بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

موڭعۇليا جالپى حالىقتىق ساقتىق جاعدايىن جوعارى دارەجەلى ساقتىق جاعدايىنا ءتۇسىردى

2021.05.07 14:07     كەلۋ قاينارى : حالىق تورابى

  شينحۋا اگەنتتىگىنىڭ 5 - ايدىڭ 5 - كۇنى ۇلانباتىردان بەرگەن حابارى. موڭعۇليانىڭ ورىنباسار زۇڭليى امەرسايحان 5 - ايدىڭ 5 - كۇنى ۇكىمەتتىڭ 5 - ايدىڭ 8 - كۇنىنەن باستاپ جاڭا تيپتى ايدارشا ۆيرۋس ىندەت جاعدايىن تەجەۋ ءۇشىن جالپى حالىقتىق ساقتىق جاعدايىن جوعارى ساقتىق جاعدايىنا تەڭشەپ، ٶندىرىستى، جۇمىستى قالپىنا كەلتىرۋدى بىرتىندەپ جۇزەگە اسىراتىندىعىن ءبىلدىردى.

  امەرسايحان بىلاي دەدى: اپاتتان ساقتانۋ ساقتىق دارەجەسىن تومەندەتۋ ىندەت قاتەرىنىڭ تومەندەگەندىگىنەن دەرەك بەرمەيدى، جۇرتشىلىق ٵر ءتۇرلى ىندەتتەن ساقتانۋ بەلگىلەمەسىنە جالعاستى بويسۇنۋى كەرەك. 5 - ايدىڭ 22 - كۇنىنەن بۇرىن اس - سۋ سالاسى تەك عانا تاماقتى شاقىرتىپ الدىرۋعا قىزمەت وتەيدى، ٵر ءتۇرلى ايماق اتتاعان قيمىلداردى، ۇلكەن جارىستاردى، سونداي - اق كوڭىل اشۋ قيمىلدارىن وتكىزۋگە تيىم سالىنادى. العاشقى مەزگىلدە %80 كاسىپورىن ٶندىرىستى، جۇمىستى قالپىنا كەلتىرەدى.

  موڭعۇليا دەنساۋلىق ساقتاۋ مينيسترلىگىنىڭ 5 - ايدىڭ 5 - كۇنى جاريالاعان ساندى مالىمەتىندە كورسەتىلۋىنشە، اتالعان ەلدە وتكەن 24 ساعات ىشىندە جاڭادان جاڭا تيپتى ايدارشا ۆيرۋس وكپە قابىنۋ ىندەتىمەن شالدىققانداردىڭ سانى 1128 ادام بولعان، جالپى ىندەتكە شالدىققانداردىڭ سانى 41524 ادام بولعان، جالپى ەمدەلىپ جازىلعانداردىڭ سانى 25641 ادام، جالپى قايتىس بولعانداردىڭ سانى 141 ادام بولعان.

  5 - ايدىڭ 5 - كۇنى كەشكە دەيىن، موڭعۇليادا جالپى ءبىر ميلليون 130 مىڭ ادام جاڭا تيپتى ايدارشا ۆيرۋس ۋاكسيناسىن ەكتىرگەن، 530 مىڭ ادام 2 - رەتكى ۋاكسيناسىن ەكتىرگەن. اتالعان ەلدىڭ ۇكىمەتى 7 - ايدىڭ 1 - كۇنىنەن بۇرىن 18 جاستاعىلار مەن 18 جاستان جوعارىلارعا ىندەت ۋاكسيناسىن ەگىپ بولۋدى جوسپارلاپ وتىر، اتالعان نىسان بويىنشا مولشەرمەن 2 ميلليون 70 ادام بار.

  موڭعۇليانىڭ اپاتتان ساقتانۋ دارەجەسى 3 دارەجەگە بولىنەدى، جوعارىدان تومەنگە قاراي رەتى بويىنشا بۇكىل حالىقتىق ساقتىق جاعدايى، جوعارى دارەجەلى ساقتىق جاعدايى، ساقتىق جاعدايى دەگەن ءۇش دارەجە. 2020 - جىلى 11 - ايدان باستاپ موڭعۇليا اپاتتان ساقتانۋ جاعدايى مەن جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ جاعدايىن كوپ رەت تەڭشەگەن بولاتىن، بيىل 4 - ايدىڭ 10- كۇنى قايتادان بۇكىل حالىقتىق ساقتىق جاعدايىنا كوشكەن بولاتىن.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار