بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شينجياڭنىڭ ساياحاتى شاعىن جوعارى ورلەۋگە كوتەرىلدى

انار بۇلت/شينجياڭ گازەتىنىڭ ءتىلشىسى ياۋ گاڭ

2021.05.07 16:54     كەلۋ قاينارى : شينجياڭ گازەتى

  5 - ايدىڭ 1 - كۇنى قۇلاققا ۇرعان تاناداي جىم - جىرت مۇتتار قۇمى اۆتوكولىك ۇنىنەن وياندى، 50 دالالىق اۆتوكولىك جىڭ اۋدانىنان شىعىپ وسى اراعا كەلدى. دالالىق اۆتوكولىكتەر كەيدە قۇلديلاپ، كەيدە قايقاڭعا كوتەرىلىپ، 100دەن استام ساياحاتشى قۇمدا ”قۇيعىتۋدىڭ“ قىزىقتارىن باستان كەشىردى.

  ”1 - مامىر“دەمالىسىندا بۇكىل شينجياڭنىڭ جەر - جەرىندەگى كورىنىس اۋماقتارى مەن كورىنىس تۇيىندەرى كوپتەگەن ساياحاتشىنى قارسى الىپ، شينجياڭنىڭ ساياحات بازارى شاعىن جوعارى ورلەۋگە كوتەرىلدى.

ساياحات دۋماندى دا ءتارتىپتى بولدى

  ”ءبىر ايدىڭ الدىندا - اق ءبىزدىڭ ۇيلەرىمىزگە تۇگەلدەي تاپسىرىس ءتۇسىپ بولدى“، - دەدى تاشقورعان تاجىك اۆتونوميالى اۋدانى تاشقورعان اۋىلى ءۋارشيدى قىستاعىنىڭ تۇرعىنى ماينۇرگۇل يكەم تىلشىگە، ونىڭ ءۇيى قۇرعان ساييۇن رىنجيا حالىقتىق تۇسەلحاناسى ”1 - مامىر“ كەزىندە قوناققا لىق تولىپ، بىردە - ءبىر بوس ءۇي قالمادى. وسى اۋدانداعى مادەنيەت، دەنە تاربيە، راديو - تەلەۆيزيا جانە ساياحات مەكەمەسىنىڭ قاتىستى جاۋاپتىسىنىڭ تانىستىرۋىنشا، جەرگىلىكتى ورىنداعى ەرەكشەلىككە يە حالىقتىق تۇسەلحانالار ساياحاتشىلاردىڭ قىزۋ قارسى الۋىنا بولەنىپ، قوناق بولمەلەردىڭ تاپسىرىس قابىلداۋ مولشەرى، قوناق ءتۇسۋ مولشەرى مەجەدەگىدەن الدەقايدا اسىپ كەتكەن.

  دۋماندى دا اسەرلى بيگە باسىپ، اۋەنى قۇلاقتان كىرىپ بويدى العان حالىق اندەرىن شىرقادى. 5 - ايدىڭ 1 - كۇنى سايرام كولى كورىنىس اۋماعى الدىندا وتكىزىلگەن باقشانى اشۋ، قوناقتاردى قارسى الۋ سالتىندا ورىندالعان ءان - ءبي كونسەرتى كوپتەگەن ساياحاتشىلاردى دامىلداپ سۋرەتكە تۇسىرۋگە باۋرادى. ساناققا نەگىزدەلگەندە، سول كۇنى سايرام كولى كورىنىس اۋماعى 15 مىڭ ادام - رەت ساياحاتشى قابىلداعان.

  كورىكتى قازانكول، ءتىلسىم قاناس كولى، بايىرعى قوم قىستاعى، ءتۇتىنى شۇباتىلعان اققابا قىستاعى... ”1 - مامىر“ دەمالىسىندا تالايلاعان ساياحاتشى تاڭعى تۇماندا ”قاناس قۇبىجىعىنىڭ“ قۇپياسىن ىزدەدى. التاي ايماقتىق مادەنيەت، دەنە تاربيە، راديو - تەلەۆيزيا جانە ساياحات مەكەمەسىنىڭ ساناعىنا قاراعاندا، 5 - ايدىڭ 1 - كۇنى التاي ايماعى ەل ىشىنەن 123 مىڭ 400 ادام - رەت ساياحاتشى قابىلداپ، سايكەس مەزگىلدەگىدەن %74.29 ارتقان؛ ساياحاتتىق كىرىس 79 ميلليون 945 مىڭ 100 يۋان بولىپ، سايكەس مەزگىلدەگىدەن %55.73 ارتقان.

  ”1 - مامىر“ دەمالىسىندا بۇكىل شينجياڭنىڭ جەر - جەرىندەگى كورىنىس اۋماقتارى مەن كورىنىس تۇيىندەرى قىزمەت وتەۋدى كۇشەيتىپ، ساياحاتشىلاردىڭ تاماقتانۋ، قونالقى، ساپارلاۋ، ساياحاتتاۋ، زات ساتىپ الۋدا جان - جاقتىلى قولايلىلىق سەزىنۋىنە مۇمكىندىك جاساپ، ساياحاتتىڭ جايلى بولۋ دارەجەسىن، رازى بولۋ دارەجەسىن جوعارىلاتتى. سونىمەن بىرگە جەر - جەر ”مولشەردى شەكتەۋ، الدىن الا كەلىسۋ، قاۋىرت مەزگىلدەن اۋاشالاۋ“ تالابىن باتىل تياناقتاندىرىپ، ساياحاتشىلارعا جەتەكشىلىك ەتۋدى، بىتىراتۋدى ويداعىداي ىستەپ، ساياحات بازارىنىڭ حاۋىپسىز، ءتارتىپتى بولۋىنا شىنايى كەپىلدىك ەتتى.

باي مازمۇندى قيمىلدار دەمالىستى دۋمانعا بولەدى

  5 - ايدىڭ 1 - كۇنى ”جىبەك جولىنداعى ءتورت ماۋسىم ساپارى. دۇنيە جۇزىمەن ەتەنە قاۋىشۋدى“ نەگىزگى تاقىرىپ ەتكەن 2021 - جىلعى قورعاس مادەنيەت - ساياحات مەرەكەسى جانە تۇڭعىش كەزەكتى ”جي - ي ساۋىتى“ مودا سانگەرلەرى باسەكەسى قورعاس جۇڭگو مادەنيەتى سارايىندا باستالدى. ساياحات مەرەكەسى كەزىندە وتكىزىلگەن مودا سانگەرلەر باسەكەسى، سىرا دۋمانى مەرەكەسى، ”كەشكى ەكونوميكانى جانداندىرۋ“ جاڭا قوزعاۋشى كۇش شىعارۋ، دۋمان كەشى سياقتى 10 نەشە ەرەكشەلىككە يە مادەنيەت تۇرلەرى ”مىڭ جىلدىق بەكەت، 100 جىلدىق كەدەن وتكەلىنىڭ“ تىڭ ومىرشەڭدىك كۇش اشۋىنا مۇمكىندىك جاسادى.

  ۇعىسۋعا قاراعاندا، ”1 - مامىر“ دەمالىسى كەزىندە بۇكىل شينجياڭنىڭ جەر - جەرى 700دەن استام قيمىلدى جولعا قويعان. ”مادەنيەت ارقىلى ساياحاتتى جەبەپ، ساياحات ارقىلى مادەنيەتتى ايگىلەدى“، باي مازمۇندى قيمىلدار ادامداردىڭ مەرەكەلىك تۇرمىسىنا ءار بەرۋمەن بىرگە، دەمالىس كەزىندەگى تۇتىنۋدى دا جەبەدى.

  5 - ايدىڭ 1 - كۇنىنەن 3 - كۇنىنە دەيىن توقسۋ اۋدانى قۇمداعى گۇل تەڭىزى كورىنىس اۋماعى جەلىلەس قيمىلدار وتكىزىپ، ساياحاتشىلاردى دالالىق كولىك الاڭىنداعى كەدەرگىدەن ءوتۋ جارىسىنىڭ قىزىعىنا بولەدى. شەبەرلەر جارىس كولىكتەرىن جۇرگىزىپ كەدەرگى زاتتاردىڭ اراسىنان زىمىراي وتكەندە، اسا جوعارى جۇرگىزۋ شەبەرلىگىنە ساياحاتشىلار تاڭداي قاعا ءتانتى بولىستى. ”شىنىمەن، كەرەمەت ەكەن، مەن دە بۇل الاڭدا ەرەكشە قۋانىشقا شومدىم“، - دەدى گۋاڭدۇڭدىق ساياحاتشى لي ۋي.

  جانبۇلاق كورىنىس رايونى سوقا سالۋ مەرەكەسىن وتكىزدى، ساياحاتشىلار اتىزدان ”قوس وگىزدىڭ بۇلىق تارتىپ“ جەر جىرتىپ تۇقىم ءسىڭىرۋ كورىنىسىن كورىپ، ءداستۇرلى ەگىن شارۋاشىلىعى مادەنيەتىنىڭ باۋرامىن سەزىندى. سوقا سالۋ مەرەكەسى شارۋالاردىڭ قاربالاس مەزگىلىنىڭ باستالعاندىعىن دا بىلدىرەدى، ادامداردىڭ قامباسى دانگە، ءورىسى مالعا تولۋ جونىندەگى تاماشا تىلەگىن بەينەلەيدى.

  ءپىشان اۋدانى قۇمتاع قۇمى كورىنىس رايونى شىعارعان «ءتۇن . كروران» ناقتى كونسەرتىن ۇرىمجىلىك ساياحاتشى ۋاڭ لان ايىزى عانا باعالادى: ”قۇم كورىنىسىنەن كوز ايدىن بولىپ قانا قالماستان، وسى جەردىڭ گۋمانيتارلىق تاريحى دا تىكە بەينەلەنگەن“.

تاپسىرىستىق شاعىن ساياحات ۇيىرمەلەرى قىزۋ قارسى الۋعا بولەندى

  ”وسى رەت ءبىز بارعان جەرىمىزدە ءوز اۆتوكولىگىمىزبەن ساياحاتتاۋدى تاڭدادىق، قاناس، كوكتوعاي، سايرام كولى سياقتى كورىنىس رايوندارى تۇگەلدەي ءبىزدىڭ ساپارلايتىن جەرىمىز بولدى“. بەيجيڭدىك ساياحاتشى ساي يۇنۋي شينجياڭ شۋەلاڭ ساياحات شەكتى سەرىكتەستىگى ارقىلى دەمالىس كەزىندەگى ساپارىن ارنايى ورنالاستىردى.

  ”سەرىكتەستىگىمىز 30 نەشە ىشكەرى ءوڭىردىڭ شينجياڭعا كەلىپ ءوز اۆتولىكتەرىمەن ساياحاتتايتىن ساياحاتشىلارىنان قۇرالعان شاعىن ساياحات ۇيىرمەسىن قابىلدادى، ساياحات جولى قوم، قاناس، نارات سياقتى كورىنىس اۋماقتارىن قامتىدى“. وسى سەرىكتەستىكتىڭ ورىنباسار باس ديرەكتورى ۋ چۋان تانىستىرىپ بىلاي دەدى: ”3 - ايدان باستاپ ساياحاتشىلار ءوز اۆتوكولىكتەرىمەن ساياحاتتاۋ جوسپارىن جاساۋ جونىندە ۇزدىكسىز اقىل - كەڭەس سۇرادى، ’تاپسىرىستىق ساياحات‘ پەن ’ەركىن ساپار‘ دەمالىس كەزىندە قىزۋ قارسى الۋعا بولەندى، ’جەڭىل اۆتوكولىك + شاعىن ۇيىرمە‘ ساياحاتشىلاردىڭ جوعارى ساپالى ساياحاتتاۋدا الدىمەن تاڭدايتىن تۇرىنە اينالدى“.

  ۇعىسۋعا قاراعاندا، بۇكىل شينجياڭداعى ۇلكەن ساياحات سەرىكتەستىكتەرى ساياحاتشىلاردىڭ قاجەتىنە باعىتتاي وتىرىپ، دارا ەرەكشەلىكتەرگە يە تاپسىرىستىق شاعىن ۇيىرمە ونىمدەرىن جابال جولعا قويعان. شينجياڭ كاڭتاي ساياحاتشىلىعى حالىقارالىق ساياحات سەرىكتەستىگىنىڭ باس ديرەكتورى ياڭ مەي بىلاي دەدى: سەرىكتەستىگىمىز ىلە، التاي سياقتى باعىتتارداعى سەيىل - سەرۋەندىك ساياحات جەلىسىن شىعاردى، ”جاقىندا ءبىز سەيىل - سەرۋەندىك ساياحات، قۇم ساياحاتى سياقتى ونىمدەردى جولعا قويىپ، ساياحاتشىلاردىڭ قىزۋ قارسى الۋىنا بولەندىك. ءار كۇنى شاعىن ۇيىرمە جونەلتەمىز، 2 ادام بولسا بولعانى ۇيىرمە بولىپ جولعا شىعا بەرەدى“.

  اۆتونوميالى رايوندىق مادەنيەت جانە ساياحات مەڭگەرمەسى قاتىستى باسقارما كەڭسەسىنىڭ جاۋاپتىسى تانىستىرىپ بىلاي دەدى: ساياحات بازارىنىڭ ىشكەرىلەي ەگجەي - تەگجەيلەنۋى ساياحات دامۋىنىڭ بەتالىسى، تاپسىرىستىق ساياحات، شاعىن ۇيىرمە سۇرانىسىنىڭ تۋىلۋى ساياحات كاسىبىمەن شۇعىلدانۋشىلاردان بازاردىڭ تامىرىن ىشكەرىلەي يگەرىپ، اناعۇرلىم باۋرامدىلىققا يە ساياحات جولى ونىمدەرىن تۇلعالاپ، قىزمەت وتەۋدىڭ دارەجەسىن جوعارىلاتۋدى، قاجەتتى قاناعاتتاندىرىپ، ساياحات تۇتىنۋىنىڭ دارەجەسىن جوعارىلاتۋدى ىلگەرىلەتۋدى تالاپ ەتتى.

جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار