بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

708.5 كيلوگرام! رايونىمىزدىڭ جازدىق ءبيداي بىرلىك ونىمىندە جاڭا ورە جاراتىلدى

2021.08.10 14:29     كەلۋ قاينارى : شينجياڭ گازەتى

  انار بۇلت / شينجياڭ گازەتىنىڭ ءتىلشىسى ليۋ ي 8 - ايدىڭ 7 - كۇنى شونجىدان حابارلايدى. 8 - ايدىڭ 7 - كۇنى شونجى اۋدانى بانجيەگۋ قالاشىعى ياۋجانزى قىستاعىنىڭ ساپالى جازدىق ءبيداي تاجىريبە اتىزىندا، رايونىمىزدىڭ عىلمي زەرتتەۋ قىزمەتكەرلەرى اۋىل شارۋاشىلىعى، اۋىل - قىستاق مينيسترلىگىنىڭ «مەملەكەت بويىنشا استىقتان مول ءونىم الۋدا ءونىمدى ولشەپ، تەكسەرىپ وتكىزىپ الۋ ءادىسىنىڭ (سىناق رەتىندە اتقارىلادى)» تالاپتارى بويىنشا، سول جەردىڭ وزىندە ناقتى تەكسەرىپ وتكىزىپ الىپ، ءونىمدى ولشەۋ ارقىلى شينچۇن 37 - ءنومىرلى ساپالى، ەرەكشە ساعىز جازدىق ءبيدايدىڭ بىرلىك ءونىمى 708.5 كيلوگرام بولعاندىعىن انىقتادى، رايونىمىزدىڭ جازدىق ءبيداي بىرلىك ءونىم رەكوردى اراعا 11 جىل سالىپ تاعى ءبىر رەت جاڭالاندى.

  شينچۇن 37 - ءنومىرلى جازدىق ءبيداي شينجياڭ اۋىل شارۋاشىلىق عىلىم اكادەمياسىنىڭ يادرولىق تەحنيكا، بيولوگيالىق تەحنيكا زەرتتەۋ ورنى دەربەس زەرتتەپ شىعارعان ساپالى، ەرەكشە ساعىز جازدىق ءبيداي تۇقىمى بولىپ، سورتى ساپالى، ءونىم مولشەرى جوعارى، ساعىزدىعى كۇشتى بولۋ سياقتى ەرەكشەلىكتەرگە يە، جۋىق جىلداردان بەرى كەڭ كولەمدە جالپىلاستىرىپ پايدالانىلعاندىقتان، العاشقى ادىمدا شينچۇن 6 - ءنومىرلىنىڭ ورنىن باسىپ، رايونىمىزدىڭ نەگىزگى ەگىلەتىن جازدىق ءبيداي تۇقىمىنا اينالىپ، ەگىنشى وتباسىلارىنىڭ جانە بازاردىڭ ايرىقشا قۇپتاۋىنا يە بولدى.

  تانىستىرۋعا قاراعاندا، بيىل شينچۇن 37 - ءنومىرلى ساپالى، ەرەكشە ساعىز جازدىق ءبيدايدىڭ شونجى اۋدانىندا بازارداعى ساتىپ الۋ باعاسى ءار كيلوگرامى 2.5 يۋانعا جەتىپ، ادەتتەگى ءبيدايدان جوعارى بولىپ، جەرگىلىكتى ورىننىڭ اۋىل شارۋاشىلىعىنىڭ تيبىن وزگەرتىپ، دارەجەسىن وسىرۋىندەگى، ەگىنشى وتباسىلارىنىڭ كىرىسىن ۇزدىكسىز، ورنىقتى ارتتىرۋىنداعى ماڭىزدى سۇيەنىشىنە اينالعان.

  شينجياڭ اۋىل شارۋاشىلىق عىلىم اكادەمياسى يادرولىق تەحنيكا، بيولوگيالىق تەحنيكا زەرتتەۋ ورنىنىڭ اعا زەرتتەۋشىسى جاڭ يۋەچياڭ بىلاي دەدى: شينچۇن 37 - ءنومىرلى ساپالى، ەرەكشە ساعىز جازدىق ءبيدايدىڭ بىرلىك ونىمىنەن رەكورد جاڭالانۋى رايونىمىز جازدىق ءبيدايىنىڭ ساپالى، ءتۇسىمدى بولۋ نەگىزىنە جانە كەڭىستىگىنە يە ەكەندىگىن اناعۇرلىم ايقىن كورسەتتى، رايونىمىزدىڭ ءبىر ءبولىم سۋىق، سالقىن وڭىرلەرىن، اسىرەسە، دۇمبە ءبيداي ەگۋگە ۇيلەسپەيتىن وڭىرلەردى ءتىپتى دە كوپ تاڭداۋ جوباسىمەن قامداپ، جەر - جەردىڭ اۋىل شارۋاشىلىعى ءوندىرىسى قۇرىلىمىن عىلمي ساپالىلاندىرۋىنا، استىق ءوندىرىسىنىڭ جالپى دەڭگەيىن جوعارىلاتۋىنا كومەكتەسەدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار