بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

جۇڭگو ساڭلاقتارى جەڭىل اتلەتيكا جارىس الاڭىندا تاريح جاراتتى

2021.08.03 15:15     كەلۋ قاينارى : شينجياڭ گازەتى

  شينحۋا اگەنتتىگىنىڭ 8 - ايدىڭ 1 - كۇنى توكيودان بەرگەن حابارى (تىلشىلەر ۋاڭ چين - وۋ، ۋاڭ حىڭجى، حۋا ي). 8 - ايدىڭ 1 - كۇنى جۇڭگو كۇشى مەن جۇڭگو تەزدىگى جەڭىل اتلەتيكا جارىس الاڭىندا تاريح جاراتتى. ساقا ساڭلاق گۇڭ ليجياۋ اقىرى ارمانىنا جەتىپ، ايەلدەردىڭ شويىن دوپ لاقتىرۋ تۇرىندە اعا جۇلدەگەرلىكتى الدى ءارى جۇڭگونىڭ جەڭىل اتلەتيكا جارىس تۇرلەرىندەگى العاشقى وليمپيادا التىن مەدالىن الدى. جۇڭگو جەلاياعى سۋ بيڭتيان ەرلەردىڭ 100 مەترلىق جەلاياقتار جارىسىندا 6 - ورىندى يەلەدى، ول جارتىلاي شەشۋشى جارىس پەن شەشۋشى جارىستا دا 10 سەكۋند ىشىندە جەتتى، جارتىلاي شەشۋشى جارىستا 9 سەكۋند 83 داقىلدىق ناتيجەمەن ازيا رەكوردىن جاڭالادى.

  32 جاستاعى گۇڭ ليجياۋ 4 كەزەك وليمپياداعا قاتىناسقان ساقا ساڭلاق. 2008 - جىلعى جانە 2012 - جىلعى 2 كەزەك وليمپيادادا مەدال العان سپورتشىلاردىڭ اراسىندا بىرەۋلەردىڭ شەكتەلگەن ءدارىنى تۇتىنعاندىعى تەكسەرىپ انىقتالىپ قالعاندىقتان، وعان مەدال تولىقتانىپ بەرىلگەن ەدى، الايدا وليمپيادا جارىس الاڭىندا ەشقاشان مەدال الۋ تۇعىرىنا تابانى ءتيىپ كورمەگەن بولاتىن.

  سول كۇنگى شەشۋشى جارىستا گۇڭ ليجياۋ مۇلدەم ۇستەم قۋاتىن تانىتتى. ونىڭ العاشقى لاقتىرعانداعى 19 مەتر 95 سانتيمەترلىك ناتيجەسىنىڭ ءوزى - اق اعا جۇلدەگەرلىكتى الىپ بەردى، 5 - رەتتە 20 مەتر 53 سانتيمەترگە لاقتىرىپ ءوزىنىڭ ەڭ جاقسى ناتيجەسىن جانە قازىرگى دۇنيە جۇزىندەگى ەڭ جاقسى ناتيجەنى جاراتتى، 6 - رەتتە 20 مەتر 58 سانتيمەترگە لاقتىرىپ ءوزى الدىندا جاراتقان رەكوردتى جاڭالاپ، اقىرىندا اعا جۇلدەگەرلىكتى الدى. جارىستان كەيىن شويىن دوپ لاقتىرۋعا جاتتىققانىنا 21 جىل بولعان گۇڭ ليجياۋ: ”ادامدا، ءسوز جوق، ارمان بولۋ كەرەك، ىسكە اسىپ قالسا جاقسى ەمەس پە؟“، - دەدى.

  جەڭىل اتلەتيكا جارىس تۇرلەرىنىڭ ىشىندەگى ادامداردىڭ نازارىن وزىنە ەڭ بۇرعان ەرلەردىڭ 100 مەترگە جۇگىرۋ سايىسى قىزىق پەن وقياتقا تولى بولدى. جاقىندا 32 جاسقا كەلەتىن جۇڭگولىق جەلاياق سۋ بيڭتيان جارتىلاي شەشۋشى جارىستا 9 سەكۋند 83 تاقىل سىندى ءوزىنىڭ ەڭ جاقسى ناتيجەسىن جاراتىپ ءارى ازيانىڭ رەكوردىن جاڭالاپ، جارتىلاي شەشۋشى جارىس قاتارىندا 1 - ورىندى يەلەۋدەي كۇشتى تەبىنمەن شەشۋشى جارىسقا كىردى.

  شەشۋشى جارىستا سۋ بيڭتيان العاشقى مىلتىق ۇنىندە بىرەۋ الدىمەن جۇگىرىپ كەتۋدەي قىسىمعا توتەپ بەرىپ تاعى دا 10 سەكۋند ىشىندە كەلىپ، 9 سەكۋند 98 تاقىلدىق ناتيجەمەن 6 - ورىندى يەلەپ، جۇڭگولىقتاردىڭ وليمپياداداعى 100 مەترگە جۇگىرۋ جارىس تۇرىندەگى تاريحىن جاراتتى. قازىر دۇنيە جۇزىندەگى قاتارى 8 - ورىنداعى يتاليالىق سپورتشى جاكوب 9 سەكۋند 80 تاقىلدىق ناتيجەمەن اعا جۇلدەگەرلىكتى الدى ءارى ەۆروپا رەكوردىن جاراتتى، بۇل ونىڭ وليمپيادادا ەرلەردىڭ 100 مەترگە جۇگىرۋ جارىس تۇرىندە تۇڭعىش رەت شەشۋشى جارىسقا كىرۋى.

  سول كۇنى جەڭىل اتلەتيكا جارىس الاڭىندا تاعى ءبىر تالاسقا تولى جاعداي تۋىلدى. ەرلەردىڭ بيىككە سەكىرۋى جارىس ءتۇرىنىڭ التىن مەدالى يتاليالىق تامبەري مەن كاتارلىق بارشىمعا بىردەي بەرىلدى، ەكەۋى بىردەي سوڭىنان ساناعاندا 2 - رەتكى سىناق رەتىندە سەكىرۋىندە 2 مەتر 37 سانتيمەتردەن سەكىرىپ ءوتتى. جارىستان كەيىن، وسى جارىس تۇرىندە 6 - ورىندى يەلەگەن رەسەي سپورتشىسى اديمەنكونى قامتىعان كەيبىر سپورتشىلار بۇل ىسكە نارازىلىق ءبىلدىردى.

  سۋعا سەكىرۋ جانە قاۋىرسىن دوپتان جۇڭگو ءارقايسىسىنان بىردەن التىن مەدال الدى. شى يانماۋ مەن ۋاڭ حان ”قوس قامسىزداندىرۋ“ بولىپ ۇيىمداسىپ، ايەلدەردىڭ 3 مەترلىك تاقتايدان سەكىرۋ شەشۋشى جارىسىنا قاتىناسىپ، ەڭ سوڭىندا اعا جۇلدەگەرلىكتى، ەكىنشى جۇلدەگەرلىكتى ەنشىلەدى. شى يانماۋ ريو - دە - جانە - يرو وليمپياداسىنان كەيىن ايەلدەردىڭ 3 مەترلىك تاقتايدان سەكىرۋ، قوس ادامدىق 3 مەترلىك تاقتايدان سەكىرۋدىڭ التىن مەدالىن ەنشىلەپ، التىن مەدال جالپى سانى گو جيڭجيڭمەن تەڭەستى. 29 جاس 335 كۇن بولعان ول ايەلدەردىڭ 3 مەترلىك تاقتايدان سەكىرۋ جارىسىنداعى جاسى ەڭ ۇلكەن اعا جۇلدەگەر بولدى. ايەلدەردىڭ قاۋىرسىن دوپ جەكە شەشۋشى جارىسىندا 23 جاستاعى جۇڭگو ساڭلاعى چىن يۇيفي 1: 2 ۇپايمەن قازىر دۇنيە ءجۇزى قاتارى بويىنشا 1 - ورىنداعى جۇڭگو تايبەي ساڭلاعى داي زىيىڭدى كۇشپەن جەڭىپ اعا جۇلدەگەر بولدى.

  گيمناستيكا تۇرىندە شياۋ رۋتىڭ ەركىن گيمناستيكا تۇرىندە قولا مەدال ەنشىلەدى، يزرايل، برازيليا، انگليا، بەلگيا سول كۇنى بەرىلگەن 4 التىن مەدالدى الدى.

  ءجۇزۋ جارىسى 8 - ايدىڭ 1 - كۇنى اياقتادى، جۇڭگو قۇراماسى 100×4 مەترلىك ارالاسپا ءجۇزۋدىڭ ۇتىلامالى جارىسىندا 4 - قاتاردا تۇردى. تۇرلەردىڭ سيلىق قاتارىندا امەريكا، اۆستراليا، انگليا جەكە - جەكە الدىڭعى 3 ورىندى يەلەدى، جۇڭگو 3 التىن، 2 كۇمىس، 1 قولا مەدالمەن 4 - ورىندا تۇردى؛ جالپى 6 تۇردەگى دۇنيە جۇزىلىك رەكورد جانە 20 تۇردەگى وليمپيادا رەكوردى جاڭالاندى.

  سول كۇنى تاعى قىلىشتاسۋ، تور دوپ جانە ەركىن شاعىن دوڭگەلەكتى اربا سياقتى جارىس تۇرلەرى اياقتادى. جۇڭگو قىلىشكەرى وسى رەتكى قىلىشتاسۋدان ءبىر التىن مەدال ەنشىلەدى؛ تور دوپتا جۇڭگو قۇراماسىنان شۇي يفان / ياڭ جاۋشۋان ايەلدەردىڭ قوس ادامدىق جارىسىندا 2 - اينالىمعا كىردى؛ اۆستراليا جانە انگليا ساڭلاعى جەكە - جەكە تۇڭعىش رەت وليمپيادا ساحناسىنا شىققان ەركىن شاعىن دوڭگەلەكتى اربا جارىسىندا ەرلەردىڭ، ايەلدەردىڭ اعا جۇلدەگەرلىگىن ەنشىلەدى.

  ەرلەر باسكەتبول گرۋپپا جارىسى 8 - ايدىڭ 1 - كۇنى اياقتادى، سلوۆەنيا يسپانيانى جەڭىپ گرۋپپا جارىسىندا ماڭداي الدى ورىندى يەلەدى. وسىدان كەيىن ەرلەر باسكەتبولىنداعى 8 مىقتىنىڭ ورنى تۇراقتاندى، امەريكا، فرانسيا، يسپانيا، سلوۆەنيا سياقتى كۇشتى قۇرامالار تۇگەلدەي شىعانداپ شىقتى، ارگەنتينا مەن گەرمانيا تازا جەڭىس ءنومىر باسىمدىعىنا سۇيەنىپ، ەندىگى ءبىر شاعىن گرۋپپانىڭ ءۇشىنشىسى چەحيانى ىعىستىرىپ، 8 مىقتىنىڭ سوڭعى قاتارىنا ەندى. وتاعاسى ەل جاپونيا قاتاردان شىقتى. 4/1 شەشۋشى جارىستا امەريكا مەن يسپانيا الدىن الا كەزدەستى.

  وسى رەتكى وليمپيادا جارىسىنىڭ كۇن ءتارتىبىنىڭ جارتىسى ءوتىپ بولدى. 8 - ايدىڭ 1 - كۇنى جۇڭگو دەنە تاربيە ۋاكىلدەر ۇيىرمەسى 7 - ايدىڭ 31 - كۇنىنە دەيىن توكيو وليمپيادا سپورت جارىسىنداعى 339 شاعىن تۇردەگى جارىستىڭ 154ى اياقتادى دەگەن ساندى مالىمەت جاريالادى.

  جۇڭگو دەنە تاربيە ۋاكىلدەر ۇيىرمەسى 158 شاعىن تۇردەگى جارىسقا قاتىناسىپ، 126 شاعىن تۇردەگى جارىستى اياقتاتتى. ۋاكىلدەر ۇيىرمەسىنىڭ مالىمدەمەشىسى مىنالاردى ءبىلدىردى: جۇڭگو ۋاكىلدەر ۇيىرمەسىنىڭ الدىڭعى جارتى كۇن تارتىپتەگى جالپى بەينەسى كوزدەگەن ماقساتقا ۇيلەستى، حىسۋان تەكسەرۋىندە بولىمدى ناتيجە شىقپادى نەمەسە ۇيىمداستىرۋ كوميسسياسى جاعىنان جاقىن جۋىسقان جاعداي بار دەپ تۇراقتاندىرىلمادى، سونداي - اق قوزدىرۋشى ءدارى - دارمەككە قاتىستى قالىپسىز جاعدايلار دا بايقالمادى. سوڭعى جارتى كۇن تارتىبىندە جۇڭگو، جاپونيا، امەريكا 3 ەل ۋاكىلدەر ۇيىرمەسىنىڭ التىن مەدال تاقتاسى، سيلىق تاقتاسىندا الدىڭعى ۇشكە تالاسۋى قيان - كەسكى بولادى دەپ مەجەلەنۋدە.

  8 - ايدىڭ 1 - كۇنىنە دەيىن جۇڭگو 24 التىن مەدال، 14 كۇمىس مەدال، 13 قولا مەدالدىق ناتيجەمەن التىن مەدال تاقتاسىندا ماڭداي الدى ورىندا كەلەدى، امەريكا 20 التىن، 23 كۇمىس، 16 قولا مەدالمەن 2 - ورىندا تۇر، وتاعاسى ەل جاپونيا سول كۇنى ءبىر قولا مەدال ەنشىلەپ، التىن مەدال تاقتاسىندا 3 - ورىندا تۇردى.

  وسى كۇنى وليمپيادا بوكسيور جارىس الاڭىندا تاعى ءبىر رەت تورەشىنىڭ تورەلىگىنەن ءشۇبالانۋ ماسەلەسى بايقالدى، فرانسيا ساڭلاعى تورەشىنىڭ جازاسىنا نارازىلىق ءبىلدىرىپ ءبىر ساعات بويى ءۇنسىز وتىردى. جارىس الاڭىنىڭ سىرتىندا امەريكانىڭ گيمناستيكا ەگەيى بيەرستىڭ ”پىسيحولوگيالىق سالاماتتىق“ ماسەلەسى سالدارىنان جارىستان شەگىنگەنى جۇرتتىڭ نازارىن اۋداردى جانە تالقى بولدى. 8 - ايدىڭ 1 - كۇنى بيەرستىڭ ورنىنا شىققان امەريكا ساڭلاعى سكيننەر ايەلدەردىڭ اتتان سەكىرۋ جارىسىنىڭ كۇمىس مەدالىن ەنشىلەگەننەن كەيىن، بيەرستى قولدايتىندىعىن ءبىلدىردى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار