بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ورتا ازياداعى بەس ەلدىڭ ەكونوميكاسى ۇزدىكسىز جانداندى

حالىق گازەتىنىڭ ءتىلشىسى جوۋ حانبو 

2021.11.16 17:01     كەلۋ قاينارى : حالىق تورابى

  جۋىردا وتكىزىلگەن قازاقستان ۇكىمەتىنىڭ ماجىلىسىندە، قازاقستان زۇڭليى مامين مىنانى ءبىلدىردى: بيىل الدىڭعى 10 ايدا، قازاقستاننىڭ ەل ءىشى ءوندىرىسىنىڭ جالپى ءونىم قۇنى %3.5 ارتتى، «حالىق شارۋاشىلىعىنىڭ ارتۋ قارقىنى ورنىقتى بولدى». ىندەت جاعدايىنىڭ بىرتىندەپ جاقسارۋىنا بايلانىستى، ورتا ازياداعى وزبەكستان، تاجىكستان، قىرعىزستان جانە تۇركىمەنستان ەلدەرى دە ەكونوميكانى جانداندىرۋ جولىنا ءتۇستى.

  ساناقتارعا قاراعاندا، بيىل 4 – ايدان باستاپ، قازاقستان ەكونوميكاسى وڭ ارتۋدى ىسكە اسىرعان، ءتۇرلى ەكونوميكالىق كورسەتكىشتەرى تەرىس ماننەن وڭ مانگە قاراي وتكەن. 10 – ايدىڭ سوڭىنا دەيىن، ءدارى – دارمەك جاساۋ كاسىبىنىڭ ارتۋ مولشەرى %33.6 كە جەتكەن، ماشينا جاساۋ كاسىبىنىڭ ارتۋ مولشەرى %23.4 بولعان. قازاقستان مەملەكەتتىك ەكونوميكا مينيسترلىگىنىڭ مينيسترى ەرعاليەۆتىڭ ايتۋىنشا، ونەركاسىپتىك جاساۋ جانە قۇرىلىس كاسىبى ءالى دە ەكونوميكانى ارتتىرۋدىڭ باستى قوزعاۋشى كۇشى بولعان، سونىمەن بىرگە، قىزمەت وتەۋ كاسىبى مەن يمپورت – ەكسپورت سالاسى دا ءبىرشاما تەز ارتۋ بەتالىسىن بايقاتقان، بازاردا كەن قازۋ سالاسىنان باسقا سالالارعا قارجى قوسۋ تەبىندى بولعان.

  ورتا ازيا وڭىرىندەگى ەكىنشى ءىرى ەكونوميكالىق تۇلعا — وزبەكستاننىڭ ءۇشىنشى توقسانداعى ەل ءىشى ءوندىرىسىنىڭ جالپى ءونىم قۇنىنىڭ ارتۋ مولشەرى %6.9 كە جەتكەن. وزبەكستان ۇكىمەتىنىڭ ساناق دەرەكتەرىنە قاراعاندا، بيىل الدىڭعى 9 ايدا، وزبەكستاندا جاڭادان ارتقان جۇمىس ورنىنىڭ سانى 338 مىڭ ورىن بولعان. شامامەن 77 مىڭ جاڭا كاسىپورىن ساۋدالىق قيمىلدارمەن شۇعىلدانۋدى باستاعان، ولاردىڭ قوسقان قارجىسىنىڭ ەل ءىشى ءوندىرىسى جالپى ءونىم قۇنىنان ۇستايتىن سالىستىرماسى %32 بولعان.

  تاجىكستاندا الدىڭعى ءۇش توقساندا ەل ءىشى ءوندىرىسىنىڭ جالپى ءونىم قۇنىنىڭ ارتۋى %8.9 بولعان، باستىسى تۇراقتى مۇلىككە قارجى قوسۋ كولەمى كەڭەيگەن، سونىمەن بىرگە ونەركاسىپ، ساۋدا، اۋىل شارۋاشىلىعى، قاتىناس – تاسىمال، قىزمەت وتەۋ قاتارلى سالالار جەدەل ارتقان. قىرعىزستان مەن تۇركىمەنستان ەكونوميكاسىندا دا ۇقساس مەزگىلدە ءتۇرلى دەڭگەيدە وڭ ارتۋ جارىققا شىققان.

  ورتا ازيا ءوڭىرىنىڭ ەكونوميكادا ارتۋدى ىسكە اسىرۋى ءار ەل ۇكىمەتىنىڭ ىندەتكە توتەپ بەرىپ، ەكونوميكانى سەرپىلتۋدە پارمەندى شارالار قولدانعانىمەن بايلانىستى. قاتىستى ەلدەر تيجارات ورتاسىن جاقسارتۋ، كاسىپورىنداردىڭ باجى اۋىرتپالىعىن جەڭىلدەتۋ، ءتيىمدى قارىزبەن قامداۋ، شەتەل قارجىسىن باۋراۋ قاتارلى ەكونوميكانى شابىتتاندىرۋ جوسپارىن ۇزدىكسىز ورتاعا قويدى.

  ەۆروپا قايتا گۇلدەندىرۋ جانە دامىتۋ بانكەسى جۋىردا «ورتا ازيا ءوڭىرىنىڭ 2021 – جىلعى ەكونوميكاسىنىڭ دامۋ بولاشاعى» اتتى قۇجاتتى جاريالاپ، بىلاي دەپ قاراعان: بيىل ورتا ازياداعى بەس ەلدىڭ ەل ءىشى ءوندىرىسىنىڭ جالپى ءونىم قۇنىنىڭ ورتاشا ارتۋ مولشەرى شامامەن %4.9 كە جەتۋى ىقتيمال. الايدا، كەيبىر ماماندار ىندەت جاعدايى، حالىقارالىق بازارداعى تاۋار باعاسى، ەڭبەككۇش بازارىنداعى قامداۋ مەن قاجەتسىنۋ قارىم – قاتىناسى قاتارلى تۇراقسىز فاكتورلاردى ويلاستىرا وتىرىپ، ورتا ازياداعى ءار ەل ەكونوميكاسى ءالى دە كوپتەگەن سىناقتارعا ءدوپ كەلۋدە دەپ قاراعان. (حالىق گازەتىنىڭ نۇر – سۇلتاننان بەرگەن حابارى)

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار