بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

قىرعىزستاننىڭ زۇڭتۇڭى سادىر جاپاروۆ ۋاڭ يمەن كەزدەستى

2021.09.17 11:04     كەلۋ قاينارى : حالىق تورابى

  شينحۋا اگەنتتىگىنىڭ 9 ـ ايدىڭ 16 ـ كۇنى دۋشانبەدەن بەرگەن حابارى، جەرگىلىكتى ۋاقىت 2021 ـ جىلى 9 ـ ايدىڭ 16 ـ كۇنى قىرعىزستاننىڭ زۇڭتۇڭى جاپاروۆ دۋشانبەدە مەملەكەتتىك كەڭەستىڭ مۇشەسى، قوسىمشا سىرتقى ىستەر مينيسترى ۋاڭ يمەن كەزدەستى.

  جاپاروۆ ۋاڭ ي ارقىلى ءتوراعا شي جينپيڭگە ىقىلاستى سالەمىن جەتكىزىپ، بىلاي دەدى: قىرعىزستان جۇڭگونى تاتۋ كورشى، جاقسى دوس جانە سەنىمدى سەرىك دەپ قارايدى، جۇڭگونىڭ قىرعىزستانعا ۆاكسينا جانە استىق جاعىنان كومەك كورسەتكەندىگىنە العىس ايتادى. قىرعىزستان جۇڭگونىڭ ۆاكسينا جانە ىندەتكە قارسى تۇرۋ حالىقارالىق سەلبەستىگىن بەلسەنە ورىستەتىپ، دەنساۋلىق ساقتاۋ، سالاماتتىق ورتاق تۇلعاسىن قالىپتاستىرۋدا جەتەكشىلىك رول اتقارعاندىعىن ايرىقشا القايدى. قىرعىزستان جاق قىرعىزستان ـ جۇڭگو قارىم ـ قاتىناسىن جاپپاي دامىتۋعا باتىل كۇش سالادى، تايۋانعا ساياتىن، شياڭگاڭعا ساياتىن، شينجياڭعا ساياتىن ماسەلەلەردە جۇڭگو جاقتى باتىل قولدايدى، سىرتقى كۇشتەردىڭ جۇڭگونىڭ ىشكى ىسىنە كيلىگۋىنە باتىل قارسى تۇرادى. جۇڭگومەن «ءبىر بەلدەۋ، ءبىر جولدى» بىرگە قۇرۋ سەلبەستىگىن كۇشەيتىپ، ەكى جاقتى ەكونوميكا ـ ساۋدا، قارجى قوسۋ سەلبەستىگىن تەرەڭدەتىپ، جۇڭگونى قامتىعان شەتەل قارجى قوسۋشىلارىنا تاماشا تيجارات ـ ساۋدا ورتاسىن جاراتۋدى قالايدى. ەكى جاق «ءۇش ءتۇرلى كۇشكە» بىرگە سوققى بەرىپ، ينتەرنەتتىك قىلمىس، ەل اتتاعان قىلمىس، ەسىرتكى قىلمىسى سياقتى الەمدىك سىن ـ سايىستارعا توتەپ بەرىپ، ءوڭىردىڭ حاۋىپسىزدىگى مەن ورنىقتىلىعىن قول ۇستاسا قورعاۋى كەرەك.

  ۋاڭ ي جاپاروۆ زۇڭتۇڭعا ءتوراعا شي جينپيڭنىڭ ىقىلاستى سالەمىن جەتكىزىپ، قىرعىزستاننىڭ تاۋەلسىزدىك العاندىعىنىڭ 30 جىلدىعىن قۇتتىقتادى. جۇڭگونىڭ بۇرىن دا، قازىر دە جانە بولاشاقتا دا قىرعىزستاننىڭ جاقسى كورشىسى جانە سەرىگى ەكەندىگىن، قىرعىزستاننىڭ ۇزاققا دەيىن تياناقتى دامۋدى ىسكە اسىرىپ، مەملەكەتتى گۇلدەندىرۋ بارىسىن ۇزدىكسىز ىلگەرى باستىرۋىن شىنايى ءۇمىت ەتەتىندىگىن، قىرعىزستاننىڭ ءوز مەملەكەت احۋالىنا سايكەس كەلەتىن دامۋ جولىمەن جۇرۋىنە، قىرعىزستاننىڭ مەملەكەت تاۋەلسىزدىگىن، يەلىك ۇقىعىن جانە تەرريتوريا تۇتاستىعىن قورعاۋىنا بۇرىنعىداي قولداۋ كورسەتەتىندىگىن، سىرتقى كۇشتەردىڭ ءارقانداي سىلتاۋمەن قىرعىزستاننىڭ ىشكى ىسىنە كيلىگۋىنە قارسى تۇراتىندىعىن ءبىلدىردى. جۇڭگو جاق قىرعىزستاننىڭ ىندەتكە توتەپ بەرۋىن ۇزدىكسىز بەلسەنە قولداۋدى قالايدى، قۋاتتى، سەنىمدى كاسىپورىنداردى قىرعىزستانعا بارىپ قارجى قوسىپ، قىرعىزستاننىڭ شارۋاشىلىعىن گۇلدەندىرۋگە شابىتتاندىرىپ، قىرعىزستاننىڭ ەكونوميكانى قالپىنا كەلتىرۋىنە، حالىق تۇرمىسىن جاقسارتۋىنا كومەكتەسەدى. جۇڭگو مەن قىرعىزستان اۋعانستاننىڭ جاقىن كورشىسى، ەكى جاق زاڭ اتقارۋ سەلبەستىك دەڭگەيىن ونان ارى جوعارىلاتىپ، «شىعىس تۇركستان يسلام قوزعالىسى» سياقتى زورلىقتى كۇش، لاڭكەستىك كۇشتەردىڭ قايتا ورالىپ بۇلىك تۋدىرۋىنان ساقتانىپ، سىرتقى كۇشتەردىڭ ورتا ازيادا اۋعانستان بۇلىگىن قايتالاۋ قاسكۇنەمدىگىنەن ساقتانۋ كەرەك. جۇڭگو جاق قىرعىزستان جاقتىڭ ادامدىق ۇقىق ماسەلەسىندە جۇڭگو جاقتىڭ ورىندى تۇرعىسىن قولداعاندىعىن القايدى، قىرعىزستان جاقپەن بىرگە ىشكى ىستەرگە كيلىكپەۋ پرينسيبىن قورعاۋدى، دامۋ جولىنداعى ەلدەردىڭ ورتاق مۇددەسىن قورعاۋدى، ادامدىق ۇقىق ماسەلەسىن ساياسيلاندىرۋعا قارسى تۇرۋدى قالايدى.

  كەلۋ قاينارى: حالىق تورابى


  
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار