بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

وليمپيادا ايەلدەر باسكەتبولىمەن بىرگە مۇلدە باسىمدىقپەن اعا جۇلدەگەرلىكتى جەڭىپ الدى

حان شۇي شينجياڭعا 14 - كەزەكتى مەملەكەتتىك سپورت جارىسىنىڭ العاشقى التىن مەدالىن الىپ بەردى

2021.09.16 14:52     كەلۋ قاينارى : شينجياڭ گازەتى

  انار بۇلت/ شينجياڭ گازەتىنىڭ ءتىلشىسى حۋاڭ شيڭ 9 - ايدىڭ 14 - كۇنى ۇرىمجىدەن حابارلايدى. 14 - كەزەكتى مەملەكەتتىك سپورت جارىسىنىڭ ايەلدەر باسكەتبولى ەرەسەكتەر گرۋپپاسىنىڭ شەشۋشى جارىسى 9 - ايدىڭ 14 - كۇنى شي - ان قالاسى سپورت باقشاسى دەنە تاربيە سارايىندا باستالدى، توكيو وليمپيادا سپورت جارىسىنا قاتىناسقان ايەلدەر باسكەتبول مەملەكەت كومانداسىن نەگىز ەتكەن بىرلەسپە قۇراما 100:52 ۇپايمەن جياڭسۋ قۇراماسىن ويسىراتا جەڭدى. شينجياڭ ايەلدەر باسكەتبولىنان كەلگەن حان شۇي سەرىكتەرىمەن ىنتىماقتاسا سەلبەسىپ، 9 قايتپا دوپپەن 18 ءنومىر الىپ، بىرلەسپە قۇرامانىڭ اعا جۇلدەگەرلىكتى الۋىنا كۇش ۇستەدى ءارى شينجياڭ دەنە تاربيە ۋاكىلدەر ۇيىرمەسىنە 14 - كەزەكتى مەملەكەتتىك سپورت جارىسىنىڭ العاشقى التىن مەدالىن الىپ بەردى.

  وسى كەزەكتى مەملەكەتتىك سپورت جارىسىنىڭ قاتىستى ەرەجەسىنە ساي، وليمپيادا بىرلەسپە قۇراماسى جاعىنان تاڭدالعان دوپشىلاردىڭ ولكەلىك، قالالىق ۋاكىلدەر ۇيىرمەسىنىڭ التىن مەدالىن بولىسۋگە تولىمدىلىعى بولادى. سوندىقتان دا ايەلدەر باسكەتبول بىرلەسپە قۇراماسى اعا جۇلدەگەر بولعاننان كەيىن، حان شۇي تۇرعان شينجياڭ ۋاكىلدەر ۇيىرمەسى ءبىر التىن مەدالعا يە بولدى. سول كۇنگى شەشۋشى جارىستا حان شۇي 3 - كەزەكتىڭ ورتا شەنىندە اۋىسىپ الاڭعا شىقتى، ونىڭ 3 ءنومىرلى دوبى بىرلەسپە قۇرامانىڭ باسىمدىعىن 30 نومىرگە دەيىن جەتكىزۋگە سەپتىگىن تيگىزدى. جياڭسۋ قۇراماسى جىلدام شابۋىلداۋمەن ءنومىر الدى، شەپ شايقاسىندا وراي ەرەكشە شەكتى بولدى. 3 - كەزەك اياقتاعان كەزدە، بىرلەسپە قۇراما 40 نومىرمەن الدا بولۋ باسىمدىعىنا يە بولىپ، جارىستىڭ جەڭۋ - جەڭىلۋ تارتىسى الدىن الا بەلگىلى بولدى.

  2018 - جىلى 19 جاسقا تولا قويماعان حان شۇي چيڭحۋا داشۋەسىنە قاراستى ورتا مەكتەپتەن وقۋ تاۋىسىپ، شينجياڭ ايەلدەر باسكەتبول كومانداسىنا قابىلداندى. 2018 - جىلعى جاكارتا ازيا سپورت جارىسىندا كاسىپتىك بىرلەسپە جارىستىڭ سىنىنان وتە قويماعان حان شۇي حالىقارالىق جارىسقا تۇڭعىش رەت ءتۇسۋ بارىسىندا جۇڭگو كومانداسى اتىنان اعا جۇلدەگەرلىكتى ەنشىلەدى. 2018 - جىلى 9 - ايدا وتكىزىلگەن ايەلدەر باسكەتبولى دۇنيە جۇزىلىك ساۋىتقا تالاسۋ جارىسىندا حان شۇي جۇڭگو كومانداسى اتىنان جارىسقا ءتۇسىپ، 6 - ورىندى يەلەدى.

  2018 − 2019 جارىس ماۋسىمىندا حان شۇي شينجياڭ ايەلدەر باسكەتبولى اتىنان WCBA (جۇڭگو ايەلدەر باسكەتبول A دارەجەلى بىرلەسپە جارىسى) جارىسىنا قاتىناسىپ، ىشكى شەپتە قۋاتتى شابۋىلداۋ، قورعانۋ ناقتى قۋاتىن ايگىلەدى. 2019 - جىلى 4 - ايدا WNBA (امەريكا كاسىپتىك ايەلدەر باسكەتبول بىرلەسپە جارىسى) ۇزدىكتەردى سۇرىپتاۋىندا حان شۇي 14 - رەتتىك ورىنمەن نيۋ - يورك ەركىن ادام قۇراماسى جاعىنان تاڭدالدى. 2020 − 2021 جارىس ماۋسىمىندا حان شۇي مەن ۋاڭ ليلي باستاعان شينجياڭ ايەلدەر باسكەتبولى WCBA جالپى شەشۋشى جارىسىندا ەكىنشى جۇلدەگەر بولدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار