شينجياڭدا نەگىزگى ەگىس داقىلدارىن جاسىل جولمەن دەرت - دەربەزدەن ساقتاۋ - تىزگىندەۋدىڭ قامتۋ سالىستىرماسى ％35تەن استى
ەگىس دارىلەرىنىڭ مولشەرىن ازايتىپ، ونىمدىلىگىن ارتتىرۋدىڭ ناتيجەسى كورنەكتى بولدى
2021.08.31 16:30 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى ليۋ ي 8 - ايدىڭ 27 - كۇنى ۇرىمجىدەن حابارلايدى. اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنەن ۇعىسۋعا قاراعاندا، سوڭعى جىلدارى رايونىمىز ەگىس داقىلدارىن جاسىل جولمەن دەرت - دەربەزدەن ساقتاۋ - تىزگىندەۋدى، ءبىر تۇتاس ساقتانۋدى، ءبىر تۇتاس جونگە سالۋدى ۇزدىكسىز ىلگەرىلەتىپ، دەرت - دەربەزدى، زياندى جاندىكتەردى باياندى جونگە سالۋدىڭ بايلىق ۇنەمدەيتىن، ورتاسى جاراسىمدى جۇيەسىن ورناتقان. كەزەكتە بۇكىل رايوندا نەگىزگى ەگىس داقىلدارىن جاسىل جولمەن دەرت - دەربەزدەن ساقتاۋ - تىزگىندەۋدىڭ قامتۋ سالىستىرماسى ％35تەن اسىپ، دەرت - دەربەز، زياندى جاندىكتەردەن كاسىپتىك ءبىر تۇتاس ساقتانۋ، ءبىر تۇتاس جونگە سالۋدىڭ قامتۋ سالىستىرماسى ％40تەن استامعا جەتىپ، ەگىس داقىلدارىن جاسىل جولمەن دەرت - دەربەزدەن ساقتاۋ - تىزگىندەۋدە كورنەكتى ەكولوگيالىق ونىمدىلىككە جانە ەكونوميكالىق ونىمدىلىككە قول جەتكىزدى.
تانىستىرۋعا قاراعاندا، سوڭعى جىلدارى رايونىمىز ءتۇيىندى وڭىرلەردى جانە ءتۇيىندى ەگىس داقىلدارىن ارقاۋ ەتىپ، ءبىر تۇتاس ساقتانۋ، ءبىر تۇتاس جونگە سالۋ مەن جاسىل جولمەن ساقتانۋ - تىزگىندەۋدىڭ توعىسۋىن بەلسەنە ىلگەرىلەتىپ، جاسىل جولمەن دەرت - دەربەزدەن ساقتانۋ - تىزگىندەۋ تەحنيكاسىن جالپىلاستىرعان. ەگىن شارۋاشىلىعى تەحنيكتەرى ەگىن شارۋاشىلىعى ءوندىرىسىنىڭ ءبىرىنشى شەبىنە بارىپ، حيميالىق ەمەس ساقتانۋ - تىزگىندەۋ تەحنيكاسىن جالپىلاستىرىپ، جاسىل جولمەن ساقتانۋ - تىزگىندەۋ تەحنيكاسىن جالپىلىق ساقتانۋ - تىزگىندەۋ تەحنيكالىق جۇيەسىنە ەنگىزىپ، جەرگىلىكتى جاعدايعا قاراي ىستەپ، تەحنيكانى جاڭالاپ، ۇلگىنى جالپىلاستىرىپ، وڭىرلىك ەرەكشەلىككە جانە ەگىس داقىلدارىنىڭ ءونىمىن ورنىقتىرۋعا ۇيلەسەتىن ەگىس دارىلەرىنىڭ مولشەرىن ازايتۋ ارقىلى ونىمدىلىگىن ارتتىرۋ جالپىلىق قولدانىلمالى تەحنيكا ۇلگىسىن ورناتىپ، ەگىس دارىلەرىنىڭ پايدالانىلۋ سالىستىرماسىن جوعارىلاتقان. سونىمەن بىرگە بۇكىل رايون كاسىپتىك ءبىر تۇتاس ساقتانۋ، ءبىر تۇتاس جونگە سالۋ مەن جاسىل ساقتانۋ - تىزگىندەۋدى توعىستىرۋ ۇلگى رايونىن قۇرىپ، ءتۇيىن ارقىلى كولەمگە جەتەكشىلىك ەتىپ، ەگىس دارىلەرىنىڭ پايدالانىلۋ مولشەرىنىڭ ارتپاۋىن جەبەگەن.
تولىقسىز ساناققا قاراعاندا، 2020 - جىلدىڭ سوڭىنا دەيىن بۇكىل رايوننىڭ ءار دارەجەلى ورىندارىنداعى وسىمدىك قورعاۋ تاراۋلارى ەگىس دارىلەرىنىڭ مولشەرىن ازايتىپ دەرت - دەربەزدى تىزگىندەۋ، جاسىل جولمەن ساقتانۋ - تىزگىندەۋ، ءبىر تۇتاس ساقتانۋ، ءبىر تۇتاس جونگە سالۋ سياقتى ءتۇرلى ۇلگى رايونىنان جيىنى 483ىن قۇرعان، وزەكتى ۇلگى كورسەتۋ اۋماعى 2 ميلليون 700 مۋ، جەتەكشىلىك ەتۋ اۋماعى 12 ميلليون 800 مىڭ مۋ بولعان. جەتەكشىلىك ەتۋ، ۇلگى كورسەتۋ ارقىلى ۇلگى رايوندارىنداعى ەگىس داقىلدارىن نەگىزگى دەرت - دەربەز، زياندى جاندىكتەردەن ءونىمدى ساقتاپ - تىزگىندەپ، جاسىل جولمەن ساقتانۋ - تىزگىندەۋ تەحنيكاسىن ىشكەرىلەي جالپىلاستىرىپ پايدالانىپ، دەرت - دەربەز، زياندى جاندىكتەردىڭ تۋىلۋىن ءونىمدى ازايتىپ، ەگىس اتىزدارىنىڭ ەكولوگيالىق شاعىن ورتاسىن وزگەرتىپ، تابيعاتتاعى زياندى جاندىكتەردىڭ قاس جاۋلارىنىڭ ءتۇرى مەن سانىن ارتتىرىپ، ەگىس اتىزدارىنىڭ دەرت - دەربەز، زياندى جاندىكتەردى تابيعي تىزگىندەۋ قابىلەتىن جوعارىلاتقان. ۇلگى رايوندارىندا ساقتانۋ - تىزگىندەۋ تەحنيكاسىنىڭ تياناقتانۋ سالىستىرماسى ％90تەن اسىپ، ءدارى پايدالانۋ رەت سانى 2 دە 3 رەتكە ازايىپ، حيميالىق ەگىس دارىلەرىنىڭ مولشەرى ％30تەن استام ازايىپ، ەگىس دارىلەرىنىڭ مولشەرىن ازايتىپ، ونىمدىلىگىن ارتتىرۋ ناتيجەسى كورنەكتى بولعان.
جاسىل جولمەن ساقتانۋ - تىزگىندەۋ تەحنيكاسىن ۇزدىكسىز ىلگەرىلەتۋمەن بىرگە، رايونىمىز ۇسىنىلىم سەرپىنىن ارتتىرىپ، وسىمدىك قورعاۋ ماماندانعان قىزمەت وتەۋ ۇيىمدارىنىڭ اقاۋسىز دامۋىن جەبەپ، ەگىس داقىلدارىندا بولاتىن اۋىر دەرت - دەربەز، زياندى جاندىك اپاتىنان ءبىر تۇتاس ساقتانۋدى، ءبىر تۇتاس جونگە سالۋدى ورىستەتۋگە ۇيىمداستىرىپ، ەگىس داقىلدارىن دەرت - دەربەزدەن، زياندى جاندىكتەردەن كاسىپتىك ساقتاۋ، تىزگىندەۋ قابىلەتىن جوعارىلاتتى. قازىر بۇكىل رايوندا كاسىپتىك ءبىر تۇتاس ساقتانۋ، ءبىر تۇتاس جونگە سالۋ ۇيىمدارىنىڭ جالپى سانى 1197گە جەتتى، ءىرى، ورتا، شاعىن تۇرپاتتى جوعارى ءونىمدى وسىمدىك قورعاۋ ماشيناسىنان 42 مىڭنان استامى بار، كاسىپپەن اينالىسۋشىلار 9000 ادامعا تايادى، كۇنىنە 4 ميلليون 800 نەشە مىڭ مۋ - رەت جۇمىس جۇرگىزۋ قۋاتىنا يە.
تانىستىرۋعا قاراعاندا، رايونىمىز ەگىس داقىلدارىندا كاسىپتىك ءبىر تۇتاس ساقتانۋ، ءبىر تۇتاس جونگە سالۋدى اتقارۋ ارقىلى ەگىن شارۋاشىلىعى وندىرىسىندە ۋىتى، قالدىعى جوعارى ەگىس دارىلەرىنىڭ پايدالانىلۋىن شەكتەپ، ەگىس دارىلەرىنىڭ پايدالانىلۋ مولشەرى مەن دارىلەۋ رەت سانىن ءونىمدى ازايتىپ، ەگىس دارىلەرىن قاتە پايدالانۋدان، بەتالدى پايدالانۋدان ءدارى زاردابى تۋىلۋىن جانە قورشاعان ورتانىڭ، سونداي - اق اۋىل شارۋاشىلىق ونىمدەرىنىڭ بىلعانۋىن ازايتىپ، ەگىس داقىلدارىندا بولاتىن اۋىر دەرت - دەربەز، زياندى جاندىك اپاتىن شۇعىل ءبىر جاقتى ەتۋ دەڭگەيىن ءونىمدى جوعارىلاتىپ، رايونىمىزدىڭ ەگىن شارۋاشىلىعى ءوندىرىسىنىڭ حاۋىپسىزدىگى مەن باياندى دامۋىن پارمەندى تۇردە قامتاماسىز ەتكەن.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
