مەملەكەتتىك حالىق قۇرىلتايى سىرتقى ىستەر كوميتەتى ماڭىزدى مالىمدەمە جاريالادى
2021.06.10 14:37 كەلۋ قاينارى : حالىق تورابى
6 – ايدىڭ 9 – كۇنى، ا ق ش پارلامەنتى كەڭەستىك پالاتاسىنىڭ «2021 – جىلعى ا ق ش جاڭالىق اشۋ جانە باسەكە زاڭ جوباسىن» ماقۇلداعانى جونىندە، مەملەكەتتىك حالىق قۇرىلتايى سىرتقى ىستەر كوميتەتى مالىمدەمە جاريالاپ، مىنانى اتاپ كورسەتتى: اتالعان زاڭ جوباسى قىرعي قاباقتىق سوعىس وي جەلىسى مەن يدەولوگيالىق سىڭار جاقتىلىققا تولى، جۇڭگونىڭ دامۋ جولىن جانە ىشكى – سىرتقى ساياساتىن قارالاعان، «جاڭالىق اشۋ جانە باسەكە» دەگەندى جەلەۋ ەتىپ، جۇڭگونىڭ ىشكى ىستەرىنە كيلىگىپ، جۇڭگونىڭ دامۋىن تەجەۋگە ۇرىنعان. جۇڭگو مەملەكەتتىك حالىق قۇرىلتايى بۇعان قاتاڭ نارازىلىق بىلدىرەدى ءارى باتىل قارسى تۇرادى.
مالىمدەمەدە مىنالار اتاپ كورسەتىلگەن: اتالعان زاڭ جوباسى اتالمىش «جۇڭگو حاۋپى» ايتىلىمىن اسىرەلەپ، ا ق ش – نىڭ دۇنيە جۇزىندەگى زورەكەرلىك ورنىن ساقتاۋعا ۇرىنعان، ادامدىق ۇقىق جانە ءدىندى جەلەۋ ەتىپ، جۇڭگونىڭ ىشكى ىستەرىنە كيلىككەن، عىلىم – تەحنيكا مەن ەكونوميكا جاقتارىندا الشاقتاۋ قاتارلى تاسىلدەر ارقىلى جۇڭگونى ۇيلەسىمدى يگىلىكتەنۋگە ءتيىستى دامۋ ۇقىعىنان ماحرۇم ەتپەك بولعان. زاڭ جوباسىندا ءوزىن عانا زور سانايتىن توڭمويىنىدىقپەن، جاڭالىق اشۋدىڭ جانە باسەكەنىڭ شىن ءمانىن بوس قيالمەن بۇرمالاعان. قازىر دۇنيە ءجۇزى الاساپىراندىققا، وزگەرىستەرگە تولى داۋىرگە ءدوپ كەلىپ وتىرعان جاعدايدا، قاي – قاشان دا جۇڭگونى «جاۋ ساناۋ» ارەكەتى دۇنيە ءجۇزىنىڭ زور جاعدايىمەن قايشى كەلەدى، جۇرت جۇرەگىنەن جول تابا المايدى، جەڭىلىسكە ۇشىرايتىنى داۋسىز.
مالىمدەمەدە مىنالار باسا دارىپتەلگەن: تايۋان ماسەلەسى — جۇڭگونىڭ مەملەكەتتىك يەلىك ۇقىعى مەن تەرريتوريا تۇتاستىعىنا ساياتىن، جۇڭگونىڭ وزەكتى مۇددەسىنە ساياتىن ءىس. زاڭ جوباسىنداعى تايۋانعا قاتىستى تارماقتار ءبىر جۇڭگو پرينسيپى مەن جۇڭگو مەن ا ق ش – نىڭ ءۇش رەتكى بىرلەسكەن مالىمدەمەسىندەگى بەلگىلەمەلەرگە اۋىر دارەجەدە قايشى كەلەدى. ءبىز ا ق ش پەن تايۋاننىڭ بيلىك باسىنداعىلاردىڭ ءارقانداي فورماداعى بارىس – كەلىس جاساۋىنا باتىل قارسى تۇرامىز. شينجياڭ، شيزاڭ، شياڭگاڭ قاتارلى جەرلەرگە قاتىستى ىستەر بۇكىلدەي جۇڭگونىڭ ىشكى ىستەرى، ءارقانداي مەملەكەتتىڭ كيلىگۋىنە جول بەرىلمەيدى.
مالىمدەمەدە مىنالار باسا دارىپتەلگەن: جۇڭگو بەيبىت دامۋ جولىمەن جۇرۋگە تاباندى بولادى، جۇڭگو حالقىنىڭ تاماشا تۇرمىسقا تالپىنۋ ۇقىعى قاستەرلى، وعان قول سۇعۋعا جول بەرىلمەيدى، ءارقانداي كۇشتەر جۇڭگو جۇڭگونىڭ يەلىك ۇقىعىنا، حاۋىپسىزدىگىنە، دامۋ مۇددەسىنە زيان جەتكىزەتىن زالالدى شىرعالارعا الدانادى دەپ ۇمىتتەنبەۋى كەرەك. جۇڭگو باستان – اياق قاقتىعىسپاۋ، قارسىلاسپاۋ، ءوزارا قۇرمەتتەۋ، سەلبەسە وتىرىپ، بىرگە يگىلىكتەنۋ سىندى جۇڭگو – ا ق ش قارىم – قاتىناسىن كوركەيتۋگە كۇش سالىپ كەلەدى. ءبىز ا ق ش پارلامەنتىن جۇڭگونىڭ دامۋى مەن جۇڭگو – ا ق ش قارىم – قاتىناسىنا وبيەكتيۆتىك تۇردە، بايسالدى پوزيتسيا ۇستانۋعا، اتالعان زاڭ جوباسىن قاراۋ ءۇردىسىن دەرەۋ توقتاتۋعا، جۇڭگونىڭ ىشكى ىستەرىنە كيلىگۋدى توقتاتۋعا، جۇڭگو – ا ق ش قارىم – قاتىناسى سىندى زور جاعداي مەن ەكى جاقتىڭ ماڭىزدى سالالارداعى سەلبەستىكتەرىن بۇلدىرمەۋگە قاتاڭ ۇندەيمىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
