ليتۆا ۋادەسىندە تۇرمايتىن بولسا، ءسوز جوق، بوداۋ بەرەدى!
2021.11.20 10:49 كەلۋ قاينارى : حالىق تورابى
ليتۆا ۇكىمەتى بىرنەشە كۇننىڭ الدىندا جۇڭگونىڭ كۇشتى قارسىلىعىنا جانە كوپ رەتكى ناسيحاتىنا قاراماي، تايۋان بيلەۋشىلەرىنىڭ اتالمىش «ليتۆادا تۇراتىن تايۋان ۋاكىلدىك باسقارماسىن» قۇرۋىن بەكىتتى. بۇل ارەكەت ءبىر جۇڭگو پرينسيبىنە اشىقتان - اشىق قايشىلىق جاساۋ، ليتۆا ەكى ەلدىڭ ديپلوماتيالىق قاتىناس ورناتۋ مازمۇنداماسىنداعى ساياسي ۋادەسىنەن بەزدى، سيپاتى توتەنشە ناشار. جۇڭگو بارلىق قاجەتتى شارالاردى قولدانىپ، مەملەكەتتىڭ يەلىك ۇقىعى مەن تەرريتوريا تۇتاستىعىن قورعايدى. ليتۆا ۋادەسىندە تۇرماي، قىزىل سىزىقتى ءوز بەتىمەن اياق استى ەتكەندىكتەن، ءسوز جوق، بوداۋ بەرەدى.
سەنىمسىز ادام ماندىمايدى، سەنىمسىز ەل دامىمايدى. ليتۆا 1991 - جىلى قول قويعان «جۇڭحۋا حالىق رەسپۋبليكاسى مەن ليتۆا رەسپۋبليكاسىنىڭ ديپلوماتيالىق قاتىناس ورناتۋ بىرلەسكەن مازمۇنداماسىندا» بىلاي دەپ ايقىن ۋادە بەرگەن: «ليتۆا رەسپۋبليكاسى ۇكىمەتى جۇڭحۋا حالىق رەسپۋبليكاسى ۇكىمەتىنىڭ جۇڭگونىڭ بىردەن - ءبىر زاڭدى ۇكىمەتى، تايۋان جۇڭگو تەرريتورياسىنىڭ ايرىلماس ءبىر بولىگى ەكەنىن مويىندايدى. ليتۆا رەسپۋبليكاسى ۇكىمەتى تايۋانمەن ۇكىمەتتىك قاتىناس ورناتپاۋعا جانە ۇكىمەتتىك بارىس - كەلىس جاساماۋعا ۋادە بەردى.» تايعا باسقان تاڭباداي ايقىن جازىلعان، جۇرتتىڭ ءبارى بىلەدى. قازىر ليتۆا مەملەكەتتىڭ بەدەلىنە نەمقۇرايدى قاراپ، ءوزىنىڭ ساياسي ۋادەسىنەن كەشىپ، جۇڭگونىڭ يەلىك ۇقىعى مەن تەرريتوريا تۇتاستىعىنا زيان جەتكىزىپ، جۇڭگونىڭ ىشكى ىسىنە دورەكىلىكپەن كيلىگىپ وتىر، ونىڭ سيپاتى توتەنشە ناشار. جۇڭگو ۇكىمەتى بۇعان كۇشتى نارازىلىعىن جانە باتىل قارسى تۇراتىندىعىن ءبىلدىردى، بارلىق قاجەتتى شارالاردى قولدانىپ، مەملەكەتتىڭ يەلىك ۇقىعى مەن تەرريتوريا تۇتاستىعىن قورعايدى. وسىدان تۋىلعان بارلىق زارداپقا ليتۆا جاۋاپتى بولادى.
دۇنيە جۇزىندە ءبىر عانا جۇڭگو بار، تايۋان جۇڭگو تەرريتورياسىنىڭ ايرىلماس ءبىر بولىگى. «قاھيرا جارناماسىن»، «پوتسدام حابارلاندىرۋىن» قامتىعان ءبىرقىدىرۋ حالىقارالىق زاڭ قۇجاتتارى جۇڭگونىڭ تايۋانعا يەلىك ۇقىعىن ايقىن تۇراقتاندىرعان. ءبىر جۇڭگو پرينسيبى ‐ جالپى جۇرت مويىنداعان حالىقارالىق قارىم ـ قاتىناس ولشەمى جانە حالىقارالىق قوعامنىڭ جاپپاي ورتاق تانىمى، جۇڭگونىڭ ليتۆانى قامتىعان ەلدەرمەن جانە حالىقارالىق ۇيىمدارمەن ەكى جاقتى قارىم ـ قاتىناستى دامىتۋىنىڭ ساياسي نەگىزى. جۇڭگو جاق ديپلوماتيالىق قاتىناس ورناتقان ەلدەردىڭ تايۋانمەن ءارقانداي فورماداعى ۇكىمەتتىك بارىس ـ كەلىس جاساۋىنا باستان ـ اياق باتىل قارسى تۇرادى، ديپلوماتيالىق قاتىناس ورناتقان ەلدەر مەن تايۋاننىڭ ءوزارا اتالمىش «ۋاكىلدىك باسقارما» قۇرۋىنا قارسى تۇرادى. وتكەن عاسىردىڭ 70 - جىلدارىندا جۇڭگو ەۆروپا ورتاق تۇلعاسىمەن رەسمي قاتىناس ورناتقان كەزدە، ەۆروپا جاق « تايۋانمەن ءارقانداي ۇكىمەتتىك قاتىناس ساقتامايمىز نەمەسە ءارقانداي كەلىسىم جاساسپايمىز» ۋادە بەرگەن. بۇل ۋادە ەۆروپا وداعىنا جانە وعان مۇشە ەلدەرگە زاڭدا بەلگىلەنگەن بورىش جانە تەجەم بولىپ ەسەپتەلەدى، ليتۆا جاق مۇنى ابدەن بىلەدى، سوندىقتان ۋادەسىندە تۇرۋى كەرەك.
تايۋان ماسەلەسى جۇڭگونىڭ وزەكتى مۇددەسىنە سايادى، ليتۆا تايۋان ماسەلەسىنىڭ اسا سەزىمتالدىعىن تولىق تانىماۋى، ءناسيحاتقا قۇلاق اسپاۋى، ءوز بىلگەنىن ىستەۋى ءبىر ميلليارد 400 ميلليوننان استام جۇڭگو حالقىمەن قارسىلاسۋ، حالىقارالىق قوعامنىڭ جاپپاي ورتاق تانىمىنا قارسى كەلۋ، باسىم كوپ ساندى ەلدەر بويسۇناتىن «تەمىردەي تارتىپپەن» قارسىلاسۋ ەسەپتەلەدى، ەڭ سوڭىندا، ءسوز جوق، وسى ءۇشىن بوداۋ بەرەتىن بولادى! ەگەر تايۋاندى كوزىر تۇتىپ، تايۋان حالقىن قامتىعان بۇكىل جۇڭگو حالقىنىڭ مۇددەسىنە زيان جەتكىزۋگە ۇرىنىپ، وسى ارقىلى ءىشىنارا ادامدارعا، ءىشىنارا كۇشتەرگە جەكە پايدا جەتكىزۋدى كوزدەسە، وندا بۇكىلدەي قاتەلەسكەنى.
ءداۋىر اعىمى بوگەۋ بەرمەيدى. جۇڭگو ۇكىمەتى مەن جۇڭگو حالقىنىڭ وتاندى بىرلىككە كەلتىرۋ ۇلى ءىسىن جۇزەگە اسىرۋ بەكىمىن ەشنارسە شايقالتا المايدى، مەملەكەتتىڭ تەرريتورياسىنىڭ، يەلىك ۇقىعىنىڭ تۇتاستىعىن قورعاۋ سوقتىعۋعا بولمايتىن سوڭعى شەك. «تايۋاندى دەربەستەندىرۋ» تۇيىق جول، حالىقارادا «ەكى جۇڭگو» نەمەسە «ءبىر جۇڭگو، ءبىر تايۋان» جاساۋ قاسكۇنەمدىگىنىڭ قاندايى بولسا دا ىسكە اسپايدى. ەكى جاعالاۋدىڭ بىرلىككە كەلۋ تاريحي اۋقىمىن ءارقانداي ادام، ءارقانداي كۇش توسا المايدى! ليتۆا «تايۋاندى دەربەستەندىرۋدى» كوزدەيتىن بولشەكتەۋشى كۇشتەرىمەن اۋىز جالاسىپ، بىرگە جاماندىققا بارۋى تاريحتىڭ ۇلكەن اۋقىمىنا قارسى ارەكەت، ونىڭ ناتيجەسى تەك ءالىن بىلمەگەن الەك دەگەننىڭ ءوزى، ءسوزسىز جەڭىلىسكە ۇشىرايدى.
ءبىز ليتۆا جاققا، قاتە شەشىمدى دەرەۋ تۇزەتۋدى، ەشتەن كەش جاقسى دەگەندەيىن، قاتەلگىن دەرۋ تۇزەتسە ٵلى دە كەش ەمەس ەكەندىگىن، قاتە جولمەن قۇردىمعا كەتپەۋدى قاتاڭ ەسكەرتەمىز. ءبىز تايۋان بيلەۋشىلەرىنە دە، شەتەلگە ارقالانىپ «دەربەستەنۋدى» جۇزەگە اسىرماقشى بولعان ەسەبى، ءسوز جوق، جەڭىلىسكە ۇشىرايتىندىعىن قاتاڭ ەسكەرتەمىز. ءارقانداي ادام جۇڭگو حالقىنىڭ مەملەكەتتىڭ يەلىك ۇقىعى مەن تەرريتوريا تۇتاستىعىن قورعاۋداعى بەرىك بەكىمىن، قايىسپاس جىگەرىن، تەڭدەسسىز قابىلەتىن تومەن مولشەرلەمەۋى كەرەك. «تايۋاندى دەربەستەندىرۋ» ‐ تۇيىق جول ، تاريح اعىمىنا قارسى تۇرۋ، شەتەلگە ارقالانىپ ءوزىن كۇشەيتۋ قاسكۇنەمدىگىنىڭ قاندايى بولسا دا، ءسوزسىز، جەڭىلىسپەن تىنادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
