بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شي جينپيڭ مەن جاستاردىڭ اڭگىمەسى

شينحۋا اگەنتتىگىنىڭ تىلشىلەرى حۋاڭ يۋە، گاۋ لەي

2021.05.06 17:01     كەلۋ قاينارى : شينجياڭ گازەتى

  ءبىر مەملەكەتتىڭ العا باسقان قادامى جاستاردىڭ ىزىمەن تاڭبالانىپ جاتادى؛ ءبىر ۇلتتىڭ بولاشاعى جاستىق كوكتەمنىڭ كۇشىنە ءۇمىت ارتادى.

  جارتى عاسىردى باستان وتكەرىپ، جىلعا - جىرالارى قايشالىسقان سولتۇستىك شانشي ۇستىرتىنەن اتتانعاننان قازىرگە دەيىن، جاستار اڭسايتىن ارمانعا بەس ساۋساعىنداي قانىق باس شۋجي شي جينپيڭ جاستاردىڭ ءوسىپ - جەتىلۋىنە ايرىقشا كوڭىل ءبولدى. جاستارمەن حات الىسىپ، جاستارمەن سىرلاسىپ، جاستاردىڭ قيمىلىنا قاتىناسىپ، ءاردايىم جاستاردىڭ قامىن ويلاپ ءجۇردى. تەرەڭ سۇيىسپەنشىلىككە تولى تاپسىرما، شىنايى تىلەك جاستاردىڭ كۇرەسپەن العا باسۋ جولىنا شام - شىراق بولىپ جاعىلىپ، باعدار نۇسقاپ كەلەدى.

سۇيىسپەنشىلىگىن حاتپەن ءبىلدىرىپ، شىنايى ىقىلاسىن جەتكىزدى

  حات جازۋ − باس شۋجي شي جينپيڭنىڭ جاستارمەن پىكىرلەسۋ تاسىلدەرىنىڭ ءبىرى.

  ارادا 30 نەشە جىل ۋاقىت وتسە دە، جۇڭگو اۋىل شارۋاشىلىعى داشۋەسىنىڭ پروفەسسورى ساۋ بيڭحاي 1983 - جىلى 12 - ايدىڭ ءبىر كۇنىندە حىبەي اۋىل شارۋاشىلىعى داشۋەسىندە وقيتىن جىڭديڭدىق ءبىرقانشا وقۋشىمەن حاتتى بىرگە وقىعانداعى تەبىرەنىسىن ءالى ۇمىتقان جوق.

بۇل حات سول كەزدە جىڭديڭ اۋداندىق پارتكومنىڭ شۋجيى شي جينپيڭ جولداستان كەلگەن ەدى.

  ”اۋىل - قىستاق اۋىل شارۋاشىلىعى داشۋەسىنىڭ وقۋشىلارىنا ايرىقشا مۇقتاج، اۋىل شارۋاشىلىعى داشۋەسىنىڭ وقۋشىلارى دا اۋىل - قىستاقتان ايرىلا المايدى. اۋىلداعى 400 مىڭنان استام ۇلكەن - كىشى اۋىلداستار سىزدەردىڭ وقۋلارىڭىزدى ەرتەرەك ۇزدىك ناتيجەمەن اياقتاپ، وتاننىڭ ءتورتتى وسىزامانداندىرۋ قۇرىلىسىنا ارقاۋ - تىرەك بولىپ، قابىلەت - دارىندارىڭىزدى سارقا جۇمساۋلارىڭىزدى اسىعا كۇتىپ وتىر دەۋگە بولادى“. حاتتاعى ءسوز - سويلەمدەر قابىلەت يەلەرىنە شولىركەگەن اڭساۋ مەن ۇمىتكە، اۋىلدان الىسقا ءبىلىم ىزدەپ كەتكەندەرگە دەگەن مەيىر مەن قامقورلىققا تولى ەدى.

  حاتتىڭ قولتاڭباسىنداعى ”سىزدەردىڭ جولداستارىڭىز شي جينپيڭ“ دەگەن ءسوز اۋىلداعى شۋجي مەن الىستاعى شاكىرتتەردىڭ جۇرەگىن جاقىنداتا ءتۇستى.

  شي جينپيڭ جولداستىڭ شىن ىقىلاستى ۇندەۋىندە، حىبەي اۋىل شارۋاشىلىعى داشۋەسىنىڭ 1984 - جىل كەزەگىنەن 1987 - جىل كەزەگىنە دەيىنگى جىڭديڭدىق 51 جوعارى مەكتەپ وقۋشىسىنىڭ جارتىسىنان كوبى جىڭديڭعا قايتىپ قىزمەت ىستەدى.

  سول جىلدارى ىركەس - تىركەس اۋىلعا قايتىپ قىزمەت ىستەگەن جوعارى مەكتەپ وقۋشىلارى بۇگىنگى تاڭدا سول جەردەگى ەگىن شارۋاشىلىعى، مال شارۋاشىلىعى، ورمان شارۋاشىلىعى سياقتى ءبىرىنشى شەپ تاراۋلارىن دەڭگەلەك اينالدىرىپ وتىر، ولاردىڭ اراسىنان شىجياجۋاڭ قالاسىنا، حىبەي ولكەسىنە، ءتىپتى بۇكىل مەملەكەتكە تانىمال كوپتەگەن ماماندار شىقتى.

  ءاربىر حاتتار، ءاربىر سالەم - تىلەكتەر شي جينپيڭ جولداستىڭ تالانتتىلاردى ىزدەپ، قابىلەتتىلەردى كوكسەگەن شىنايى سۇيىسپەنشىلىگىن ەستەلىككە الدى.

  2000 - جىلدان 2013 - جىلعا دەيىن حىبەيدىڭ باۋديڭ شۋەيۋانىنان وقۋ تاۋىسقان 100گە جۋىق تۇلەك ءوز ەرىكتەرىمەن باتىس بولىككە بارىپ قىزمەت ىستەپ، تۇرمىس كەشىردى.

  باتىس بولىككە تامىر تارتقان جاستارعا باس شۋجي شي جينپيڭ ەتەنە قامقورلىقپەن قارادى، ”مەن باتىس بولىك وڭىردە تۇرمىس كەشىرىپ كورگەنمىن، سول جەردەگى بالالاردىڭ بىلىمگە ىنتىزارلىعىنا، سول جەردىڭ دامۋىنىڭ دارىندىلارعا زارۋلىگىنە ابدەن قانىقپىن“.

  ”جاقسى پەرزەنتتەر جالىندى بولادى، جالىندى ادامدار ءوز كۇرەسىنە وكىنبەيدى“، ”نەگىزگى ساتىعا جانە حالىقتىڭ اراسىنا بارىپ ەڭبەك ەتىپ، ۇلەس قوسىپ، جاستىق كوكتەمنىڭ بايشەشەگىن وتان ەڭ قاجەت ەتكەن جەردە جايناتىڭدار“... 2014 - جىلى 4 - مامىر جاستار مەرەكەسى قارساڭىندا، باس شۋجي شي جينپيڭنىڭ شىن ىقىلاستى تىلەگى جۇڭنانحايدان شەكارا رايوندارعا، شالعاي وڭىرلەرگە جەتىپ، وقۋ - اعارتۋعا كومەككە بارعان جاستاردىڭ جۇرەك تۇكپىرىنە ۇيالادى.

  حۋاجۇڭ اۋىل شارۋاشىلىعى داشۋەسىنىڭ ”بىنيۇي ەرىكتىلەر قىزمەت وتەۋ اترەتىندەگى“ ەرىكتىلەردىڭ ”بىلىممەن جانە مەيىرباندىق ىستىق سۇيىسپەنشىلىكپەن كومەككە ءزارۋ قيىنشىلىعى بار بۇقاراعا قىزمەت وتەگەندىگىن“ القادى، جوعارى مەكتەپ وقۋشىلارى قىستاق كادرلارىن ”نەگىزگى ساتىنى قىزۋ سۇيۋگە، نەگىزگى ساتىعا تامىر تارتۋعا، بىلىمدەرىن مولايتىپ، قابىلەتتەرىن جوعارىلاتۋعا“ ىنتالاندىردى، ”جاستاردىڭ قىزىل ارمانعا قانات قاعۋ ساپارىنا“ قاتىناسقان جوعارى مەكتەپ وقۋشىلارىنىڭ جاڭالىق اشۋ، شارۋاشىلىق قۇرۋ توبىنا ”جۇڭگونىڭ بايتاق دالاسىنا تامىر تارتىپ، مەملەكەتتىڭ جاعدايىن، حالىقتىڭ حال - جايىن ءبىلۋدى“ تاپسىردى...

  ءبىر پارشا حاتقا جاستاردى تومەنگە تامىر تارتۋعا، جوعارىلاپ ءوسىپ - جەتىلۋگە ءارقاشان ىنتالاندىرىپ وتىراتىن شىن ىقىلاستى ءتالىم سىڭىرىلگەن - دى.

  باس شۋجي شي جينپيڭنىڭ ”حات ارقىلى تانىسقان دوستارىنىڭ“ اراسىندا ءبىرتالاي شەتەلدىك جاستار دا بار.

  ”ءبىز ءسىزدى جاقسى ادام دەپ بىلەمىز ءارى ءسىز وتە كەلبەتتىسىز!“ 2019 - جىلى 2 - ايدا امەريكا يللينويس شتاتى سولتۇستىك نيلەس ورتا مەكتەبى جۇڭگو ءتىلى كلاسىنىڭ وقۋشىلارى ءتوراعا شي جينپيڭگە جۇڭگو تىلىندە جازعان حاتتارىنىڭ سوڭىندا جۇرەك سوزدەرىن ايتتى.

كوپ وتپەي ولار ءتوراعا شي جينپيڭنىڭ جاۋاپ حاتىن تاپسىرىپ الدى. ءتوراعا شي جينپيڭ ولاردى ”حانزۋ ءتىلى جازۋلارىڭ رەتتى، ءسوز قولدانىستارىڭ ولشەمدى، ’وتە كەرەمەت ەكەن‘“دەپ القادى، ولارعا ”جۇڭگو - امەريكا حالقىنىڭ دوستىعىن نىعايتۋعا ۇلەس قوسىڭىزدار“ دەپ سالەم جولدادى.

  يتاليانىڭ ريم مەملەكەتتىك جاتاقتى مەكتەبىنىڭ وقىتۋشى - وقۋشىلارى مەن جاپونيالىق جاس جۇڭداۋ دادي دا وسىنداي قۋانىشقا ورتاق بولعان ەدى.

  ”سىزدەردىڭ جاستىق كوكتەمنىڭ دەر شاعىن كوڭىلدەگىدەي وتكىزىپ، تاماشا ۋاقىتتى قاستەرلەپ، ارماندارىڭىزعا جەتۋلەرىڭىزدى تىلەيمىن“، ريم مەملەكەتتىك جاتاقتى مەكتەبىنىڭ وقۋشىسى لۋدوۆيكا حاتتاعى سوزدەرمەن ءوزىن شابىتتاندىرىپ كەلەدى.

  ”بۇل مەنىڭ كوپ جىلدىق تاباندىلىعىما دەگەن ەڭ جاقسى تۇراقتاندىرۋ جانە قۇپتاۋ، مەن ايرىقشا اسەرلەندىم“. ءبىر پارشا حات جاپونيالىق ءبىر جاستىڭ جۇڭگو - جاپونيا دوستىعىنىڭ ەلشىسى بولۋ ارمانىن وياتتى جانە بەكەمدەدى.

  مەملەكەتتەر ارا قارىم - قاتىناس حالىقتاردىڭ ەتەنە باۋىرلاستىعىندا، حالىقتاردىڭ ەتەنە باۋىرلاستىعىنىڭ ءۇمىتى جاستاردا. اسقار تاۋ، تەلەگەي تەڭىزدەن اتتاعان ”حاتتار ديالوگى“ ءۇن - ءتۇنسىز ۇلەس قوسىپ، جۇڭگو حالقىنىڭ دۇنيە ءجۇزى حالقىمەن دوستىعىنىڭ بايشەشەگىنە ءنار بەرۋدە.

ءارى ۇستاز، ءارى دوس بولىپ، ىقىلاستى سوزبەن كەلەلى ءمان ۇعىندىردى

  جاس وقۋشىلار ءۇشىن باس شۋجي شي جينپيڭ ءارى ۇستاز، ءارى دوس بولدى. ”ءار جىلعى 4 - مامىردىڭ الدى - ارتىنداعى وسى ءبىر ۋاقىتتى مەن جاستارعا ارناپ، جاستاردىڭ اراسىنا بارىپ جاس وقۋشىلارمەن ارالاسىپ، مەكتەپتەردى ارالاپ كورەمىن“.

  ۋادەسىندە تۇراتىن باس شۋجي شي جينپيڭ جاس وقۋشىلاردىڭ ”ساباقحانالارىنا“ بارىپ، ارمان تۋرالى سىر شەرتىپ، مۇرات تۋرالى ءتىل تيەگىن اعىتىپ، سەنىم جونىندە لەبىز ءبىلدىرىپ، جاستاردىڭ العا باسۋ، ارمان قۋۋ جولىنىڭ جول نۇسقاۋشىسى بولدى.

  1970 - جىلى 4 - ايدا ەلىمىزدىڭ العاشقى جاساندى جەر سەرىگى عارىش كوگىن شارلاعاندا، سولتۇستىك شانشيدەگى سارى توپىراقتى ۇستىرتتە 17 جاستاعى جالىندى جاس ەرەكشە اسەرلەندى. 40 نەشە جىلدان كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى بولىپ سايلانعاننان كەيىنگى العاشقى جاستار مەرەكەسىندە شي جينپيڭ جاڭا جۇڭگونىڭ عىلىم - تەحنيكادا قۋاتتى ەل ارمانىنا كۋا بولعان عارىش قالاسىنا كەلىپ، كوممۋنيستىك جاستار وداعىنىڭ ”جۇڭگو ارمانىن جۇزەگە اسىرۋ، جاستار جۇرەكتىلىكپەن جاۋاپكەرشىلىك ارقالاۋ“ تاقىرىپتىق وداق كۇنى قيمىلىنا قاتىناسىپ، قالىڭ جاستاردىڭ وتانمەن بىرگە جىگەرلەنە العا باساتىن، داۋىرمەن قاتار داميتىن جاستىق كوكتەم اسەرلەرىن اقتارعان اڭگىمەلەرىنە قۇلاق ءتۇردى.

  ”ەلىمىز جاستارى تالىقپاي تالپىنعان اسىل ارمان قاشاندا جۇڭحۋانى كوركەيتۋدىڭ تاريحي ۇدەرىسىمەن تىعىز ساباقتاسىپ جاتادى“. باس شۋجي شي جينپيڭ بىلاي دەپ ايقىن اتاپ كورسەتتى: جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن كۇرەسۋ − جۇڭگو جاستار قوزعالىسىنىڭ داۋىرلىك تاقىرىبى.

  جۇڭگو ارمانى شۇلەن شۇعىلاسىن شاشىپ، ۇلى ۇندەۋ جاستاردى ارمانعا قۇلاش سەرمەپ، ارشىندى قاداممەن العا ۇمتىلۋعا جەتەكتەۋدە.

  جۇڭگو ارمانعا قۇلاش ۇرۋدا، جاستىق كوكتەمدى وكىنىشسىز وتكىزۋ كەرەك. ”ءوز ارماندارىڭىزدى وتانىمىزدىڭ ۇلى ىستەرىمەن بايلانىستىرىپ، كۇرەس تۇعىرىن وتاننىڭ ۇلى ىستەرىنە قويعاندا عانا، سىزدەر ارمانعا جەتە الاسىزدار“. باس شۋجي شي جينپيڭنىڭ تولعانىسقا جەتەلەۋگە شەبەر ءسوز - سويلەمدەرى قالىڭ جاس وقۋشىلاردىڭ جاستىق كوكتەم تۋرالى اناعۇرلىم كوپ وي تۇيۋىنە مۇمكىندىك جاسادى.

  ”قوس 100 جىلدىق“ كۇرەس نىساناسىن جۇزەگە اسىرۋدىڭ شەشۋشى ساپارىندا باس شۋجي شي جينپيڭ جاستار قىزمەتى جونىندە، ءسوز جوق، جاۋاپ بەرۋگە ءتيىستى ءداۋىر تاقىرىبى تۋرالى تەرەڭ تولعانىپ، جاستاردىڭ ءوسىپ - جەتىلۋدە بويسۇنۋعا ءتيىستى قۇن بەتالىسى − سوتسياليستىك وزەكتى قۇن كوزقاراسىن سانالىلىقپەن امالياتتا ايگىلەۋدى ايقىن ورتاعا قويدى.

  2014 - جىلى 5 - ايدىڭ 4 - كۇنى باس شۋجي شي جينپيڭ 4 - مامىر جاستار قوزعالىسىنىڭ وشاعى بەيجيڭ داشۋەسىنە كەلىپ، ”ءومىردىڭ تۇيمەسىن ءاۋ باستان دۇرىس تۇيمەلەۋ كەرەك“ دەيتىن جاندى تەڭەۋمەن قۇن كوزقاراسى تاربيەسىن ەرتە باستان، ناقتى يگەرۋدىڭ ماڭىزدىلىعىن اتاپ كورسەتتى.

  ءبىر ۇلت وركەنيەتىنىڭ العا باسۋى، ءبىر مەملەكەتتىڭ دامۋى، الەۋەتتەنۋى كوپتەگەن كۇشتەردىڭ جەبەۋىن قاجەت ەتەدى، ال وزەكتى قۇن كوزقاراسى وسىلاردىڭ اراسىنداعى ەڭ باياندى، ەڭ مىعىم كۇش سانالادى.

  جاستاردىڭ قۇن بەتالىسى بولاشاقتاعى تۇتاس قوعامنىڭ قۇن بەتالىسىن بەلگىلەيدى. باس شۋجي شي جينپيڭ ورتاعا قويعان ”قاجىرلىلىقپەن ۇيرەنۋ، ىزگى ءمورال جەتىلدىرۋ، دۇرىس پەن بۇرىستى ايقىن انىقتاۋ، شىنشىل بولۋ“ تالابى قازىرگى زامان جاستارىن ءوزىن جەتىلدىرىپ، ءمورالدى بولۋعا جەتەلەيتىن اقىلياعا اينالدى.

  ونەگەنىڭ كۇشى شەكسىز.

  1966 - جىلى ورتالاۋ مەكتەپتە وقىپ جۇرگەن شي جينپيڭ مۋ چيڭ قاتارلى جولداستار جازعان «اۋداندىق پارتكوم شۋجيلەرىنىڭ ونەگەسى − جياۋ يۇيلۋ» دەگەن حاباردى وقيدى. ”بۇل ءىس ماعان ءارقاشان ىقپال جاساپ وتىردى. مەن اكىمشىلىككە ارالاسقانعا دەيىن، اۋداندىق پارتكومنىڭ شۋجيى، كەيىن باس شۋجي بولعانعا دەيىن جياۋ يۇيلۋ رۋحى ءارقاشان ماعان شام - شىراق بولدى. جياۋ يۇيلۋ رۋحىنان ۇيرەنۋ جۇڭگو كوممۋنيستەرىنىڭ تاڭداۋلى قاسيەتىن ءتۇسىندىرىپ بەردى“.

  2017 - جىلى 4 - مامىر قارساڭىندا، جۇڭگو ساياسي - زاڭ داشۋەسىندەگى ”اۋەلگى ماقساتتى ۇمىتپاي، پارتياعا ىلەسۋ“ تاقىرىپتىق وداق كۇنى قيمىلىندا باس شۋجي شي جينپيڭ ءوزىنىڭ ”ارداق تۇتاتىن ادامىن“ جاستارعا تانىستىردى.

  ”جياۋ يۇيلۋ جولداستىڭ ىزگى ىستەرىن پارتياعا تاباندىلىقپەن ىلەسۋ سىندى ءبىر تۇيىنگە جيناقتاۋعا بولادى، ول ءومىر بويى پارتيانىڭ قامىن ويلاپ، پارتيانىڭ داڭقىن اسىردى“. باس شۋجي شي جينپيڭ بىلاي دەدى: وسى اۋەلگى ماقساتتى ەستەن شىعارماۋ − ەلىمىزدەگى قالىڭ جاستاردىڭ ساياسي تالعامى، سونداي - اق ەلىمىزدەگى قالىڭ جاستاردىڭ ومىرلىك باعىتى.

سوزىمەن دە، ىسىمەن دە تاربيەلەپ، جاستىق ورالدى جالىنداتتى

  ءوز ىسىمەن ونەگە كورسەتتى. باس شۋجي شي جينپيڭ ءوزىنىڭ ءوسىپ - جەتىلۋ جولىنداعى ءتول اسەرلەرىمەن بىرلەستىرىپ جاستارعا ءومىر اقىلياسىن سيلاپ، جاستىق كوكتەمنىڭ جالىندى وتىن مازداتىپ، ءوسىپ - جەتىلۋگە دەگەن كوكەي تەستى تىلەكتى وياتتى.

  باس شۋجي ءوز ىسىمەن ونەگە كورسەتىپ، جاستاردىڭ جاپا - ماشاقات بارىسىندا شىڭدالۋىن دارىپتەدى −

  يان - اندا اۋىلعا تۇسكەن كەزدە بۇرگە وتكەلىنەن، اس - سۋ وتكەلىنەن، تۇرمىس وتكەلىنەن، ەڭبەك وتكەلىنەن، يدەيا وتكەلىنەن ءوتتى.

  ”مەنىڭ وزىمە قويعان ءبىرىنشى تالابىم − ’ماشاقات بارىسىندا شىڭدالۋ‘“. شي جينپيڭ جولداس ۇنەمى وسى سوزبەن ءوزىن تارازىلاپ، ءوزىن جەتىلدىرىپ، ءوزىن دە، وزگەنى دە دۇرىس جولعا سالىپ وتىردى.

  لياڭجياحىنىڭ قاھارلى قىسىندا دارەت شۇقاناعىنان دارەت كۇرەۋدە ول جۇمىستىڭ ەڭ كوبىن ىستەپ، ءار جولى ءبىرىنشى بولىپ ىرىقتىلىقپەن سەكىرىپ ءتۇسىپ، تالاسىپ ىستەدى. شي جينپيڭ جولداس: تەك ەڭبەك وتكەلىنەن سۇرىنبەي ءوتىپ، ”ماشاقات بارىسىندا شىڭدالۋ“ يدەياسىن ورناتقاندا عانا، يدەيانى شىڭداۋعا، ءوز يدەياڭدى بۇقاراعا اناعۇرلىم جاقىنداتۋىڭا، سونداي - اق بۇقارانىڭ ساعان اناعۇرلىم سەنىم ارتۋىنا قول جەتكىزۋگە بولادى، - دەيدى.

  باس شۋجي تارتىپتە قاتاڭ بولۋ ارقىلى جاستاردى توتەنشە مىعىم ونەر - قابىلەت جەتىلدىرۋگە ىنتالاندىردى −

  قاجىرلىلىقپەن قۇلشىنا ۇيرەنۋ − جاستىق كوكتەمدە الىسقا قانات سەرمەۋدىڭ قوزعاۋشى كۇشى، ونەر - قابىلەت ءوسىرۋ − جاستىق ورالدا ايانباي شايقاس جاساۋعا قاجەتتى ەنەرگيا.

  2013 - جىلى ءار سالا ۇزدىك جاستارىنىڭ ۋاكىلدەرىمەن اڭگىمەلەسكەندە باس شۋجي شي جينپيڭ بىلاي دەدى: ”مەن اۋىل - قىستاققا تۇسكەن كەزدە ءوزىم ءبىر ناقىل ۇستانىپ، الدىمەن ءوزىمدى باۋلۋدان باستادىم. ءبىر ءىستى بىلمەي قالۋدى ايرىقشا نامىس كورىپ، سونى ءبىلىپ الۋعا ىنتىزار بولدىم. تاۋدا قوي جايعان كەزىمدە كىتاپ قۇشاقتاپ، قويدى تاۋدىڭ توبەسىنە بايلاپ قويىپ، كىتاپ وقۋعا كىرىسەتىنمىن. اتىز باسىندا كەتپەن ۇستاعان كەزىمدە ارەدىك دەمالىس بولا قالسا، شينحۋا سوزدىگىن الىپ شىعىپ، ءار ءارىپتىڭ كوپ ءتۇرلى ماعىناسىن جاتتاپ، ءبىر - بىرلەپ ءبىلىم توپتادىم. مەنىڭ اۋىل - قىستاقتاعى 7 جىلىم بەكەر وتكەن جوق، كوپتەگەن بىلىمدەردىڭ نەگىزىن سول كەزدە قالادىم. قازىر شارت - جاعداي قانداي جاقسى، كوپشىلىك ءتىپتى دە جاقسى ۇيرەنىپ، وزدەرىڭىزدىڭ قابىلەت - ونەرلەرىڭىزدى شىڭداۋلارىڭىز كەرەك“.

  باس شۋجي ءوز اسەرىمەن ورتاقتاسىپ، جاستاردى مۇرات - سەنىمدى بەكەمدەۋگە جەتەكتەدى −

  جاس كەزىنەن باستاپ، شي جينپيڭ جولداس ماركسيزمدىك پاراساتتىڭ ءنارىن ۇزدىكسىز قابىلداپ وتىردى.

  2018 - جىلى 5 - ايدا بەيجيڭ داشۋەسىندە قىزمەت تەكسەرگەن كەزدە، جالىنداعان جاس جۇزدەر الدىندا باس شۋجي ءوزىنىڭ كىتاپ وقۋدان العان اسەرىن ورتاقتاستى: ”سول كەزدە مەن ماركسيزم - لەنينيزم شىعارمالارىن وقىدىم. 15 جاسىمدا مەن دەربەس ويلاۋ قابىلەتىنە يە بولدىم، كىتاپ وقۋ بارىسىندا ۇزدىكسىز قايتالاپ ءۇڭىلۋ ارقىلى تەرىسكە شىعارۋدى تەرىسكە شىعاراتىن، وتكەندى پىسىقتاي وتىرىپ سونى وي قورىتاتىن دەڭگەيگە جەتىپ، ماركسيزمنىڭ، شىنىندا، اقيقات ەكەندىگىن، جۇڭگو كوممۋنيستىك پارتياسىنىڭ باسشىلىعى، شىنىندا، حالىقتىڭ تاڭداۋى، تاريحتىڭ تاڭداۋى ەكەندىگىن، ءبىز جۇرگەن سوتسياليزم جولى، شىنىندا، ءسوز جوق، باسىپ وتۋگە ءتيىس جول ەكەندىگىن بىرتىندەپ اڭعاردىم. مىنە وسىنداي ءوزىڭنىڭ تولعانىسىڭنان، تانىمىڭنان شىققان قورىتىندى مىزعىماس بەكەم بولادى“.

  ءار رەت جاستارمەن اڭگىمەلەسكەن سايىن، باس شۋجي شي جينپيڭ ءاربىر جاستىڭ سوتسياليزمنىڭ قۇرىلىسشىسى جانە ءىزباسارى بولۋىن، ءداۋىر بورىشىنىڭ ۇددەسىنەن، حالىق تىلەگىنىڭ ۇددەسىنەن شىعۋىن شىن جۇرەكتەن ءۇمىت ەتتى.

  باس شۋجي جاس وقىتۋشىلاردىڭ جۇڭحۋا ۇلتىنىڭ ”ارمان قوسىنىن“ جاساقتاۋ جولىنداعى ارمانعا جەتەكتەۋشىلەر بولۋىن ءۇمىت ەتسە؛ جاس كوماندير - جاۋىنگەرلەردى ”جاتتىعۋدىڭ ساڭلاعى، تەحنيكانىڭ شەبەرى، قارۋعا جاتىلۋدىڭ ۇلگىسى بولۋعا“ دەمەدى؛ جاس ەڭبەكشىلەردى ”تەحنيكالىق شەبەرلىك ارقىلى دارىندى بولۋ، تەحنيكالىق شەبەرلىك ارقىلى وتاننىڭ ءۇمىتىن اقتاۋ جولىمەن جۇرۋگە“ ىنتالاندىردى...

  جۇڭحۋا ۇلتىنىڭ ۇلى گۇلدەنۋى سىندى ستراتەگيالىق جالپى جاعدايدى جانە دۇنيە جۇزىندە 100 جىلدا بولماعان زور وزگەرىستى تياناق ەتىپ، جاس بۋىندى احىلاق، اقىل - وي، دەنە، ەستەتيكا، ەڭبەك جاعىندا جان - جاقتى جەتىلگەن سوتسياليزمنىڭ قۇرىلىسشىلارى مەن ءىزباسارلارى ەتىپ جەتىلدىرۋ، باۋلۋ پارتيا مەن مەملەكەتتىڭ بولاشاعى مەن تاعدىرىنا ساياتىن ءىس.

  بيىل 4 - ايدىڭ 19 - كۇنى باس شۋجي شي جينپيڭ چيڭحۋا داشۋەسىنە كەلىپ قىزمەت تەكسەردى، ونىڭ مازمۇنى ەستەتيكا تاربيەسى، جاڭالىق اشۋ، دەنە تاربيە سياقتى كوپ جاقتى قامتىدى.

  ءار ءداۋىر ادامدارىنىڭ وزىنە ءتان ۇزاق جورىعى بار، ءار ءداۋىر ادامدارى وزىنە ءتان جاۋاپكەرشىلىك ارقالايدى. ”قوس 100 جىلدىق“ كۇرەس نىساناسى مەن جۇڭگو ارمانىنىڭ جەتەكشىلىگىندە، قازىرگى زامان جاستارى تاريحتىڭ كۇش جالعاۋ تاياقشاسىن تاپسىرىپ الا جۇگىرىپ، ارىنداي ۇمتىلىپ كەلەدى. نىساناعا قاراي ۇمتىلعان مەملەكەتتىڭ ءون - بويىنان جاستىق كوكتەمنىڭ كەلبەتى مەن مۇندالاۋدا.

  (شينحۋا اگەنتتىگىنىڭ 5 - ايدىڭ 2 - كۇنى بەيجيڭنەن بەرگەن حابارى)

جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار