بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

اۆتونوميالى رايون ”زورلىقپەن ەڭبەككە سالۋ“ دەگەنگە تويتارىس بەرۋ جونىندە ارناۋلى اقپار جاريالاۋ ءماجىلىسىن اشتى

وسەك - اياڭدارعا، ساندىراقتارعا شينجياڭ باتىل تويتارىس بەردى

2021.12.03 16:30     كەلۋ قاينارى : شينجياڭ گازەتى

  انار بۇلت / شينجياڭ گازەتىنىڭ ءتىلشىسى لي شيڭ 12 - ايدىڭ 1 - كۇنى ۇرىمجىدەن حابارلايدى. 12 - ايدىڭ 1 - كۇنى شينجياڭ ۇيعۇر اۆتونوميالى رايونىنىڭ ”زورلىقپەن ەڭبەككە سالۋ“ دەگەنگە تويتارىس بەرۋ جونىندە ارناۋلى اقپار جاريالاۋ ءماجىلىسى ۇرىمجىدە وتكىزىلىپ، قاتىستى سالالاردىڭ، قوعامداردىڭ جاۋاپتىلارىن، وقىتۋشىلاردى، سونداي - اق از ۇلت بۇقاراسىنىڭ ۋاكىلدەرىن ماجىلىسكە ۇسىنىس ەتىپ، قاتىستى احۋالداردى تانىستىرۋ جانە وزىندىك كەشىرمەلەرىمەن ءبولىسۋ ارقىلى امەريكاداعى، باتىستاعى جۇڭگوعا قارسى كۇشتەر شىعارعان شينجياڭدا ايتىلمىس ”زورلىقپەن ەڭبەككە سالۋ“ ءومىر ءسۇرىپ وتىر دەگەن وسەك - اياڭدارعا، ساندىراقتارعا پارمەندى تويتارىس بەردى.

  ”شينجياڭدا ’زورلىقپەن ەڭبەككە سالۋ‘ مۇلدەم ءومىر سۇرگەن جوق“. شينجياڭ قاتىناس كاسىپتىك تەحنيكا شۋەيۋانىنىڭ وقىتۋشىسى گۇلنيسا مامۇت كورشىلەرى مەن وقۋشىلارىنىڭ قۇلشىنۋ جانە ەڭبەك ىستەۋ ارقىلى باقىتتى تۇرمىس جاراتقان حيكايالارىن باياندادى. ول مىنانى ءبىلدىردى: شينجياڭنىڭ ءار كاسىپ، ءار سالاسىنداعى ەڭبەكشىلەر تۇگەلدەي قۇلشىنا كۇرەس جۇرگىزىپ، مۇنان دا تاماشا تۇرمىسقا بار كۇشپەن ۇمتىلۋدا، بۇل جاڭا ءداۋىردىڭ ەڭ تاماشا كورىنىسى.

  قۇتىبي اۋدانى تاسباسبالداق قازاق اۋىلىنىڭ باستىعى شايبولات بىلاي دەدى: شينجياڭنىڭ ەگىن، مال شارۋاشىلىق رايوندارىندا جارىققا شىققان كەرەمەت زور وزگەرىستەرگە كۋا بولدىم. وسى زامانعى مال شارۋاشىلىعى ينجەنەرياسىن جۇرگىزىپ، ءار ۇلت بۇقاراسىنىڭ باعىمشىلىق وزىندىك قۇنى تومەندەپ، ءوندىرىس شارت - جاعدايى جاقسارىپ، تۇرمىس دەڭگەيى بارىنشا جوعارىلاپ، جۇرت قوس قولدارىمەن تاماشا تۇرمىس جاراتىپ، بىلتىر تۇتاس اۋىلداعى ەگىنشى - مالشىلاردىڭ جان باسىندىق ورتاشا تازا كىرىسى 20 مىڭ يۋانعا تايادى. امەريكاداعى ءىشىنارا ساياسي الاياقتار مەيلى قالاي جالا جاپسا دا، شينجياڭنىڭ جاراسىمدى، ورنىقتى بولعان شىندىعىن وزگەرتە المايدى، ءار ۇلت بۇقاراسىنىڭ تاماشا تۇرمىسقا تالپىنعان قادامىنا بوگەت بولا المايدى.

  ”بيىل ماقتا ءونىم مولشەرى مەن باعاسى تۇگەلدەي توتەنشە جاقسى“. كۇشار قالاسى قاتىقاتام اۋىلىنىڭ ماقتاشىسى باكري سوۋۇر بيىل 150 مىڭ يۋانعا جاڭادان شاعىن اۆتوموبيل ساتىپ الىپ، ءۇيىن قايتادان اشەكەيلەدى، بالداي ءتاتتى تۇرمىس كەشىرۋدە. ول بىلاي دەدى: ماقتا تەرەتىن جۇمىسشىلار 2 ايدان استام ۋاقىتتا 10 نەشە مىڭ يۋان اقشا تابا الادى، جۇرتتىڭ بارلىعى تالاسا - تارماسا كەلۋدە، بۇعان زورلاۋ قاجەت پە؟ اناۋ وسەك - اياڭ تاراتۋشىلار شينجياڭ ماقتاسىن جەردە ءشىرىتىپ، كوپشىلىكتى جۇمىسسىز قالدىرىپ، ىشەر استان ايىرۋ، ءبىز بۇعان استە جول بەرمەيمىز!

  اقپار جاريالاۋ ماجىلىسىندە شينجياڭ ۇيعۇر اۆتونوميالى رايونى ءتۇستى مەتال كاسىبى قوعامىنىڭ باس حاتشىسى پان سۇنشياڭ، ونسۋ اۋدانىنداعى جۇمىسكەر ادىل ۇسەن، تۇرپان قالاسى وۋباي ەلەكتروندى ساۋدا شەكتى سەرىكتەستىگىنىڭ جاۋاپتىسى ابەيدوللا ءومار، شيحۋ قالاسى باشىسىحۋ اۋىلى چىنجياجۋاڭزى قىستاعى مەشىتىنىڭ ءدىني قىزمەتكەرى ابەيبول نياز دا كاسىپ ەرەكشەلىگىمەن جانە وزىندىك كەشىرمەلەرىمەن ۇشتاستىرىپ، ايتىلمىس ”زورلىقپەن ەڭبەككە سالدى“ دەگەن وسەڭ - اياڭعا، ساندىراققا تويتارىس بەردى.

  وسى رەتكى اقپار جاريالاۋ ءماجىلىسىنىڭ جۇرگىزۋشىسى حۋ جىچۇن بىلاي دەدى: شينجياڭدا ءار ۇلت بۇقاراسىنىڭ ەڭبەكشىل قوس قولدارى مەن اقىل - پاراساتىنا سۇيەنىپ، ەڭبەكپەن جۇمىستانۋ ارقىلى كىرىستى ارتتىرىپ، بايىپ، باقىتتى تۇرمىسقا كەنەلگەن مىسالدارى تولىپ جاتىر. امەريكاداعى، باتىستاعى جۇڭگوعا قارسى كۇشتەر ۇزاق ۋاقىتتان بەرى شينجياڭ ماسەلەسىندە شىندىقتى بۇرمالاپ، شينجياڭنىڭ قاتىستى كاسىپورىندارىنا قيسىنسىز جازا قولداندى، مۇنداعى ءتۇبىرلى ماقساتى − شينجياڭداعى ءار ۇلت بۇقاراسىن ەڭبەك جانە جۇمىستانۋ ارقىلى تاماشا تۇرمىسقا تالپىنۋ ۇقىق - مۇددەسىنەن ماقرۇم ەتىپ، شينجياڭدى ماڭگى توماعا - تۇيىق، مەشەۋ قالدىرۋ. شينجياڭداعى ءار ۇلت حالقى مۇنى قاتاڭ جازعىرادى جانە بۇعان باتىل قارسى تۇرادى، شينجياڭ جاق پارمەندى شارا قولدانىپ، باتىل تويتارىس بەرەدى!
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار