مەملەكەتتىك ساياسي كەڭەس پارتيا سىرتىنداعى مۇشەلەردىڭ ارناۋلى كوزدەن كەشىرۋ قيمىلىن ورىستەتتى
ۋاڭ ياڭ قيمىلعا قاتىناستى ءارى ءسوز سويلەدى
2021.06.11 16:41 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 10 - كۇنى، حاربين (ءتىلشى لين حۇي). مەملەكەتتىك ساياسي كەڭەس تاياۋدا حيلۇڭجياڭدا «جاڭا داۋىردەگى شەكارانى گۇلدەندىرىپ، حالىقتى اۋقاتتاندىرۋ ارەكەتى» اتىنداعى پارتيا سىرتىنداعى مۇشەلەردىڭ ارناۋلى كوزدەن كەشىرۋ قيمىلىن ورىستەتتى، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ قيمىلعا قاتىناستى ءارى ءسوز سويلەدى. ول مىنالاردى دارىپتەدى: شەكارا وڭىرلەر − شەتەلدەرمەن بارىس كەلىس جاسايتىن ماڭىزدى قاقپا جانە ۇلتتار ىنتىماعى، العاباسارلىعىن جەبەيتىن ماڭىزدى شەپ، جاڭا داۋىردەگى شەكارانى گۇلدەندىرىپ، حالىقتى اۋقاتتاندىرۋ قىزمەتىن ويداعىداي ىستەۋ شەكارا وڭىرلەردىڭ ساپالى دامۋىن جەدەلدەتۋدە، بىرگە اۋقاتتانۋدى جەبەۋدە، تاتۋ كورشىلىك سەلبەستىكتى تەرەڭدەتۋدە ماڭىزدى مانگە يە. باس شۋجي شي جينپيڭنىڭ شەكارانى جونگە سالۋ جونىندەگى ماڭىزدى پايىمداۋلارىن جانە پارتيا ورتالىق كوميتەتىنىڭ شەشىمدەرى مەن ورنالاستىرۋلارىن مۇقيات ۇيرەنىپ، دايەكتىلەندىرىپ، شەكارانى گۇلدەندىرىپ، حالىقتى اۋقاتتاندىرۋ ارەكەتىن ىشكەرىلەي ىلگەرىلەتىپ، شەكارا وڭىرلەردىڭ دامۋ ساپاسى مەن دەڭگەيىن جاپپاي جوعارىلاتىپ، ءار ۇلت بۇقاراسىنىڭ ءوندىرىس، تۇرمىس شارت جاعدايىن ۇزدىكسىز جاقسارتىپ، ۇلتتار ىنتىماعىن، شەكارا ءوڭىردىڭ ورنىقتىلىعىن جەبەپ، شەكارا وڭىرلەردىڭ جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا قاتاردان قالماۋىنا، بىردە ءبىر ۇلتتىڭ قاتاردان قالماۋىنا كەپىلدىك ەتۋ كەرەك.
ۋاڭ ياڭ 6 - ايدىڭ 6 - كۇنىنەن 9 - كۇنىنە دەيىن پارتيا سىرتىنداعى 13 مۇشەدەن ەكى گرۋپپا ۇيىمداستىرىپ، حيحى، فۋيۋان، حۋلين، ميشانداعى شەكارانىڭ ءبىرىنشى شەبىنە بارىپ، شەكارا وڭىرلەردىڭ ەكونوميكالىق، قوعامدىق دامۋ جاعدايىن تەكسەرىپ، ۇلتتىق قىستاقتاردى ارالاپ، از ۇلت بۇقاراسىمەن امانداستى ءارى حاربيندە اڭگىمە ءماجىلىسىن اشىپ، قاتىستى جاقتاردىڭ جاعداي جونىندەگى تانىستىرۋىن تىڭداپ، كوزدەن كەشىرۋ اسەرى مەن قىزمەت ۇسىنىسى جونىندە پىكىر الماستىردى. مۇشەلەر ءبىر اۋىزدان: شەكارانى گۇلدەندىرىپ، حالىقتى اۋقاتتاندىرۋ ارەكەتى − جۇڭگو كوممۋنيستىك پارتياسىنىڭ شەكارانى جونگە سالۋدى كۇشەيتۋدەگى «ءمورال ينجەنەرياسى»، «حالىق تىلەگى ينجەنەرياسى» دەپ قاراپ، ج ك پ 18 - قۇرىلتايىنان بەرگى شەكارانى گۇلدەندىرىپ، حالىقتى اۋقاتتاندىرۋ ىستەرىندە قول جەتكىزىلگەن تاريحي تابىستاردى جوعارى باعالادى. مۇشەلەر شەكارانى گۇلدەندىرىپ، حالىقتى اۋقاتتاندىرۋ قىزمەتىن ونان ارى ويداعىداي ىستەۋدى ارقاۋ ەتىپ، ءتۇزىلىس، مەحانيزمدى كەمەلدەندىرۋ، ساياساتتىق قولداۋدى كۇشەيتۋ، سىرتقا ەسىك اشۋدى كەڭەيتۋ، دارىندىلاردى تاربيەلەۋدى جەدەلدەتۋ، نەگىزگى الەۋمەتتىك قىزمەت وتەۋدىڭ بىركەلكىلىگىن جەبەۋ سياقتى جاقتاردا پىكىر، ۇسىنىستار قويدى.
ۋاڭ ياڭ بىلاي دەپ دارىپتەدى: جاڭا داۋىردەگى شەكارانى گۇلدەندىرىپ، حالىقتى اۋقاتتاندىرۋ قىزمەتىنىڭ ساپالى دامۋىن ىلگەرىلەتۋدە شەكارا وڭىرلەردىڭ جاڭا دامۋ جاعدايىنا قىزمەت وتەۋ جانە ونىمەن توعىسۋ بارىسىنداعى ورنىن دۇرىس يگەرىپ، نەگىزدى بەكەمدەپ، ابزالدىقتى ساۋلەلەندىرىپ، ولقىلىقتاردى تولىقتاپ، ءالسىز بۋىنداردى كۇشەيتۋ كەرەك. اناعۇرلىم جوعارى دەڭگەيدەگى اشىق ەكونوميكانى قۇرىپ، جەرگىلىكتى جاعدايعا قاراي ەرەكشە ابزالدىققا يە كاسىپتەردى دامىتىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەپ جانە كەڭەيتىپ، ءار ۇلت بۇقاراسىنىڭ تابىس، باقىت سەزىمىن ۇزدىكسىز كۇشەيتۋ كەرەك. جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، شەكارا وڭىرلەردەگى ۇلت قىزمەتىن ويداعىداي ىستەۋدە تاباندى بولىپ، از ۇلتتاردىڭ تاڭداۋلى ءداستۇرلى مادەنيەتىنە مۇراگەرلىك ەتۋدى، ونى قورعاۋدى جانە جاڭالىق اشۋ نەگىزىندە دامىتۋدى ىلگەرىلەتىپ، ۇلتتار ىنتىماعى، العاباسارلىعىنداعى ۇلگىلى ءدالىز قۇرىپ، ۇلتتاردىڭ ارالاسۋ، ىشتەسۋ، توعىسۋ بارىسىندا بىرگە گۇلدەنىپ كوركەيۋدى، دامۋدى جۇزەگە اسىرۋىنا مۇمكىندىك جاساۋ كەرەك. پارتيانىڭ شەكارا رايون قىزمەتىنە باسشىلىعىن كۇشەيتىپ، شەكارا وڭىرلەردىڭ دامۋىن ءبىر تۇتاس جوسپارلاۋدى ويداعىداي ىستەپ، شەكارانى جاپپاي گۇلدەندىرىپ، حالىقتى اۋقاتتاندىرۋ قىزمەت مەحانيزمىن اقاۋسىزداندىرىپ، جەرگىلىكتى ورىنداردىڭ جاۋاپكەرلىگىن ناقتىلاندىرىپ، قۇدىرەتتى بىرىككەن كۇش توپتاۋ كەرەك.
ۋاڭ ياڭ بىلاي دەپ اتاپ كورسەتتى: پارتيا سىرتىنداعى مۇشەلەردىڭ ارناۋلى كوزدەن كەشىرۋى − ساياسي كەڭەس مەملەكەتتىك 13 - كەزەكتى كوميتەتىنىڭ پارتيا سىرتىنداعى مۇشەلەردىڭ ءوزىن ءوزى تاربيەلەۋىن، ءوزىن ءوزى جوعارىلاتۋىن جەبەۋدەگى جاڭالىق اشۋ شاراسى، حالىق ساياسي كەڭەسىنىڭ ۇكىمەت ىسىنە اقىل كەڭەس بەرۋدە جانە ورتاق تانىمدى ۇيىستىرۋدا تاباندى بولىپ، قوس باعىتتا كۇش سالۋداعى تۇزىمدىك ورنالاستىرۋى. امالياتتىق ىزدەنىس بارىسىندا تاجىريبەلەردى ۇزدىكسىز قورىتىندىلاپ، ارناۋلى كوزدەن كەشىرۋ قيمىلىن ويداعىداي دامىتۋدا تاباندى بولۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
