بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

چىن چۋانگو ءۇرىمجى قالاسى شينجياڭ حالىقارالىق ۇلكەن بازاردا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى

كەشكى ەكونوميكانى دامىتىپ، قالانىڭ ومىرشەڭدىك كۇشىن تاسقىنداتىپ، حالىق تۇرمىسىنا تىعىز جاناسىپ، ەكونوميكانىڭ جوعارى ساپالى دامۋىن ىلگەرىلەتۋ كەرەك

2021.12.02 16:47     كەلۋ قاينارى : شينجياڭ گازەتى

  
    انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 11 - ايدىڭ 30 - كۇنى ۇرىمجىدەن حابارلايدى. 11 - ايدىڭ 29 - كۇنى كەشتە اۆتونوميالى رايوندىق پارتكومنىڭ شۋجيى چىن چۋانگو ءۇرىمجى قالاسى شينجياڭ حالىقارالىق ۇلكەن بازارىنا كەلىپ كەشكى ەكونوميكانىڭ دامۋ جاعدايىنا تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، ورتالىقتىڭ ۇلت قىزمەتى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، كەشكى ەكونوميكانى جەدەل كوركەيتىپ، دامىتىپ، دامۋدىڭ جاڭا قوزعاۋشى كۇشىن تاسقىنداتىپ، حالىق تۇرمىسىنا تىعىز جاناسىپ، ەكونوميكانىڭ جوعارى ساپالى دامۋىن ىلگەرىلەتۋ كەرەك.

  تۇنگى شينجياڭ حالىقارالىق ۇلكەن بازاردىڭ شام - شىراقتارى سامالاداي سامسىپ، ادامدار قايشالىستى، جۋىقتان بەرى 24 ساعات اشىق تيجارات جۇرگىزۋدى باستاعاننان بەرى بۇل ارا ءار ۇلت بۇقاراسى مەن ساياحاتشىلاردىڭ كەشكى سەيىل - سەرۋەندەگى تاپتىرماس ورنىنا اينالىپ، ءار كۇنى كورىنىس اۋماعىنا 30 مىڭعا تاياۋ ادام - رەت كەلدى. ءدامدى تاعامدار كوشەسى مەن ءاپاندى حوتان كاۋابى دۇكەنىندە ءتۇرلى دامدەگى جەڭىل تاعامدار، ەرەكشە قاقتامالار سياقتى ءدامدى تاعامداردىڭ بۋى بۇرقىراپ، حوش ءيىسى اڭقىپ، ساياحاتشىلار قايشالىسىپ، قىزۋ دۋمانعا بولەندى. چىن چۋانگو جايما ورنىنا كەلىپ، ءار ۇلت ساۋداگەرلەرىمەن ىقىلاسپەن اڭگىمەلەسىپ، تيجارات جاعدايىن ەگجەي - تەگجەيلى ۇعىسىپ، تيجاراتشىلاردى ەرەكشەلىكتى تۇلعالاۋعا باسا ءمان بەرىپ، ازىق - تۇلىك حاۋىپسىزدىگىنە كەپىلدىك ەتىپ، ساپا ارقىلى جۇرتتى باۋراپ، قىزمەت وتەۋ ارقىلى القاۋعا يە بولىپ، قالانى اناعۇرلىم دۋمانعا بولەۋگە، قالتالارىن قامپايتا تۇسۋگە جىگەرلەندىردى.

  چىن چۋانگو ءدامدى تاعام تۇتىنىپ جاتقان ساياحاتشىلاردىڭ اراسىنا كەلىپ، ولارمەن ىقىلاسپەن امانداسىپ، كوپشىلىكتىڭ تۇتىنۋ اسەرىن ۇعىستى. ساياحاتشىلار كەشكى بازاردا ءدامدى تاعامداردىڭ ءتۇرى مول، باعاسى ءتيىمدى، ەرەكشەلىككە يە ەكەندىگىن جابال القادى. چىن چۋانگو كوپشىلىكتىڭ كوڭىلدى سەرۋەندەپ، راقاتتانا تاماقتانۋىن تىلەدى.

  ۇلكەن بازاردىڭ جاياۋلار كوشەسىندە سىرتتاعى سالتانات ارباسى شىراقتاردىڭ ساندەۋىندە ەرەكشە كوز تارتادى، قولونەر بۇيىمدارى، ساياحات تاۋارلارى، ەرەكشە سۋسىن، ينتەرنەتتە تانىمال ءسوزسىز باراتىن جەر كوپتەگەن ساياحاتشىلاردى وزىنە باۋرادى، ولار بۇل ارادان قايتقىسى دا كەلمەي قالدى، چىن چۋانگو كوشە بويىن بويلاپ كەشكى ەكونوميكانىڭ تۇتىنۋ ورتاسى، سايكەستى قۇرىلعى سياقتى جاعدايلاردى كوزدەن كەشىرىپ، بىلاي دەپ باسا دارىپتەدى: كەشكى ەكونوميكانىڭ سەيىل - سەرۋەن، ورتا تازالىعى، حابارلاسۋ سياقتى سايكەستى قۇرىلعى قۇرىلىسىن جەدەلدەتىپ، كەشكى الەۋمەتتىك قاتىناس قىزمەت وتەۋىن ساپالىلاندىرىپ، تاماشا كەشكى تۇتىنۋ ورتاسىن قالىپتاستىرۋ كەرەك.

  چىن چۋانگو تەكسەرۋ - زەرتتەۋ بارىسىندا بىلاي دەپ باسا دارىپتەدى: كەشكى ەكونوميكا قالا ومىرشەڭدىگىنىڭ بەينەسى، تۇتىنۋ قاجەتىن كەڭەيتۋدىڭ ماڭىزدى دانەكەرى، ەكونوميكانىڭ دامۋ تاسىلىنە جەدەل بۇرىلىس جاساۋدىڭ ماڭىزدى شاراسى. كەشكى ەكونوميكانى دامىتۋدىڭ ماڭىزدى ءمانىن تولىق تانىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى اناعۇرلىم ويداعىداي ءبىر تۇتاس جوسپارلاپ، پارمەندى شارا قولدانۋ ارقىلى كەشكى ەكونوميكانىڭ ءۇرتىس اقاۋسىز دامۋىن ىلگەرىلەتىپ، ەكونوميكانىڭ جوعارى ساپالى دامۋىنا جاڭا ومىرشەڭدىك كۇش ۇستەۋ كەرەك. مازمۇنىن ۇزدىكسىز بايىتىپ، ءارقايسىسىنىڭ ارتىقشىلىقتارىن ساۋلەلەندىرىپ، ورنالاسىمىن ساپالىلاندىرىپ، مادەنيەت پەن ساياحاتتى توعىستىرۋدى ىلگەرىلەتىپ، كاسىپ كۇيى فورماسىن بايىتىپ، فۋنكتسياسى كەمەلدى، فورماسى الۋان، مادەنيەتى كوپ نەگىزدى كەشكى ەكونوميكانىڭ دامۋ ارناسىن قالىپتاستىرىپ، كەشكى ەكونوميكانىڭ ساپاسىن جوعارىلاتىپ، ونىمدىلىگىن ارتتىرۋدى ىلگەرىلەتۋ كەرەك. سان سالالى سۇرانىستى كوزدە ۇستاي وتىرىپ، ەرەكشە كوشە اۋماقتارىن، ساۋدا شەڭبەرلەرىن دە تۇلعالاپ، حالىققا قولايلى قىزمەت وتەۋ شەڭبەرىن دە قالىپتاستىرىپ، ساۋداگەرلەردى كەشتە الۋان فورماداعى، كوپ رەت ساتۋدى جەبەۋ قيمىلىن ورىستەتۋگە جىگەرلەندىرىپ، كەشكى تاۋاردىڭ ءتۇرىن كوبەيتىپ، الەۋمەتتىك اۋماقتىڭ جاقىن جەردە ىڭعايلى تۇتىنۋىنا قولايلىلىق جاساپ، وزگەشە، قولايلى، ساپالى قىزمەت وتەۋ كەرەك. حالىققا تيىمدىلىك جاساۋعا، قولايلىلىق جاساۋعا تاباندى بولىپ، امالدىڭ بارىنشا جۇمىستانۋدى كەڭەيتىپ، كاسىپورىنعا تيىمدىلىك جاساۋ ساياساتىن تياناقتاندىرىپ، تيجاراتشىلاردىڭ ءىس جۇزىندىك قيىنشىلىقتارىن ىقىلاسپەن شەشىپ، تۇتىنۋ اسەرىن ۇزدىكسىز ساپالىلاندىرىپ، ءار ۇلت بۇقاراسىن كەشكى ەكونوميكانىڭ دامۋى اكەلگەن ناقتى تيىمدىلىكتەن يگىلىكتەندىرۋ كەرەك. قولداۋ تەبىنىن ۇزدىكسىز ارتتىرىپ، ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتىپ، ىرىقتىلىقپەن الدىنا بارىپ قىزمەت وتەپ، شارۋاشىلىق - ساۋدا ورتاسىن جانە شارۋاشىلىق قۇرۋ ورتاسىن ساپالىلاندىرىپ، ساياسات، قارجى، ەلەكتر سياقتى جاقتاردا ءتۇرلى بازار تۇلعالارىنىڭ كەشكى ەكونوميكانى كوركەيتۋىنە قاتىستى شارالارمەن قولداۋ كورسەتۋ كەرەك. تاماشا ورتا قالىپتاستىرىپ، ازىق - تۇلىك، تازالىق، ءورت ءوشىرۋ، ورتتەن ساقتانۋ سياقتى باقىلاۋ - باسقارۋدى جانە قىزمەت وتەۋدى كۇشەيتىپ، ساۋداگەرلەر مەن تۇتىنۋشىلاردى ىندەتتەن ساقتانۋ - تىزگىندەۋدى ۇدايىلاندىرۋ شارالارىن تياناقتاندىرۋعا ۇگىتتەپ، جەتەكشىلىك ەتىپ، تۇتىنۋشىلاردىڭ دۇكەنگە الاڭسىز كىرۋىنە، حاۋىپسىز تۇتىنۋىنا مۇمكىندىك جاساۋ كەرەك.

  اۆتونوميالى رايوندىق پارتكومنىڭ تۇراقتى مۇشەسى، ءۇرىمجى قالالىق پارتكومنىڭ شۋجيى ياڭ فاسىن قاتارلىلار بىرگە تەكسەرۋ - زەرتتەۋ جۇرگىزدى.

جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار