بۇراتالا وبلىسى:
كاسىپ سالاسىن گۇلدەندىرىپ، جۇمىستانۋدى جەبەدى
انار بۇلت / شينجياڭ گازەتىنىڭ ءتىلشىسى لۋ فىڭباۋ
2021.09.24 16:48 كەلۋ قاينارى : شينجياڭ گازەتى
9 - ايدىڭ 22 - كۇنى تۇستەن بۇرىن بۇراتالا وبلىسىنداعى حۇيليفۋ ەلەكترون عىلىم - تەحنيكا شەكتى سەرىكتەستىگىنىڭ چيپ زەردەلى جاساۋ زاۆودىندا بيىل 6 - ايدا عانا جۇمىسقا قابىلدانعان قىزمەتكەر تاڭ جىيۇڭ ماشينانىڭ الدىندا تۇرىپ، ەلەكتروندى ساۋلە شىعاراتىن چيپتى مۇقيات مانەرلەپ جاتتى. 2018 - جىلى بۇراتالا قالاسىنا ىرگە تەپكەن بۇل كاسىپورىن 500دەن استام ادامدى جۇمىستاندىردى.
بۇل بۇراتالا موڭعۇل اۆتونوميالى وبلىسىنىڭ كاسىپورىنداردى ەنگىزىپ، جۇمىستانۋدى جەبەۋدىڭ شاعىن كورىنىسى. تاياۋداعى جىلداردان بەرى بۇراتالا وبلىسى جاڭا دامۋ ۇستانىمىن دايەكتىلەندىرىپ، توقىماشىلىق، كيىم - كەشەك، ەلەكتروندى ونىمدەردى جاساۋ، ساياحات سياقتى كاسىپ سالالارىن سۇيەنىش ەتىپ، اۋىل - قىستاقتارداعى 1 -، 2 -، 3 - كاسىپتەردىڭ توعىسا دامۋ ورايىن يگەرىپ، جۇمىستانۋ سيىمدىلىعىن ۇزىكسىز كەڭەيتتى. ”13 - بەسجىلدىق“ مەزگىلىندە قالا - قالاشىقتاردا 66 مىڭ 500 ادام تىڭنان جۇمىستاندى، اۋىل - قىستاقتارداعى ارتىق ەڭبەككۇشتەردى باسقا كاسىپكە ويىستىرۋ بويىنشا 328 مىڭ 200 ادام - رەت جۇمىستاندى، ءسويتىپ، كاسىپ سالاسىن دامىتىپ جۇمىستانۋعا جەتەكتەۋدەي اسەرلى كورىنىس بۇراتالا وبلىسى القابىندا بىرتىندەپ قالىپتاستى.
شارت - جاعداي ازىرلەپ، كاسىپورىنداردىڭ قىزمەت ورنىن دايىنداۋىنا مۇمكىندىك جاسادى
توقىماشىلىق، كيىم - كەشەك، ەلەكتروندى ونىمدەردى جاساۋ، اۋىل شارۋاشىلىق قوسىمشا ونىمدەرىن مانەرلەۋ سياقتى ەڭبەك شوعىرلانعان كاسىپ سالالارى ءبىرشاما كوپ جۇمىستانۋ ورنىمەن قامداي الادى. وسىعان بايلانىستى بۇراتالا وبلىسى جۋىق جىلداردان بەرى بۇراتالا شەكارا ەكونوميكالىق سەلبەستىك رايونىن (تومەندە قىسقارتىلىپ شەكارا سەلبەستىك رايونى دەلىنەدى) زور كۇشپەن قۇرىپ، كاسىپورىنداردى ىرگە تەبۋگە باۋرادى.
بيىل 2 - ايدا شەكارا سەلبەستىك رايونىنىڭ جوعارى ساپالى دامۋىن ىلگەرىلەتۋ ءۇشىن، بۇراتالا قالاسى شەكارا سەلبەستىك رايونىن باسقارۋ كوميتەتى جۇلگەسىندە بۇراتالا قالاسى ۋتاي ونەركاسىپ باقشا رايونىن، شىعىس ونەركاسىپ باقشا رايونىن جانە التىن اتىراۋ ونەركاسىپ باقشا رايونىن رەتتەپ، ءبىر تۇتاس باسقارۋ كوميتەتىن قۇرىپ، شەكارا سەلبەستىك رايونىن باستاماشى ەتىپ، ءبىر رايون، 3 باقشا ەتىپ بىرىكتىرىپ، ءبىر باسقارۋ توبى ءبىر تۇتاس باسقاراتىن، ءبىر تۇتاس جوسپارلايتىن، ءبىر تۇتاس ساۋداگەر شاقىراتىن جۇمىس جۇرگىزۋ جاعدايىن جۇزەگە اسىرىپ، باقشا رايونىنىڭ ەكونوميكالىق يقۋاتىن كۇشەيتىپ، كاسىپ سالاسىن ورىن اۋىستىرىپ دامىتۋدى جولعا قويىپ، جۇدىرىقتاي جۇمىلعان بىرىككەن كۇش قالىپتاستىردى.
ۋتۇڭ اعاشىن ەكسەڭ سامۇرىق قونادى. شەكارا سەلبەستىك رايونىن باسقارۋ كوميتەتىنىڭ ۇنەمىلىك ىستەرگە جاۋاپتى ورىنباسار مەڭگەرۋشىسى ۋي سۇڭ بىلاي دەپ تانىستىردى: ”قازىر باقشا رايونىنا 200دەن استام كاسىپورىن ىرگە تەۋىپ، وسى زامانعى ەلەكترون، التىن وڭدەۋ، تاس ماتەريالدار اينالمالى ەكونوميكاسى جانە توقىماشىلىق سياقتىلاردى جەتەكشى ەتكەن كاسىپ سالاسى ارناسىن قالىپتاستىردى. كوپتەگەن كاسىپورىندار شەكارا سەلبەستىك رايونىنا ىرگە تەۋىپ، ءبىرشاما كوپ جۇمىس ورنىن ازىرلەدى، باقشا رايونىندا قازىر 23 مىڭنان استام كاسىپ سالاسى جۇمىسشىسى بار“.
شوكىرات ءومارجان بۇراتالا كاسىپتىك - تەحنيكالىق شۋەيۋانىنان وقۋ تاۋىسقان، بيىل بۇراتالا قالاسى شۇندا ەلەكترون عىلىم - تەحنيكا شەكتى سەرىكتەستىگىنە قىزمەتكە شىققان. ”بۇل ارانىڭ مامىلەسى جامان ەمەس“. ول: ”مەن ىستەي ءجۇرىپ ۇيرەنىپ، اناعۇرلىم ۇلكەن دامۋ كەڭىستىگىنە قول جەتكىزبەكشىمىن“، - دەدى.
”سەرىكتەستىك قازىر 500 جۇمىس ورنىمەن قامداپ وتىر، كەيىن كەلە ءبىز ءوندىرىس كولەمىن كەڭەيتىپ، ءتىپتى دە كوپ ادامدى جۇمىستانۋعا باۋراۋدى جوسپارلاپ وتىرمىز“، - دەدى وسى سەرىكتەستىكتىڭ قاتىستى جاۋاپتىسى لي فيلۇڭ.
3 كاسىپ سالاسى توعىسىپ، قىستاق تۇرعىندارى سول جەردىڭ وزىندە جۇمىستاندى
9 - ايدىڭ 22 - كۇنى تۇستەن كەيىن بۇراتالا قالاسى شياۋيىڭپان قالاشىعى تەرىمبۇلاق قىستاعىنا ورنالاسقان شينجياڭ موشاڭشيڭ ازىق - تۇلىك شەكتى سەرىكتەستىگىندە جاپ - جاڭا مانەرلەۋ اسپاپتارى توقتاۋسىز اينالىس جاساپ، جۇمىسشىلار مانەرلەنىپ بولعان بالاۋىزدى جۇگەرىنى تۇرگە ايىرۋمەن، قوراپتاۋمەن، قامباعا كىرگىزۋمەن قاربالاستاپ جاتتى.
”زاۆود ۇيىمە وتە جاقىن، ەلەكترسيكلمەن 10 مينۋتقا جەتپەي جەتىپ الامىن، مەن بۇل جەردە جۇمىس ىستەپ ءبىر ايدا 4000 يۋاننان استام كىرىس كىرگىزەمىن“، - دەدى شياۋيىڭپان قالاشىعى داڭعارتىبۇلاق قىستاعىنىڭ تۇرعىنى پەي شيۋفاڭ.
شياۋيىڭپان قالاشىعى بۇراتالا قالاسىنىڭ نەگىزگى جۇگەرى ءوندىرىس ءوڭىرى، جەرگىلىكتى ورىننىڭ كاسىپ سالاسى تىزبەگىن ۇزارتىپ جۇگەرى مانەرلەۋ كاسىپ سالاسىن دامىتۋدا وتە كوپ ابزالدىلىققا يە.
شينجياڭ موشاڭشيڭ ازىق - تۇلىك شەكتى سەرىكتەستىگىنىڭ زاۆود باستىعى گو جينجۇن بىلاي دەدى: بۇل زاۆود بيىل 5 - ايدا قۇرىلعان، 8 - ايدا رەسمي وندىرىسكە قوسىلدى، جەرگىلىكتى ورىننان شيكىزات الىپ، تەز توڭازيتىن بالاۋىزدى جۇگەرى، ۆاكۋمدى جۇگەرى سياقتى جەلىلەس ونىمدەردى وندىرەدى، كۇنىنە 60 توننا اينالاسىندا جۇگەرى مانەرلەيدى. ”قازىر زاۆودتا 100دەن استام جۇمىسشى بار، كەلەر جىلى ءبىز ءوندىرىس قۋاتىن كەڭەيتىپ، كۇندىك مانەرلەۋ مولشەرىن 200 توننا اينالاسىنا جەتكىزىپ، ءتىپتى دە كوپ جەرگىلىكتى ەگىنشى - مالشىنى جۇمىستانۋعا باۋراۋدى جوسپارلاپ وتىرمىز“، - دەدى ول.
”اۋىل - قىستاقتا 1 -، 2 -، 3 - كاسىپتەردىڭ توعىسۋ بەتالىسىندا اۋىل شارۋاشىلىعى قوسىمشا ونىمدەرىن مانەرلەيتىن كاسىپورىندار كوبەيىپ، اۋىل شارۋاشىلىعىنىڭ كاسىپ سالاسى تىزبەگى ۇزارىپ، اۋىل - قىستاقتارداعى اناعۇرلىم كوپ ارتىق ەڭبەككۇشتىڭ سول جەردىڭ وزىندە جۇمىستانۋىن جەبەدى“، - دەدى بۇراتالا وبلىستىق ادام كۇشى بايلىعى جانە قوعامدىق قامتاماسىزداندىرۋ مەكەمەسى پارتيا باسشىلىق گرۋپپاسىنىڭ شۋجيى، مەكەمە باستىعى جۋ شياۋميڭ.
تاياۋداعى جىلداردان بەرى بۇراتالا وبلىسى اۋىل شارۋاشىلىعى ءوندىرىس قۇرىلىمىن ۇزدىكسىز ساپالىلاندىرىپ، 1 -، 2 -، 3 - كاسىپتەردىڭ ىشكەرىلەي توعىسا دامۋىن جەبەپ، استىق داقىلدارىنىڭ كولەمىن ورنىقتىرۋ نەگىزىندە، سويىس سيىر، جۇگەرى، الاقات سياقتى ەرەكشە ابزال كاسىپ سالالارىنىڭ دامۋىن بەلسەنە ىلگەرىلەتىپ، ەگىمشىلىك پەن باعىمشىلىقتى ۇشتاستىرۋدى نەگىز، جىنتىكتەي مانەرلەۋدى باستاماشى ەتكەن ابزال كاسىپ سالاسى تىزبەگىن قالىپتاستىردى. قازىر بۇراتالا وبلىسىنىڭ اۋىل شارۋاشىلىعى ونىمدەرىن مانەرلەيتىن كاسىپورىندارى 280نەن اسىپ، جۇمىستانۋعا جەتەكشىلىك ەتۋ ونىمدىلىگى كورنەكتى بولدى.
ساياحات گۇلدەنىپ، جۇمىستانۋدىڭ ”جالىندى كۇشىن“ باۋرادى
تاڭەرتەڭ ەرتە سايرام كولىنىڭ بەتىندە ساعىم ويناپ تۇر، اراسان اۋدانى زالىمتى اۋىلى بۇگدور قىستاعىنىڭ تۇرعىنى تۇربات رازينكە شالبارىن كيىپ، بالىق اۋلاۋ قايىعىنا شىعىپ، ءبىر كۇنگى جۇمىسىن باستادى.
تۇربات شينجياڭ سايحۋ بالىقشىلىق عىلىم - تەحنيكا اشۋ شەكتى سەرىكتەستىگىنىڭ قىزمەتكەرى، 2012 - جىلدان باستاپ وسى سەرىكتەستىكتە قىزمەت ىستەپ كەلەدى، اي سايىن تۇراقتى كىرىسى بار.
سايرام كولى كورىنىس وڭىرىندە ساياحاتشىلار يىن تىرەسىپ، سايحۋ بالىقشىلىعىنىڭ اناعۇرلىم ۇلكەن بازارعا بەت الۋىنا مۇمكىندىك جاساپ، ءتىپتى دە كوپ جەرگىلىكتى ورىنداعى ەڭبەككۇشتەردى جۇمىستانۋعا باستادى.
بۇراتالا وبلىسى مۇزدىق، قارلى تاۋ، ورمان، سازدىق، قۇمدى ءشول، جايلىم، كول، قىزىل نەفەليىن جەر بەدەرى سياقتى جاراتىلىستىق كورىنىستەرگە باي، ءار ۇلت جاراسىمدى بىرگە قونىستانىپ، كوپ نەگىزدى شۇعىلالى مادەنيەت جاراتقان، مىنە وسىنداي كوپتەگەن ساپالى ساياحات بايلىعى توڭىرەكتىڭ ءتورت بۇرىشىنان ساياحاتشىلاردى باۋراپ وتىر.
”13 - بەسجىلدىق“ مەزگىلىندە بۇراتالا وبلىسى جيىنى 34 ميلليون 30 مىڭ ادام - رەت ساياحاتشى قابىلدادى، بۇل ”12 - بەسجىلدىق“ مەزگىلدەگىنىڭ 3.3 ەسەسىندەي. بيىل 1 - ايدان 8 - ايعا دەيىن بۇراتالا وبلىسى جيىنى 13 ميلليون 539 مىڭ ادام - رەت ساياحاتشى قابىلداپ، سايكەس مەزگىلدەگىدەن ％119.4 ارتتى؛ ساياحات كىرىسى 11 ميلليارد 440 ميلليون يۋانعا جەتىپ، سايكەس مەزگىلدەگىدەن ％170.5 ارتتى.
ساياحاتتىڭ گۇلدەنۋى كوپتەگەن كاسىپ سالاسىن جانداندىرىپ، بۇراتالا وبلىسىنىڭ ەڭبەككۇشتەردى جۇمىستانۋعا باۋرايتىن تاعى ءبىر”جالىندى كۇشىنە“ اينالدى. اراسان اۋدانىندا تۇربات سياقتى ساياحاتقا سۇيەنىپ تىكە نەمەسە جانامالاي جۇمىستانۋدى جۇزەگە اسىرعاندار 13 مىڭ 400 ادامعا جەتتى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
