بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

«بۇكىل قوعامداعىلاردى الدامكوستىككە قارسى تۇرۋعا جاپپاي اتتانىسقا كەلتىرۋ» مەملەكەتتىك الدامكوستىككە قارسى تۇرۋ، الدامكوستىكتەن ساقتانۋ جەلىلەس ۇگىت قيمىلى باستالدى

2021.04.28 14:18     كەلۋ قاينارى : حالىق تورابى

  شينحۋا اگەنتتىگىنىڭ ءتىلشىسى شيۇڭ فىڭ 4 – ايدىڭ 27 – كۇنى بەيجيڭنەن حابارلايدى. ورتالىق ۇگىت ءبولىمى مەن قوعام حاۋىپسىزدىگى مينيسترلىگى 4 – ايدىڭ 27 – كۇنى بەيجيڭدە «بۇكىل قوعامداعىلاردى الدامكوستىككە قارسى تۇرۋعا جاپپاي اتتانىسقا كەلتىرۋ» مەملەكەتتىك الدامكوستىككە قارسى تۇرۋ، الدامكوستىكتەن ساقتانۋ جەلىلەس ۇگىت قيمىلىن بىرگە باستادى. قيمىلدىڭ ورنالاستىرۋىنا ساي، بۇكىل ەلىمىز كولەمىندە «تەلەگراف – ينتەرنەت ارقىلى الدامكوستىكپەن شۇعىلدانۋ قىلمىستارىنا شوعىرلى تۇردە سوققى بەرۋ جانە ونى جونگە سالۋ جونىندە ۇگىت جۇرگىزۋ ايى» قيمىلى ورىستەتىلىپ، باعىتتامالى تۇردە ساقتىق ۇگىتى شوعىرلى ۇيىمداستىرىلادى، باستى اقپارات توراپتارى مەن اقپارات تەكشەلەرى الدامكوستىككە قارسى تۇرۋ جونىندەگى جەلىلەس حابارلاردى ۇزدىكسىز تاراتىپ، الەۋمەتتىك ۇگىت – تاربيە جۇرگىزىپ، ساقتاندىرۋدى ۇزدىكسىز كۇشەيتىپ، ۇگىت جۇرگىزۋ كولەمىن كەڭەيتىپ، ۇگىتتىڭ دالدىگىن جوعارىلاتىپ، الەۋمەتتىك اۋماقتى تياناق ەتىپ، بۇكىل قوعامداعىلاردى قامتىعان الدامكوستىككە قارسى تۇرۋ ۇگىت جۇيەسىن كۇش سالا قالىپتاستىرىپ، بۇكىل قوعامداعىلاردىڭ الدامكوستىككە بىرگە قارسى تۇرۋىنىڭ جاڭا ورلەۋى ۇزدىكسىز كوتەرىلەدى.

  قوعام حاۋىپسىزدىگى مينيسترلىگىنىڭ ورىنباسار مينيسترى، مەملەكەتتىك كەڭەستىڭ تەلەگراف – ينتەرنەت ارقىلى جۇرگىزىلەتىن جاڭا تيپتى زاڭعا قايشى قىلمىستارعا سوققى بەرۋ جانە ونى ءبىرجاقتى ەتۋ قىزمەتىنە قاتىستى مينيسترلىك ارا بىرلەسكەن ءماجىلىسىنىڭ شاقىرۋشىسى دۋ حاڭۋەي مىنانى اتاپ كورسەتتى: تەلەگراف – ينتەرنەت ارقىلى ىستەلەتىن الدامكوستىك — ساقتانۋعا بولاتىن قىلمىس، ءىس تۋىلعاننان كەيىن سوققى بەرگەننەن گورى، ءىس تۋىلماي تۇرىپ ساقتانعان ابزال، دەلونى جەدەل انىقتاۋدان گورى، دەلونىڭ تۋىلۋىنان ساقتانعان ءجون، الدانىپ قالعانداردىڭ اقشاسىن ىزدەستىرگەننەن گورى، ولاردى الدانباۋعا تاربيەلەگەن ءجون. سوققى بەرۋ مەن ساقتانۋدى ۇشتاستىرىپ، ساقتانۋدى الدىڭعى ورىنعا قويۋعا تاباندى بولىپ، ءتۇرلى ساقتانۋ شارالارىن جان – جاقتىلى قولدانىپ، جۇيەلى دە قاتاڭ ساقتانۋ – باسقارۋ جۇيەسى مەن بۇكىل قوعامداعىلاردى قامتىعان الدامكوستىكتەن ساقتانۋ ۇگىت جۇيەسىن بەلسەندى قۇرۋ كەرەك. قالىڭ بۇقارانىڭ الدامكوستىكتەن ساقتانۋ تانىمىن كۇشەيتىپ، قىراعىلىقتى ارتتىرىپ، قالتاسىنا مىقتى بولىپ، الدانىپ قالۋدان بارىنشا اباي بولۋىن ءۇمىت ەتەمىز. كاسىپورىندار مەن اقپارات قۇرالدارىنىڭ جانە قوعامنىڭ ءار سالاسىنداعىلاردىڭ الدامكوستىككە قارسى تۇرۋ قىزمەتىنە بەلسەندى كوڭىل ءبولۋىن، قولداۋ كورسەتۋىن، اتسالىسۋىن تىلەيمىز، بۇكىل قوعامداعىلار اتتانىسقا كەلىپ، الدامكوستىككە قارسى تۇرۋ، الدامكوستىكتەن ساقتانۋ قىزمەتىن بىرگە ورىستەتەيىك.

  اتتانىسقا كەلتىرۋ سالتىنىڭ ناق مايدانىندا، فۋجيان ولكەسى شيامىن قالالىق قوعام حاۋىپسىزدىگى ورگانىنداعى نەگىزگى جاۋاپتى جولداس الدامكوستىككە قارسى تۇرۋ جونىندە ۇگىت جۇرگىزۋ مەن ودان ساقتاندىرۋعا قاتىستى تاجىريبەلەرىن تانىستىردى؛ بەيجيڭ، فۋجيان ولكەسى شيامىن قالاسى، گۋاڭدۇڭ ولكەسى شىنجىن قالاسى قاتارلى جەرلەردەگى قوعام حاۋىپسىزدىگى ورگاندارىنان كەلگەن حالىق ساقشىلارى مەن الدامكوستىككە قارسى تۇرۋ ماماندارى وزدەرىنىڭ قىزمەتتەرىمەن ۇشتاستىرا وتىرىپ، الەۋمەتتىك اۋماقتاردا الدامكوستىككە قارسى تۇرۋ جونىندە ۇگىت جۇرگىزۋگە اتتانىسقا كەلتىرۋدى ويداعىداي ىستەۋ، الدانىپ قالۋ مۇمكىندىگى جوعارى بولعاندارعا دالمە – ءدال كەڭەس بەرۋ، الدانىپ قالعانداردىڭ مال – مۇلكىن دەرەۋ مۇزداتۋ قاتارلى قىزمەتتەرگە بايلانىستى ناق مايدانداعى جۇرتشىلىقپەن اڭگىمەلەسىپ، جۇرتشىلىققا الدامكوستەردىڭ ايلاسىن تانۋ جانە الدانىپ قالۋدان ساقتانۋ تانىمىن ارتتىرۋدى ەسكەرتتى. اقپارات قۇرالدارىنىڭ ۋاكلىدەرى، بايدۋ، كۋايشوۋ، جۇڭگو تەلەگرافى، بەيجيڭ بانكەسى قاتارلى ءىشىنارا كاسىپورىنداردىڭ ۋاكىلدەرى، سونداي – اق ەرىكتىلەردىڭ، ستۋدەنتتەردىڭ ۋاكىلدەرى قاتارلىلار دا جەكە – جەكە ۇندەۋ تاستاپ، بۇكىل قوعامداعىلاردى تەلەگراف – ينتەرنەت ارقىلى الدامكوستىك ىستەۋ قىلمىسىنا بىرگە سوققى بەرۋگە جانە ونى جونگە سالۋعا اتتانىسقا كەلۋگە ۇندەدى.

  ۇعىسۋعا قاراعاندا، 2020 – جىلى بۇكىل ەلىمىز بويىنشا قوعام حاۋىپسىزدىگى ورگاندارى تەلەگراف – ينتەرنەت ارقىلى ىستەلگەن الدامكوستىك دەلولارىنان جيىنى 322 مىڭ دەلونى انىقتاپ، قىلمىس كۇماندىلارىنان 361 مىڭ ادامدى تۇتقىنداعان، دەلوعا قاتىستى قاراجاتتان 272 ميلليارد 200 ميلليون يۋان قاراجاتتى تولەۋدەن توقتاتقان، مۇزداتقان، 8 ميلليون 700 مىڭ ادامعا كەڭەس بەرىپ، ولاردى الدانىپ قالۋدان ساقتاندىردى، جيىنى 187 ميلليارد 600 ميلليون يۋان ەكونوميكالىق زياندى قالپىنا كەلتىردى، سوققى بەرۋ، جونگە سالۋ قىزمەتىندە كورنەكتى ونىمدىلىككە قول جەتكىزدى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

دياۋيۇي ارالىنىڭ جاساندى سەرىكپەن تۇسىرىلگەن قاريتاسى