بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ات ويىنىنىڭ سالتانات كيىم، اسەم ءجۇرىس توپتىق جارىسىندا

شينجياڭ كومانداسى ەكىنشى جۇلدەگەرلىكتى يەلەدى

2021.09.18 16:10     كەلۋ قاينارى : شينجياڭ گازەتى

  انار بۇلت / شينجياڭ گازەتىنىڭ ءتىلشىسى جىڭ ييۋان 9 - ايدىڭ 16 - كۇنى ۇرىمجىدەن حابارلايدى. 9 - ايدىڭ 16 - كۇنى 14 - كەزەكتى مەملەكەتتىك سپورت جارىسى ات ويىنىنىڭ سالتانات كيىم، اسەم ءجۇرىس توپتىق جارىسى شانشي شيشيان جاڭا رايونى چينحان جاڭا قالاسى ات ويىنى جارىس الاڭىندا وتكىزىلدى، شينجياڭ ات ويىنى كومانداسى 198.479 ۇپايمەن ەكىنشى جۇلدەگەرلىكتى يەلەدى. گۋاڭدۇڭ كومانداسى 205.389 ۇپايمەن جۇلدەگەرلىكتى يەلەسە، شاڭحاي كومانداسى 190.586 ۇپايمەن ءۇشىنشى بولدى.

  ”ءبىز اسىلىندە اعا جۇلدەگەر بولاتىن ەدىك“، - دەدى شينجياڭ كومانداسىنىڭ جاتتىقتىرۋشىسى ليۋ جۇڭ، - ”ءبىز تولىق دايىندالعانبىز، ءبىراق وقيات جاعداي تۋىلىپ قالدى، وكىنىشتى“.

  20 نەشە جىلدان بەرى شينجياڭ كومانداسى مەن گۋاڭدۇڭ كومانداسى سالتانات كيىم، اسەم ءجۇرىس ءتۇرى اعا جۇلدەگەرلىگىنىڭ نەگىزگى قارسىلاستارى بولىپ كەلدى. شينجياڭ كومانداسى 8 جىلدىڭ الدىنداعى 12 - كەزەكتى مەملەكەتتىك سپورت جارىسىندا جەكە جانە توپتىق بويىنشا اعا جۇلدەگەرلىكتى قورجىنىنا سالسا، گۋاڭدۇڭ كومانداسى 4 جىلدىڭ الدىنداعى 13 - كەزەكتى مەملەكەتتىك سپورت جارىسىندا قوس جۇلدەگەرلىكتى يەلەگەن بولاتىن.

  شينجياڭ كومانداسى 51 جاستاعى جاتتىقتىرۋشى، قوسىمشا كوماندا مۇشەسى ليۋ جۇڭ، 12 - كەزەكتى مەملەكەتتىك سپورت جارىسى سالتانات كيىم، اسەم ءجۇرىس جارىسىنىڭ جەكە جانە توپتىق اعا جۇلدەگەرى ليۋ تاۋ، 12 - كەزەكتى مەملەكەتتىك سپورت جارىسى سالتانات كيىم، اسەم ءجۇرىس توپتىق جارىسىنىڭ جۇلدەگەرى لان چاۋ، 24 جاستاعى جاڭا مۇشە فۋ يشىلاردان قۇرالعان.

  وسى رەتكى جارىستا الاڭعا ەڭ سوڭعى بولىپ ليۋ تاۋ شىققاندا، كەنەتتەن ءبىر قۇتقارۋ اۆتوكولىگى ءوتىپ، اۆتولىكتىڭ جارقىلداعان شىراعىنان ۇركىگەن ليۋ تاۋدىڭ اتى ”SYLT“ ارتقا شەگىنۋ بارىسىندا اياعى جارالاندى. جارىس ەرەجەسى بويىنشا اتتىڭ اياعىنان قان شىقسا، جارىس ناتيجەسى تىكەلەي كۇشىنەن قالدىرىلادى.

  ليۋ جۇڭ مەملەكەتتىك سپورت جارىسىنا 8 رەت قاتىناسىپ، 8 - كەزەكتى مەملەكەتتىك سپورت جارىسىنىڭ جەكە، توپتىق اعا جۇلدەگەرلىگىن يەلەگەن ءارى مەملەكەتتىك جۇلدەگەرلىككە تالاسۋ جارىسىنىڭ اعا جۇلدەگەرلىگىن تالاي رەت العان بولاتىن. ليۋ جۇڭ بىلاي دەدى: ”بۇل تۇردەگى جارىستا ات پەن ادام ءبىر تۇلعا بولىپ، شاباندوز بەن ات، از دەگەندە، جارىم جىلدان استام ۇيىرلەسۋى كەرەك، سوندا عانا ىشتەي ءتۇسىنىسۋ دارەجەسىنە جەتەدى. ىندەت سەبەبىنەن ءبىز بەن اتتاردىڭ ۇيىرلەسۋ ۋاقىتى تىم قىسقا، ءۇش - اق اي بولدى“.

  سالتانات كيىم، اسەم ءجۇرىستىڭ توپتىق جارىسىندا 4 سپورتشىنىڭ ىشىندەگى ناتيجەسى ەڭ جاقسى ۇشەۋىنىكى تاڭداپ الىنىپ، قوسىپ ەسەپتەلەدى. ليۋ جۇڭ، لان چاۋ، فۋ يشىلاردىڭ ءوز ونەرلەرىن جاقسى ساۋلەلەندىرۋىمەن شينجياڭ كومانداسى ەكىنشى جۇلدەگەرلىككە قول جەتكىزدى. ول ۇشەۋى 9 - ايدىڭ 17 - كۇنى وتكىزىلەتىن جەكە جارىسقا قاتىناسادى، ليۋ تاۋ اتى جارالانعاندىقتان، امالسىزدان جەكە جارىسقا قاتىناسۋ تولىمدىلىعىنان ايرىلدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار