شي جينپيڭ بىرلەسكەن مەملەكەتتەر ۇيىمىنىڭ 2 - كەزەكتى دۇنيە جۇزىلىك باياندى قاتىناس جينالىسىنىڭ اشىلۋ سالتىنا قاتىناستى ءارى ارقاۋ ءسوز سويلەدى
ەسىك اشۋدىڭ ىقپالداستىعىندا، بىرگە دامۋدا، جاڭالىق اشۋ ارقىلى دەم بەرۋدە، ەكولوگيانى الدىمەن ەسكەرۋدە، كوپ جاقتىلىقتا تاباندى بولىپ، نەگىزدىك قۇرىلعىلاردى ۇلاستىرۋدىڭ، ساۋدانى، قارجى قوسۋدى ىركىلىسسىزدەندىرۋدىڭ، وركەنيەتتەر ارا توعىسىپ، ءتۇسىنىسۋدىڭ تىڭ داستانىن جازۋدى دارىپتەدى
2021.10.15 16:40 كەلۋ قاينارى : حالىق تورابى
 |
10 - ايدىڭ 14 - كۇنى كەشتە مەملەكەت ءتوراعاسى شي جينپيڭ بەينە ەكران تاسىلىمەن بىرلەسكەن مەملەكەتتەر ۇيىمىنىڭ 2 - كەزەكتى دۇنيە جۇزىلىك باياندى قاتىناس جينالىسىنىڭ اشىلۋ سالتىنا قاتىناستى ءارى «دۇنيە جۇزىمەن قارىم - قاتىناس جاساپ، داۋىرمەن ۇشتاسىپ، باياندى دامۋ جولىندا ارشىندى قاداممەن العا باسايىق» دەگەن تاقىرىپتا ارقاۋ ءسوز سويلەدى. سۋرەتتى شينحۋا اگەنتتىگىنىڭ ءتىلشىسى لي تاۋ تۇسىرگەن
|
شينحۋا اگەنتتىگى، 10 - ايدىڭ 14 - كۇنى، بەيجيڭ. مەملەكەت ءتوراعاسى شي جينپيڭ 10 - ايدىڭ 14 - كۇنى كەشتە بەينە ەكران تاسىلىمەن بىرلەسكەن مەملەكەتتەر ۇيىمىنىڭ 2 - كەزەكتى دۇنيە جۇزىلىك باياندى قاتىناس جينالىسىنىڭ اشىلۋ سالتىنا قاتىناستى ءارى «دۇنيە جۇزىمەن قارىم - قاتىناس جاساپ، داۋىرمەن ۇشتاسىپ، باياندى دامۋ جولىندا ارشىندى قاداممەن العا باسايىق» دەگەن تاقىرىپتا ارقاۋ ءسوز سويلەدى (ءسوزدىڭ تولىق مازمۇنىن «حالىق گازەتىنىڭ» 2 – بەتىنەن وقي الاسىزدار).
شي جينپيڭ بىلاي دەپ اتاپ كورسەتتى: قاتىناس − ەكونوميكانىڭ تامىرى جانە وركەنيەتتىڭ دانەكەرى. بايىرعى جىبەك جولىنداعى كەرۋەن قوڭىراۋى مەن تۇيەلەر كولەڭكەسىنەن تەڭىز ساپارى داۋىرىندەگى تولقىن جارۋعا دەيىن، ونان وسى زامانعى قاتىناس تورابىنىڭ شار تاراپقا تۇتاسۋىنا دەيىن، قاتىناس ەكونوميكانىڭ توعىسۋىن، گۋمانيتارلىق اۋىس - كۇيىستى ىلگەرىلەتىپ، دۇنيە ءجۇزىن تىعىز بايلانىسقان «جەر شارى قىستاعىنا» اينالدىردى. قازىر 100 جىلدىق وزگەرىس پەن عاسىرلىق ىندەت قاباتتاسىپ، دۇنيە ءجۇزى ەكونوميكاسىنىڭ دامۋى مەن حالىق تۇرمىسىنىڭ جاقسارۋىنا اۋىر سىن - سايىس الا كەلدى. ءبىز دۇنيە ءجۇزى دامۋىنىڭ جالپى اۋقىمىنا سايكەسىپ، دۇنيە جۇزىلىك قاتىناس سەلبەستىگىن ىلگەرىلەتىپ، نەگىزدىك قۇرىلعىلاردى ۇلاستىرۋدىڭ، ساۋدانى، قارجى قوسۋدى ىركىلىسسىزدەندىرۋدىڭ، وركەنيەتتەر ارا توعىسىپ، ءتۇسىنىسۋدىڭ تىڭ داستانىن جازۋىمىز كەرەك.
ءبىرىنشى، ەسىك اشۋدىڭ ىقپالداستىعىندا تاباندى بولىپ، ۇلاستىرۋ - تۇتاستىرۋدى ىلگەرىلەتۋ كەرەك. اشىق دۇنيە ءجۇزى ەكونوميكاسىن قۇرۋدى ىلگەرىلەتىپ، كەمسىتۋ سيپاتتى، قاقپايلاۋ سيپاتتى ەرەجە مەن جۇيەنى قولدانباي، ەكونوميكانىڭ جاھاندانۋىنىڭ اناعۇرلىم اشىق، قامتىمدى، جالپىعا ءتيىمدى، تەپە - تەڭ، تەڭ يگىلىككە كەنەلەتىن باعىتقا قاراي دامۋىن ىلگەرىلەتۋ كەرەك. نەگىزدىك قۇرىلعىلاردىڭ «قاتتى ۇلاسۋىن»، ءتۇزىم - ەرەجەلەردىڭ «جۇمساق ۇلاسۋىن» كۇشەيتىپ، قۇرلىق، تەڭىز، اسپان، عالامتور سىندى «ءتورت ءبىر تۇلعالانعان» ۇلاسۋ - تۇتاسۋدى جەبەۋ كەرەك.
ەكىنشى، ورتاق دامۋدا تاباندى بولىپ، ءادىل، جالپىعا ءتيىمدى بولۋدى جەبەۋ كەرەك. ءار ەلدىڭ بىرگە دامۋى عانا شىنايى دامۋ، كوپشىلىكتىڭ بىرگە اۋقاتتانۋى عانا ناعىز اۋقاتتانۋ سانالادى. دامۋدىڭ بىركەلكىسىزدىگى ماسەلەسىن ويداعىداي شەشكەندە عانا ادامزاتتىڭ ورتاق دامۋىنا اناعۇرلىم كەڭ ءورىس اشۋعا بولادى. قاتىناستىڭ الدا ءجۇرۋ رولىن ساۋلەلەندىرىپ، كەدەي وڭىرلەردىڭ قاتىناس ۇسىنىلىمىن ارتتىرىپ، كەدەي وڭىرلەردىڭ ەكونوميكاسىنىڭ، حالىق تۇرمىسىنىڭ جول ارقىلى گۇلدەنۋىنە مۇمكىندىك جاساۋ كەرەك. وڭتۇستىك پەن سولتۇستىكتىڭ سەلبەستىگىن، وڭتۇستىك پەن وڭتۇستىكتىڭ سەلبەستىگىن كۇشەيتىپ، ەڭ دامىماعان ەلدەردىڭ، ىشكى قۇرلىقتاعى وركەندەپ كەلە جاتقان ەلدەردىڭ قاتىناس نەگىزدىك قۇرىلعىلار قۇرىلىسىنا اناعۇرلىم كوپ قولداۋ كورسەتىپ، بىرگە گۇلدەنىپ - كوركەيۋدى جەبەۋ كەرەك.
ءۇشىنشى، جاڭالىق اشۋ ارقىلى دەم بەرۋدە تاباندى بولىپ، دامۋدىڭ قوزعاۋشى كۇشىن ارتتىرۋ كەرەك. زەردەلى قاتىناس پەن زەردەلى زات اينالىمىن كۇش سالا دامىتىپ، ءىرى ساندى مالىمەت، عالامتور، جاساندى زەردە، وڭىرلىك تىزبەك سياقتى جاڭا تەحنيكالاردىڭ قاتىناس سالاسىمەن ىشكەرىلەي توعىسۋىن ىلگەرىلەتىپ، ادامداردىڭ ەركىن ءجۇرىپ - تۇرۋىنا، زاتتاردىڭ ىركىلىسسىز بولۋىنا مۇمكىندىك جاساۋ كەرەك.
ءتورتىنشى، ەكولوگيانى الدىمەن ەسكەرۋدە تاباندى بولىپ، جاسىل، تومەن كومىرتەكتى بولۋدى جۇزەگە اسىرۋ كەرەك. جاسىل، تومەن كومىرتەكتى دامۋدىڭ ەكونوميكالىق جۇيەسىن ورناتىپ، ەكونوميكالىق، قوعامدىق دامۋدىڭ جاپپاي جاسىل تيپكە بۇرىلىس جاساۋىن جەبەۋ عانا باياندى دامۋدى جۇزەگە اسىرۋدىڭ باياندى شاراسى بولىپ تابىلادى. جاسىل، تومەن كومىرتەكتى قاتىناس - تاسىمال ءتاسىلىن جەدەل قالىپتاستىرىپ، جاسىل نەگىزدىك قۇرىلعى قۇرىلىسىن كۇشەيتىپ، جاڭا ەنەرگيالى، زەردەلىلەنگەن، سيفرلانعان، ىقشام قاتىناس جابدىقتارىن جالپىلاستىرىپ، جاسىل جول جۇرۋگە دەم بەرىپ، جەتەكشىلىك ەتىپ، قاتىناستىڭ قورشاعان ورتانى ءتىپتى دە قورعاۋىنا، ءجۇرىس - تۇرىستىڭ ءتىپتى دە تومەن كومىرتەكتى بولۋىنا مۇمكىندىك جاساۋ كەرەك.
بەسىنشى، كوپ جاقتىلىقتا تاباندى بولىپ، دۇنيە جۇزىلىك جونگە سالۋدى كەمەلدەندىرۋ كەرەك. بىرگە اقىلداسۋ، بىرگە قۇرۋ، بىرگە يگىلىكتەنۋ سىندى دۇنيە جۇزىلىك جونگە سالۋ كوزقاراسىن امالياتتا ايگىلەپ، دۇنيە ءجۇزى بايلىعىن ىسكە قوسىپ، دۇنيە جۇزىلىك سايىستارعا توتەپ بەرىپ، دۇنيە جۇزىلىك دامۋدى جەبەۋ كەرەك. ب م ۇ - نىڭ بەدەلى مەن ورنىن قورعاپ، ب م ۇ - نىڭ 2030 - جىلعا دەيىنگى باياندى دامۋ كەڭەستىك ءتارتىبىن تياناقتاندىرۋدى ارقاۋ ەتىپ، كەدەيلەردى ازايتۋ، دەنساۋلىق ساقتاۋ، قاتىناس، زات اينالىمى، نەگىزدىك قۇرىلعى قۇرىلىسى سياقتى سەلبەستىكتەردى جاپپاي ىلگەرىلەتۋ كەرەك. ءار جاقتىڭ جۇڭگو العا قويعان دۇنيە جۇزىلىك دامۋ باستاماسىنا بەلسەنە ات سالىسۋىن ءۇمىت ەتەمىن.
شي جينپيڭ بىلاي دەپ اتاپ كورسەتتى: جاڭا جۇڭگو قۇرىلعاننان بەرى نەشە ۇرپاق ادامدار تاۋ كەزدەسسە جول اشىپ، سۋ جولىقسا كوپىر سالىپ، قاتىناستا ءىرى ەل قۇردى، قازىر قاتىناس جاعىندا قۇدىرەتتى ەل قۇرۋدى جەدەلدەتۋدە. ءبىز قاتىناستى الدىڭعى ورىنعا قويۋدا تاباندى بولىپ، دۇنيە جۇزىندەگى ەڭ ۇلكەن جوعارى قارقىندى تەمىر جول تورابىن، جوعارى قارقىندى تاس جول تورابىن، دۇنيە جۇزىلىك پورت شوعىرىن قۇردىق، اۆياتسيا، تەڭىز جولى بۇكىل دۇنيە جۇزىنە تۇتاستى. ءبىز جاڭالىق اشۋ ارقىلى جەتەكشىلىك ەتۋدە تاباندى بولىپ، جوعارى قارقىندى تەمىر جول، ءىرى ۇشاق سياقتى جابدىق جاساۋدا كەلەلى تابىستارعا قول جەتكىزدىك، جاڭا ەنەرگيالى اۆتوموبيل بۇكىل دۇنيە ءجۇزى جالپى مولشەرىنىڭ جارىمىنان استامىن ۇستادى، شياڭگاڭ - جۋحاي - اۋمىن كوپىرى، بەيجيڭ داشيڭ حالىقارالىق اۋەجايى سياقتى ەرەكشە ءىرى قاتىناس ينجەنەريالارى سالىنىپ بولىپ، پايدالانۋعا بەرىلدى، قاتىناس جۇڭگونىڭ وسىزاماندانۋىنىڭ جول باستاۋشىسىنا اينالدى. ءبىز قاتىناس ارقىلى دۇنيە ءجۇزىن شارلاۋدا تاباندى بولىپ، دۇنيە ءجۇزى بويىنشا تەڭىز تاسىمالىنىڭ تۇتاسۋ مولشەرى ەڭ جوعارى، زات ساۋدا سوماسى ەڭ كوپ ەكونوميكالىق تۇلعاعا اينالدىق. جاڭا تيپتى ايدارشا ۆيرۋس وكپە قابىنۋ ىندەتى كەزىندە جۇڭگو - ەۆروپا كەزەكشى پويەزى، شالعاي مۇحيت جۇك كەمەسى كۇندىز - ءتۇنى قاتىناپ، دۇنيە جۇزىلىك كاسىپ تىزبەگىنىڭ، قامداۋ تىزبەگىنىڭ ورنىقتىلىعىن بار كۇشپەن قامتاماسىز ەتىپ، جۇڭگونىڭ جاۋاپكەرلىگىن ايگىلەدى.
شي جينپيڭ مىنالاردى دارىپتەدى: جۇڭگو ناعىز كوپ جاقتىلىق تۋىن ۇزدىكسىز بيىك ۇستاپ، دۇنيە جۇزىمەن بارىس - كەلىس جاساۋدا، داۋىرمەن ۇشتاسۋدا تاباندى بولىپ، وزىندىك دامۋدى جۇزەگە اسىرۋمەن بىرگە، دۇنيە ءجۇزىنىڭ دامۋىنا اناعۇرلىم زور ۇلەس قوسادى. جۇڭگونىڭ اناعۇرلىم جوعارى دەڭگەيدەگى اشىق ەكونوميكالىق جاڭا ءتۇزىلىس ورناتۋ باعىتى وزگەرمەيدى، ساۋدا مەن قارجى قوسۋدىڭ ەركىن، قولايلى بولۋىن جەبەۋ بەكىمى وزگەرمەيدى. جۇڭگونىڭ ەسىگى بارعان سايىن ايقارا اشىلادى، ماڭگى جابىلمايدى. جۇڭگو «ءبىر بەلدەۋ، ءبىر جولدى» جوعارى ساپامەن بىرگە قۇرۋدى ۇزدىكسىز ىلگەرىلەتىپ، ءار ەلمەن نەگىزدىك قۇرىلعىلاردى ۇلاستىرۋ - تۇتاستىرۋدى كۇشەيتىپ، جاسىل جىبەك جولى مەن سيفرلى جىبەك جولىن قۇرۋدى جەدەلدەتەدى.
شي جينپيڭ بىلاي دەپ جاريالادى: جۇڭگو حالىقارالىق باياندى قاتىناس جاسامپازدىق جانە ءبىلىم ورتالىعىن قۇرىپ، دۇنيە ءجۇزى قاتىناسىنىڭ دامۋىنا كۇش قوسادى.
شي جينپيڭ سوڭىندا مىنانى دارىپتەدى: ءبىز ءوزارا بايلانىس جاسايتىن، ءوزارا پايدا جەتكىزىپ، تەڭ يگىلىككە كەنەلەتىن دۇرىس جولمەن قول ۇستاسا ءجۇرىپ، باياندى بەيبىت، جاپپاي حاۋىپسىز، بىرگە گۇلدەنگەن، اشىق، سيىسىمدى، تازا، كورىكتى دۇنيە ءجۇزىن بىرگە قۇرىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتەيىك.
ديڭ شۋەشياڭ، ليۋ حى، ساي چي، ۋاڭ ي، حى ليفىڭ قاتارلىلار اشىلۋ سالتىنا قاتىناستى.
بىرلەسكەن مەملەكەتتەر ۇيىمىنىڭ 2 - كەزەكتى دۇنيە جۇزىلىك باياندى قاتىناس جينالىسى 10 – ايدىڭ 14 – كۇنىنەن 16 – كۇنىنە دەيىن جەلى ءىشى - سىرتىن ۇشتاستىرۋ تاسىلىمەن بەيجيڭدە وتكىزىلەدى. رەسەيدىڭ زۇڭتۇڭى پۋتين، تۇركىمەنستاننىڭ زۇڭتۇڭى بەردىمۇحامەتوۆ، ەفيوپيانىڭ زۇڭتۇڭى ساحيل - ۋوكەر، پانامانىڭ زۇڭتۇڭى كورتيزو، نيدەرلاندتىڭ باس ءۋازىرى ريۋت، ب م ۇ - نىڭ باس حاتشىسى گۋتتەرەس قاتارلىلار ۇسىنىس بويىنشا بەينە ەكران تاسىلىمەن ءسوز سويلەدى. 171 مەملەكەتتىڭ ۋاكىلى اشىلۋ سالتىنا قاتىناستى.
كەلۋ قاينارى: حالىق تورابى
 |
10 - ايدىڭ 14 - كۇنى كەشتە مەملەكەت ءتوراعاسى شي جينپيڭ بەينە ەكران تاسىلىمەن بىرلەسكەن مەملەكەتتەر ۇيىمىنىڭ 2 - كەزەكتى دۇنيە جۇزىلىك باياندى قاتىناس جينالىسىنىڭ اشىلۋ سالتىنا قاتىناستى ءارى «دۇنيە جۇزىمەن قارىم - قاتىناس جاساپ، داۋىرمەن ۇشتاسىپ، باياندى دامۋ جولىندا ارشىندى قاداممەن العا باسايىق» دەگەن تاقىرىپتا ارقاۋ ءسوز سويلەدى. سۋرەتتى شينحۋا اگەنتتىگىنىڭ ءتىلشىسى ليۋ بين تۇسىرگەن
|
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
