بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شي جينپيڭ شانشي يۇيليندە قىزمەت تەكسەرگەندە مىنانى دارىپتەدى

يدەيانى ازات ەتىپ، رەفورما جاساپ، جاڭالىق اشىپ، كۇش ۇستىنە كۇش قوسىپ، شانشيدىڭ ساپالى دامۋىنىڭ تىڭ داستانىن جازۋ كەرەك

2021.09.16 16:26     كەلۋ قاينارى : حالىق تورابى


  ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 9 – ايدىڭ 13 – كۇنىنەن 14 – كۇنىنە دەيىن شانشي ولكەسىنىڭ يۇيلين قالاسىندا قىزمەت تەكسەردى. سۋرەتتە: شي جينپيڭ 9 – ايدىڭ 13 – كۇنى تۇستەن بۇرىن مەملەكەتتىك ەنەرگيا توبى يۇيلين حيميا ونەركاسىپ شەكتى سەرىكتەستىگىندە قىزمەت تەكسەرگەندە كاسىپورىن جۇمىسشى – قىزمەتشىلەرىنىڭ ۋاكىلدەرىمەن ىقىلاسپەن پىكىر الماستىرۋدا. سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن

  «حالىق گازەتى»، 9 - ايدىڭ 15 – كۇنى، يۇيلين. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا شانشي ولكەسىنىڭ يۇيلين قالاسىندا قىزمەت تەكسەرگەندە مىنالاردى دارىپتەدى: پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل تياناقتاندىرىپ، ورنىقتىلىق بارىسىندا ىلگەرىلەۋ سىندى قىزمەت نەگىزگى اۋەنىنەن جازباي، جاڭا دامۋ ۇستانىمىن تولىق، دۇرىس، جاپپاي دايەكتىلەندىرىپ، داڭقتى توڭكەرىستىك ءداستۇردى ساۋلەلەندىرىپ، يدەيانى ازات ەتىپ، رەفورما جاساپ، جاڭالىق اشىپ، كۇش ۇستىنە كۇش قوسىپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋدىڭ ءتۇرلى قىزمەتتەرىن ءبىر تۇتاس جوسپارلاپ، دامۋ مەن حاۋىپسىزدىكتى اناعۇرلىم ويداعىداي يگەرىپ، جاڭا دامۋ جاعدايىنا اناعۇرلىم ويداعىداي قىزمەت ەتىپ جانە ونىمەن توعىسىپ، شانشيدىڭ ساپالى دامۋىنىڭ تىڭ داستانىن جازۋ كەرەك.

  شي جينپيڭ شانشي ولكەلىك پارتكومنىڭ شۋجيى ليۋ گوجۇڭنىڭ، ولكە باستىعى جاۋ ي - دىنىڭ جولسەرىك بولۋىندا 9 - ايدىڭ 13 - كۇنىنەن 14 - كۇنىنە دەيىن كاسىپورىندارعا، اۋىل - قىستاققا، مەكتەپتەرگە، توڭكەرىستىك بايىرعى جۇرتتارعا، ت. ب. بارىپ تەكسەرۋ - زەرتتەۋ جۇرگىزدى.

  9 - ايدىڭ 13 - كۇنى تۇستەن بۇرىن شي جينپيڭ الدىمەن مەملەكەتتىك ەنەرگيا توبى يۇيلين حيميا ونەركاسىپ شەكتى سەرىكتەستىگىنە كەلىپ، اينالمالى ەكونوميكا، كومىردەن جان - جاقتى پايدالانۋ نىسانى جوبا قۇرىلىسىنىڭ اينالىم جاعدايىن ۇعىستى. ورتالىقتىڭ مەڭگەرۋ بولمەسىندە شي جينپيڭ نىسان ونىمدەرى كورمەسىن كورىپ، كاسىپورىننىڭ جاڭالىق اشا دامۋدان جازباي، حاۋىپسىز، ورنىقتى، تازا اينالىم ادىسىندە تاباندى بولعانىن تۇراقتاندىردى. وسىدان كەيىن شي جينپيڭ جىلىنا 400 مىڭ توننا ەتيل سپيرتىن ءوندىرۋ نىسانىنىڭ ناق مايدانىن كوزدەن كەشىرىپ، كومىر حيميا ونەركاسىبىنىڭ ىشكەرىلەي دامۋىنا قاتىستى جاعدايلاردى ۇعىسىپ، كاسىپورىنداعى جۇمىسشى - قىزمەتكەرلەردىڭ ۋاكىلدەرىمەن ىقىلاسپەن اڭگىمەلەستى. ول بىلاي دەپ دارىپتەدى: يۇيلين − مەملەكەتتىڭ ماڭىزدى ەنەرگيا بازاسى، مەملەكەتتىڭ ەكونوميكالىق، قوعامدىق دامۋىنا ماڭىزدى ۇلەس قوستى. كومىر ەلىمىزدىڭ نەگىزگى ەنەرگيا قاينارى سانالادى، جاسىل، تومەن كومىرتەكتى دامۋ بەتالىسى بويىنشا، كومىرتەگى قوس توتىعىنىڭ شىعارىلۋىن جوعارى مانگە جەتكىزۋ، كومىرتەگىن بەيتاراپتاندىرۋ نىسانا مىندەتىن ولشەممەن جۇزەگە اسىرىپ، مەملەكەت جاعدايىن تياناق ەتىپ، جالپى مولشەرىن تىزگىندەپ، تومەنگى شەكتى ساقتاپ، ءتارتىپتى تۇردە ازايتىپ، كومىر تۇتىنۋىندا تيبىن وزگەرتىپ، دارەجەسىن جوعارىلاتۋدى ىلگەرىلەتۋ كەرەك. كومىر حيميا ونەركاسىبى كاسىبىنىڭ كومەسكى كۇشى مىعىم، بولاشاعى زور، كومىردىڭ حيميا ونەركاسىپ شيكىزاتى رەتىندەگى جان - جاقتى پايدالانۋ ونىمدىلىگىن جوعارىلاتىپ، كومىر حيميا ونەركاسىبى كاسىبىنىڭ جوعارى دەڭگەيلى، كوپ نەگىزدى، تومەن كومىرتەكتى دامۋىن جەبەپ، عىلىم - تەحنيكادا جاڭالىق اشۋدى كۇشەيتۋدى ەڭ كوكەي تەستى مىندەت ەتىپ، شەشۋشى، وزەكتى تەحنيكالاردان قامال الۋدى جەدەلدەتىپ، كومىر تەكتى ەرەكشە جانار زات، كومىر تەكتى بيولوگيالىق ىدىرايتىن ماتەريال سياقتىلاردى بەلسەنە دامىتۋ كەرەك.

  9 - ايدىڭ 13 - كۇنى تۇستەن كەيىن شي جينپيڭ ميجى اۋدانى يىنجوۋ كوشەسى گاۋشيگوۋ قىستاعىنا بارىپ تەكسەرۋ - زەرتتەۋ جۇرگىزدى. تاۋ اڭعارلارى اراسىنداعى جەمىس باقشاسى، ورماندى جەر، ساتىلى اتىز، تۇنبا توسپا الۋان تۇسكە شومىپ، كۇز باسىنداعى سارى توپىراقتى ءۇستىرت جاسىل جەلەك جامىلعان. جولدا شي جينپيڭ اۆتوكولىكتەن ءتۇسىپ، اتىز باسىنا بارىپ، كۇرىش، تارى، جۇگەرى سياقتى داقىلداردىڭ ءوسۋ جاعدايىن كوزدەن كەشىرىپ، اتىزدا ەڭبەك ىستەپ جاتقان اۋىلداستارمەن اڭگىمە دۇكەنىن قۇرىپ، ولاردىڭ ءوندىرىس، تيجارات، وتباسى كىرىسى، ەمدەلۋدى قامتاماسىزداندىرۋ، بالالاردى وقىتۋ، جۇمىستانۋ سياقتى جاعدايلارىن ۇعىستى. گاۋشيگۋ قىستاعىنىڭ لۇڭتوۋ تاۋىندا شي جينپيڭ شانشي ولكەسىنىڭ ەكولوگيالىق وركەنيەت قۇرىلىسى جانە گاۋشيگۋ قىستاعىنىڭ سارى توپىراقتى، ادىرلى، اڭعارلى وڭىرلەردى جان - جاقتى جونگە سالۋ جاعدايى جونىندەگى تانىستىرۋىن تىڭدادى. شي جينپيڭ مىنالاردى اتاپ كورسەتتى: گاۋشيگوۋ قىستاعى − سارى توپىراقتى ءۇستىرتتىڭ ەكولوگياسىن جونگە سالۋدىڭ ۇلگىسى، سىزدەر ەكولوگيالىق وركەنيەت قۇرىلىسىن تاباندىلىقپەن ورىستەتىپ، اۋىل - قىستاق ىستەرىن داۋىرمەن بىرگە العا باستىرا دامىتىپ وتىرسىزدار، جۇگەن جٶلدارىڭىز دۇرىس. تۇنىق سۋ، جاسىل تاۋ − باعالى بايلىق ۇستانىمىن ىشكەرىلەي دايەكتىلەندىرىپ، ەكولوگيانى جونگە سالۋ مەن ەرەكشەلىككە يە كاسىپتەردى دامىتۋدى ورگانيكالى ۇشتاستىرىپ، ەكولوگيا مەن ەكونوميكانى سايكەستى دامىتۋ، ادام مەن تابيعات جاراسىمدى قاتار ءومىر ءسۇرۋ جولىمەن ءجۇرۋ كەرەك.

  گاۋشيگوۋ قىستاعىنان شىققان شي جينپيڭ ميجى اۋدانىنىڭ شىعىس وڭتۇستىگىندەگى ياڭجياگوۋ توڭكەرىستىك بايىرعى جۇرتىنا كەلدى. 1947 - جىلدىڭ سوڭىندا ماۋ زىدۇڭ جولداس ورتالىق ورگانىن باستاپ ياڭجياگوۋ قىستاعىنا كەلىپ، بۇل ارادا 4 ايدان استام ۋاقىت شايقاس جاساپ، بۇكىل ەلدىڭ ازاتتىق سوعىسى مەن باتىس سولتۇستىك سوعىس مايدانىنا قولباسشىلىق ەتىپ، جەر رەفورماسى قوزعالىسىنا باسشىلىق ەتكەن بولاتىن. شي جينپيڭ ج ك پ ورتالىق كوميتەتىنىڭ «جەلتوقسان ءماجىلىسىنىڭ» بايىرعى جۇرتى، ماۋ زىدۇڭنىڭ بايىرعى تۇراعى، جوۋ ىنلايدىڭ بايىرعى تۇراعى سياقتىلاردى ەكسكۋرسيالاپ، توڭكەرىس تاريحىن ەسكە الىپ، توڭكەرىستىك اعا بۋىنداردىڭ سۇبەلى ەڭبەگىن ەسكە ءتۇسىردى. شي جينپيڭ مىنالاردى دارىپتەدى: ساياسات پەن تاكتيكا − پارتيانىڭ جانى. 100 جىلدان بەرى پارتيامىزدىڭ يدەيانى بىرلىككە كەلتىرىپ، اياق الىستى بىرلىككە كەلتىرىپ، بەرەكە - بىرلىككە كەلە وتىرىپ العا باسا الۋىنداعى، توڭكەرىستىڭ، قۇرىلىستىڭ، رەفورمانىڭ ۇلى جەڭىسى مەن شۇعىلالى تابىستارىنا قول جەتكىزە الۋىنداعى سەبەپ پارتيامىزدىڭ ماركسيزمنىڭ جەتەكشىلىگىندە تاباندى بولىپ، الىستى بولجاپ، بولماشى بەلگىسىنەن توركىنىن اڭداپ، رەال ماسەلەلەردى شەشۋمەن بىرگە، ستراتەگيالىق ماسەلەلەردى دە شەشىپ، جاعدايعا دۇرىس تۇجىرىم جاساپ جانە ونى يگەرىپ، ءىس جۇزىندىككە ۇيلەسەتىن نىسانالىق مىندەتتەردى، ساياساتتىق تاكتيكانى بەلگىلەي الۋىندا. پارتيانىڭ باسشىلىعىندا باستان - اياق تاباندى بولىپ جانە ونى كەمەلدەندىرىپ، پارتيانىڭ بيلىكتى عىلمي، دەموكراتيالى، زاڭ بويىنشا جۇرگىزۋ ورەسىن ۇزدىكسىز جوعارىلاتىپ، پارتيانىڭ جالپى جاعدايدى مەڭگەرەتىن، ءار جاقتى سايكەستىرەتىن باسشىلىق ۇيىتقىلىق رولىن تولىق ساۋلەلەندىرۋ كەرەك. ماركسيزمنىڭ نەگىزگى قاعيدالارىندا تاباندى بولىپ، ماركسيزم ارقىلى ءداۋىردى باقىلاپ، ءداۋىردى يگەرىپ، داۋىرگە جەتەكشىلىك ەتۋمەن بىرگە، شىندىقتى ءىس جۇزىنەن ىزدەۋدە تاباندى بولىپ، ەلىمىزدىڭ ءىس جۇزىندىگىن شىعار ءتۇيىن ەتىپ، ماركسيزمنىڭ جۇڭگوشالانۋىن، داۋىرگە ۇيلەسۋىن ۇزدىكسىز ىلگەرىلەتۋ كەرەك. شي جينپيڭ مىنالاردى اتاپ كورسەتتى: قىزىل بايلىقتان تولىق پايدالانىپ، پارتيا تاريحىن ۇيرەنۋ تاربيەسىن تەرەڭدەتىپ، قىزىل قان تامىردى جالعاستىرۋ كەرەك.

  9 - ايدىڭ 14 - كۇنى تۇستەن بۇرىن شي جينپيڭ ج ك پ سۇيدى ايماقتىق كوميتەتىنىڭ بايىرعى جۇرتىنا بارىپ، بايىرعى جۇرتتاردىڭ ورنالاسۋى مەن ءبىر ءبولىم قالپىنا كەلتىرىلگەن كورىنىستەردى دەن قويا كورىپ، قاتىستى ارناۋلى تاقىرىپتىق كورمەلەردى ەكسكۋرسيالادى. شي جينپيڭ مىنالاردى اتاپ كورسەتتى: بۇرالاڭ توڭكەرىستىك تاريحقا قايىرىلا قاراساق، اعا بۋىن توڭكەرىسشىلەر «پارتيانىڭ مۇددەسىن ءبىرىنشى ورىنعا قويۋدا» تاباندى بولدى، «ەڭ ۇلكەن كوپ ساندى ەڭبەكشى حالىقپەن ءبىر جاقتا تۇرۋدا» تاباندى بولدى، «بۇقارامەن ەتەنە ارالاسۋدا» تاباندى بولدى، بۇل كەلەلى تاربيەلىك ماڭىزعا يە. جۇڭگو كوممۋنيستىك پارتياسىنىڭ حالىققا باسشىلىق ەتىپ، توڭكەرىستىڭ جەڭىسىنە قول جەتكىزۋى حالىقتىڭ تىلەگىنە قول جەتكىزە الۋىنان بولدى، ءجۇز ميلليونداعان حالىق بۇقاراسىنىڭ باتىل تالعامى ءبىز جاقتا تۇردى. ءبىز توڭكەرىستىك ءداستۇر مەن تاماشا ستيلگە مۇراگەرلىك ەتىپ جانە ونى ساۋلەلەندىرىپ، حالىقتىڭ مۇددەسىن باستان - اياق ەڭ جوعارى ورىنعا قويىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، پارتيانىڭ بۇقارالىق لۋشيانىن دايەكتىلەندىرىپ، حالىقتىڭ نەگىزگى تۇلعالىق ورنىنا قۇرمەت ەتىپ، قاشان دا حالىقپەن بىرگە ويلاپ، بىرگە ىستەۋىمىز كەرەك.
وسىدان كەيىن شي جينپيڭ سۇيدى تاجىريبە ورتا مەكتەبىنە بارىپ، كلاستى، دەنەتاربيە الاڭىن ارالاپ، ساباقتاستاردىڭ حاتكەرلىك جاتتىعۋىن جانە دەنەتاربيە جاتتىعۋىن كورىپ، كوپشىلىكپەن ىقىلاسپەن اڭگىمەلەستى. ول مىنالاردى اتاپ كورسەتتى: جۇڭحۋا وركەنيەتىنىڭ تاريحى ۇزاق، جالعاسى ۇزىلمەيدى، نەگىزى وقۋ - اعارتۋدا. جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ نەگىزى وقۋ - اعارتۋدا. ءبىزدىڭ وقۋ – اعارتۋ ىستەرىن جۇرگىزۋدەگى ماقساتىمىز − حالىقتىڭ جالپىلىق ساپاسىن جوعارىلاتىپ، ادامنىڭ جان - جاقتى دامۋىن جەبەپ، قوعامنىڭ وركەنيەت دەڭگەيىن جوعارىلاتىپ، مادەنيەت سەنىمىن بەكەمدەپ، تۇتاس ۇلتتىڭ جاسامپازدىق ومىرشەڭدىگىن ارتتىرۋ. پارتيانىڭ وقۋ - اعارتۋ باعىتىن جاپپاي دايەكتىلەندىرىپ، ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرىپ، پارتيانى، وتاندى، حالىقتى، سوتسياليزمدى ءسۇيۋ سۇيىسپەنشىلىگىن نىعايتىپ، احىلاق، اقىل - وي، دەنە، ەستەتيكا، ەڭبەك جاقتارىنان جان - جاقتى جەتىلگەن سوتسياليزمنىڭ قۇرىلىسشىلارى مەن ءىزباسارلارىن قۇلشىنا باۋلۋ كەرەك. وقۋ - اعارتۋ، وقىتۋ رەفورماسىن تەرەڭدەتىپ، مەكتەپ تاربيەسىنىڭ نەگىزگى شەپتىك رولىن كۇشەيتىپ، مەكتەپتىڭ وقىتۋ ساپاسىن جاپپاي جوعارىلاتىپ، وقۋ اۋىرتپالىعى مەن مەكتەپ سىرتىنداعى تاربيەلەۋ اۋىرتپالىعىن شىن مانىندە ازايتىپ، حالىق رازى بولاتىن وقۋ - اعارتۋدى ويداعىداي جۇرگىزۋ كەرەك. ەڭ سوڭىندا شي جينپيڭ وقۋشىلاردى اسا تاماشا مەزگىلدى قاستەرلەپ، ءوزىن تاربيەلەپ، ءمورالدى بولىپ، قۇلشىنا ۇيرەنىپ، العا باسىپ، دەنە قۋاتىن كۇشەيتىپ، ەرىك - جىگەرىن شىڭداپ، مەملەكەتكە، حالىققا، قوعامعا جارامدى ادام بولۋعا شابىتتاندىردى.

  شانشيدىڭ تاريحى ۇزاق، مادەني مۇرالارى مول. شي جينپيڭ سۇيدى اۋدانىنىڭ بەيزاتتىق مادەنيەت مۇرالارى كورمە سارايىنا كەلىپ، تاس ويما، سۇيدى تىنىشتىق جىرى، قاعاز ويما، حالىق ءانى، بالشىق ءمۇسىن سياقتى كورمەلەردى كورىپ، جەرگىلىكتى ورىننىڭ ءداستۇرلى مادەنيەتىن قورعاۋ جانە جالعاستىرۋ قىزمەتىن تۇراقتاندىردى. كورمە سارايىنىڭ سىرتىندا سولتۇستىك شانشيدەگى ياڭگى ءبيى قويىلىپ جاتىر. شي جينپيڭ ناق مايدانداعى بۇقارادان حال سۇرادى. ول بىلاي دەپ اتاپ كورسەتتى: سۇيدى − سارى توپىراق مادەنيەتىنىڭ ماڭىزدى قاينار كوزدەرىنىڭ ءبىرى، بەيزاتتىق مادەنيەت مۇرالار بايلىعى مول، تاڭداۋلى حالىقتىق كوركەمونەردى جەتىلدىرىپ، دامىتىپ، سولتۇستىك شانشي حالقىنىڭ ىستىق ىقىلاسىن، قاراپايىمدىلىعىن، داڭقىن ايگىلەدى. حالىقتىق كوركەمونەر − جۇڭحۋا ۇلتىنىڭ باعالى بايلىعى، اتا - بابالاردان قالعان اسىلداردى ويداعىداي قورعاۋ، وعان ويداعىداي مۇراگەرلىك ەتۋ، ودان ويداعىداي پايدالانۋ تاريحتىڭ مادەنيەت جۇلگەسىن جالعاستىرىپ، مادەنيەتتە قۋاتتى سوتسياليستىك ەل قۇرۋدا ماڭىزدى مانگە يە. سوتسياليستىك وزەكتى قۇن كوزقاراسىن جەتەكشى ەتۋدە، جاسامپازدىقپەن تۇرلەندىرۋدە، جاسامپازدىقپەن دامىتۋدا تاباندى بولىپ، ءداستۇرلى مادەنيەت پەن وسى زامانعى تۇرمىستىڭ ۇشتاسۋ ءتۇيىنىن تاۋىپ، حالىقتىڭ كۇن سايىن ارتىپ وتىرعان تاماشا تۇرمىس قاجەتىن ۇزدىكسىز قاناعاتتاندىرۋ كەرەك.

  سۇيدى اۋدان ورتالىعىنىڭ باتىس وڭتۇستىگىندەگى جاڭجيابيان قالاشىعى حاۋجياچياۋ قىستاعى − سۇيدى ايماقتىق پارتكوم جاپون شاپقىنشىلارىنا قارسى سوعىس كەزىندە تەكسەرىپ - زەرتتەۋ ارقىلى بايقاعان ۇلگىلى قىستاق، «بارشا قىستاق حاۋجياچياۋدان ۇيرەنۋ، بارلىق ادام ليۋ يۇيحوۋدان ۇيرەنۋ» قيمىلىن ورىستەتۋ ارقىلى ءوندىرىس ورلەۋى كوتەرىلگەن بولاتىن. پارتيانىڭ 18 - قۇرىلتايىنان بەرى حاۋجياچياۋ قىستاعى ەرەكشەلىككە يە كاسىپتى بەلسەنە دامىتىپ، قىستاقتىڭ بەت - بەينەسىندە جانە قىستاق تۇرعىندارىنىڭ تۇرمىسىندا تەرەڭ وزگەرىستەر تۋىلىپ، «كەدەيلىكتەن ارىلتۋدان قامال الۋدىڭ مەملەكەتتىك ۇلگىسى» داڭقتى اتاعىن الدى. 9 - ايدىڭ 14 - كۇنى تۇستەن كەيىن شي جينپيڭ وسى اراعا كەلىپ، قىستاق تاريحى كورمەسىن ەگجەي - تەگجەيلى كورىپ، وسى «قىزىل تاۋلى قىستاقتىڭ» داڭقتى توڭكەرىس تاريحىن، سونداي - اق توڭكەرىستىك داستۇرگە مۇراگەرلىك ەتۋ جاعدايىن ۇعىستى. وسىدان كەيىن شي جينپيڭ قىستاق تۇرعىنى حوۋ جىرۇڭنىڭ ۇيىنە امانداسا باردى. حوۋ جىرۇڭنىڭ وتباسىسى اۋرۋ سەبەبىنەن كەدەيلەنىپ، ءار دارەجەلى كومەكتەسۋ - سۇيەمەلدەۋگە جانە ءوزىنىڭ قۇلشىنىسىنا سۇيەنىپ 2016 - جىلى كەدەيلىكتەن ارىلعان. شي جينپيڭ مىنالاردى دارىپتەدى: ءبىر ءۇيلى جاننىڭ تۇرمىسىنىڭ بارعان سايىن جاقسارعانىن، ادامداردىڭ كوڭىلدى تۇرمىس كەشىرىپ وتىرعانىن كورىپ قاتتى قۋاندىم. اۋىلداستاردىڭ تاماشا تۇرمىسقا كەنەلۋىنە مۇمكىندىك جاساۋ − پارتيامىزدىڭ باستان - اياق تاباندى بولاتىن اۋەلگى ماقساتى، بورىشى، كوممۋنيستىك پارتيا بۇل ءىستى ويداعىداي ىستەۋى، ۇزدىكسىز جاقسى جاۋاپ قايتارىپ وتىرۋى كەرەك. بۇكىل پارتيا، بۇكىل ەل، بۇكىل قوعام كەدەيلىكتەن ارىلتۋدان قامال الۋ رۋحىن بارىنشا ساۋلەلەندىرىپ، قايراتتانا العا ۇمتىلىپ، ءوز كۇشىنە سۇيەنىپ ءومىر ءسۇرىپ، جاپپاي سوتسياليستىك وسىزاماندانعان مەملەكەت قۇرۋدىڭ تىڭ دا اناعۇرلىم زور جەڭىسىنە ۇزدىكسىز قول جەتكىزۋى كەرەك.

  قىستاقتىڭ جەمىس - جيدەك، كوكونىس جىلىجاي بازاسىندا شي جينپيڭ وسى قىستاقتىڭ كاسىپ سالاسى جوباسىنىڭ دامۋ جاعدايىن تاپتەشتەي ۇعىسىپ، جىلىجايعا كىرىپ ءجۇزىمنىڭ ءوسۋ جاعدايىن كوردى. قىستاقتىڭ ءوزارا كومەكتەسۋ باقىت اۋلاسىندا، قىستاق ەمحاناسىندا شي جينپيڭ قىستاقتاعى قارتتار، ەمدەۋ قىزمەتكەرلەرى قاتارلىلارمەن ىقىلاسپەن اڭگىمەلەستى. ول مىنالاردى اتاپ كورسەتتى: حاۋجياچياۋعا كەلگەندە، مەن تەرەڭ تاربيە، زور شابىت الدىم. تاۋ قويناۋىنداعى جۇرتشىلىقتىڭ بايۋ جولىمەن ءجۇرىپ، جاقسى تۇرمىس كەشىرۋىندە جاقسى ساياسات، ادامداردىڭ قۇلشىنىسى، جاراتىلىستىق ورتانىڭ ابزالدىعى سۇيەنىش بولدى. بۇل ارانىڭ ىستەگەندەرىن باسقا جەرلەر دە ىستەي الۋعا ءتيىس. ماڭىزدىسى، ىشكەرىلەي تەكسەرۋ - زەرتتەۋ جۇرگىزىپ، جاعدايدى ءداپ باسىپ يگەرىپ، ماسەلەلەردى جەتە ءتۇسىنىپ، ءادىس - امال تاۋىپ، تاجىريبەلەردى قورىتىندىلاپ، تيپتەردىڭ جەتەكتەۋ، ۇلگى كورسەتۋ رولىن ۇزدىكسىز ساۋلەلەندىرىپ، پارتيا ياچەيكاسىن ويداعىداي قۇرىپ، باستاۋشىلاردى ويداعىداي تاڭداپ، نەگىزگى ساتى پارتيا ۇيىمىنىڭ جاۋىنگەر قورعاندىق رولىن تولىق ساۋلەلەندىرۋ كەرەك.

  قىستاقتان اتتاناردا شي جينپيڭ اۋىلداستارعا تەرەڭ سۇيىسپەنشىلىكپەن بىلاي دەدى: توڭكەرىستىك سوعىس جىلدارىنداعى قاۋىرت ءوندىرىس قوزعالىسى بولسىن، الدە جاڭا داۋىردەگى كەدەيلىكتەن ارىلتۋدان قامال الۋ شايقاسى بولسىن، حاۋجياچياۋ جۇرتشىلىعى باستان - اياق قاجىرلىلىقپەن كۇرەس جۇرگىزىپ، ءورىس اشا جاڭالىق جاراتتى. سىزدەردىڭ تاڭداۋلى ءداستۇردى ۇزدىكسىز ساۋلەلەندىرىپ، پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسىپ، باتىلدىقپەن الدا ءجۇرىپ، قۇلشىنا كۇرەس جۇرگىزىپ، حاۋجياچياۋ قىستاعىن اۋىل - قىستاقتى كوركەيتۋدىڭ ۇلگىسى ەتىپ قۇرىپ شىعۋعا قۇلشىنۋلارىڭىزدى ءۇمىت ەتەمىن.

  ديڭ شۋەشياڭ، ليۋ حى، چىن شي، حى ليفىڭ جانە ورتالىقتىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى.

  سۋرەتتە: ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 9 – ايدىڭ 13 – كۇنىنەن 14 – كۇنىنە دەيىن شانشي ولكەسىنىڭ يۇيلين قالاسىندا قىزمەت تەكسەردى. سۋرەتتە: شي جينپيڭ 9 – ايدىڭ 14 – كۇنى تۇستەن كەيىن سۇيدى اۋدانى جاڭجيابيان قالاشىعى حاۋجياچياۋ قىستاعىندا قىزمەت تەكسەرگەندە اۋىلداستارعا قول بۇلعاپ قۇرمەت بىلدىرۋدە. سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

  كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار