بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شينجياڭ ساڭلاقتارى وليمپيادا جارىس مايدانىندا كوزگە ءتۇستى

  □ انار بۇلت / شينجياڭ گازەتىنىڭ تىلشىلەرى حۋاڭ شيڭ، جىڭ ييۋان، دۇڭ لياڭ

2021.08.10 14:26     كەلۋ قاينارى : شينجياڭ گازەتى

  8 - ايدىڭ 8 - كۇنى، 32 - كەزەكتى جازعى وليمپيادا سپورت جارىسى توكيودا شىمىلدىعىن جاپتى. جۇڭگو دەنە تاربيە ۋاكىلدەر ۇيىرمەسى 38 التىن، 32 كۇمىس، 18 قولا مەدالمەن جيىنى 88 مەدال الىپ، التىن مەدال تاقتاسى مەن مەدال تاقتاسىندا 2 - ورىندى يەلەدى، التىن مەدال سانى شەكارا سىرتىندا وتكەن وليمپيادالارداعى ەڭ جاقسى ناتيجەمەن تەڭەستى. بۇل داڭقتاردىڭ اراسىندا شينجياڭ دەنە تاربيە ساڭلاقتارىنىڭ دا ۇلەسى بار.

  وسى رەتكى توكيو وليمپيادا سپورت جارىسىندا شينجياڭنان جيىنى 6 ادام جۇڭگو ۋاكىلدەر ۇيىرمەسىنە كىرىپ، 6 تۇردەگى جارىسقا قاتىناسىپ، 2 قولا مەدال الىپ، ءبىر تۇردە 5 - بولدى، ءاربىر سپورتشى ءوز سالاسىندا جاڭا ناتيجەگە قول جەتكىزدى.

  باسكەتبول: تاريح جاراتتى

  7 - ايدىڭ 28 - كۇنى جۇڭگو باسكەتبولشىلارى اراعا 29 جىل سالىپ وليمپيادا سيلىق ساحناسىنا تاعى شىقتى.

  3 ادامدىق باسكەتبول ويىن ءتۇرى وليمپياداعا تۇڭعىش كىرگەندە، جۇڭگو ايەلدەر باسكەتبول قۇراماسىنىڭ قولا مەدالعا يە بولۋى جۇڭگو باسكەتبولىنىڭ دامۋ توركىنىن ايگىلەدى. بۇل 3 ادامدىق ايەلدەر باسكەتبول قۇراماسىنىڭ 2019 - جىلى دۇنيە ءجۇزى لوڭقاسىنا تالاسۋ جارىسىندا اعا جۇلدەگەرلىكتى الۋىنان كەيىن، جۇڭگو باسكەتبولى جاراتقان تاعى ءبىر رەتكى تاريحي تىڭ ناتيجە. مەملەكەت قۇراماسىنىڭ مۇشەسى، شينجياڭ ايەلدەر باسكەتبول قۇراماسىنىڭ باستىعى ۋاڭ ليلي وسى رەتكى جارىستا ەرەن جاۋىنگەرلىك قابىلەت كورسەتتى. يتاليامەن، فرانسيامەن بولعان ىرىكتەۋ جارىسىندا 29 جاستاعى ۋاڭ ليلي جۇڭگو قۇراماسىنىڭ جەڭىسكە جەتۋىندەگى شەشۋشى تياناققا اينالىپ، بۇكىل ەلدەگى دوپقۇمارلاردىڭ القاۋىنا بولەنىپ قانا قالماستان، ”ۋاڭ ليلي قانداي كەرەمەت“، ”ۋاڭ ليلي 9 ءنومىر“ دەگەن سياقتى كلت سوزدەر دە كوپ ىزدەۋ سالىنعان سوزدەر قاتارىنا كىردى.

  ”شينجياڭ باسكەتبول قۇراماسىنداعى 6 جىلدىق شىڭدالۋ مەنىڭ جەتكىلىكتى دەنە قۋاتىم مەن كۇشتى قارسىلاسۋ قابىلەتىمدى جەتىلدىردى، ءتىپتى دە ماڭىزدىسى، شينجياڭ ايەلدەر باسكەتبول قۇراماسىنىڭ جەڭىلىسكە جاسىمايتىن، اقىرعى ءبىر سەكۋندقا دەيىن سايىساتىن رۋحىن وليمپياداعا الىپ شىقتىم“. جارىستان كەيىن ارناۋلى تىلشىلىكتى قابىلداعاندا، ۋاڭ ليلي بۇل مەدالدا شينجياڭ ايەلدەر باسكەتبولىنىڭ قايسارلىقپەن كۇرەسۋ رۋحىنىڭ جاتقاندىعىن ايتتى.

  شينجياڭ ايەلدەر باسكەتبول قۇراماسىنىڭ 21 جاستاعى جاس ساڭلاعى حان شۇي اۆتونوميالى رايوندىق دەنە تاربيە مەكەمەسى باۋلىپ شىققان وليمپيادا 5 ادامدىق باسكەتبول جارىسىنا قاتىناسقان تۇڭعىش مەملەكەتتىك شەبەر. توكيو وليمپيادا سپورت جارىسىندا حان شۇي جۇڭگو ايەلدەر باسكەتبول قۇراماسىنىڭ گرۋپپا جارىسىندا 3 رەتتە دە جەڭىسكە جەتىپ، گرۋپپادان شىعۋىنا ەرەن ەڭبەك ءسىڭىردى.

  بۇل 2 سپورتشىدان سىرت، شينجياڭ فيحۋ ەرلەر باسكەتبول قۇراماسىنىڭ بۇرىنعى مۇشەسى، 36 جاستاعى مۇرات ادىلجان جۇڭگو ايەلدەر باسكەتبول قۇراماسىنىڭ جاردەمشى جاتتىقتىرۋشىسى رەتىندە وسى كەزەك وليمپياداعا قاتىناستى.

  كۇرەس: تىڭ ناتيجەنى جۇزەگە اسىردى

  8 - ايدىڭ 2 - كۇنى جۇڭگو بالۋاندارى وليمپيادانىڭ ەرلەر كلاسسيكالىق كۇرەسىنىڭ 60 كيلوگرامدىق سالماقتاعىلارىنىڭ سيلىق ساحناسىنا شىقتى.

  جۇڭگو ساڭلاعى، تارباعاتايدان كەلگەن ءۋاليقان سەرىك وليمپياداعا تۇڭعىش رەت قاتىناسىپ قولا مەدالعا يە بولدى. بۇل 2008 - جىلى بەيجيڭ وليمپيادا سپورت جارىسىندا چاڭ يۇڭشياڭنىڭ ەرلەر كلاسسيكالىق كۇرەسىنىڭ 74 كيلوگرامدىق سالماقتىلارىنىڭ كۇمىس مەدالىن الۋىنان كەيىن، جۇڭگو ەر بالۋاندارىنىڭ اراعا 13 جىل سالىپ وليمپيادا سيلىق ساحناسىنا تاعى شىعۋى. بۇل مەدال شينجياڭ بالۋاندارىنىڭ دا وليمپيادا مەدالىنا تۇڭعىش قول جەتكىزۋى بولىپ، شينجياڭنىڭ كۇرەس تاريحىنداعى تىڭ ناتيجەنى جۇزەگە اسىردى.

  ”وليمپيادا جارىس الاڭىندا مەملەكەت تۋىن شىعارۋ مەنىڭ ارمانىم ەدى. مەملەكەت قۇراماسىنىڭ ماعان حالىقارالىق جارىستا ءوز كۇشىمدى ايگىلەيتىن وراي سيلاعاندىعىنا العىس ايتامىن، اۆتونوميالى رايوندىق دەنە تاربيە مەكەمەسىنىڭ مەنىڭ ەسەيۋىمە كومەكتەسكەندىگىنە العىس ايتامىن، قوعامداعى ءار سالانىڭ كوڭىل ءبولىپ، قولداپ كەلگەندىگىنە العىس ايتامىن. ەڭ سوڭىندا تاعى ماعان كومەكتەسكەن ادامدارعا العىس ايتامىن“. مەدال العاننان كەيىن، ءۋاليقاننىڭ ءسوزى العىس سەزىمىنە تولى بولدى.

  جۇڭگو ساڭلاعى، حوتاننان كەلگەن رۇڭ نيڭنيڭ وسى كەزەك وليمپيادانىڭ ايەلدەر ەركىن كۇرەسى 57 كيلوگرامدىق سالماقتاعىلار جارىسىنىڭ جوعارى دەڭگەيلى سپورتشىسى بولدى، ول كەزىندە 2018 - جىلعى دۇنيە جۇزىلىك كۇرەس جۇلدەلى جارىسىنىڭ اعا جۇلدەگەرلىگىن، 2019 - جىلعى دۇنيە جۇزىلىك كۇرەس جۇلدەلى جارىسىنىڭ ەكىنشى جۇلدەگەرلىگىن جانە 2019 - جىلعى ازيا كۇرەس جۇلدەلى جارىسىنىڭ اعا جۇلدەگەرلىگىن العان بولاتىن. وليمپيادا سيلىق ساحناسىنا شىعا الماعانىمەن، ول شينجياڭ كۇرەس تاريحىن جاراتتى − شينجياڭنان كۇرەس ويىن تۇرىنە قاتىناسقان تۇڭعىش دۇنيە جۇزىلىك اعا جۇلدەگەر بولىپ قالماستان، شينجياڭنان تۇڭعىش وليمپيادا جارىسىنا قاتىناسقان ايەل كۇرەس سپورتشىسى. كەلەشەكتە رۇڭ نيڭنيڭ ءالى دە شينجياڭ كۇرەسىنىڭ تۋ سيپاتتى سپورتشىسى بولا بەرەدى.

  قازىرگى جۇڭگو بالۋاندار قۇراماسىندا كوپتەگەن شينجياڭدىق ساڭلاقتار بار، ولاردىڭ الداعى الۋەتى دە شەكسىز، 3 جىلدان كەيىنگى پاريج وليمپيادا سپورت جارىسىندا ولاردىڭ تاعى دا شۇعىلالى ناتيجە جاراتۋىن كۇتەمىز.

  قايراڭ ۆولەيبولى: داڭقتى جالعاستىردى

  ءداستۇرلى باسىمدىققا يە ويىن ءتۇرى رەتىندە، وسى كەزەك وليمپيادادا جۇڭگو قايراڭ ۆولەيبول ساڭلاقتارى دا جاقسى بەينە كورسەتتى.

  قايراڭ ۆولەيبولى بۇرىن ەۆروپا، امەريكا سپورتشىلارىنىڭ الەمى بولىپ كەلگەن. 2008 - جىلى بەيجيڭ وليمپيادا سپورت جارىسىندا شينجياڭنان بارعان ۋاڭ جيە مەن سەرىگى تيان جيا جۇڭگو قۇراماسىنا ۋاكىل بولىپ ماندىك تىڭ ناتيجەنى جۇزەگە اسىرىپ، كۇمىس مەدالعا يە بولعان ەدى، بۇل دا جۇڭگو قايراڭ ۆولەيبولى تاريحىنداعى ەڭ جاقسى جارىس ناتيجەسى سانالادى.

  وسى كەزەك وليمپيادادا جۇڭگو قۇراماسى ۋاڭ فان / شيا شين - ي گرۋپپا جارىسىنىڭ 3 رەتىندە دە جەڭىسكە جەتتى، ايتا كەتەرلىگى، ونىڭ ىشىندە ءبىر رەتىندە ولار 0: 2 ۇپايمەن وليمپيادا جوعارى دەڭگەيلى قۇراماسى، برازيليا قۇراماسى بەدناچۇك / سانتوس لەسبواسىندى ويسىراتا جەڭدى. 8 مىقتىعا كىرۋ شەشۋشى جارىسىندا تاعى ءبىر جۇپ برازيليا سپورتشىلارىنان جەڭىلىپ، 8 مىقتىعا كىرە الماعانىمەن، ولار لوندون وليمپيادا سپورت جارىسىنان كەيىنگى ناتيجەسى ەڭ جاقسى جۇڭگو ايەلدەر قايراڭ ۆولەيبول قۇراماسى سانالادى.

  ۇرىمجىدە تۋعان شيا شين - يدىڭ دەنە قۋاتى ەلدەن ەرەك، وسىدان بۇرىن 2 رەت ازيا وليمپياداسىنىڭ التىن مەدالىن العان. وسى رەتكى توكيو وليمپياداسى 24 جاستاعى شيا شين - يدىڭ العاشقى وليمپيادا ساپارى، ونىڭ كەلەشەكتەگى جولى ءالى الىس.

  بوكس: جەڭىلسە دە داڭقى اسقاقتادى

  24 جاستاعى التايلىق ازامات توقتاربەك تاڭاتقان توكيو وليمپيادا سپورت جارىسىنا قاتىناسقان جۇڭگو بوكس قۇراماسىنداعى 6 ساڭلاقتىڭ ءبىرى. ەرلەر 75 كيلوگرامدىق سالماقتاعىلاردىڭ جارىسىندا ول العاشقى كەزەكتە 0: 5 ۇپايمەن ءۇندىستاندىق جۇدىرىقشى مار اششيندى جەڭسە، 2 - كەزەكتە برازيليالىق جۇدىرىقشى سوسامەن كەزدەستى. 2019 - جىلعى دۇنيە جۇزىلىك اسكەريلەر سپورت جينالىسىندا توقتاربەك وسى جۇدىرىقشىمەن كەزدەسكەن بولاتىن، سول كەزدە ەكەۋىنىڭ قۋاتى قارايلاس ەدى. وسى رەتكى جارىستا توقتاربەك ەكى اينالىمدا ايقىن ۇستەم تۇرعانىمەن، بۇكىل الاڭداعى سوڭعى ەسەپتە 3: 2 ۇپايمەن وليمپيادا جارىسىن اياقتاتىپ، توقتاربەك 16 مىقتى قاتارىندا قالىپ قويدى. 8 - ايدىڭ 7 - كۇنى سوسا وسى سالماقتىلاردىڭ اعا جۇلدەگەرلىگىن الدى.

  ”توقتاربەك وليمپياداعا تۇڭعىش رەت قاتىناسىپ وتىرسا دا، ول ءوز قۋاتىمەن دۇنيە جۇزىندەگى بىرەگەي ساڭلاقپەن بەلدەسە الاتىن قابىلەتى بار ەكەندىگىن دالەلدەدى. ىندەت كەزىندە ءبىر جىلدان استام جابىق جاتتىعۋ سەبەبىنەن، ول حالىقارالىق جارىستارعا قاتىناسا المادى، وسى رەتكى جارىستىڭ سىناعىنان كەيىن، ول بۇرىنعىدان دا كۇشەيە ءتۇستى. 3 جىلدان كەيىنگى پاريج وليمپيادا سپورت جارىسىندا ول 27 جاسقا كەلەدى، بۇل ءبىر سپورتشىنىڭ ءار جاقتان تولىسقان شاعى ەسەپتەلەدى“. شينجياڭ بوكس سپورتى ورتالىعىنىڭ مەڭگەرۋشىسى، مەملەكەتتىك بوكس قۇراماسىنىڭ جاتتىقتىرۋشىسى ابدۇشۇكىر ءمىجيتتىڭ ءسوزى قايراتقا قايتا مىنگەن كۇرەس جىگەرىنە تولى بولدى.

  شينجياڭ دەنە تاربيە ساڭلاقتارى وليمپيادادا وزدەرىنىڭ بۇرىنعى ناتيجەلەرىنەن اسىپ ءتۇسىپ، تىڭ ناتيجە جاراتتى، ولار كوپشىلىكتىڭ كوڭىلىندە اعا جۇلدەگەرلەردەي شۇعىلا شاشۋدا. ولاردىڭ اتتارىن ەستە ساقتاپ، ولارعا ماداق ايتايىق. ولاردىڭ اسەرىندە، كەلەشەكتە ءتىپتى دە كوپ شينجياڭ دەنە تاربيە ساڭلاقتارىنىڭ جۇڭگو قۇراماسىنا ۋاكىل بولىپ وليمپيادا جارىس الاڭدارىندا قاسقايىپ، وتان ءۇشىن داڭق اپەرەتىندىگىنە سەنەمىز.

جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار