بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

«قىزىل ءتۇستى قۋعىنداۋ بۇيرىعى» شىعارىلعان شيان گولياڭ ەلىمىزگە قايتىپ، قىلمىسىن مويىندادى

2021.04.30 14:01     كەلۋ قاينارى : حالىق تورابى

  حالىق گازەتىنىڭ ءتىلشىسى جاڭ ياڭ 4 – ايدىڭ 29 – كۇنى بەيجيڭنەن حابارلايدى. جۋىردا ورتالىق كوميتەتتىڭ ءىرىپ – شىرۋگە قارسى تۇرۋ قىزمەتىن سايكەستىرۋ گرۋپپاسى حالىقارالىق قاشقىنداردى تابۋ – قاراجاتتى قايتارىپ الۋ قىزمەتى كەڭسەسىنىڭ ءبىرتۇتاس جوسپارلاۋى مەن سايكەستىرۋىندە، گۋاڭدۇڭ ولكەلىك جانە جياڭمىن قالالىق ءتارتىپ تەكسەرۋ كوميتەتىنىڭ، باقىلاۋ كوميتەتىنىڭ تىنباي قۇلشىنۋىندا، قىزمەتتىك قىلمىس كۇمانىمەن شەتەلگە قاشقان شيان گولياڭ ەلىمىزگە قايتىپ، قىلمىسىن مويىندادى ءارى بارلىق قاراجاتتى قايتاردى.

  شيان گولياڭ، ەر، 1961 – جىلى 12 – ايدا تۋعان، گۋاڭدۇڭ ولكەسى جياڭمىن قالاسى پىڭجياڭ رايوندىق پارتكومنىڭ ورىنباسار شۋجيى، ساياسي زاڭ كوميتەتىنىڭ شۋجيى، الەۋمەتتىك اۋماق قىزمەتى كوميتەتىنىڭ مەڭگەرۋشىسى بولعان، قيانات جاساۋ قىلمىس كۇمانىنان ىلىنگەن، 2016 – جىلى 4 – ايدا شەتەلگە قاشقان. 2016 - جىلى 6 - ايدا پروكۋراتۋرا ورگاندارى ونىڭ ۇستىنەن دەلو تۇرعىزىپ، تەكسەرۋ جۇرگىزگەن. 2019 – جىلى 5 – ايدا، حالىقارالىق قىلمىستىق ىستەر ساقشى ۇيىمى ونىڭ ۇستىنەن قىزىل ءتۇستى قۋعىنداۋ بۇيرىعىن شىعارعان. دەلو ءبىتىرۋ ورگاندارى حالىقارالىق بەلگىلەمەلەر مەن ەل ىشىندەگى زاڭ – تۇزىمدەردى تولىق پايدالانا وتىرىپ،ءىرىپ – شىرۋگە قارسى حالىقارالىق ءادىليالىق زاڭ اتقارۋ جاعىنداعى سەلبەستىكتەردى باتىل ورىستەتىپ، قاشقىنداردى قۋعىنداۋ – قاراجاتتى قايتارىپ الۋ قىزمەتىن زاڭ – تۇزىمدەرگە ساي ورىستەتىپ، زاڭنىڭ پارمەندى تىكسىندىرۋ رولىن قالىپتاستىردى، شيان گولياڭ سوڭىندا ىرىقتىلىقپەن ەلگە قايتىپ، قىلمىسىن مويىندادى.

  شيان گولياڭ باسشى كادر بولا تۇرا، حالىقتىڭ مال – مۇلكىن يەلەپ الىپ، جەكە باسىنىڭ بەيبەرەكەت جۇمساۋىنا پايدالانعان، ءىرىپ – ءشىرۋ ارەكەتىن زاڭدى فورمامەن بۇركەمەلەمەك بولعان، دەلو تۋىلعان سوڭ قىلمىسىنان قورقىپ، شەتەلگە قاشقان، ناشار ىقپال تۋدىرعان. شيان گولياڭنىڭ قىلمىسىن مويىنداۋى ءتارتىپ تەكسەرۋ – باقىلاۋ ورگاندارىنىڭ ورتالىق كوميتەتتىڭ بەسىنشى جالپى ءماجىلىسىنىڭ رۋحىن تياناقتاندىرىپ، قىزمەتتىك قىلمىستارعا قاتىستى قاشقىنداردى قۋعىنداۋ – قاراجاتتى قايتارىپ الۋ ارناۋلى ارەكەتىن تىڭعىلىقتى ىلگەرىلەتۋىنىڭ ماڭىزدى ناتيجەسى، پارتيا ورتالىق كوميتەتىنىڭ قاشقىنداردى ءسوزسىز قۋعىنداۋ، سوڭىنا دەيىن قۋعىنداۋ سىندى ايقىن مايدانى مەن بەرىك بەكىمىن ايگىلەيدى. پارتيا ورتالىق كوميتەتىنىڭ قاشقىنداردى قۋعىنداۋ كەڭسەسىنىڭ جاۋاپتىسى مىنانى ءبىلدىردى: ءبىز زاڭمەن جونگە سالۋ وي جەلىسى مەن زاڭمەن جونگە سالۋ تاسىلىندە تاباندى بولىپ، ءىرىپ – شىرۋگە قارسى ءادىليا، زاڭ اتقارۋ جاقتارىنداعى حالىقارالىق سەلبەستىكتەردى ۇزدىكسىز، ىشكەرىلەي ىلگەرىلەتىپ، «شەگەلەۋ» رۋحىمەن جەكە دەلولاردا قامال الۋدى تىڭعىلىقتى ورىستەتىپ، قاشقىنداردى قۋعىنداۋ – قاراجاتتى قايتارىپ الۋدىڭ جوعارى قىسىمدى كۇيىن باستان – اياق ساقتاپ، ءىرىپ – شىرۋگە باتىلدىق ەتە المايتىن، ءىرىپ – ءشىرۋ مۇمكىندىگى بولمايتىن، ءىرىپ – ءشىرۋدى ويلامايتىن جاقتار ءبىر تۇلعالاندىرعان ستراتەگيالىق نىسانانى ۇزدىكسىز ورىندايمىز.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار