سىرتقى ىستەر مينيسترلىگى: تايۋانداعى ءىشىنارا ادامداردىڭ بىرلەسكەن مەملەكەتتەر ۇيىمىنىڭ 2758 – ءنومىرلى قاۋلىسىن بۇرمالاۋىنا باتىل قارسى تۇرامىز
2021.10.13 14:03 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى سۇن نان 10 – ايدىڭ 12 – كۇنى بەيجيڭنەن حابارلايدى. جۋىردان بەرى تايۋانداعى ءىشىنارا ساياساتكەرلەردىڭ شەتەلدەگى اقپارات قۇرالدارىنا تالاي رەت «حات جازىپ»، ب م ۇ قۇرىلتايىنىڭ 2758 – ءنومىرلى قاۋلىسىن قاساقانا بۇرمالاعانىنا باعىتتاي وتىرىپ، سىرتقى ىستەر مينيسترلىگىنىڭ مالىمدەمەشىسى جاۋ ليجيان 10 – ايدىڭ 12 – كۇنگى كەزەكتى اقپار جاريالاۋ ماجىلىسىندە مىنانى ءبىلدىردى: ب م ۇ قۇرىلتايىنىڭ 2758 – ءنومىرلى قاۋلىسى حالىقارالىق قوعام مويىنداعان زاڭدى فاكتتى ايگىلەگەن، وندا ايدان – انىق جازىلعان، تايۋانداعى بيلىك باسىنداعىلار مەن ءارقانداي ادامنىڭ قالاعانىنشا مويىنداماي قويۋىنا نەمەسە بۇرمالاۋىنا بولمايدى، ءارقانداي فورماداعى «تايۋان دەربەستىگى» سىندى جولدىڭ ىسكە اسۋى مۇمكىن ەمەس.
جاۋ ليجيان مىنانى باسا دارىپتەدى: دۇنيە جۇزىندە ءبىر عانا جۇڭگو بار، تايۋان — جۇڭگو تەرريتورياسىنىڭ ايرىلماس ءبىر بولىگى، جۇڭحۋا حالىق رەسپۋبليكاسىنىڭ ۇكىمەتى — بۇكىل جۇڭگوعا ۋاكىل بولاتىن بىردەن – ءبىر زاڭدى ۇكىمەت، بۇل حالىقارالىق قوعام مويىنداعان نەگىزگى فاكت. «ءبىزدىڭ ءبىر جۇڭگو پرينسيپىندە تاباندى بولۋ مايدانىمىز وزگەرمەيدى، ‹ەكى جۇڭگو› جانە ‹ءبىر تايۋان، ءبىر جۇڭگوعا› قارسىمىز، ‹تايۋان دەربەستىگىنە› قارسى تۇرۋ پوزيتسيامىزعا سوقتىعۋعا بولمايدى، مەملەكەتتىڭ يەلىك ۇقىعى مەن تەرريتوريا تۇتاستىعىن قورعاۋ بەكىمىمىز بەرىك».
جاۋ ليجيان بىلاي دەدى: بىرلەسكەن مەملەكەتتەر ۇيىمى — يەلىك ۇقىقتى مەملەكەتتەردەن قۇرام تاپقان ۇكىمەت ارالىق حالىقارالىق ۇيىم. جۇڭگونىڭ بىرلەسكەن مەملەكەتتەر ۇيىمىنداعى ۋاكىلدىك ۇقىعى ماسەلەسى 1971 – جىلى ب م ۇ قۇرىلتايىنىڭ 2758 – ءنومىرلى قاۋلىسىندا ساياسي جاقتان، زاڭدىق جاقتان جانە تارتىپتىك جاقتان تۇبەگەيلى شەشىلگەن. ب م ۇ جۇيەسى، ءارقايسى ارناۋلى قۇرىلىمدارى جانە ب م ۇ حاتشىلار باسقارماسى تايۋانعا ساياتىن ىستەردە ءبىر جۇڭگو پرينسيپىنە جانە ب م ۇ – نىڭ 2758 – ءنومىرلى قاۋلىسىنا بويسۇنۋى كەرەك. تايۋان — جۇڭگونىڭ ءبىر ولكەسى، ب م ۇ – عا قابىلدانۋ تولىمدىلعى، مۇلدە، جوق. تالاي جىلداردان بەرگى اماليات ايگىلەگەندەي، ب م ۇ مەن ونىڭ بارشا مۇشەلەرى دۇنيە جۇزىندە ءبىر عانا جۇڭگو بار ەكەنىن، تايۋاننىڭ جۇڭگو تەرريتورياسىنىڭ ايرىلماس بولىگى ەكەنىن تۇگەل مويىنداپ، جۇڭگونىڭ تايۋانعا يەلىك ۇقىعىن جۇرگىزۋىنە تولىق قۇرمەت بىلدىرگەن.
جاۋ ليجيان مىنانى ءبىلدىردى: ب م ۇ قۇرىلتايىنىڭ 2758 – ءنومىرلى قاۋلىسى — حالىقارالىق قوعام مويىنداعان زاڭدى فاكتتى ايگىلەگەن، وندا ايدان – انىق جازىلعان، تايۋاننىڭ بيلىك باسىنداعىلاردىڭ جانە ءارقانداي ادامنىڭ قالاعانىنشا مويىنداماي قويۋىنا جانە بۇرمالاۋىنا بولمايدى، ءارقانداي فورماداعى «تايۋان دەربەستىگى» سىندى جولدىڭ ىسكە اسۋى مۇمكىن ەمەس. «تايۋانداعى ءىشىنارا ادامداردىڭ حالىقارادا بۇل تاقىرىپتى دابىرالاۋى ءبىر جۇڭگو پرينسيپىنە اشىقتان – اشىق سوقتىققاندىق جانە اۋىر دارەجەدە ارانداتۋ، ب م ۇ قۇرىلتايىنىڭ 2758 – ءنومىرلى قاۋلىسىنا اشىقتان – اشىق قايشىلىق جاساۋ، سونىمەن بىرگە، بۇل تيپتىك ‹تايۋان دەربەستىگىنە› ساياتىن پىكىر، ءبىز بۇعان باتىل قارسى تۇرامىز، مۇنداي پىكىردىڭ حالىقارالىق قوعامدا دا ەشقانداي بازارى بولمايتىنى داۋسىز.
جاۋ ليجيان: «ءبىز جۇڭگو ۇكىمەتى مەن جۇڭگو حالقىنىڭ مەملەكەتتىڭ يەلىك ۇقىعى مەن تەرريتورياسىنىڭ تۇتاستىعىن قورعاۋ، بولشەكتەنۋگە قارسى تۇرۋ، مەملەكەتتىڭ تۇتاستىعىن ىسكە اسىرۋ سىندى ادىلەتتى ءىسىنىڭ، ءسوزسىز، ب م ۇ مەن ونىڭ بارشا مۇشەلەرىنىڭ تۇسىنۋىنە جانە قولداۋىنا يە بولاتىنىنا سەنەمىز» — دەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
