ءۇرىمجى قالاسى اۋرۋ دياگنوزى بويىنشا قاتىستى گرۋپپاعا ءبولىپ تولەۋ سىناق ءتۇيىنى قىزمەتىن ىلگەرىلەتەدى
ناۋقاستار بالنيتساعا جاتقاندا ”ۇقساس قالادا ۇقساس اۋرۋدى ۇقساس ەمدەۋ، ۇقساس اقى الۋ“ جۇزەگە اسىرىلادى
2021.06.10 14:29 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى جاۋ مين 6 - ايدىڭ 8 - كۇنى ۇرىمجىدەن حابارلايدى. 6 - ايدىڭ 8 - كۇنى اشىلعان شينجياڭ ەمدەۋ قامتاماسىزداندىرۋىنان تولەۋ رەفورماسى قىزمەتىنىڭ ىلگەرىلەۋ جاعدايىنان اقپار جاريالاۋ ماجىلىسىنەن ۇعىسۋعا قاراعاندا، ەمدەۋ قامتاماسىزداندىرۋىنان تولەۋ فورماسى رەفورماسىن تەرەڭدەتىپ، اۋرۋ دياگنوزى بويىنشا قاتىستى گرۋپپاعا ءبولىپ (DRG) اقى تولەۋ سىناق ءتۇيىنى قىزمەتىن ىلگەرىلەتۋ ءۇشىن، ءۇرىمجى قالاسى مەملەكەتىمىزدەگى اۋرۋ دياگنوزى بويىنشا قاتىستى گرۋپپاعا ءبولىپ (DRG) اقى تولەۋ سىناق ءتۇيىنى ەتىلگەن قالا ساناتىندا، 9 - ايدان باستاپ 6 شيپاحانادا ناقتى اقى تولەۋدى ورىستەتەدى ەكەن، مۇنان كەيىن ناۋقاستار بالنيتساعا جاتقاندا ”ۇقساس قالادا ۇقساس اۋرۋدى ۇقساس ەمدەۋ، ۇقساس اقى الۋ“ جۇزەگە اسىرىلادى.
بۇل 6 شيپاحانا مىنالار: اۆتونوميالى رايوندىق حالىق شيپاحاناسى، شينجياڭ مەديتسينا داشۋەسىنە قاراستى 1 - شيپاحانا، شينجياڭ مەديتسينا داشۋەسىنە قاراستى وسپە اۋرۋلار شيپاحاناسى، ءۇرىمجى قالالىق دوستىق شيپاحاناسى، شينجياڭ ءوندىرىس - قۇرىلىس بيڭتۋانى شيپاحاناسى، ءۇرىمجى قالاسى ميدۇڭ رايوندىق حالىق شيپاحاناسى.
اۋرۋ دياگنوزى بويىنشا قاتىستى گرۋپپاعا ءبولىپ (DRG) اقى تولەۋ ناۋقاستىڭ جاسى، جىنىسى، وپەراتسيا ءتۇرى، قوسالقى اۋرۋلار، بالنيتساعا جاتقان ۋاقىتى، دياگنوز مازمۇنى، ەمدەۋ ناتيجەسى سياقتى فاكتورلارعا نەگىزدەلىپ، اۋرۋدى بىرنەشە دياگنوز گرۋپپاسىنا (مەملەكەتتىك ەمدەۋ قامتاماسىزداندىرۋ مەكەمەسى جاريالاعان نەگىزدىك گرۋپپا 618 گرۋپپا، رايونىمىز ءىس جۇزىندىك جاعدايمەن ۇشتاستىرىپ، ولشەم بويىنشا 716 گرۋپپاعا ءبولدى) ءبولىپ، ەمدەۋ قامتاماسىزداندىرۋ تاراۋى شيپاحانامەن اقىلداسىپ دياگنوز گرۋپپالارىنىڭ اقى تولەۋ ولشەمىن تۇراقتاندىرىپ، ەمدەۋ قامتاماسىزداندىرۋ تاراۋى ولشەم بويىنشا شيپاحاناعا قاراجات تولەۋىن مەڭزەيدى.
اۆتونوميالى رايوندىق ەمدەۋ قامتاماسىزداندىرۋ مەكەمەسى ەمدەۋ، ءدارى - دارمەك قىزمەت وتەۋ باسقارماسىنىڭ ورىنباسار باستىعى سۇن يۇيجيە تانىستىرىپ بىلاي دەدى: بۇل 716 اۋرۋ گرۋپپاسى كەزەكتەگى ءۇرىمجى قالاسىنداعى ءتۇرلى بالنيتسالاردىڭ جاعدايىن جاپپاي قامتيدى، مىسالى، كلينيكالىق سيپاتى قارايلاس، ەمدەۋ بايلىعىن سارىپ ەتۋى جاقىن، ت.ب بولعانىمەن، رۋحاني اۋرۋ تۇرلەرى، ساۋىعۋ تۇرلەرى جانە كۇتىمدەۋ تۇرلەرى سياقتى بالنيتسادا جاتۋ ۋاقىتى ءبىرشاما ۇزاق اۋرۋ تۇرلەرى بۇعان كىرگىزىلمەيدى.
”DRG اقى تولەۋدە اۋرۋ گرۋپپاسى ەسەپ جابۋ بىرلىگى ەتىلەدى، باستالعاننان ەمدەۋ اياقتالعانعا دەيىن مولشەرمەن قانشا اقشا جۇمسالادى دەگەنگە ءبىرشاما عىلمي ەسەپتەۋ مەحانيزمى دايىندالعان، بۇل شيپاحانانى ءدارىنى ولشەمدى قولدانۋ، بالنيتساعا جاتۋ ۋاقىتىن قىسقارتۋ سياقتىلارعا ماجبۇرلەپ، وسى ارقىلى ناۋقاستاردىڭ ۇيلەسىمدى باعامەن جوعارى ساپالى ەمدەۋ قىزمەت وتەۋىنەن يگىلىكتەنۋىنە مۇمكىندىك جاسايدى“ - دەدى سۇن يۇيجيە، - ناۋقاس جونىنەن العاندا، ەڭ تىكە پايداسى بالنيتساعا جاتقاندا ءار كۇنى ەسەپ تىزىمدىگىن تەكسەرمەيدى، ءبىر رەت اۋرۋ كورسەتكەندە ەمدەۋ قامتاماسىزداندىرۋىنان قانشا تولەۋ، جەكە ادام قانشا تولەۋ ولشەمدەرى ايقىن كورىنىپ تۇرادى.
سۇن يۇيجيە ءتۇسىندىرىپ بىلاي دەدى: مىسالى، ناۋقاس سوقىر ىشەك اۋرۋ گرۋپپاسىنا كىرسە، بۇل اۋرۋ گرۋپپاسىنا ەمدەۋ قامتاماسىزداندىرۋىنان 5000 يۋان تولەنەدى، جەكە ادام 1500 يۋان تولەيدى، ەندەشە، ناۋقاس بارلىق دارەجەلەس DRG اقى تولەۋ ەمدەۋ قۇرىلىمىندا بالنيتساعا جاتىپ ەمدەلگەندە تولەيتىن اقىسى تۇگەلدەي 1500 يۋان بولادى، بۇرىنعىداي دارەجەلەس شيپاحانادا تۇرلىشە اقى تولەيتىن جاعداي بولمايدى. ياعني DRG اقى تولەۋ بويىنشا، مۇنان كەيىن ناۋقاستار بالنيتساعا جاتقاندا ”ۇقساس قالادا ۇقساس اۋرۋدى ۇقساس ەمدەۋ، ۇقساس اقى الۋ“ جولعا قويىلادى، بۇل بالنيتساعا جاتىپ ەمدەلۋ اقىسىن بىرتىندەپ ۇيلەسىمدى ارناعا ءتۇسىرىپ، بالنيتساعا جاتقان ناۋقاستاردىڭ ەكونوميكالىق اۋىرتپالىعىن ونان ارى جەڭىلدەتەدى. سونىمەن بىرگە DRG اقى تولەۋى دارەجەگە ءبولىپ دياگنوز قويۋدى، ەمدەۋدى جەبەپ، ۇنەمى كەزدەسەتىن اۋرۋلارمەن، جەڭىل اۋرۋلارمەن ناۋقاستانعانداردىڭ 2 - دارەجەلى نەمەسە 1 - دارەجەلى ەمدەۋ قۇرىلىمدارىنا بارىپ ەمدەلۋىن ۇيلەسىمدى جەبەيدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
