بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا ساپارىندا تاعى دا ەڭبەك ءسىڭىرىپ، ۇلەس قوسامىز

− باس شۋجي شي جينپيڭنىڭ حىبەي ولكەسىنىڭ چىڭدى قالاسىندا قىزمەت تەكسەرگەندە سويلەگەن ماڭىزدى ءسوزى كۇشتى اڭىس قوزعادى

2021.08.27 16:13     كەلۋ قاينارى : حالىق تورابى

  8 - ايدىڭ 23 - كۇنىنەن 24 - كۇنىنە دەيىن باس شۋجي شي جينپيڭ حىبەي ولكەسىنىڭ چىڭدى قالاسىندا قىزمەت تەكسەردى ءارى ماڭىزدى ءسوز سويلەدى، بۇل حىبەي ولكەسىندەگى كادرلار مەن بۇقارا اراسىندا كۇشتى اڭىس قوزعادى. كوپشىلىك بىلاي دەستى: باس شۋجي شي جينپيڭنىڭ تاپسىرماسىن، ءسوز جوق، ەستە بەرىك ساقتاپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن جاپپاي تياناقتاندىرىپ، ورنىقتىلىق بارىسىندا ىلگەرىلەۋ سىندى قىزمەت نەگىزگى اۋەنىنەن جازباي، جاڭا دامۋ ۇستانىمىن تولىق، دۇرىس، جاپپاي دايەكتىلەندىرىپ، سايحانبا رۋحىن ساۋلەلەندىرىپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋدىڭ ءتۇرلى قىزمەتتەرىن ءبىر تۇتاس جوسپارلاپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، ساپالى دامۋدى ىلگەرىلەتىپ، تۇتاس جىلداعى ەكونوميكالىق، قوعامدىق دامۋدىڭ باستى نىسانا - مىندەتتەرىن قۇلشىنا ورىنداپ، «14 – بەسجىلدىقتا» جاقسى باستاما باستايمىز.

  سايحانبا رۋحىن ويداعىداي جالعاستىرىپ، ەكولوگيالىق وركەنيەت ۇستانىمىن جەتە ءتۇسىنۋ جانە تياناقتاندىرۋ كەرەك

  سايحانبا ماشينالى ورمان الاڭىندا باس شۋجي شي جينپيڭ ورمان الاڭىنىڭ 3 ۇرپاق جۇمىسشى - قىزمەتكەرلەرىمەن ىقىلاسپەن اڭگىمەلەسىپ، ولاردىڭ قىزمەت، تۇرمىس جاعدايىن ۇعىسىپ، ورمان الاڭىنىڭ وراسان زور وزگەرىستەرىن بىرگە اڭگىمەلەپ، ورمان الاڭىنىڭ كەلەشەك دامۋىن بىرگە جوسپارلادى. شي جينپيڭ بىلاي دەپ دارىپتەدى: ەكولوگيالىق وركەنيەت قۇرىلىسىن يگەرۋدە زاتتىق ماتەريالعا سۇيەنۋمەن بىرگە، رۋحقا دا سۇيەنۋ كەرەك. سايحانبا رۋحىن ويداعىداي جالعاستىرىپ، ەكولوگيالىق وركەنيەت ۇستانىمىن جەتە ءتۇسىنىپ جانە تياناقتاندىرىپ، كۇش ۇستىنە كۇش قوسىپ، ەكىنشى رەت شارۋاشىلىق قۇرىپ، ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا ساپارىندا تاعى دا ەڭبەك ءسىڭىرىپ، ۇلەس قوسۋ كەرەك.

  سايحانبا ماشينالى ورمان الاڭىنىڭ ورتتەن ساقتانۋ قولباسشىلىق ورتالىعىندا قىزمەتكەرلەر ۇلكەن ەكران ارقىلى اۋىق - اۋىق باقىلاۋ – تەكسەرۋ جۇرگىزىپ تۇرادى، كەسكىننىڭ ءورت جاعدايىن باقىلاۋ - ولشەۋ قامتىمى ٪97 تەن اسقان. ورمان الاڭى «ءورت اپاتىنان ساقتاندىرۋ، باقىلاۋ - تەكسەرۋ تورى، ەكولوگيالىق حاۋىپسىزدىكتى اۋاشالاۋ تورى، ورتتەن ساقتانۋ اۋاشالاۋ بەلدەۋى بوگەۋ تورى» سىندى 3 قورعانىس تورىن قۇرىپ، ادام كۇشى، تەحنيكا، زات كۇشى ءوزارا ۇشتاسقان ءبىر تۇلعالانعان بايلىقتى باسقارۋ - قورعاۋ جۇيەسىن قالىپتاستىرعان.

  سايحانبا ماشينالى ورمان الاڭى ورمان قورعاۋ، ورتتەن ساقتانۋ ورتالىعىنىڭ باس سايكەستىرۋشىسى پىڭ جىجيە جۇمىسشى - قىزمەتكەرلەردىڭ ۋاكىلى رەتىندە باس شۋجي شي جينپيڭنىڭ ماڭىزدى ءسوزىن ناق مايداندا تىڭدادى. «باس شۋجي بىلاي دەپ قايتالاپ تاپسىردى: ورتتەن ساقتانۋ جاۋاپكەرلىگى توتەنشە ماڭىزدى، ورتتەن ساقتانۋ مەن ساياحاتتىڭ قاتىناسىن ويداعىداي ءبىر جاقتى ەتىپ، حاۋىپسىزدىكتى ءبىرىنشى ورىنعا قويۋدا تاباندى بولىپ، شىن مانىندە جارتى عاسىردان استام ۋاقىت ۇزدىكسىز جۇرگىزىلگەن كۇرەستىڭ ماڭىزدى جەتىستىگىن ويداعىداي باپتاۋ، ويداعىداي باسقارۋ، ويداعىداي قامتاماسىز ەتۋ كەرەك». پىڭ جىجيە بىلاي دەدى: ءبىز جاۋاپكەرلىگىمىزدىڭ اۋىر ەكەنىن تەرەڭ سەزىندىك، سايحانبا رۋحىن ۇزدىكسىز ساۋلەلەندىرىپ، وڭاي - وسپاق قولعا كەلمەگەن وسى ورمان تەڭىزىن ويداعىداي قورعاۋىمىز، گۇلدەندىرۋىمىز، دامىتۋىمىز كەرەك.

  شيۇڭ - ان توبى ەكولوگيالىق قۇرىلىس سەرىكتەستىگىنىڭ جوعارى دارەجەلى كاسىپتىك جاۋاپتىسى حۋاڭ شۋەچىن سايحانبا ماشينالى ورمان الاڭىندا 7 جىل قىزمەت ىستەگەن. ول بىلاي دەدى: «شيۇڭ - ان جاڭا رايونىنىڭ ەكولوگيالىق وركەنيەت قۇرىلىسىنىڭ قىزمەتكەرى رەتىندە ءبىز جاسىل دامۋ ۇستانىمىندا تاباندى بولىپ، سايحانبا رۋحىن ساۋلەلەندىرىپ، شيۇڭ - ان جاڭا رايونىنىڭ ەكولوگيالىق وركەنيەت قۇرىلىسىنا كەرپىش بولىپ قالانۋىمىز كەرەك».

  حىبي ولكەسى رۇيجاۋ لازەر نۇرى قايتا جاساۋ تەحنيكاسى شەكتى جارنا سەرىكتەستىگى پارتكومىنىڭ شۋجيى، باس جوراسى حان حۇڭشىڭ تالاي رەت پارتيا مۇشەلەرى مەن تىرەكتى قىزمەتكەرلەردى سايحانبا ماشينالى ورمان الاڭىنا ۇيرەنۋگە ۇيىمداستىردى. «قايتالاي جاساۋ كاسىبىن دامىتۋ جاساۋ كاسىبىندە قۋاتتى ەل قۇرۋدى جەدەلدەتۋگە، <كومىرتەگى قوس توتىعىنىڭ شىعارىلۋىن جوعارى مانگە جەتكىزىپ، كومىرتەگىن بەيتاراپتاندىرۋ> نىساناسىن جۇزەگە اسىرۋعا ءتيىمدى». حان حۇڭشىڭ بىلاي دەدى: ءبىز ەكولوگيالىق وركەنيەت ۇستانىمىن تەرەڭ ءتۇسىنىپ جانە تياناقتاندىرىپ، جاسىل، تومەن كومىرتەكتى اينالمالى دامۋدى كۇش سالا ىلگەرىلەتەمىز».

  جۇڭحۋانىڭ تاڭداۋلى ءداستۇرلى مادەنيەتىن ويداعىداي قورعاۋ، ويداعىداي جالعاستىرۋ، ويداعىداي پايدالانۋ كەرەك

  باس شۋجي شي جينپيڭ چىڭدى ساياجايىن كوزدەن كەشىرگەندە بىلاي دەپ اتاپ كورسەتتى: جۇڭحۋانىڭ تاڭداۋلى ءداستۇرلى مادەنيەتىن ويداعىداي قورعاپ، ويداعىداي جالعاستىرىپ، ويداعىداي پايدالانىپ، ونىڭ باي مازمۇنىن جاڭعىرتىپ، ونى مادەنيەت سەنىمىن اناعۇرلىم جاقسى بەكەمدەۋگە، ۇلت رۋحىن ۇيىستىرۋعا ءتيىمدى ەتۋ كەرەك.

  «باس شۋجي تاريحي مادەنيەت مۇرالارىن قورعاۋ جانە وعان مۇراگەرلىك ەتۋ قىزمەتىنە ايرىقشا ءمان بەرىپ، قوزعاۋشى كۇشىمىزدى ەسەلەپ ارتتىردى، سونداي - اق جاۋاپكەرلىگىمىزدىڭ اۋىر ەكەنىن دە تەرەڭ سەزىندىك». چىڭدى مۇراجايىنىڭ باستىعى سۇن جيشين بىلاي دەدى: «مادەنيەت قىزمەتكەرى رەتىندە زەرتتەۋ ورەسى مەن جاڭالىق اشۋ قابىلەتىن جوعارىلاتىپ، مادەني ەسكەرتكىشتەردىڭ استارىنداعى مادەنيەت مازمۇنىن اشىپ، اناعۇرلىم كوپ ادامعا تاريحي اڭگىمەلەردى ويداعىداي بايانداپ بەرەمىز».

  «باس شۋجيدىڭ ماڭىزدى ءسوزى ءبىزدىڭ جىڭديڭ بايىرعى قالاسىن قورعاۋ قىزمەتىن اناعۇرلىم جاقسى ىستەۋىمىزگە ايقىن باعدار كورسەتتى». جىڭديڭ اۋداندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى جاڭ شيڭ بىلاي دەدى: ءبىز بايىرعى قالانىڭ بەت - بەينەسىن قالپىنا كەلتىرۋدى، جوعارىلاتۋدى مادەني مۇرالاردى قورعاۋمەن، تاريحي مادەنيەتكە مۇراگەرلىك ەتۋمەن تىعىز ۇشتاستىرىپ، بايىرعى قالانىڭ تامىرىن قورعاپ، مادەني مۇرالاردى جانداندىرامىز.

  شيۇڭ - ان جاڭا رايونىنىڭ جوبا قۇرىلىسىندا تاريحي مۇرالاردى قورعاۋعا، رەتتەۋگە باسا ءمان بەرىلدى، تاياۋ جىلداردان بەرى شيۇڭشيان اۋدانى سۇڭ – لياۋ پاتشالىقتارى داۋىرىندەگى شەكارالىق جەر استى جولى جۇرتتارىنا ەكسكۋرسيالاۋعا كەلگەن ساياحاتشىلار ۇزدىكسىز كوبەيدى. شيۇڭشيان اۋداندىق مادەني مۇرالاردى قورعاۋ، باسقارۋ ورنىنىڭ باستىعى جين زىچياڭ بىلاي دەدى: «ءبىز باس شۋجيدىڭ ماڭىزدى ءسوزىنىڭ رۋحىن مۇقيات تياناقتاندىرىپ، جۇڭحۋانىڭ تاڭداۋلى ءداستۇرلى مادەنيەتىن اناعۇرلىم ويداعىداي قورعاپ، ويداعىداي جالعاستىرىپ، ويداعىداي پايدالانىپ، تاريحي مادەنيەت جۇلگەسىن جالعاستىرامىز».

  جوجوۋ قالالىق مادەنيەت، راديو - تەلەۆيزيا جانە ساياحات مەكەمەسىنىڭ باستىعى گو شۋەچيڭ بىلاي دەدى: «ءبىز جەرگىلىكتى ورىننىڭ گۋمانيتارلىق بايلىعىنا سۇيەنىپ، ەرەكشە قيمىلدار ارقىلى جۇڭحۋانىڭ تاڭداۋلى ءداستۇرلى مادەنيەتىن ايگىلەپ، وسى زامانعى مادەنيەت كاسىبىن دامىتىپ، جوجوۋدىڭ ساپالى دامۋىن جەبەيمىز».

  تەرەزەسى تەڭ، ىنتىماقتى، قارايلاسىمدى، جاراسىمدى سوتسياليستىك ۇلت قاتىناسىن ۇزدىكسىز بەكەمدەۋ جانە دامىتۋ كەرەك

  چىڭدى قالاسىندا قىزمەت تەكسەرگەندە باس شۋجي شي جينپيڭ بىلاي دەپ اتاپ كورسەتتى: جۇڭگو كوممۋنيستىك پارتياسىنىڭ باسشىلىعىندا تاباندى بولىپ، ۇلت ماسەلەسىن شەشۋدىڭ جۇڭگوشا ەرەكشەلىككە يە دۇرىس جولىمەن جۇرۋدە تاباندى بولىپ، پارتيانىڭ ۇلت نازارياسى مەن ۇلت ساياساتىن جاپپاي دايەكتىلەندىرىپ، تەرەزەسى تەڭ، ىنتىماقتى، قارايلاسىمدى، جاراسىمدى سوتسياليستىك ۇلت قاتىناسىن ۇزدىكسىز بەكەمدەۋ جانە دامىتۋ كەرەك.

  «باس شۋجيدىڭ ماڭىزدى ءسوزىنىڭ رۋحىن مۇقيات ۇيرەنۋ بارىسىندا ءبىز جۇڭگو كوممۋنيستىك پارتياسى عانا جۇڭحۋا ۇلتىنىڭ ۇلى ىنتىماعىن جۇزەگە اسىرا الاتىنىن، جۇڭگوشا سوتسياليزم عانا ءار ۇلتتى توعىستىرىپ، ءار ۇلتتى دامىتىپ، ءار ۇلتتى گۇلدەندىرەتىنىن ءتىپتى دە تەرەڭ سەزىندىك». چينحۋاڭداۋ قالاسى چيڭلۇڭ مانزۋ اۆتونوميالى اۋدانى لۇڭتان قىستاعى پارتيا ياچەيكاسى شۋجيىنىڭ ورىنباسارى سۇڭ حايجۇن بىلاي دەدى: «ءبىز ۇلتتىق ەرەكشەلىككە يە قىستاقتى، قىزىل ساياحات قىستاعىن بەلسەنە قۇرىپ، ۇلتتارى ىنتىماقتى، شارۋاشىلىعى شالقىعان سوتسياليستىك جاڭاشا قىستاقتى ويداعىداي قۇرىپ شىعامىز».

  «ۇلت قىزمەتىن جاقسى ىستەۋ ءۇشىن، ءسوز جوق، پارتيانىڭ باسشىلىعىندا تاباندى بولۋ كەرەك». چىڭدى قالاسى ۋەيچاڭ مانزۋ موڭعۇل اۆتونوميالى اۋداندىق ۇلت، ءدىن ىستەرى مەكەمەسىنىڭ قىزمەتكەرى جاۋ يۋانيۋان مىنانى ءبىلدىردى: پارتيانىڭ ۇلت نازارياسى مەن ۇلت ساياساتىن جاپپاي دايەكتىلەندىرىپ، ءار ۇلت بۇقاراسىن وتاندى ءسۇيۋدى ۇلتتى سۇيۋمەن، اتا مەكەندى سۇيۋمەن بىرلىككە كەلتىرۋگە جەتەكتەپ، ۇلتتاردىڭ ىنتىماقتاسا كۇرەس جاساۋىن، بىرگە گۇلدەنىپ دامۋىن جەبەيمىز.

  «جۇڭحۋا ۇلتى ورتاق تۇلعا تانىمىن بەرىك ورناتۋ − ءبىزدىڭ يدەيالىق - ساياسي تاربيەمىزدىڭ ءتۇيىنى». لاڭفاڭ كاسىپتىك - تەحنيكالىق شۋەيۋانىنىڭ يدەيالىق - ساياسي نازاريا ساباعى وقىتۋشىسى ياڭ كايحۇڭ مىنانى ءبىلدىردى: ءبىز باس شۋجيدىڭ ماڭىزدى ءسوزىنىڭ رۋحىن تياناقتاندىرىپ، ۇلتتار ىنتىماعى تاربيەسىن جوعارى مەكتەپتەردىڭ يدەيالىق - ساياسي نازاريا ساباعىنا اناعۇرلىم ويداعىداي ءسىڭىرىپ، ساباقحانا وقىتۋىن، قوعامدىق اماليات وقىتۋىن، 2 - ساباقحانا قيمىلىن ورگانيكالى ۇشتاستىرىپ، ۇلتتار ىنتىماعى تاربيەسىنىڭ باعىتتامالىلىعى مەن ونىمدىلىگىن كۇشەيتەمىز.

  اۋىل - قىستاقتى گۇلدەندىرۋ قۇرىلىسى ارەكەتىن اتقارۋ ارقىلى اۋىل - قىستاقتىڭ قونىس ورتاسىن رەتتەۋ - وڭاۋدى ىشكەرىلەي ورىستەتۋ كەرەك

  چىڭدى قالاسى شۋاڭلۋان رايونى پيانچياۋزى قالاشىعى داگۇيكوۋ قىستاعىندا تەكسەرۋ - زەرتتەۋ جۇرگىزگەندە باس شۋجي شي جينپيڭ بىلاي دەپ دارىپتەدى: ءبىز اۋىل - قىستاقتى گۇلدەندىرۋ قۇرىلىسى ارەكەتىن اتقارۋ ارقىلى اۋىل - قىستاقتىڭ قونىس ورتاسىن رەتتەۋ - وڭاۋدى ىشكەرىلەي ورىستەتىپ، جەرگىلىكتى جاعدايعا قاراي ءىس ىستەپ، شىندىقتى ءىس جۇزىنەن ىزدەپ، جۇمىستى ءبىر - بىرلەپ ىستەپ، جىلدان - جىلعا جالعاستىرىپ ىستەپ، سوتسياليستىك جاڭاشا اۋىل - قىستاقتى اناعۇرلىم كوركەم، قونىستانۋعا جايلى ەتىپ قۇرىپ شىعۋىمىز كەرەك.

  «مەن باس شۋجيگە قىستاقتىڭ دامۋ جاعدايىنان مالىمەت بەردىم». سول كەزدەگى جاعدايدى ەسكە العاندا، داگۇيكوۋ قىستاعىنىڭ ءبىرىنشى شۋجيى حاۋ تيانجياۋ ايرىقشا جەلپىنىپ، بىلاي دەدى: «ءبىز، ءسوز جوق، باس شۋجيدىڭ تاپسىرماسىن ەستە بەرىك ساقتاپ، تىڭعىلىقتى ىستەپ، ۇزدىكسىز كۇرەس جۇرگىزىپ، قونىس ورتاسىن جونگە سالۋ سەرپىنىن ۇزدىكسىز ارتتىرىپ، قورشاعان ورتانى اناعۇرلىم جايلى ەتىپ، قىستاق تۇرعىندارىنىڭ تابىس، باقىت، حاۋىپسىزدىك سەزىمىن ۇزدىكسىز جوعارىلاتامىز».

  «اۋىل - قىستاقتىڭ قونىس ورتاسىن رەتتەۋ - جونگە سالۋ − قامال الۋ شايقاسى عانا ەمەس، ونان دا ماڭىزدىسى، ۇزاققا سوزىلاتىن شايقاس». شىجياجۋاڭ قالاسى گاۋچىڭ رايوندىق پارتكومنىڭ شۋجيى ۋاڭ جينشان بىلاي دەدى: ءبىز اۋىل - قىستاقتىڭ قونىس ورتاسىن جونگە سالۋدى اۋىل - قىستاق ورتاسىن جاقسارتۋدىڭ، اۋىل - قىستاقتى گۇلدەندىرۋدى ىلگەرىلەتۋدىڭ ماڭىزدى تۇتقاسى ەتىپ، دارەتحانا توڭكەرىسىن، تۇرمىستىق لاس سۋدى جونگە سالۋ ارناۋلى ارەكەتىن ىشكەرىلەي ىلگەرىلەتىپ، ەكولوگياسى جانعا جايلى، كورىكتى اۋىل - قىستاق قۇرامىز.

  «باس شۋجيدىڭ ماڭىزدى ءسوزىنىڭ رۋحىن دايەكتىلەندىرۋ، تياناقتاندىرۋ ءۇشىن، ءبىز كورىكتى، جانعا جايلى جاڭاشا اۋىل - قىستاق قۇرىلىسىن كۇش سالا ىلگەرىلەتەمىز». حىبەي ولكەسى اۋىل شارۋاشىلىعى، اۋىل - قىستاق مەڭگەرمەسىنىڭ 2 - دارەجەلى شارلاۋشىسى مىڭ جاۋ - ان مىنانى ءبىلدىردى: بيىل حىبەي ولكەسى فۋنكتسياسى كەمەلدى، ورتاسى كوركەم، قونىستانۋعا، شارۋاشىلىق قۇرۋعا، ساياحاتتاۋعا قولايلى جاڭا داۋىردەگى 2 مىڭ كورىكتى اۋىل - قىستاقتى كۇش سالا قۇرىپ، ولكە دارەجەلى 50 اۋىل - قىستاقتى گۇلدەندىرۋدەن ۇلگى كورسەتۋ رايونىن قۇرادى.

  قارتتاردىڭ ءومىرىنىڭ سوڭعى كەزدەرىن باقىتتى، تاماشا وتكىزۋىنە مۇمكىندىك جاساۋ كەرەك

  چىڭدى قالاسى جوعارى، جاڭا تەحنيكا رايونىنىڭ بينحى الەۋمەتتىك اۋماعىنداعى قارتتاردى ۇيدە كۇتىمدەۋگە قىزمەت وتەۋ ورتالىعىندا باس شۋجي شي جينپيڭ بىلاي دەپ اتاپ كورسەتتى: قارتتاردىڭ كوپ جاقتى قاجەتىن قاناعاتتاندىرىپ، قارتتاردىڭ ءومىرىنىڭ سوڭعى كەزدەرىن باقىتتى، تاماشا وتكىزۋىنە مۇمكىندىك جاساۋ − ءار دارەجەلى پارتكوم مەن ۇكىمەتتىڭ ماڭىزدى جاۋاپكەرلىگى. زەينەتكەرلىك ىستەرى مەن زەينەتكەرلىك كاسىپ سالاسىنىڭ سايكەستى دامۋىن ىلگەرىلەتىپ، جالپىعا ءتيىمدى زەينەتكەرلىك قىزمەت وتەۋىن دامىتىپ، الەۋمەتتىك اۋماقتاعى قارتتاردى ۇيدە كۇتىمدەۋگە قىزمەت وتەۋ جەلىسىن كەمەلدەندىرىپ، وتباسىلار، ءمالى باسقارمالارى، قۇرىلىمدار ءوزارا سايكەسكەن، مەديتسينالىق كۇتىمدەۋ مەن سالاماتتىق كۇتىمدەۋ ءوزارا ۇشتاسقان زەينەتكەرلىك قىزمەت وتەۋ جۇيەسىن قالىپتاستىرۋ كەرەك.

  «باس شۋجيدىڭ ماڭىزدى ءسوزى الەۋمەتتىك اۋماقتىڭ زەينەتكەرلىككە قىزمەت وتەۋىنە ايقىن باعدار كورسەتتى». بينحى الەۋمەتتىك اۋماعى پارتيا باس ياچەيكاسىنىڭ شۋجيى، تۇرعىندار كوميتەتىنىڭ مەڭگەرۋشىسى شۇي جياجيە بىلاي دەدى: «ءبىز الەۋمەتتىك اۋماقتىڭ زەينەتكەرلىككە قىزمەت وتەۋ ۇلگىسىندە اناعۇرلىم جاڭالىق اشىپ، كاسىپورىندار مەن قوعامدىق بايلىقتاردى جانداندىرىپ، الەۋمەتتىك اۋماقتىڭ زەينەتكەرلىككە قىزمەت وتەۋىن سۇرىپتاپ، ەگجەي - تەگجەيلى، ناقتى ىستەپ، قارتتاردىڭ قاجەتىن جان - جاقتى قاناعاتتاندىرىپ، ءتىپتى دە كوپ الەۋمەتتىك اۋماقتاعى قارتتارعا تيىمدىلىك جاسايمىز».

  حاندان قالاسى گۋاڭپيڭ اۋدانى نانياڭباۋ قالاشىعى نانياڭباۋ قىستاعىنىڭ شيپاگەرى ليۋ گۇيفاڭ 2014 - جىلدان باستاپ قىستاق تۇرعىندارىنا «ەمدەۋ مەن كۇتىمدەۋدى ۇشتاستىرۋ» بويىنشا زەينەتكەرلىك قىزمەت وتەۋ جونىندە ىزدەنىس جاسادى. ليۋ گۇيفاڭ بىلاي دەدى: «باس شۋجي <وتباسىلار، ءمالى باسقارمالارى، قۇرىلىمدار ءوزارا سايكەسكەن، مەديتسينالىق كۇتىمدەۋ مەن سالاماتتىق كۇتىمدەۋ ءوزارا ۇشتاسقان زەينەتكەرلىك قىزمەت وتەۋ جۇيەسىن قالىپتاستىرۋدى> دارىپتەدى، ءبىز قىستاق تۇرعىندارىنا ارنالعان ەمدەۋ، ساۋىقتىرۋ، كۇتىمدەۋ، زەينەتكەرلىك ءبىر تۇلعالاندىرىلعان كۇتىنۋ جاعىنان قىزمەت وتەۋگە زەيىن - زەردەمىزدى، كۇش - قۋاتىمىزدى ارنايمىز».

  «باس شۋجيدىڭ ماڭىزدى ءسوزىنىڭ رۋحىن مۇقيات ۇيرەنگەنىمىزدە جىگەرىمىز تاسقىنداي ءتۇستى». حىڭشۇي قالاسى جيجوۋ رايونىنداعى كەدەيلەردى شوعىرلى باعۋ ورتالىعىنىڭ مەڭگەرۋشىسى سۇن حۇڭۋاڭ بىلاي دەدى: «ءبىز كۇتۋشىلەردى شەبەرلىككە باۋلۋدى كۇشەيتىپ، قارتتاردى كۇتىمدەۋگە قىزمەت وتەۋ دەڭگەيىن جوعارىلاتىپ، ەرەكشە قيىنشىلىعى بار قارتتاردى كۇتىمدەۋ قيىنشىلىعىن شەشىپ، ولاردىڭ سوڭعى ءومىرىن باقىتتى وتكىزۋىنە مۇمكىندىك جاسايمىز».

  («حالىق گازەتىنىڭ» تىلشىلەرى شۇي يۇنپيڭ، جاڭ جىفىڭ، شى زىچياڭ، ما چىن، جاڭ تىڭياڭ، شاۋ يۇيزى)

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار