنالاستىرۋلاردى دايەكتىلەندىرىپ، تياناقتاندىرىپ، ەكونوميكالىق جاعدايعا عىلمي تالداۋ جاساپ، اقىلداسىپ، ءتۇيىندى قازىنا - سالىق قىزمەتتەرىن ويداعىداي يگەرىپ، وسى زامانعى قازىنا - سالىق ءتۇزىلىسىن ورناتۋدى ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋعا پارمەندى تىرەك جانە قامتاماسىزدىق ازىرلەۋ كەرەك.

  حان جىڭ مىنانى ءبىلدىردى: بيىل جىل باسىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جەر - جەر، تاراۋلار پارتيا ورتالىق كوميتەتىنىڭ، مەملەكەتتىك كەڭەستىڭ شەشىم، ورنالاستىرۋلارىن مۇقيات دايەكتىلەندىرىپ، تياناقتاندىرىپ، قيىندىقتاردى جەڭىپ، بەلسەنە ءىس تىندىرىپ، ەلىمىز ەكونوميكاسى ىندەتتىڭ ىقپالىنان بىرتىندەپ ارىلۋ شارت - جاعدايىندا قالپىنا كەلتىرۋ سيپاتىنداعى ارتۋدى جۇزەگە اسىردى، تابىس وڭاي - وسپاق قولعا كەلگەن جوق. سونىمەن بىرگە، مىنانى دا كورە ءبىلۋىمىز كەرەك: قازىر ەل ىشىندە، حالىقارالىق جاعدايدا وراسان زور وزگەرىس تۋىلۋدا، ەلىمىزدىڭ ەكونوميكالىق اينالىمى ءالى دە كوپتەگەن تۇراقسىزدىققا ءدوپ كەلىپ وتىر، وي - سانانى باستان - اياق سەرگەك ۇستاپ، ەكونوميكالىق جاعدايعا جان - جاقتى، وبيەكتيۆ، بايىپتى تالداۋ جاساپ جانە ونى زەرتتەپ، ماسەلە مەن سىن - سايىسقا بەتپە - بەت كەلىپ، ساپالى دامۋدى ىلگەرىلەتۋ، بىرگە اۋقاتتانۋدى تىڭعىلىقتى ىلگەرىلەتۋ، جالپى تۇلعالىق مەملەكەت حاۋىپسىزدىگى كوزقاراسىن بەرىك ورناتۋ سىندى 3 تەتىكتى ويداعىداي يگەرىپ جانە ودان ويداعىداي پايدالانىپ، زەيىن - زەردەنى شوعىرلاندىرا وتىرىپ ءوز ىستەرىمىزدى ويداعىداي ىستەۋىمىز كەرەك.

  حان جىڭ مىنالاردى دارىپتەدى: قازىنا − مەملەكەتتى جونگە سالۋدىڭ نەگىزى جانە ماڭىزدى تىرەگى، پارتيا مەن مەملەكەتتىڭ جالپى جاعدايى تۇرعىسىنان ءتۇرلى قازىنا - سالىق قىزمەتىن تىڭعىلىقتى ىستەۋ كەرەك. جەرگىلىكتى ۇكىمەتتەردىڭ كومەسكى قارىزىنىڭ ارتۋىن باتىل تەجەپ، قارىزدىڭ ساقتالۋ مولشەرىن ورنىقتى شەشىپ، جەرگىلىكتى ۇكىمەتتەردىڭ قارىز حاۋىپ - قاتەرىنەن ساقتانۋ جانە ونى جويۋ كەرەك. جەرگىلىكتى ۇكىمەتتەردىڭ ارناۋلى زايومىنان ويداعىداي پايدالانىپ، «قارجىنىڭ نىسانمەن بىرگە جۇرۋىندە» تاباندى بولىپ، نىسان زاپاسىن ىشكەرىلەي، ناقتى جاساپ، نىسانداردىڭ پىسىپ - جەتىلۋ دەڭگەيىن جوعارىلاتۋ كەرەك. ءۇي ساۋدالاۋعا ەمەس، وتىرۋعا ارنالعان دەگەن ۇستانىمدا تاباندى بولىپ، قورا - جاي شارۋاشىلىعىن قىسقا مەرزىمدىك ەكونوميكانى ىنتالاندىرۋدىڭ ءتاسىلى ەتپەي، قورا - جاي بازارىن تىزگىندەۋدى كۇشەيتىپ، ساياساتتىق قۇرال - سايمان ساندىعىن ۇزدىكسىز كەمەلدەندىرىپ، قورا - جاي بازارىنىڭ ورنىقتى، اقاۋسىز دامۋىن جەبەۋ كەرەك. ساياساتتىق قولداۋ تەبىنىن ارتتىرىپ، قامتاماسىزدىق مايعا بەرىلەتىن تۇرعىن ۇيمەن قامداۋدى شىنايى ارتتىرىپ، ءىرى قالالارداعى كورنەكتى تۇرعىن ءۇي ماسەلەلەرىن ويداعىداي شەشۋ كەرەك. باقىلاۋ - باسقارۋ ءتۇزىلىس، مەحانيزمىن كەمەلدەندىرىپ، جەرگىلىكتى ورىندارداعى ورتا، شاعىن فينانس قۇرىلىمدارىنىڭ حاۋىپ - قاتەرىن زاڭ، بەلگىلەمە بويىنشا ءبىر جاقتى ەتىپ، جۇيەلىك فينانس حاۋىپ - قاتەرىنىڭ تۋىلماۋىنىڭ تومەنگى شەگىن ساقتاۋ كەرەك. زەينەتاقىنىڭ ۋاعىندا، تولىعىمەن تاراتىلۋىنا كەپىلدىك ەتىپ، نەگىزدىك زەينەتكەرلىك قامسىزداندىرۋىن بۇكىل ەل بويىنشا ءبىر تۇتاس جوسپارلاۋدى ورنىقتى، ءتارتىپتى ىلگەرىلەتىپ، قوعامدىق قامسىزداندىرۋ قاراجاتى مەن سالىققا جاتپايتىن كىرىستى سالىق تاراۋلارىنا ءبولىپ جيناتۋ قىزمەتىن ويداعىداي ىستەۋ كەرەك. جەرگىلىكتى ۇكىمەتتەردىڭ جاۋاپكەرلىگىن ناقتىلاندىرىپ، قازىنالىق كۇشپەن قامتاماسىز ەتۋدى ويداعىداي ىستەپ، نەگىزگى ساتىنىڭ «ءۇشتى قامتاماسىز ەتۋ» تومەنگى شەگىن مىقتاپ يگەرۋگە كەپىلدىك ەتۋ كەرەك. قوسىن قۇرىلىسىن كۇشەيتىپ، ساياسي تۇجىرىم جاساۋ قابىلەتىن، ساياسي سانالىلىقتى، ساياسي اتقارۋ قابىلەتىن جوعارىلاتىپ، ادال، كىرشىكسىز، جاۋاپكەرلىك ارقالايتىن قازىنا - سالىق قۇرىش قوسىنىن قۇرۋ كەرەك.
ورتالىق پەن مەملەكەتتىڭ قاتىستى تاراۋلارىنداعى جاۋاپتىلار، ارناۋلى تاقىرىپتىق زەرتتەۋ - تالقى كۋرسىنداعى بارلىق كۋرسانت اڭگىمە ماجىلىسىنە قاتىناستى، جياڭسۋ ولكەسىنەن، حىنان، گۋاڭدۇڭ، شانشي ولكەلەرىنەن جانە مەملەكەتتىك دامۋ - رەفورما كوميتەتىنەن، قازىنالىق باقىلاۋ مەكەمەسىنەن كەلگەن كۋرسانتتار ۋاكىلدەرى ءسوز سويلەدى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار