وقىتۋشىلار زاڭىنا وزگەرىس ەنگىزۋ جوباسىنا اشىق پىكىر الىنۋدا، قانداي ماڭىزدى وزگەرىستەر ەنگىزىلگەن؟
2021.12.07 10:43 كەلۋ قاينارى : حالىق تورابى
حالىق تورابىنىڭ 12 - ايدىڭ 3 - كۇنى بەيجيڭنەن بەرگەن حابارى (جۋ جياڭ) جۋىردا وقۋ - اعارتۋ مينيسترلىگى «جۇڭحۋا حالىق رەسپۋبليكاسىنىڭ وقىتۋشىلار زاڭىن (وزگەرىس ەنگىزىلەتىن جوبا) (پىكىر الىناتىن نۇسقا)» (تومەندە قىسقارتىلىپ «پىكىر الىناتىن نۇسقا» دەپ اتالادى) جاريالادى ءارى قوعامداعىلاردان اشىق پىكىر قابىلداي باستادى. وزگەرىس ەنگىزىلگەن وقىتۋشىلار زاڭىندا قانداي وزگەرىستەر ەنگىزىلگەن؟ ەنگىزىلگەن وزگەرىستەر قانداي ءمان الادى؟ حالىق تورابى جۇڭگو وقۋ - اعارتۋ عىلىمىن زەرتتەۋ مەكەمەسى وقۋ - اعارتۋدى دامىتۋ جانە رەفورما جاساۋدى زەرتتەۋ باسقارماسىنىڭ باستىعى، زەرتتەرمەن ۋ نيدان سۇحبات الدى.
ۋ ني مىنانى ءبىلدىردى: قازىر اتقارىلىپ وتىرعان وقىتۋشىلار زاڭى 1994 - جىلى 1 - ايدىڭ 1 - كۇنىنەن باستاپ اتقارىلعاننان بەرى، وقۋ - اعارتۋ جاعدايىندا وراسان زور وزگەرىستەر بولدى، بۇل رەتكى «پىكىر الىناتىن نۇسقادا» اماليات پەن اڭىسقا نەگىزدەلە وتىرىپ، التى ءتۇرلى جاقتان ماڭىزدى وزگەرىستەر ەنگىزىلگەن:
ءبىرىنشى، وقىتۋشى بولۋعا قويىلاتىن ماعلۇمات، عىلىمي اتاق ولشەمى جوعارىلاتىلدى. «پىكىر الىناتىن نۇسقانىڭ» 16 - تارماعىندا وقىتۋشى بولۋ تولىمدىلىعىنا يە بولۋداعى قاجەتتى ماعلۇمات جانە عىلىمي اتاق دارەجەسىنە اناعۇرلىم جوعارى تالاپ قويىلعان، وقىتۋشى بولۋعا قويىلاتىن ولشەم جوعارىلاتىلعان. مىسالى «پىكىر الىناتىن نۇسقادا» ورتا، باستاۋىش مەكتەپ وقىتۋشىلارى تولىق كۋرس نەمەسە ودان جوعارى ماعلۇماتقا يە بولۋى كەرەك دەپ بەلگىلەنگەن، ال، 2009 - جىلى وزگەرىس ەنگىزىلگەن وقىتۋشىلار زاڭىندا ورتا، باستاۋىش مەكتەپ وقتۋشىلارىنىڭ ماعلۇماتى جونىندە: باستاۋىش مەكتەپ وقىتۋشىسى بولۋ تولىمدىلىعىنا يە بولۋ ءۇشىن ورتا دارەجەلى پەداگوگيكالىق مەكتەپتەن وقۋ تاۋىسقان نەمەسە ودان جوعارى ماعلۇماتقا يە بولۋى كەرەك؛ ورتالاۋ مەكتەپ وقىتۋشىسى بولۋ تولىمدىلىعىنا يە بولۋ ءۇشىن جوعارى دارەجەلى پەداگوگيكالىق ارناۋلى كۋرس مەكتەبىنەن نەمەسە داشۋەنىڭ باسقا كاسىپتەرىنەن وقۋ تاۋىسقان بولۋى، ياكي، ودان جوعارى ماعلۇماتقا يە بولۋى كەرەك دەپ تالاپ قويىلعان.
ەكىنشى، وقىتۋشىلاردىڭ سالاۋاتى مەن ولارعا ارنالعان مامىلە تۇرلەرى اناعۇرلىم ايقىندالادى. «پىكىر الىناتىن نۇسقانىڭ» 13 - تارماعىندا ۇكىمەت اشقان ورتا، باستاۋىش مەكتەپتەردىڭ وقىتۋشىلارى — مەملەكەت قىزمەتكەرى دەپ بەلگىلەنگەن. 38 - تارماعىندا بىلاي دەپ ايقىن اتاپ كورسەتىلگەن: ورتا، باستاۋىش مەكتەپتەر مەن بالالار باقشاسىنىڭ وقىتۋشىلارىنىڭ ورتاشا كىرىسىنىڭ ورەسى سول جەردەگى مەملەكەت قىزمەتكەرلەرىنىڭ ورتاشا ەڭبەكاقى ورەسىنەن تومەن بولماۋى نەمەسە جوعارى بولۋى كەرەك ءارى ونى بىرتىندەپ جوعارىلاتىپ وتىرۋ كەرەك. ونىمدىلىك ەڭبەكاقىسىن بولۋدە كوپ ىستەگەندەر كوپ الۋ، قىزمەت ناتيجەسى جاقسىلاردىڭ ەڭبەكاقىسى جاقسى بولۋعا تاباندى بولۋ قاجەت. جوعارى مەكتەپتەر ىشكى جاقتاعى ءبولىس ءادىسىن دەربەس تۇراقتاندىرۋى، ءبىلىمنىڭ قۇنىن ارتتىرۋدى باعدار ەتكەن، جوعارى مەكتەپ كاسىپ سالاسىنىڭ ەرەكشەلىگىنە سايكەس كەلەتىن ەڭبەكاقى كىرىسى ءبولىس ءتۇزىمىن كەمەلدەندىرۋ قاجەت.
ءۇشىنشى، وقىتۋشىلىق ءمورال، وقىتۋشىلىق ستيل قۇرىلىسىنا ءمان بەرىپ، وقىتۋشىلارعا باعىتتالعان «كاسىپتەنۋگە تيىم سالۋ بۇيرىعى» ورناتىلادى. «پىكىر الىناتىن نۇسقانىڭ» 30 - تارماعىندا مىنالار ورتاعا قويىلعان: وقىتۋشىلاردى جىلدىق باعالاۋ مەن ەڭبەك توقتامى مەرزىمىندەگى باعالاۋ بارىسىندا، وقىتۋشىلاردىڭ ءمورالى مەن ستيلىنە ءتۇيىندى تۇردە باعا بەرۋ كەرەك، ەگەر اۋىر ماسەلە بايقالسا، باعالاۋدا تولىمسىز بولدى دەپ قاراۋ قاجەت. «پىكىر الىناتىن نۇسقادا» مىنالار ايقىندالعان: اۋىر دارەجەدە زاڭعا قايشى ارەكەت وتكىزگەن وقىتۋشىنى قىزمەتتەن بوساتۋعا نەمەسە ەڭبەك توقتامىن كۇشىنەن قالدىرۋعا ءارى وقىتۋشىلىق تولىمدىلىعىن كۇشىنەن قالدىرۋعا بولادى، بەس جىل ىشىندە وقىتۋشىلىق تولىمدىلىققا ءوتىنىش بەرۋىنە بولمايدى. زاڭعا قايشى ارەكەتى اۋىر بولىپ، ىقپالى ناشار بولسا، وقىتۋشىلىق تولىمدىلىعىن كۇشىنەن قالدىرۋ قاجەت، وقىتۋشىلىق تولىمدىلىققا ءومىر بويى ءوتىنىش بەرۋىنە بولمايدى، بۇل كاسىپپەن شۇعىلدانۋىنا تيىم سالىنادى. ەگەر قىلمىس قالىپتاستىرسا، زاڭ بويىنشا قىلمىستىق ىستەر جاۋاپكەرشىلىگى قۋزاستىرىلادى.
ءتورتىنشى، وقىتۋشىلارعا داڭق اتاعىن بەرۋ، ماراپاتتاۋ ءتۇزىمى ورناتىلىپ، مەملەكەتتىك وقىتۋشىلار سيلىعى بەلگىلەنەدى. «پىكىر الىناتىن نۇسقانىڭ» 7 - تارماعىندا بىلاي دەلىنگەن: مەملەكەت وقىتۋشىلارعا داڭق اتاعىن بەرۋ، ماراپاتتاۋ ءتۇزىمىن ورناتىپ، مەملەكەتتىك وقىتۋشىلار سيلىعى بەلگىلەنەدى، زور ۇلەس قوسقان وقىتۋشىلارعا مەملەكەتتىڭ قاتىستى بەلگىلەمەلەرىنە ساي حالىق اعارتۋشىسى، مەملەكەتتىك ءبىلىم بەرۋ - تاربيەلەۋ ۇلگىسى، مەملەكەتتىك ۇلگىلى وقىتۋشى، مەملەكەتتىك ۇزدىك وقىتۋشى قاتارلى اتاقتار بەرىلەدى.
بەسىنشى، وقىتۋشىلاردىڭ ءبىلىم بەرۋ، تاربيەلەۋ جاعىنداعى دەربەس ۇقىعى، ءتالىم - تاربيە بارىسىندا جازالاپ عيبىرات بەرۋ ۇقىعى ارتتىرىلادى. «پىكىر الىناتىن نۇسقانىڭ» 9 - تارماعىندا وقىتۋشىلار وقۋشىلاردىڭ ۇيرەنۋى مەن جەتىلۋىنە جەتەكشىلىك ەتۋگە، وقۋشىلاردىڭ ءمورالى مەن وقۋ ناتيجەسىن باعالاۋعا، وقۋشىلاردى ماداقتاۋعا، سيلاۋعا، سىنداۋ جانە ءتالىم – تاربيەلىك تۇرعىدان جازالاپ ساقتاندىرۋعا ۇقىقتى دەپ بەلگىلەنگەن.
التىنشى، وقىتۋشىلاردىڭ ناۋقاس كورسەتىپ، ەمدەلۋدە الدىمەن يگىلىكتەنۋ ۇقىعى بار ەكەنى ايقىندالدى. «ۇسىنىس الىناتىن نۇسقانىڭ» 42 - تارماعىندا: ەمدەۋ قۇرىلىمدارى وقىتۋشىلارعا الدىمەن قىزمەت وتەۋى قاجەت، — دەپ بەلگىلەنگەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
