بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شي جينپيڭ ورتالىق رەفورمانى جاپپاي تەرەڭدەتۋ كوميتەتىنىڭ 20 - رەتكى ءماجىلىسىن باسقارىپ اشقاندا مىنانى دارىپتەدى

جاڭا دامۋ جاعدايىن قالىپتاستىرۋعا ءبىر تۇتاس جوسپارلاپ جەتەكشىلىك ەتىپ، تۇقىم شارۋاشىلىعىنىڭ كوركەيۋىن ىلگەرىلەتۋ، چيڭحاي - شيزاڭ ءۇستىرتىنىڭ ەكولوگيالىق ورتاسىن قورعاۋدى جانە باياندى دامىتۋدى جەبەۋ كەرەك

لي كىچياڭ، ۋاڭ حۋنيڭ، حان جىڭ ماجىلىسكە قاتىناستى

2021.07.12 14:43     كەلۋ قاينارى : حالىق تورابى

  شينحۋا اگەنتتىگى، 7 - ايدىڭ 9 - كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىق رەفورمانى جاپپاي تەرەڭدەتۋ كوميتەتىنىڭ مەڭگەرۋشىسى شي جينپيڭ 7 - ايدىڭ 9 - كۇنى تۇستەن كەيىن ورتالىق رەفورمانى جاپپاي تەرەڭدەتۋ كوميتەتىنىڭ 20 - رەتكى ءماجىلىسىن باسقارىپ اشىپ، «جاڭا دامۋ جاعدايىن جەدەل قالىپتاستىرۋ جونىندەگى جەتەكشى پىكىردى»، «تۇقىم شارۋاشىلىعىن كوركەيتۋ ارەكەت جوباسىن»، «چيڭحاي - شيزاڭ ءۇستىرتىنىڭ ەكولوگيالىق ورتاسىن قورعاۋ جانە باياندى دامىتۋ جوباسىن»، «ەركىن ساۋدا سىناق رايونىنىڭ ساۋداعا، قارجى قوسۋعا قولايلىلىق جاساۋ رەفورماسىن، جاڭالىق اشۋدى ىلگەرىلەتۋ جونىندەگى ءبىرقانشا شارانى» قاراپ ماقۇلدادى.

  شي جينپيڭ ءماجىلىستى باسقارىپ اشقاندا بىلاي دەپ دارىپتەدى: جاڭا دامۋ جاعدايىن جەدەل قالىپتاستىرۋ − ءبىزدىڭ بولاشاقتاعى دامۋدىڭ ىرىقتىلىق ۇقىعىن يگەرۋىمىزدەگى ستراتەگيالىق شارا، بولجاۋعا بولاتىن جانە بولجاۋعا بولمايتىن ءتۇرلى تار جول، تايعاق كەشۋلەر بارىسىندا ءومىر ءسۇرۋ قۋاتىمىزدى، باسەكە قۋاتىمىزدى، دامۋ قۋاتىمىزدى، باياندىلىق قۋاتىمىزدى ارتتىرۋ ءۇشىن، قايسار كۇرەس جىگەرى مەن ستراتەگيالىق تاباندىلىقتى ساقتاۋدى قاجەت ەتەتىن قامال الۋ شايقاسى، ۇزاققا سوزىلاتىن شايقاس بولىپ تابىلادى، سانالىلىقپەن ءوز ءوڭىرىنىڭ، ءوز تاراۋىنىڭ قىزمەتىن جاڭا دامۋ جاعدايىن قالىپتاستىرۋعا ەنگىزىپ ءبىر تۇتاس ويلاستىرىپ جانە جوسپارلاپ، اناعۇرلىم بەرىك يدەيالىق سانالىلىق، ءدال دە ناقتى شارا، شىنايى يگەرىپ، ناقتى ىستەيتىن ارىن ارقىلى جاڭا دامۋ جاعدايىن قالىپتاستىرۋدى ىلگەرىلەتۋدە تىڭعىلىقتى ناتيجەلەرگە قول جەتكىزۋ كەرەك. اۋىل شارۋاشىلىعىن وسىزامانداندىرۋدا تۇقىم − نەگىز، ءسوز جوق، ۇلتتىق تۇقىم شارۋاشىلىعىن كوركەيتىپ، تۇقىم قاينارى حاۋىپسىزدىگىن مەملەكەت حاۋىپسىزدىگىنە ساياتىن ستراتەگيالىق دەڭگەيگە كوتەرىپ، كۇشتى شوعىرلاندىرا وتىرىپ قيىن ماسەلەلەردى شەشىپ، ولقىلىقتاردى تولىقتاپ، ابزالدىقتاردى نىعايتىپ، حاۋىپ - قاتەردى تىزگىندەپ، تۇقىم شارۋاشىلىعى عىلىم - تەحنيكاسىندا ءوز كۇشىنە سۇيەنىپ، ءوزىن - ءوزى الۋەتتەندىرۋدى، تۇقىم قاينارىندا ءوزىن - ءوزى مەڭگەرە الاتىن بولۋدى جۇزەگە اسىرۋ كەرەك. جۇڭحۋا ۇلتىنىڭ ءومىر ءسۇرۋى مەن دامۋىن قامتاماسىزداندىرۋدىڭ تاريحي دەڭگەيىندە تۇرىپ، تاريحقا جاۋاپتى بولۋ، حالىققا جاۋاپتى بولۋ، دۇنيە جۇزىنە جاۋاپتى بولۋ پوزيتسياسىندا تاباندى بولىپ، چيڭحاي - شيزاڭ ءۇستىرتىنىڭ ەكولوگيالىق ورتاسىن قورعاۋ جانە باياندى دامىتۋ قىزمەتىن ويداعىداي يگەرۋ كەرەك. جوعارى دەڭگەيدە سىرتقا ەسىك اشۋدى ارقاۋ ەتىپ، حالىقارا، ەل ءىشى سىندى ەكى بازاردان، ەكى ءتۇرلى بايلىقتان تولىق پايدالانىپ، جوعارى ولشەمدەگى حالىقارالىق ەكونوميكا - ساۋدا ەرەجەسىنە ساپ تۇزەپ، تۇزىمدە جاڭالىق اشۋدى بەلسەنە ىلگەرىلەتىپ، ەركىن ساۋدا سىناق رايونىنىڭ ساپالى دامۋىن اناعۇرلىم كۇشتى سەرپىنمەن جوسپارلاۋ جانە ىلگەرىلەتۋ كەرەك.

  ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى، ورتالىق رەفورمانى جاپپاي تەرەڭدەتۋ كوميتەتى مەڭگەرۋشىسىنىڭ ورىنباسارلارى لي كىچياڭ، ۋاڭ حۋنيڭ، حان جىڭ ماجىلىسكە قاتىناستى.

  ءماجىلىس مىنالاردى اتاپ كورسەتتى: پارتيا ورتالىق كوميتەتى جاڭا دامۋ جاعدايىن جەدەل قالىپتاستىرۋ شەشىمىن، ورنالاستىرۋىن جاساعاننان بەرى وڭىرلەر، تاراۋلار بەلسەنە ىزدەنىس جاساپ، ىرىقتىلىقپەن ىسكەرلىك كورسەتىپ، عىلىم - تەحنيكادا ءوز كۇشىنە سۇيەنىپ، ءوزىن - ءوزى الۋەتتەندىرۋدى جەدەلدەتۋ، ەكونوميكالىق اينالىمنىڭ ىركىلىسسىزدىگىن جەبەۋ، ىشكى سۇرانىستى كەڭەيتۋ، جاسىل دامۋدى ىلگەرىلەتۋ، جوعارى دەڭگەيدە سىرتقا ەسىك اشۋ سياقتى جاقتاردا قىرۋار قىزمەت ىستەدى، باستاماسى جاقسى بولدى. سونىمەن بىرگە، مىقتى يگەرىپ شەشۋدى جانە جەڭۋدى قاجەت ەتەتىن كوپتەگەن كورنەكتى ماسەلەگە دە تاپ بولدى.

  ءماجىلىس مىنالاردى دارىپتەدى: ماسەلەنى باعدار ەتۋدە تاباندى بولىپ، باعىتتامالىلىق پەن يكەمدىلىكتى كورنەكتىلەندىرىپ، ناعىز ماڭىزدى ءتۇيىندى، بوگەتتى ءتۇيىندى، قيىن ءتۇيىندى تاڭداپ شوعىرلى تۇردە قامال الىپ، قامال الۋ شايقاسى مەن كەشەندى شارانى ويداعىداي جۇرگىزىپ، ماڭىزدى تۇيىندە سەرپىلىس جاساۋ ارقىلى دامۋ ارناسىنداعى ستراتەگيالىق بۇرىلىسقا جەتەكشىلىك ەتۋ كەرەك. قامداۋ جاعىنداعى قۇرىلىمدىق رەفورمانى ۇزدىكسىز تەرەڭدەتىپ، ماڭىزدى سالالار مەن شەشۋشى بۋىندارداعى رەفورمانى ءبىر تۇتاس جوسپارلاپ ىلگەرىلەتىپ، بايلىقتى جايعاستىرۋ ونىمدىلىگىن جوعارىلاتۋعا پايدالى، بۇكىل قوعامنىڭ بەلسەندىلىگىن جۇمىلدىرۋعا پايدالى كەلەلى رەفورمالاردى كۇشەيتۋ كەرەك. ىشكى سۇرانىستى قاناعاتتاندىرۋدى، حالىقتىڭ تۇرمىس ساپاسىن جاقسارتۋدى اناعۇرلىم كورنەكتى ورىنعا قويىپ، حالىق بۇقاراسىنىڭ تابىس سەزىمىنە، باقىت سەزىمىنە، حاۋىپسىزدىك سەزىمىنە اناعۇرلىم كوبىرەك نازار اۋدارۋ كەرەك. بۇكىل ەل ءبىر تۇتاس جۇيە بولۋدا تاباندى بولىپ، ورتالىقتىڭ، جەرگىلىكتى ورىنداردىڭ جانە ءارقايسى جاقتىڭ بەلسەندىلىگىن اناعۇرلىم ويداعىداي ساۋلەلەندىرىپ، تاراۋلاردىڭ جوعارى ونىمدىلىكپەن بىرلەسىپ قيمىلداۋىن، وڭىرلەردىڭ سايكەستى دامۋىن ىلگەرىلەتۋ كەرەك. ءبىر تۇتاس جوسپارلاپ جەتەكشىلىك ەتۋدى كۇشەيتىپ، جەرگىلىكتى ورىندار مەن تاراۋلاردى جاڭا دامۋ جاعدايىنا قىزمەت وتەۋدىڭ جانە ونىمەن توعىسۋدىڭ كىرىسۋ ءتۇيىنىن ءدال تاۋىپ، بۇكىل ەلدىڭ جاڭا دامۋ جاعدايىنا ويداعىداي قىزمەت وتەۋگە جانە ونىمەن توعىسۋعا قۋزاۋ كەرەك، ءىس جۇزىندىكتەن الشاقتاپ البارىندى بولۋعا استە بولمايدى، ناتيجە شىعارۋ ءۇشىن شارت - جاعدايمەن ساناسپاي بارلىعىن ىستەيمىن دەۋگە ءتىپتى دە بولمايدى. تومەنگى شەكتە ويلاۋدى كۇشەيتىپ، ءتۇيىندى سالالارداعى كومەسكى حاۋىپ - قاتەردەن ءونىمدى تۇردە ساقتانىپ جانە وعان توتەپ بەرىپ، جاڭا دامۋ جاعدايىن قالىپتاستىرۋدىڭ حاۋىپسىزدىك تومەنگى شەگىن ساقتاۋ كەرەك.

  ءماجىلىس مىنالاردى اتاپ كورسەتتى: سوڭعى جىلدارى ەلىمىزدىڭ تۇقىم شارۋاشىلىعىنىڭ دامۋىندا وتە زور العا باسۋشىلىق بولىپ، استىق جانە ماڭىزدى اۋىل شارۋاشىلىعى ونىمدەرىنىڭ ءتۇسىمىن ورنىقتىرۋعا، قامداۋعا كەپىلدىك ەتۋگە ماڭىزدى ۇلەس قوستى، ءبىراق تۇقىم شارۋاشىلىعى دامۋىنىڭ نەگىزى ءالى دە بەرىك ەمەس، تۇقىم قاينارىندا ءوزىن - ءوزى مەڭگەرە الاتىن بولۋدى قامتاماسىز ەتۋ بۇرىنعى ءارقانداي كەزدەگىدەن دە اناعۇرلىم كوكەي تەستى بولىپ وتىر، استىق حاۋىپسىزدىگى سىندى ارقاۋدى بۇرىنعى ءارقانداي كەزدەگىدەن دە اناعۇرلىم مىقتاپ شيراتۋ كەرەك بولىپ وتىر.

  ءماجىلىس مىنالاردى دارىپتەدى: تۇقىمدىق زات بايلىعىنىڭ نەگىزىن بەكەمدەپ، بايلىقتى جاپپاي تەكسەرىپ جيناۋ، ساراپتاپ باعالاۋ قىزمەتىن ويداعىداي ىستەپ، شىن مانىندە ويداعىداي قورعاۋ، ويداعىداي پايدالانۋ كەرەك. نەگىزدىك، الدىڭعى لەكتىك زەرتتەۋلەردى كۇشەيتىپ، اۋىل شارۋاشىلىعى بيولوگيالىق تۇقىم جەتىلدىرۋ كەلەلى عىلىم - تەحنيكا نىسانىن جەدەل اتقارىپ، تۇقىم قاينارىنا ساياتىن شەشۋشى، وزەكتى تەحنيكالاردان قامال الۋدى ورىستەتىپ، «تۇقىمدى وڭتۇستىكتە جەتىلدىرۋدەگى كرەمنيلى اڭعار» سياقتى جاسامپازدىق بازالارى قۇرىلىسىن تىڭعىلىقتى ىلگەرىلەتۋ كەرەك. كاسىپورىنداردىڭ جاڭالىق اشۋداعى تۇلعالىق ورنىن كۇشەيتىپ، ءبىلىم مەنشىگى ۇقىعىن قورعاۋدى كۇشەيتىپ، شارۋاشىلىق - ساۋدا ورتاسىن ساپالىلاندىرىپ، بايلىق، تەحنيكا، دارىندى، كاپيتال سياقتى ماڭىزدى فاكتورلاردى ءتۇيىندى، ابزالدىققا يە كاسىپورىندارعا شوعىرلانۋعا جەتەكتەۋ كەرەك. زاڭ، ەكونوميكا، تەحنيكا، اكىمشىلىك سياقتى كوپ ءتۇرلى تاسىلدەردەن جان - جاقتى پايدالانىپ، جالپى تىزبەكتىك، جالپى بارىستىق باقىلاۋ - باسقارۋدى جولعا قويىپ، جالعان، جاراقسىز ءونىم شىعارۋ، وزگەنىڭ ماركاسىنان پايدالانىپ ۇقىققا قول سۇعۋ سياقتى كورنەكتى ماسەلەلەرگە سىلەيتە سوققى بەرىپ، ۇقىققا قول سۇعۋشىلارعا اۋىر بوداۋ بەرگىزۋ كەرەك. ۇيىمدىق باسشىلىقتى كۇشەيتىپ، ءار دارەجەلى پارتكومدار مەن ۇكىمەتتەردىڭ جاۋاپكەرلىگىن ايقىنداپ، ۇزاق بولاشاقتىق جوبانى ويداعىداي جاساپ، ۇزاق ۋاقىت تۇراقتى قولداۋ كورسەتىپ، ءبىر تۇتاس جوسپارلاپ سايكەستىرۋدى كۇشەيتىپ، قايتالامالى قۇرىلىستان ساقتانۋ كەرەك.

  ءماجىلىس مىنالاردى اتاپ كورسەتتى: پارتيانىڭ 18 - قۇرىلتايىنان بەرى ءبىز شيزاڭنىڭ ەكولوگيالىق حاۋىپسىزدىك قالتقىسى، ءۇش وزەن قاينارى، چيليان تاۋى سياقتى ءتۇيىندى وڭىرلەردىڭ ەكولوگياسىن قورعاۋدى، قالپىنا كەلتىرۋدى جاپپاي ورىستەتىپ، ەكولوگيانى قورعاۋ بويىنشا تولىقتاما تولەم بەرۋ جانە اۋدارىپ تولەۋ سەرپىنىن ارتتىرىپ، چيڭحاي - شيزاڭ ءۇستىرتىنىڭ نەگىزدىك قۇرىلعىلار قۇرىلىسىن جەدەلدەتىپ، كەدەيلىكتەن ارىلتۋدان قامال الۋدى زور كۇشپەن ىلگەرىلەتىپ، چيڭحاي - شيزاڭ ءۇستىرتى ەكولوگياسىنىڭ ناشارلاۋ اۋقىمىن ءونىمدى تۇردە تەجەپ، ءوڭىردىڭ باياندى ورنىقتىلىعى مەن جەدەل دامۋىن جەبەدىك.

  ءماجىلىس مىنالاردى دارىپتەدى: قورعاۋدى الدىڭعى ورىنعا قويۋدا تاباندى بولىپ، ەكولوگيالىق ورتانى قورعاۋدى وڭىرلىك دامۋدىڭ نەگىزگى العى شارتى جانە بۇلجىماس تەجەمى ەتىپ، تاۋ، سۋ، ورمان، ەگىنجاي، كول، جايىلىم، ءشول، مۇزدىقتى جۇيەلى جونگە سالۋدا تاباندى بولىپ، ەكولوگيالىق حاۋىپسىزدىكتىڭ قىزىل شەگىن قاتاڭ ساقتاۋ كەرەك. جاسىل دامۋدا تاباندى بولىپ، چيڭحاي - شيزاڭ ءۇستىرتىنىڭ وزگەشە بايلىق ابزالدىعىن تياناق ەتىپ، ۇيلەسىمدى ەكونوميكالىق دامۋ ۇلگىسىن ءدال تاۋىپ، ءۇستىرت ەرەكشەلىگىنە يە كاسىپ سالالارىن زور كۇشپەن دامىتىپ، جاڭادان گۇلدەنگەن كاسىپ سالالارىن بەلسەنە جەتىلدىرىپ، ەكولوگياسى تاماشا، جاسىل، تومەن كومىرتەكتى، ءۇستىرت ەرەكشەلىگىنە يە ساپالى دامۋ جولىمەن ءجۇرۋ كەرەك. حالىقتى وزەك ەتۋدە تاباندى بولىپ، بۇقارا كوڭىل ءبولىپ وتىرعان جۇمىستانۋ، كىرىس ءبولىسى، وقۋ - اعارتۋ، ەمدەۋ، قارتتاردى كۇتىمدەۋ سياقتى ماسەلەلەردى ءبىر تۇتاس جوسپارلاپ ويداعىداي شەشىپ، ءار ۇلت بۇقاراسىن دۇرىس مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ءدىن كوزقاراسىن ورناتۋعا جەتەكتەپ، جۇڭحۋا ۇلتى ورتاق تۇلعا تانىمىن بەرىك ورناتۋ كەرەك. تومەنگى شەكتى ويداعىداي ساقتاۋدا تاباندى بولىپ، مەملەكەت حاۋىپسىزدىگىنە ساياتىن ءتۇرلى حاۋىپ - قاتەردى ۇيلەسىمدى ءبىر جاقتى ەتىپ، ودان ساقتانىپ جانە جويىپ، شەكارا ءوڭىر تىنىش جانە ىنتىماقتى بولعان، دامىعان تاماشا جاعدايدى شىن مانىندە قورعاۋ كەرەك.

  ءماجىلىس مىنالاردى اتاپ كورسەتتى: پارتيانىڭ 18 - قۇرىلتايىنان بەرى ءبىز ىركەس - تىركەس 21 ەركىن ساۋدا سىناق رايونىن ورنالاستىرىپ، بارلىق جاقتى قامتىعان سىناق ءتۇيىنى ارناسىن قالىپتاستىرىپ، زور توپتاعى جوعارى دەڭگەيلى تۇزىمدىك جاڭالىق جاراتۋ جەتىستىكتەرىن جارىققا شىعارىپ، دۇنيە جۇزىندە وزىق دەڭگەيدەگى ءبىر توپ كاسىپ سالاسى شوعىرىن قۇرىپ شىعىپ، ساپالى دامۋعا ماڭىزدى ۇلەس قوستىق. جوعارى دەڭگەيدەگى تۇزىمدىك ەسىك اشۋدى ىشكەرىلەي ىلگەرىلەتىپ، ەركىن ساۋدا سىناق رايونىنا رەفورمادا اناعۇرلىم زور وزىندىك بيلىك بەرىپ، رەفورما جاساۋدىڭ، جاڭالىق اشۋدىڭ جۇيەلى شوعىرلانۋىن كۇشەيتىپ، ەسىك اشۋ مەن حاۋىپسىزدىكتى ءبىر تۇتاس جوسپارلاپ، دەر كەزىندە تاجىريبە قورىتىندىلاپ جانە كوشىرىپ جاساپ، جالپىلاستىرىپ، حالىقارالىق ىقپال قۋاتىنا جانە باسەكەلىك قۋاتىنا يە ەركىن ساۋدا باقشا رايونىن قۇلشىنا قۇرىپ، رەفورما جاساۋ، ەسىك اشۋ اتويشىلارىنىڭ ۇلگى بولۋ، جەتەكتەۋ رولىن ويداعىداي ساۋلەلەندىرۋ كەرەك.

  ورتالىق رەفورمانى جاپپاي تەرەڭدەتۋ كوميتەتىنىڭ مۇشەلەرى ماجىلىسكە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار ماجىلىسكە سىرتتاي قاتىناستى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار