شينجياڭ ۇيعۇر اۆتونوميالى رايونى ماقتا جونىندە ارناۋلى اقپار جاريالاۋ ءماجىلىسىن اشتى
شينجياڭ ماقتاشىلارىنىڭ كىرىستەرىنىڭ ارتقاندىعى تۇراقتاندى
2021.11.13 11:04 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى جىڭ جو 11 - ايدىڭ 10 - كۇنى ۇرىمجىدەن حابارلايدى. ءبىر مەزگىلدەن بەرى امەريكاداعى، باتىستاعى جۇڭگوعا قارسى كۇشتەر ”شينجياڭ از ۇلتتاردى ماقتا ەگۋگە، جيناۋعا زورلادى“ دەپ جالا جاپتى ءارى وسىنى سىلتاۋراتىپ شينجياڭ كاسىپورىندارىن قيسىنسىز جازالادى. بۇل جونىندە شينجياڭنىڭ جەر - جەرىندەگى ماقتاشىلاردىڭ جانە ماقتا شارۋاشىلىعىمەن اينالىسۋشىلاردىڭ ايتارى بار. 11 - ايدىڭ 10 - كۇنى شينجياڭ ۇيعۇر اۆتونوميالى رايونى ۇرىمجىدە ماقتا جونىندە ارناۋلى اقپار جاريالاۋ ءماجىلىسىن اشىپ، ءمان - جايدى تاعى دا ايتىپ، تۇرعىنى قايتالاي دارىپتەدى.
اقپار جاريالاۋ ءماجىلىسى اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنىڭ ورىنباسار باستىعى شۇي تاۋدى، شينجياڭ داشۋەسى زاڭ شۋەيۋانىنىڭ ورىنباسار باستىعى اركىن سامساقتى شينجياڭنىڭ ماقتا كاسىپ سالاسىنىڭ دامۋى جانە ەڭبەكپەن جۇمىستاندىرۋ جاعدايىن تانىستىرۋعا ناق مايدانعا ۇسىنىس ەتتى. اقسۋ ايماعى، تارباعاتاي ايماعى، بايىنعولين موڭعۇل اۆتونوميالى وبلىسى سياقتى جەرلەردەن كەلگەن 6 نەگىزگى ساتى بۇقارا ۋاكىلى بەينەبايلانىس ءتاسىلى ارقىلى وزدەرىنىڭ ەڭبەككە سۇيەنىپ باقىتتى تۇرمىس جاراتقان حيكايالارىن ءبولىستى.
ەڭ الدىمەن، شايار اۋدانى تارىم اۋىلىنىڭ ماقتاشىسى ءامار تۇرعۇن سوزگە شىقتى. سول كۇنى ول ءوز ءۇيىنىڭ ماقتا اتىزىندا تۇرىپ، ءوزىنىڭ ماقتا ەگۋ كەشىرمەسىن باياندادى. ”ۇيىمىزدە 1900 مۋ ماقتا اتىزى بار، ىلگەرىندى - كەيىندى 3 تراكتور جانە ءبىر ماقتا جيناۋ ماشيناسىن ساتىپ الدىق، وسى اۋىل شارۋاشىلىق ماشينالارىنىڭ بارىنە مەملەكەتتەن قوسىمشا قاراجات بەرىلدى“. ءامار: ماشينانىڭ ارقاسىندا 1900 مۋ جەردەگى ماقتا ءبىر اپتاعا جەتپەي جينالىپ بولدى، - دەدى.
ساۋان قالاسى كونەساۋان قالاشىعىنىڭ ماقتاشىسى اۋۇتجان قۇراحۇن وتباسىنىڭ 80 مۋ ماقتا اتىزىنىڭ احۋالىن قول تەلەفون APPى ارقىلى كەز كەلگەن ۋاقىتتا بىلۋگە بولادى. ول بىلاي دەدى: ”عىلمي ەگۋگە سۇيەنگەندىكتەن، ماقتامىزدىڭ بيىلعى مۋ باسىندىق ءونىمى بىلتىرعىدان 70 − 80 كيلوگرام ارتتى“.
ەلىمىزدەگى نەگىزگى ماقتا ءوندىرىس ءوڭىرى رەتىندە، سوڭعى جىلدارى شينجياڭنىڭ ماقتاسى ماشينالاندىرىپ، زەردەلىلەندىرىپ، كولەمدەندىرىپ ەگۋدى جانە جيناۋدى جۇزەگە اسىردى. شۇي تاۋ بىلاي دەپ تانىستىردى: بيىل شينجياڭ ماقتاسىنىڭ ءتۇسى، ۇزىندىعى سياقتى كورسەتكىشتەرى بىلتىرعى سايكەس مەزگىلدەگىدەن زور كولەمدە ارتىپ، ماقتانىڭ ساپاسى وتكەن جىلداعىدان كورنەكتى جاقساردى. سوڭعى مەزگىلدە مەملەكەت پەن اۆتونوميالى رايوننىڭ قاتىستى ساياساتتارىنىڭ رەتتەۋ - مەڭگەرۋىندە تۇقىمدى ماقتانىڭ ساتىپ الۋ باعاسى ءار كيلوگرامى 10 يۋاننان استامعا بىرتىندەپ تۇراقتانىپ، ماقتانىڭ مۋ باسىندىق ورتاشا تازا كىرىسى 1500 يۋاننان اسىپ، ماقتاشىلاردىڭ كىرىستەرىنىڭ ارتقاندىعى تۇراقتاندى.
شينجياڭ ماقتاسىنىڭ ءوندىرىسى مەن دامۋى ەگىمشى وتباسىلارى مەن ماقتا توقىماشى جۇمىسشىلارىنىڭ جانە ولاردىڭ وتباسى مۇشەلەرىنىڭ تىرشىلىگىن قامتاماسىز ەتىپ، ولاردىڭ تۇرمىسىن جاقسارتىپ، جەرگىلىكتى ورىننىڭ كەدەيلىگىن جويۋعا وراسان زور ۇلەس قوستى. اقسۋ حۋافۋ ءتۇستى توقىما شەكتى سەرىكتەستىگىنىڭ جۇمىسشىلارى پاتىگۇل تۇرسۇن مەن گۇلنيسا اباش بىلاي دەدى: امەريكاداعى، باتىستاعى جۇڭگوعا قارسى كۇشتەر شينجياڭ كاسىپورىندارىن جازالاپ، ءبىزدى ەڭبەك ۇقىعىمىزدان ايىرىپ، ءبىزدىڭ باقىتتى تۇرمىسىمىزدى بۇلدىرۋگە ۇرىندى، بۇعان ءبىز استە جول بەرمەيمىز.
اركىن سامساق بىلاي دەدى: شينجياڭداعى ءار ۇلت ەڭبەكشىلەرى ءوز قالاۋىمەن جۇمىستانادى، ءوز كۇشتەرىنە سۇيەنىپ كاسىپ تاڭدايدى، باس بوستاندىعى، سالت - سانا، ادەت - عۇرپى، ءدىني سەنىمى، ەڭبەكاقى ۇقىعى سياقتىلار تۇگەلدەي زاڭنىڭ قورعاۋىندا بولادى. شينجياڭنىڭ ەڭبەكپەن جۇمىستاندىرۋدى قامتاماسىز ەتۋى جانە ونىڭ امالياتى جۇڭگونىڭ نەگىزگى زاڭىنا، زاڭدارىنا ۇيلەسەدى، حالىقارالىق ەڭبەكشىلەر جانە ادامدىق ۇقىق ولشەمىن اتقاردى، شينجياڭداعى ءار ۇلت بۇقاراسىنىڭ باقىتتى تۇرمىس كەشىرۋ كۇشتى تىلەگىنە ساي كەلەدى، بۇكىلدەي سىننان وتە الادى.
كوپشىلىك مىنالاردى ءبىلدىردى: امەريكاداعى، باتىستاعى جۇڭگوعا قارسى كۇشتەر قالاي كۇيە جاقسا دا، جالا جاپسا دا، شينجياڭنىڭ گۇلدەنىپ دامىعان اياق الىسىن بوگەي المايدى، شينجياڭداعى ءار ۇلت حالقىنىڭ ىنتىماقتى، دوس، ءوزارا كومەكتەسەتىن، بىرگە العا باساتىن اسا تاماشا جاعدايىن دا وزگەرتە المايدى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
