بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ساۋلە مەن كولەڭكەنى قيىستىرىپ، قىزىل حيكايانى ويداعىداي باياندادى

2021.06.16 16:05     كەلۋ قاينارى : شينجياڭ گازەتى

  سانجى قالالىق مادەنيەت سارايىنداعى ”جۋ شينگۇي شينجياڭ حالىقتىق كولەڭكە تەاتر كوركەمونەرى شەبەرلەرى قىزمەت بولمەسىندە“ ەكرانعا ساۋلە ءتۇسىرىلىپ، كولەڭكە تەاتر «التىن قارماق» ورىندالۋ ۇستىندە. ساۋلە مەن كولەڭكە قيىسىپ، كولەڭكە كەيىپكەرلەرى وقيعا جەلىسىنە قاراي قوزعالىپ، سەكىرىپ - شورشۋدا؛ پەردە ارتىندا كولەڭكە تەاترىنىڭ جالعاستىرۋشىسى بامبۋك تاياقشانى ويناتىپ، قوڭىر داۋىسپەن دىبىس بەرۋدە...

  5 - ايدىڭ 29 - كۇنى سانجى قالالىق مادەنيەت سارايى (سانجى قالالىق بەيزاتتىق مادەني مۇرالاردى قورعاۋ ورتالىعى) ”بەيزاتتىق مادەني مۇرا ارقىلى پارتيا تاريحىن ايگىلەۋ، مادەنيەت ارقىلى پارتيانىڭ قامقورلىعىن جىرلاۋ“ جەلىلەس ارالاپ ويىن قويۋ قيمىلىن ورىستەتۋگە ۇيىمداستىردى. ”بۇل مەنىڭ كولەڭكە تەاترىن تۇڭعىش رەت كورۋىم، وتە قىزىقتى ەكەن، كولەڭكە تەاتر فورماسىمەن پارتيا تاريحىن ۇيرەنۋ تاربيەسىن ورىستەتۋدەن تەرەڭ اسەر الدىم“، - دەدى سانجى قالالىق 3 - ورتا مەكتەپتىڭ وقىتۋشىسى جاڭ شيڭفاڭ.

  «التىن قارماقتا» قىزىل ارميانىڭ ۇزاق جورىق بارىسىندا اسپازشىلار بانىنداعى ساقا بانجاڭنىڭ ناۋقاستانىپ قالعان 3 جاس جاۋىنگەردى كۇتۋ مىندەتىن ويداعىداي ورىنداۋ ءۇشىن، ينەدەن قارماق جاساپ، امالىن تاۋىپ بالىق اۋلاپ، جابايى كوكونىس كوجەسىن قايناتىپ، 3 ناۋقاسقا جەگىزگەندىگى، جاس جاۋىنگەرلەردىڭ سازدى دالادان وتۋىنە كومەكتەسۋ جولىندا قۇربان بولعان اسەرلى حيكاياسى باياندالعان.

  اۆتونوميالى رايونىمىزداعى بەيزاتتىق مادەني مۇرا − شينجياڭ كولەڭكە تەاترىنىڭ جالعاستىرۋشىسى جۋ شينگۇيدىڭ قاراۋىنشا، كولەڭكە تەاترىنان پايدالانىپ قىزىل حيكايانى بايانداۋ ارقىلى پارتيا تاريحىن ۇيرەنۋ تاربيەسىن حالىق تۇرمىسىنا اناعۇرلىم جاناسىمدى ەتۋگە، جۇرت جۇرەگىنە تەرەڭ ۇيالاتۋعا بولادى.

  ”مەن «التىن قارماقتى» رەتتەۋ، دايىنداۋعا جانە كولەڭكە تەاترداعى كەيىپكەر وبرازدارىنا ماتەريال تاڭداۋعا، جاساۋعا بىرنەشە اي ۋاقىت جۇمسادىم“، - دەدى جۋ شينگۇي.

  كولەڭكە تەاتردان جاس جاۋىنگەرلەردىڭ قايتا - قايتا ”بانجاڭ، بانجاڭ“ دەپ شاقىرعان اسەرلى ءۇنىن ەستىگەندە، سول جەردە وتىرعان كورەرەمەندەر ەرىكسىز كوزدەرىنە جاس الدى. ”قارماق ارقىلى بانجاڭنىڭ ەرلىككە تولى بەلەستەرى ەستەلىككە الىنىپ، وسكەلەڭ توڭكەرىستىك رۋحتىڭ ماڭگى سونبەيتىندىگىنىڭ سيمۆولى بولعان“، - دەدى ساقا پارتيا مۇشەسى چىن يۋەيىڭ اسەرلەنە.

  ”بەيزاتتىق مادەني مۇرالاردىڭ كۇندەلىكتى تۇرمىسىمىزبەن توعىسقان كورىنىسى وسى زامانعى تۇرمىسقا ءسان قوسىپ، مادەنيەتتىك تۇتىنۋعا دەم بەردى“، - دەدى جۋ شينگۇي. تاياۋ جىلداردان بەرى ول كولەڭكە تەاترىن جالعاستىرۋعا، دامىتۋعا دەن قويىپ كەلەدى.

  ”باستابىندا ءبىز كوبىندە ءداستۇرلى تەاترلار مەن تاريحي حيكايالاردى قوياتىنبىز، ونى بالالار تۇسىنبەيدى دە، تاعاتسىزدانىپ وتىرا المايدى ەكەن“. جۋ شينگۇي بىلاي دەدى: ول «قوزىنىڭ كوپىردەن ءوتۋى»، «قوجاناسىردىڭ اڭگىمەسى»، «دۇڭ گو مىرزا مەن قاسقىر» سياقتى اڭگىمەلەردى ساحناعا الىپ شىعۋمەن بىرگە، بالالارعا كولەڭكە تەاتر تۋىندىلارىن وزدەرى قول سالىپ جاساۋدى ۇيرەتپەكشى، ”پارتيا مەن ۇكىمەتتىڭ قولداۋىندا ءبىز كولەڭكە تەاتر كورمەسى اپتالىعىن، كولەڭكە تەاترىن مەكتەپ اۋلاسىنا جەتكىزۋ قيمىلىن وتكىزىپ، ءتىپتى دە كوپ بالانىڭ ات سالىسۋىنا مۇمكىندىك جاسادىق“.

  قازىر جۋ شينگۇي سانجى قالاسىندا كولەڭكە تەاترىن ۇيرەنەتىن 40 بالانى تاربيەلەۋدە، ءار جىلى قىزمەت بولمەسىندەگى مۇشەلەرىمەن بىرگە نەگىزگى ساتىنى ارالاپ، تەگىن 100 نەشە مايدان ويىن قويىپ تۇرادى.

  ”ءبىز قازىر «قىزىل ايەلدەر قوسىنى»، اق شاشتى قىزدىڭ جەلىلەس حيكاياسى «كۇن شىقتى»، «سولتۇستىكتەن جەل ەستى» سىندى 20دان استام كولەڭكە تەاتردى جەدەل دايىنداپ جاتىرمىز، اۋىل - قىستاقتارعا، الەۋمەتتىك اۋماقتارعا، مەكتەپتەرگە ىشكەرىلەي بارىپ ويىن قويىپ، جاندى فورما، اسەرلى تۇستار ارقىلى قىزىل حيكايالاردى ويداعىداي باياندايمىز“، - دەدى جۋ شينگۇي.

جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار