شي جينپيڭ تاجىكستاننىڭ زۇڭتۇڭىمەن، يتاليانىڭ زۇڭليىمەن تەلەفوندا جەكە - جەكە سويلەستى
2021.09.09 15:21 كەلۋ قاينارى : شينجياڭ گازەتى
شينحۋا اگەنتتىگىنىڭ 9 - ايدىڭ 7 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 9 - ايدىڭ 7 - كۇنى تاجىكستاننىڭ زۇڭتۇڭى راحمونمەن تەلەفوندا سويلەستى.
شي جينپيڭ تاجىكستاننىڭ الدا كەلە جاتقان تاۋەلسىزدىگىنىڭ 30 جىلدىعىن قۇتتىقتايتىندىعىن ءبىلدىردى. شي جينپيڭ بىلاي دەپ اتاپ كورسەتتى: كەزەكتە، جۇڭگو - تاجىكستان قارىم - قاتىناسى تاريحتاعى ەڭ جوعارى دەڭگەيدە تۇر. ەكى جاق ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ءوزارا باتىل قولداۋ كورسەتىپ، جوعارى دەڭگەيدەگى ستراتەگيالىق ءوزارا سەنىمدەرىن بەينەلەدى، جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ جونىندە تىعىز سەلبەستىك ورىستەتىپ، ءبىر نيەتپەن كۇش بىرىكتىرىپ، قيىندىقتى بىرگە جەڭەتىن كورشىلىك سۇيىسپەنشىلىكتى ايگىلەدى، ءبىر - بىرىنە ارقا سۇيەيتىن سەنىمدى سەرىك بولدى. كەلەر جىلى جۇڭگو - تاجىكستان ديپلوماتيالىق قارىم - قاتىناس ورناتقاندىعىنىڭ 30 جىلدىعىن قارسى الادى. جۇڭگو جاق تاجىكستان جاقپەن بىرگە قۇلشىنىپ، باي مازمۇندى دامۋ ورتاق تۇلعاسىن تۇلعالاپ، بەكەم حاۋىپسىزدىك ورتاق تۇلعاسىن قالىپتاستىرىپ، ەكى ەلدىڭ ورتاق مۇددەسىن قورعاپ، ءوڭىردىڭ بەيبىتشىلىگى مەن دامۋىن جەبەۋدى قالايدى.
شي جينپيڭ بىلاي دەپ باسا دارىپتەدى: ەكى جاق ۇزدىكسىز ”ءبىر بەلدەۋ، ءبىر جولدى“ جوعارى ساپادا بىرگە قۇرۋدى نەگىزگى جەلى ەتىپ، ەكونوميكا - ساۋدا، ۇلاستىرۋ - تۇتاستىرۋ، سيفرلى ەكونوميكا سياقتى سالالارداعى سەلبەستىكتى ىلگەرىلەتۋى كەرەك. جۇڭگو جاق جۇڭگو كاسىپورىندارىن تاجىكستانعا بارىپ قارجى قوسىپ، شارۋاشىلىقتى كوركەيتۋگە ىنتالاندىرادى، تاجىكستان جاقتىڭ جاسىل، ساپالى اۋىل شارۋاشىلىق ونىمدەرىن ەكسپورت ەتۋدى كەڭەيتۋدى قالايدى. ەكى جاق شەكارا وتكەلى بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ رولىن تولىق ساۋلەلەندىرىپ، جۇڭگو - تاجىكستان زات تاسىمالى كۇرە جولىنىڭ جوعارى ونىمدىلىگىنە، ىركىلىسسىزدىگىنە شىنايى كەپىلدىك ەتۋ كەرەك. جۇڭگو جاق تاجىكستان جاقتىڭ ىندەتكە قارسى اتتانۋىن ۇزدىكسىز قولداپ، ەكى ەلدىڭ ەمدەۋ، مەديتسينا سالاسىنداعى سەلبەستىگىن تەرەڭدەتۋدى قالايدى.
شي جينپيڭ بىلاي دەپ اتاپ كورسەتتى: جۇڭگو جاق تاجىكستان جاقتىڭ شاڭحاي سەلبەستىك ۇيىمىنا كەزەكتى ءتوراعا ەل بولعاننان بەرى ورىستەتكەن قىزمەتتەرىنە جوعارى باعا بەرەدى، تاجىكستان جاقتىڭ ءتوراعا ەل مىندەت جاۋاپكەرشىلىگىن اتقارىپ، شاڭحاي سەلبەستىك ۇيىمىنىڭ 20 جىلدىعىن ەسكە ءتۇسىرۋ باسشىلار باس قوسۋىن ويداعىداي وتكىزۋىن بار كۇشپەن قولدايدى ءارى وسىنى وراي ەتىپ، مۇشە ەلدەردىڭ ىنتىماعىن، ءوزارا سەنىمىن ارتتىرىپ، حاۋىپسىزدىك جانە ناقتى ىستەر سەلبەستىگىن تەرەڭدەتىپ، شاڭحاي سەلبەستىك ۇيىمىنىڭ جاڭا باستامادا اناعۇرلىم زور دامۋعا قول جەتكىزۋىن ىلگەرىلەتەدى.
راحمون مىنانى ءبىلدىردى: تاجىكستان مەن جۇڭگو جان - جاقتى ستراتەگيالىق سەرىكتەر، ەكى ەلدىڭ ءارقايسى سالالارداعى قارىم - قاتىناسى ۇزدىكسىز ورنىعۋدا، دامۋدا. تاجىكستان جاق ۇلى دوسى جۇڭگونىڭ ۇزاق ۋاقىتتان بەرى تاجىكستان جاققا قالتقىسىز، شىنايى كومەك كورسەتكەندىگىنە العىس ايتادى، اسىرەسە، جۇڭگو جاق دەر كەزىندە قامداعان جاڭا تيپتى ايدارشا ۆيرۋس وكپە قابىنۋى ۆاكسينا كومەگى تاجىكستان جاقتىڭ ىندەتكە قارسى اتتانۋىن پارمەندى قولدادى. تاجىكستان جاق جۇڭگو جاقپەن بىرگە قۇلشىنىپ، ەكونوميكا - ساۋدا، حاۋىپسىزدىك، گۋمانيتارلىق سياقتى سالالارداعى سەلبەستىكتى ۇزدىكسىز تەرەڭدەتىپ، تاجىكستان مەن جۇڭگونىڭ جان - جاقتى ستراتەگيالىق سەرىكتەستىك قاتىناسىنا جاڭا مازمۇن ۇستەۋدى قالايدى. جۇڭگو جاقتىڭ تاجىكستان جاقتىڭ شاڭحاي سەلبەستىك ۇيىمىنا ءتوراعا ەل مىندەت جاۋاپكەرشىلىگىن اتقارۋىنا زور كۇشپەن قولداۋ كورسەتكەندىگىنە العىس ايتادى، جۇڭگو جاقپەن شاڭحاي سەلبەستىك ۇيىمىنىڭ دامۋى جونىندە تىعىز ىستەستىكتى جالعاستىرۋدى قالايدى.
ەكى جاق اۋعانستان جاعدايى جونىندە پىكىر اۋىستىرىپ، لاڭكەستىككە قارسى تۇرۋ حاۋىپسىزدىك سەلبەستىگىن ۇزدىكسىز تەرەڭدەتىپ، ءوڭىردىڭ حاۋىپسىزدىگىن، ورنىقتىلىعىن بىرگە قورعاۋعا قوسىلدى.
شينحۋا اگەنتتىگىنىڭ 9 - ايدىڭ 7 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 9 - ايدىڭ 7 - كۇنى يتاليانىڭ زۇڭليى دراگيمەن تەلەفوندا سويلەستى.
شي جينپيڭ بىلاي دەپ اتاپ كورسەتتى: جۇڭگو - يتاليا قارىم - قاتىناسىنىڭ تەرەڭ تاريحي نەگىزى بار، ەكى ەل سەلبەستىك بارىسىندا ءوزارا تيىمدىلىك جاساپ، ورتاق يگىلىككە كەنەلدى، مادەنيەت جاعىندا ءوزارا ونەگە الىپ، قيىنشىلىققا ۇشىراعاندا ءوزارا كومەكتەستى، ءوزارا جاردەمدەستى. جۇڭگو جاق يتاليا جاقپەن بىرگە جاڭا داۋىردەگى جۇڭگو - يتاليا جان - جاقتى ستراتەگيالىق سەرىكتەستىك قارىم - قاتىناسىنىڭ دۇرىس دامۋ بەتالىسىن ويداعىداي يگەرىپ، ءوزارا قۇرمەت ەتۋگە تاباندى بولىپ، جۇڭگو مەن يتاليانىڭ دوستىعىن قورعاپ، ءوزارا تيىمدىلىك جاساۋ سەلبەستىگىن تەرەڭدەتىپ، تۇرلىشە تۇزىمدەگى، تۇرلىشە مادەنيەتتەگى ەلدەردىڭ دامۋ قارىم - قاتىناسىنا ۇلگى بولۋدى قالايدى. ەكى جاق ”ءبىر بەلدەۋ، ءبىر جولدى“ بىرگە قۇرۋ سەلبەستىگىن جەتەكشى ەتىپ، ءار سالاداعى سەلبەستىكتىڭ تەرەڭدەۋىن، ناقتىلانۋىن ىلگەرىلەتۋى كەرەك. ەكى جاق كەلەر جىلعى جۇڭگو - يتاليا مادەنيەت جانە ساياحات جىلى قيمىلىن بىرگە ويداعىداي وتكىزىپ، اسىرەسە، بەيجيڭ قىسقى وليمپيادا سپورت جارىسى مەن 2026 - جىلعى ميلان قىسقى وليمپيادا سپورت جارىسىن ويداعىداي وتكىزۋدى ءوزارا باتىل قولداپ، وسىنى وراي ەتىپ، ەكى ەلدىڭ قار - مۇز سپورتى جانە كاسىپ سالاسى سەلبەستىگىن كۇشەيتۋى كەرەك. يتاليا جاقتىڭ جۇڭگو - ەۆروپا قارىم - قاتىناسىنىڭ اقاۋسىز، ورنىقتى دامۋىن ىلگەرىلەتۋ ءۇشىن بەلسەندى رول اتقارۋىن ءۇمىت ەتەمىن.
شي جينپيڭ بىلاي دەپ باسا دارىپتەدى: جۇڭگو جاق يتاليا جاقتىڭ 20 ەل توبىنا كەزەكتى ءتوراعا ەل رەتىندە الەمدىك الەۋمەتتىك دەنساۋلىق ساقتاۋ سەلبەستىگى مەن ەكونوميكا سەلبەستىگىن بەلسەنە ىلگەرىلەتكەندىگىن القايدى. كەزەكتە الەمدىك جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ مەن دۇنيە ءجۇزى ەكونوميكاسىن قالپىنا كەلتىرۋ شەشۋشى مەزگىلدە تۇر، 20 ەل توبى حالىقارالىق ەكونوميكالىق سەلبەستىكتىڭ باستى تۇعىرى رەتىندە، شىن مانىندەگى كوپ جاقتىلىققا تاباندى بولىپ، ىنتىماق، سەلبەستىك رۋحىن ساۋلەلەندىرىپ، ىندەتكە قارسى اتتانۋ، دۇنيە ءجۇزى ەكونوميكاسىن قالپىنا كەلتىرۋ، سيىسىمدى، باياندى دامۋدى جەبەۋ سياقتىلار جونىندە اناعۇرلىم كوپ ورتاق تانىم ۇيىستىرىپ، الەمدىك جونگە سالۋدىڭ دۇرىس بەتالىسىنا جەتەكشىلىك ەتىپ، ورتاق سىن - سايىستارعا كۇش بىرىكتىرە توتەپ بەرۋ كەرەك. جۇڭگو جاق يتاليا جاقتىڭ وسى جاقتارداعى رولىن تولىق ساۋلەلەندىرۋىن ۇزدىكسىز قولدايدى، يتاليا جاقتىڭ 20 ەل توبىنىڭ ريم باسشىلار باس قوسۋىن ءساتتى وتكىزۋىن قولدايدى.
دراگي مىنانى ءبىلدىردى: يتاليا مەن جۇڭگونىڭ قارىم - قاتىناسىنىڭ دامۋى جاقسى، يتاليا جاق يتاليا - جۇڭگو جان - جاقتى ستراتەگيالىق سەرىكتەستىك قارىم - قاتىناسىنا ايرىقشا ءمان بەرەدى، جۇڭگو جاقپەن بىرگە ەكى جاقتىڭ ءارقايسى سالالارداعى سەلبەستىگىن كۇشەيتىپ، يتاليا - جۇڭگو مادەنيەت جانە ساياحات جىلى قيمىلىن بىرگە ويداعىداي وتكىزۋدى ءۇمىت ەتەدى. يتاليا جاق جۇڭگو جاقتىڭ يتاليانىڭ 20 ەل توبىنا ءتوراعا ەل قىزمەتىن ورىستەتۋىنە كورسەتكەن قولداۋىنا العىس ايتادى، جۇڭگو جاقتىڭ الەمدىك كليمات وزگەرىسىنە توتەپ بەرۋ ءۇشىن كورسەتكەن بەلسەندى قۇلشىنىسى مەن قوسقان ۇلەسىن القايدى، جۇڭگو جاقتىڭ اۋعانستان ماسەلەسىندەگى ماڭىزدى ىقپالىنا ايرىقشا ءمان بەرەدى، جۇڭگو جاقپەن بىرگە 20 ەل توبى سياقتى كوپ جاقتى جۇلگەدەگى بايلانىستى، سەلبەستىكتى نىعايتۋدى ءۇمىت ەتەدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
