بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

لي كىچياڭ مەملەكەتتىك تاسقىننان ساقتانۋ، قۋاڭشىلىققا قارسى اتتانۋ باس قولباسشىلىق شتابىندا تاسقىنعا قارسى اتتانۋ، حاۋىپتەن اراشالاۋ، اپاتتان قۇتقارۋ جانە تاسقىننان ساقتانۋ قىزمەتى جونىندە بەينە ەكران ءماجىلىسىن باسقارىپ اشقاندا مىنانى دارىپتەدى

حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن قامتاماسىز ەتۋدى ءبىرىنشى ورىنعا قويىپ، جاۋاپكەرلىكتى كۇشەيتىپ، شارالاردى كەمەلدەندىرىپ، تاسقىننان ساقتانۋ، اپاتتان قۇتقارۋ قىزمەتىن بار كۇشپەن ويداعىداي ىستەۋ كەرەك

2021.07.27 16:48     كەلۋ قاينارى : حالىق تورابى

  شينحۋا اگەنتتىگى، 7 - ايدىڭ 26 - كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ 7 - ايدىڭ 26 - كۇنى تۇستەن بۇرىن مەملەكەتتىك تاسقىننان ساقتانۋ، قۋاڭشىلىققا قارسى اتتانۋ باس قولباسشىلىق شتابىندا بەينە ەكران ءماجىلىسىن باسقارىپ اشىپ، قازىرگى جانە كەلەسى قادامداعى تاسقىنعا قارسى اتتانىپ، قاتەردەن اراشالاۋ، اپاتتان قۇتقارۋ جانە تاسقىننان ساقتانۋ قىزمەتىن ويداعىداي ىستەۋدى اقىلداستى.

  شۇعىل جاعدايعا توتەپ بەرۋدى باسقارۋ مينيسترلىگى مەملەكەتتىك تاسقىننان ساقتانۋ باس قولباسشىلىق شتابى اتىنان مالىمەت بەردى. لي كىچياڭ حىنان، حىبەي، جياڭسۋ، جىجياڭ، انحۇي سياقتى تاسقىننان ساقتانۋ، اپاتتان قۇتقارۋ مىندەتى اۋىر ولكەلەردىڭ ۇكىمەتتەرىندەگى نەگىزگى جاۋاپتى جولداستارمەن بەينە ەكران ارقىلى بايلانىس جاسادى ءارى اۋا رايى مەكەمەسىنىڭ، سۋ يگىلىگى مينيسترلىگىنىڭ، جاراتىلىستىق بايلىق مينيسترلىگىنىڭ، تۇرعىن ءۇي، قالا - اۋىل قۇرىلىسى مينيسترلىگىنىڭ، قاتىناس - تاسىمال مينيسترلىگىنىڭ جاۋاپتىلارىنىڭ مالىمەتىن تىڭداپ، تاسقىننان ساقتانۋ، اپاتتان قۇتقارۋ قىزمەتىن، كەلەسى قادامداعى توتەپ بەرۋ دايىندىعىن ەگجەي - تەگجەيلى ۇعىسىپ، حاۋىپسىزدىك سىندى ارقاۋدى مىقتى شيراتىپ، ءتۇرلى شارالاردى شىنايى، ەگجەي - تەگجەيلى يگەرۋدى تالاپ ەتتى.

  لي كىچياڭ بىلاي دەدى: جۋىردا ەلىمىزدىڭ ءىشىنارا جەرلەرىندە ەرەكشە قالىڭ جاڭبىر جاۋىپ، اۋىر ءولىم - ءجىتىم جانە مال - مۇلىك شىعىنى تۋىلدى، بۇعان قاتتى اشىندىق. اپاتقا ۇشىراعان رايوندار مەن قاتىستى جاقتار قاتەردەن اراشالاپ، اپاتتان قۇتقارۋعا بار كۇشپەن كىرىسىپ، قىرۋار قىزمەت ىستەدى. باس شۋجي شي جينپيڭنىڭ تاسقىننان ساقتانۋ، اپاتتان قۇتقارۋ قىزمەتى جونىندەگى ماڭىزدى نۇسقاۋىنىڭ رۋحىن ۇزدىكسىز دايەكتىلەندىرىپ، پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارىن تياناقتاندىرىپ، كەلەسى قادامداعى قىزمەتتەردى تيتتەي دە بوساڭسىماي ويداعىداي يگەرۋ كەرەك. قازىر «شىلدەنىڭ باسى مەن تامىزدىڭ سوڭىنداعى» تاسقىننان ساقتانۋدىڭ ەڭ شەشۋشى كەزەڭى، الدىن الا مالىمەتكە قاراعاندا، سولتۇستىكتەگى ءىشىنارا رايونداردا ەرەكشە قالىڭ جاڭبىر جاۋۋى مۇمكىن، تايفىڭ داۋىلى تەڭىز جاعالاۋىنداعى رايوندارعا ءبىرشاما زور ىقپال جاسايدى، تاسقىننان ساقتانۋ جاعدايى توتەنشە اۋىر، جان - جاقتى شارالار قولدانىپ، الدىن الا ساقتانىپ، زياندى ەڭ تومەنگى شەككە ءتۇسىرۋ كەرەك.

  لي كىچياڭ بىلاي دەپ اتاپ كورسەتتى: حالىق بۇقاراسىنىڭ ءومىرى مەن مال – مۇلكىنىڭ اماندىعىن باستان – اياق ماڭداي الدى ورىنعا قويىپ، تاسقىننان ساقتانۋ، اپاتتان قۇتقارۋ قىزمەتىن بار كۇشپەن ويداعىداي ىستەۋ كەرەك. ادام ءومىرى بارىنەن ماڭىزدى، حىنان سياقتى اپاتقا ۇشىراعان رايوندار قامالىپ قالعان بۇقارانى قۇتقارۋدى تاسقىننان ساقتانۋ، اپاتتان قۇتقارۋدىڭ ماڭداي الدى مىندەتى ەتىپ، قالتارىس قالدىرماي، ءبىر ادامدى قاعىس قالدىرماي، ءولىم - ءجىتىمدى مۇمكىندىكتىڭ بارىنشا ازايتۋى كەرەك. بولماشى ءۇمىت بايقالسا بولعانى، ەسەلەپ قۇلشىنۋ كەرەك. كاسىپتىك قوسىن مەن جابدىقتاردى دەر كەزىندە ورنالاستىرىپ، قوعامدىق كۇشتەردى جۇمىلدىرىپ، قاجەتتى جەرلەردىڭ اپاتتان قۇتقارۋىن قولداۋ كەرەك. قۇتقارۋ سياقتى ينفورماتسيالاردى شىندىقتى ءىس جۇزىنەن ىزدەۋ نەگىزىندە اشىق جاريالاۋ كەرەك.

  لي كىچياڭ بىلاي دەدى: ءتۇيىندى كورنەكتىلەندىرىپ، ءالسىز بۋىنداردى كۇشەيتۋ كەرەك. جاۋىن - شاشىن، تاسقىن جاعدايى مەن تايفىڭ داۋىلىن باقىلاۋ - تەكسەرۋدى، الدىن الا مالىمەت بەرۋدى جيىلەتىپ، ساقتاندىرۋ، ءۇن قوسۋ مەحانيزمىن كۇشەيتىپ، دەر كەزىندە ساقتاندىرۋ، دەر كەزىندە اڭىس ءبىلدىرۋ، شۇعىل جاعدايعا توتەپ بەرۋ، ءبىر جاقتى ەتۋ قۋاتى مەن بۇقارانىڭ ءوزىن - ءوزى قورعاۋ تانىمىن جوعارىلاتۋ كەرەك. شۇعىل جاعدايدا قالانىڭ اۋىر ىشكى سۋ اپاتىنا باعىتتاي وتىرىپ، بۇقارانى حاۋىپتەن ساقتانۋعا دەر كەزىندە ۇيىمداستىرىپ، ەرەكشە كاسىپ سالاسىنان سىرت، جۇمىستى، ۇيرەنۋدى، كاسىپتى باتىلدىقپەن توقتاتىپ، شيپاحانا سياقتى ماڭىزدى ورىنداردىڭ ەلەكتر، سۋ، حابارلاسۋ جاقتارىنداعى ىركىلىسسىزدىگىنە كەپىلدىك ەتۋ كەرەك. اسىرەسە، ادام كوپ قاتىنايتىن قالالارداعى مەترو، تۋنەل، جەر استى كەڭىستىگى سياقتىلارعا قاراتا بۇقارانىڭ حاۋىپسىزدىگىنە كەپىلدىك ەتەتىن قاتاڭ شارا قولدانۋ كەرەك، ءبىراز وتىڭكىرەپ كەتسە دە، قاتاڭىراق بولسا دا، توقتاتۋعا تيىستىلەرىن توقتاتىپ، جابۋعا تيىستىلەرىن جاۋىپ، ادامداردىڭ جارالانۋىنان، ولۋىنەن شىنايى ساقتانۋ كەرەك. ءتۇيىندى وزەن - داريالار، سۋ قويمالارى، توسپا، كەلەلى نەگىزدىك قۇرىلعىلار حاۋىپسىزدىگى جانە قالالارداعى ءتۇيىندى الەۋمەتتىك ورىنداردا تاسقىننان ساقتانۋ سياقتىلارعا نازار اۋدارىپ، شارلاۋ - تەكسەرۋدى كۇشەيتىپ، تاسقىننان ساقتانۋ، اپاتتان قۇتقارۋ ماتەريالدارىن تولىق دايىنداپ، حاۋىپ - قاتەر بولا قالسا، دەرەۋ ءبىر جاقتى ەتۋ كەرەك، كەشەۋىلدەتۋگە، تيتتەي دە نەمقۇرايدى قاراۋعا استە بولمايدى. تاۋ تاسقىنى، لاي تاسقىنى سياقتى اپاتتاردان قاتاڭ ساقتانۋ كەرەك.

  لي كىچياڭ بىلاي دەدى: قازا بولعانداردىڭ ءۇي ىشىندەگىلەردى لايىقتى جۇباتىپ جانە ولارعا قامقورلىق جاساپ، اپاتقا ۇشىراعان بۇقارانىڭ نەگىزگى تۇرمىسىن ويداعىداي قامتاماسىزداندىرىپ، اپات تۋىلعان رايوننىڭ دەنساۋلىق ساقتاۋ، اۋرۋدان ساقتانۋ ىستەرىن كۇشەيتىپ، تۇنبالاردى تازالاپ، سۋدى ىعىستىرۋدى جەدەلدەتىپ، توكپەن قامداۋدى، سۋمەن قامداۋدى، قاتىناس، حابارلاسۋ سياقتىلاردى تەز ارادا قالپىنا كەلتىرۋ كەرەك. ءوندىرىستى قالپىنا كەلتىرۋ جانە اپاتتان كەيىنگى قايتا قۇرۋ قىزمەتىن ورىستەتىپ، ورتالىق قازىنانىڭ زاپاس قاراجاتىن دەرەۋ ىسكە قوسىپ، الدىمەن نەشە ميلليارد يۋان قارجى بوساتىپ، اپات اۋىر بولعان رايوندارعا قولداۋ كورسەتىپ، اپات جاعدايىن تەكسەرۋ قارقىنى بويىنشا قولداۋ تەبىنىن ارتتىرۋ كەرەك. جەرگىلىكتى ورىندار دا ارناۋلى قارجى ورنالاستىرۋى كەرەك. سونىمەن بىرگە، قوعامدىق جىلۋ قارجىسىن اشىق، جاريالى پايدالانۋ كەرەك.

  لي كىچياڭ بىلاي دەپ دارىپتەدى: ءار جاقتىڭ، ءار جىكتىڭ، ءار بۋىننىڭ جاۋاپكەرلىگىن اشالاپ جانە ناقتىلاندىرىپ، ادام باسىنا دەيىن تياناقتاندىرىپ، مىندەتىن وتەمەگەندەردىڭ جاۋاپكەرلىگىن قاتاڭ قۋزاۋ كەرەك. تاجىريبە - ساباقتى مۇقيات قورىتىندىلاپ، شۇعىل جاعدايعا توتەپ بەرۋ جوباسى مەن قاتىستى تۇزىمدەردى كەمەلدەندىرىپ، اۋىر توسىن وقيعالاردان ساقتانۋ - توتەپ بەرۋ قۋاتىن جوعارىلاتۋ كەرەك. جەر - جەر، تاراۋلار شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، حالىقتى وزەك ەتۋدە تاباندى بولىپ، ءبىر جاقتىڭ اماندىعىن ويداعىداي قورعاپ، ەكونوميكانىڭ، قوعامنىڭ ورنىقتى، اقاۋسىز دامۋىن جەبەۋى كەرەك.

  ۋاڭ يۇڭ، شياۋ جيە، حى ليفىڭ ماجىلىسكە قاتىناستى.

  كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار