بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتاۋ قيمىلىن قورىتىندىلاۋ ءماجىلىسى بەيجيڭدە وتكىزىلدى

2021.07.14 16:20     كەلۋ قاينارى : حالىق تورابى


  شي جينپيڭ قۇتتىقتاۋ قيمىلىنىڭ دايىندىق قىزمەتىنە قاتىناسقان ءار جاقتىڭ ۋاكىلدەرىمەن ىقىلاسپەن كەزدەستى

  ءماجىلىس شي جينپيڭنىڭ قۇتتىقتاۋ قيمىلى جونىندەگى ماڭىزدى ءسوزىن جەتكىزىپ، ءسوزدىڭ رۋحىن ۇيرەنۋ، دايەكتىلەندىرۋ جونىندە ورنالاستىرۋ جاسادى

  لي كىچياڭ، ۋاڭ ياڭ، جاۋ لىجي، حان جىڭ كەزدەسۋدە بىرگە بولدى، ۋاڭ حۋنيڭ كەزدەسۋدە بىرگە بولدى ءارى قورىتىندى ماجىلىسىندە ءسوز سويلەدى

  «حالىق گازەتى»، 7 - ايدىڭ 13 - كۇنى، بەيجيڭ. جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتاۋ قيمىلىن قورىتىندىلاۋ ءماجىلىسى 7 - ايدىڭ 13 - كۇنى تۇستەن بۇرىن بەيجيڭدە وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ حالىق سارايىندا قۇتتىقتاۋ قيمىلىنىڭ دايىندىق قىزمەتىنە قاتىناسقان ءار جاقتىڭ ۋاكىلدەرىمەن ىقىلاسپەن كەزدەسىپ، ولارعا شىن جۇرەكتەن العىس ايتىپ جانە شىنايى حال سۇراپ، ولاردىڭ قاجىرلى قىزمەتى مەن ۇزدىك ناتيجەسىن تولىق تۇراقتاندىرىپ، كوپشىلىكتى قايراتتانا العا ۇمتىلىپ، تاعى دا تاماشا ناتيجە جاراتۋعا شابىتتاندىردى.

  ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، ۋاڭ ياڭ، جاۋ لىجي، حان جىڭ كەزدەسۋدە بىرگە بولدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى ۋاڭ حۋنيڭ كەزدەسۋدە بىرگە بولدى ءارى قورىتىندى ماجىلىسىندە ءسوز سويلەدى.

  7 - ايدىڭ 13 - كۇنى تۇستەن بۇرىن حالىق سارايىنىڭ سولتۇستىك زالىندا شىراقتار سامالاداي جارقىراپ، دۋماندى بەينەگە شومدى. ساعات 11 مولشەرىندە شي جينپيڭ قاتارلىلار وسى اراعا كەلگەندە، زالدان دۋ قول شاپالاق ءۇنى كوتەرىلدى. شي جينپيڭ قاتارلىلار ۋاكىلدەردىڭ اراسىنا بارىپ، كوپشىلىكپەن ىقىلاسپەن اڭگىمەلەستى ءارى ەستەلىك سۋرەتكە ءتۇستى.

  بىرنەشە كۇننىڭ الدىندا شي جينپيڭ ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسىن باسقارىپ اشىپ، قۇتتىقتاۋ قيمىلىنىڭ قورتىندى بايانداماسىن ارناۋلى تىڭدادى ءارى ماڭىزدى ءسوز سويلەدى. شي جينپيڭ مىنالاردى دارىپتەدى: جۇڭگو كوممۋنيستىك پارتياسى قۇرىلعانىنىڭ 100 جىلدىعىن سالتاناتپەن قۇتتىقتاۋ − پارتيا ورتالىق كوميتەتىنىڭ جالپى جاعداي جانە ستراتەگيالىق تۇرعىدان جاساعان كەلەلى ورنالاستىرۋى، پارتيا مەن مەملەكەتتىڭ ساياسي ومىرىندەگى ءىرى ءىس. پارتيا ورتالىق كوميتەتىنىڭ پارمەندى باسشىلىعىندا جانە ءار دارەجەلى ورىنداردىڭ، ءار جاقتىڭ بىرگە قۇلشىنۋىندا قۇتتىقتاۋ قيمىلى سالتاناتتى، ايبىندى، دابىرالى، رەتتى، مەرەيلى، بەرەكەلى وتكىزىلىپ، سالت سەزىمىن، ات سالىسۋ سەزىمىن، وسى زامان سەزىمىن تولىق بەينەلەپ، جۇڭگو ەرەكشەلىگىن، جۇڭگو ستيلىن، جۇڭگو ايبىنىن ايگىلەپ، يدەيانى بىرلىككە كەلتىرۋ، كۇش - قۋاتتى ۇيىستىرۋ، جۇرت كوڭىلىن جەلپىندىرۋ، جىگەردى تاسقىنداتۋ رولىن اتقارىپ، كوزدەگەن ماقساتقا تولىق جەتتى.

  شي جينپيڭ بىلاي دەپ اتاپ كورسەتتى: وسى رەتكى قۇتتىقتاۋ قيمىلى شارپيتىن ورىندار كوپ، قاتىناسۋشىلار وتە كوپ سالادان كەلگەن، ۋاقىت ارالىعى ۇزاق، سايكەستىرۋ قيىندىعى زور، قۇتتىقتاۋ قيمىلىنا باسشىلىق ەتۋ گرۋپپاسى مەن ونىڭ قىزمەت قۇرىلىمدارى، قاتىستى جاقتار جانە جەر - جەر، تاراۋلار پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، جوعارى ولشەممەن جوبالاپ، جوعارى دەڭگەيدە سايكەستىرىپ، جوعارى دەڭگەيدە اتقارىپ، اسا ناتيجەلى قىزمەتتەر ىستەپ، قۇتتىقتاۋ قيمىلىن پارتيانىڭ سالتاناتىنا، حالىقتىڭ مەرەكەسىنە اينالدىردى.

  شي جينپيڭ مىنالاردى دارىپتەدى: قۇتتىقتاۋ قيمىلىنىڭ تۇلعالىق قىزمەتى تابىسپەن اياقتادى، الايدا قيمىلدىڭ جەتىستىكتەرىن تەرەڭدەتۋ، كەڭەيتۋ جاعىندا ءالى دە كوپتەگەن قىزمەت ىستەۋگە تۋرا كەلەدى. قۇتتىقتاۋ قيمىلىنىڭ تاسقىنداعان قىزعىندىلىعى مەن قۇدىرەتتى وڭ ەنەرگياسىنان تولىق پايدالانىپ، جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ قۇدىرەتتى كۇشىن توپتاۋ كەرەك. 100 جىلدىق پارتيا تاريحىنىڭ ۇنامدى - ۇنامسىز جاقتارداعى تاجىريبەلەرىن ىشكەرىلەي قورىتىندىلاپ، تاريحي اقىل - پاراساتتى ۇيرەنۋ، قولدانۋ بارىسىندا تاريحي سانالىلىقتى جوعارىلاتىپ، تاريحي ىرىقتىلىقتى يگەرۋ كەرەك. تاريحي جانە جالپى جاعداي تۇرعىسىنان پارتيانى اناعۇرلىم قۇدىرەتتى، پارمەندى ەتىپ قۇرىپ شىعىپ، پارتيانىڭ باستان - اياق جۇڭگوشا سوتسياليزم ىستەرىنىڭ باسشىلىق ۇيىتقىسى بولۋىنا شىنايى كەپىلدىك ەتۋ كەرەك. دۇنيە جۇزىنە جۇڭگو كوممۋنيستىك پارتياسىنىڭ حيكاياسىن اناعۇرلىم جاقسى بايانداپ، پارتيامىز بەن مەملەكەتىمىزدىڭ حالىقارالىق ىقپالىن ءونىمدى تۇردە جوعارىلاتۋ كەرەك. قۇتتىقتاۋ قيمىلىنداعى تابىستى تاجىريبەلەردى ويداعىداي قورىتىندىلاپ جانە ودان ۇتىمدى پايدالانىپ، جۇڭگوشا سوتسياليستىك ۇلكەن پارتيانىڭ، ۇلكەن مەملەكەتتىڭ سالت ءتۇزىمىن ۇزدىكسىز بايىتۋ، كەمەلدەندىرۋ كەرەك.

  شي جينپيڭ بىلاي دەپ اتاپ كورسەتتى: قۇتتىقتاۋ قيمىلىنىڭ سوڭعى قىزمەتتەرىن ويداعىداي ىستەۋمەن ۇشتاستىرىپ، قۇتتىقتاۋ قيمىلىنىڭ جەتىستىكتەرىن جاپپاي تەرەڭدەتىپ، كەڭەيتىپ، ءتۇرلى قىزمەتتەردى كۇش سالا ىلگەرىلەتىپ، «14 – بەسجىلدىق» جوبا مەن ەكىنشى 100 جىلدىق كۇرەس نىساناسىندا جاقسى باستاما باستاۋعا، جاقسى قادام تاستاۋعا كەپىلدىك ەتۋ كەرەك.

  ءماجىلىس شي جينپيڭنىڭ ورتالىق كوميتەت ساياسي بيۋروسى تۇراقتى كوميتەتىنىڭ ماجىلىسىندە سويلەگەن ماڭىزدى ءسوزىن جەتكىزدى.

  ۋاڭ حۋنيڭ ماجىلىستە مىنالاردى اتاپ كورسەتتى: باس شۋجي شي جينپيڭنىڭ ماڭىزدى سوزىندە پارتيا قۇرىلعانىنىڭ 100 جىلدىعىن قۇتتىقتاۋ قيمىلىنىڭ ءساتتى وتكىزىلۋىنىڭ كەلەلى ءمانى تەرەڭ پايىمدالىپ، قۇتتىقتاۋ قيمىلىنىڭ دايىندىق قىزمەتى تولىق تۇراقتاندىرىلىپ، قۇتتىقتاۋ قيمىلىنىڭ جەتىستىكتەرىن كەڭەيتۋ جونىندە ايقىن تالاپتار قويىلدى، ءبىز مۇقيات ۇيرەنىپ، ءتۇسىنىپ، دايەكتى تياناقتاندىرۋدى مىقتى يگەرۋىمىز كەرەك. قۇتتىقتاۋ قيمىلىنىڭ ءساتتى وتكىزىلۋى − شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ناتيجەسى، جەر - جەردىڭ، تاراۋلاردىڭ، قوعامنىڭ ءار سالاسىنىڭ جانە حالىق بۇقاراسىنىڭ زور كۇشپەن قولداۋىنىڭ ناتيجەسى، قىزمەت قۇرىلىمدارى مەن بارلىق قاتىناسۋشىلاردىڭ بىرگە قۇلشىنۋىنىڭ ناتيجەسى، تابىستى ادىستەر مەن تاجىريبەلەردى مۇقيات قورىتىندىلاپ، قۇتتىقتاۋ قيمىلىنىڭ جەتىستىكتەرىن بەكەمدەۋ جانە كەڭەيتۋ كەرەك. باس شۋجي شي جينپيڭنىڭ «1 – شىلدەدەگى» ماڭىزدى ءسوزىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى تەرەڭدەتىپ، پارتيا تاريحىن ۇيرەنۋ تاربيەسىن ىشكەرىلەي ىلگەرىلەتىپ، پارتيا تاريحى تاقىرىپتىق كورمەسى سياقتى قيمىلداردى ۇزدىكسىز ويداعىداي وتكىزىپ، قۇتتىقتاۋ قيمىلىنىڭ جەتىستىكتەرىن ۇگىتتەۋ قىزمەتىن ويداعىداي ىستەپ، قالىڭ پارتيا مۇشەلەرىن، كادرلاردى، بۇقارانى قۇتتىقتاۋ قيمىلىنىڭ تاسقىنداعان ىنتاسىن جاۋاپكەرلىك ارقالاپ، ىسكەرلىك كورسەتۋدىڭ، ءىس تىندىرىپ، يگىلىك جاراتۋدىڭ ءىس جۇزىندىك ارەكەتىنە اينالدىرۋعا جەتەكتەۋ كەرەك.

  قۇتتىقتاۋ قيمىلىنا باسشىلىق ەتۋ گرۋپپاسى باستىعىنىڭ ورىنباسارلارى ديڭ شۋەشياڭ، ياڭ جيەچى، جاڭ يوۋشيا، چىن شي، حۋاڭ كۇنميڭ، ساي چي، شياۋ جيە، جاۋ كىجى كەزدەسۋدە بىرگە بولدى ءارى ماجىلىسكە قاتىناستى. قۇتتىقتاۋ قيمىلىنا باسشىلىق ەتۋ گرۋپپاسىنىڭ مۇشەلەرى، قىزمەت قۇرىلىمدارىنداعى جانە قاتىستى جاقتارداعى جاۋاپتى جولداستار، سونداي - اق قىزمەتكەرلەر، ازاتتىق ارميانىڭ اسكەري وركەسترى، قۇرمەت قاراۋىلى، ۇشۋ باسپالداعى اترەتى، كوممۋنيستىك جاستار وداعى مۇشەلەرى جانە پيونەرلەر، حور ۇيىرمەسى، ارتيستەر، اماندىق قورعاۋدىڭ ءبىرىنشى شەبىندەگى مىندەت وتەۋشىلەر، ەرىكتىلەر، قىزمەت وتەۋدى قامتاماسىز ەتۋشىلەر، اقپارات قۇرالدارى تىلشىلەرىنىڭ ۋاكىلدەرى قيمىلعا قاتىناستى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار