بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ءبىر ۇشاقتاعى 25 ادامنىڭ نۋكلەين قىشقىلىن تەكسەرۋ ناتيجەسى بولىمدى بولعاندىقتان، بۇل اۋە جەلىسى ۋاقىتشا توقتاتىلدى

2021.06.18 14:10     كەلۋ قاينارى : حالىق تورابى

  6 – ايدىڭ 16 – كۇنى حالىقتىق اۆياتسيا مەكەمەسى جۇڭگو حالىقارالىق اۆياتسيا سەرىكتەستىگىنىڭ CA868 كەزەكشى ۇشاعىنا (يوحاننەسبۋرگ – شىنجىن) ۋاقىتشا توقتاتۋ بۇيرىعىن بەرىپ، بۇل اۋە جەلىسىندەگى ۇشاق قاتىناسىن ۋاقىتشا 4 اپتا توقتاتتى، توقتاتىلعان اۋە جەلىسىندەگى كەزەكشى ۇشاقتاردىڭ سانىن باسقا اۋە جەلىلەرىندە پايدالانۋعا بولمايدى.

  حالىقتىق اۆياتسيا مەكەمەسى جۇڭگو حالىقارالىق اۆياتسيا سەرىكتەستىگىنەن سول جەردەگى ەلشىلىك – كونسۋلدىق جەتەكشىلىگىندە، ەندى ۇشاتىن كەزەكشى ۇشاقتاردىڭ بەلەتىن العان جولاۋشىلاردى الاڭسىزداندىرۋ جانە ۇشاق بەلەتىن قايتارۋ – وزگەرتۋ قاتارلى قىزمەتتەردى ويداعىداي ىستەۋدى تالاپ ەتتى.

  اتالعان اۋە جەلىسىندە شەكارا سىرتىنان كەلگەندەردىڭ نۋكلەين قىشقىلىن تەكسەرۋ ناتيجەسى بولىمدى بولعان جاعداي جيىنى 32 رەت بولعان

  شىنجىن قالالىق دەنساۋلىق ساقتاۋ جانە سالاماتتىق كوميتەتىنىڭ حابارلاۋىنشا، 6 – ايدىڭ 15 – كۇنى ساعات نولدەن 24 كە دەيىن، شىنجىندا شەكارا سىرتىنان كەلگەن، دياگنوزى تۇراقتاندىرىلعان ناۋقاستاردىڭ سانى جاڭادان 13 ادام ارتقان، شەكارا سىرتىنان كەلگەن اۋرۋ بەلگىسى جوق جۇعىمدالۋشىلاردىڭ سانى جاڭادان 12 ادام ارتقان.

  جوعارىدا ايتىلعان شەكارا سىرتىنان كەلگەن، نۋكلەين قىشقىلىن تەكسەرۋ ناتيجەسى بولىمدى بولعاندار تۇگەلدەي 6 – ايدىڭ 10 – كۇنى CA868 كەزەكشى ۇشاعى ارقىلى وڭتۇستىك افريكانىڭ يوحاننەسبۋرگ قالاسىنان ەلىمىز شەكاراسىنا ءوتىپ، شىنجىنعا كەلۋشىلەر، شەكارادان وتكەن سوڭ دەرەۋ شوعىرلى اۋاشالاۋعا الىنعان. شوعىرلى اۋاشالاۋ بارىسىندا، 6 – ايدىڭ 15 – كۇنى كەزەكتى نۋكلەين قىشقىلىن تەكسەرۋ بارىسىندا، ولاردىڭ اراسىنداعى 25 ادامنىڭ نۋكلەين قىشقىلىن تەكسەرۋ ناتيجەسى بولىمدى بولعان، قالالىق اۋرۋدى تىزگىندەۋ ورتالىعى قايتالاي تەكسەرگەندە، تاعى دا بولىمدى بولعاندىقتان، ولار شىنجىن قالالىق 3 – حالىق ەمحاناسىنىڭ شۇعىل جاعدايلارعا توتەپ بەرۋ ەمحانا رايونىنا جوتكەلىپ، باقىلاۋعا الىنعان جانە ەمدەلگەن، بارلىق ناۋقاستاردىڭ جاعدايى ورنىقتى.

  دياگنوز ناتيجەسىنە قاراعاندا، جاڭا تيپتى ايدارشا ۆيرۋس وكپە قابىنۋ اۋرۋىنا شالدىقتى دەپ دياگنوز قويىلعان 13 ناۋقاستىڭ ىشىندە، 7 ادامنىڭ ناۋقاسى جەڭىل، 6 ادامنىڭ ناۋقاسى قالىپتى، بارلىعى جۇڭگو ازاماتى، توعىزى ەر، تورتەۋى ايەل؛ اۋرۋ بەلگىسى جوق 12 جۇعىمدالۋشىنىڭ ىشىندە توعىزى (7 ەر، 2 ايەل) جۇڭگو ازاماتى، ەكەۋى (ءبىر ەر، ءبىر ايەل) وڭتۇستىك افريكا ازاماتى، بىرەۋى (ەر) زيمبابۋە ازاماتى. قازىرگە دەيىن، اتالعان اۋە جەلىسىندە شەكارا سىرتىنان كەلگەندەردىڭ نۋكلەين قىشقىلىن تەكسەرۋ ناتيجەسى بولىمدى بولعان جاعداي جيىنى 32 رەت بولعان.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار