بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى

جاڭا داۋىردەگى دارىندىلاردا قۋاتتى ەل ستراتەگياسىن ىشكەرىلەي اتقارىپ، دۇنيە جۇزىلىك ماڭىزدى دارىندىلار ورتالىعىن جانە جاڭالىق اشۋ بيىك بەلەسىن جەدەل قۇرايىق

2021.12.16 19:11     كەلۋ قاينارى : حالىق تورابى

  شينحۋا اگەنتتىگى، 12 - ايدىڭ 15 - كۇنى، بەيجيڭ. 12 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 24 - سانىندا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «جاڭا داۋىردەگى دارىندىلاردا قۋاتتى ەل ستراتەگياسىن ىشكەرىلەي اتقارىپ، دۇنيە جۇزىلىك ماڭىزدى دارىندىلار ورتالىعىن جانە جاڭالىق اشۋ بيىك بەلەسىن جەدەل قۇرايىق» اتتى ماڭىزدى ماقالاسى جاريالانادى.

  ماقالادا بىلاي دەپ دارىپتەلدى: پارتيا دارىندىلاردى باسقارۋدا تاباندى بولىپ، دۇنيە ءجۇزى عىلىم - تەحنيكاسىنىڭ الدىڭعى لەگىن بەتكە الۋدا، ەكونوميكانىڭ نەگىزگى مايدانىن بەتكە الۋدا، مەملەكەتتىڭ كەلەلى قاجەتىن بەتكە الۋدا، حالىقتىڭ ءومىرىن، سالاماتتىعىن بەتكە الۋدا تاباندى بولىپ، جاڭا داۋىردەگى دارىندىلاردا قۋاتتى ەل ستراتەگياسىن ىشكەرىلەي اتقارىپ، دارىندىلاردى جان - جاقتى باۋلىپ، ەنگىزىپ، ويداعىداي ىستەتىپ، دۇنيە جۇزىلىك ماڭىزدى دارىندىلار ورتالىعىن جانە جاڭالىق اشۋ بيىك بەلەسىن جەدەل قۇرىپ، 2035 - جىلى سوتسياليستىك وسىزاماندانۋدى نەگىزىنەن جۇزەگە اسىرۋ ءۇشىن دارىندىلار تىرەگىن ازىرلەۋ، 2050 - جىلى جاپپاي سوتسياليستىك وسىزاماندانعان قۇدىرەتتى ەل قۇرىپ شىعۋ ءۇشىن دارىندىلار نەگىزىن ويداعىداي قالاۋ كەرەك.

  ماقالادا بىلاي دەپ اتاپ كورسەتىلدى: پارتيانىڭ 18 - قۇرىلتايىنان بەرى پارتيا ورتالىق كوميتەتى دارىندىلار − ۇلتتىڭ گۇلدەنۋىن جۇزەگە اسىراتىن، حالىقارالىق باسەكەنىڭ ىرىقتىلىعىنا قول جەتكىزەتىن ستراتەگيالىق بايلىق دەگەن كەلەلى تۇجىرىم جاساپ، دارىندىلاردا قۋاتتى ەلدى نە ءۇشىن قۇرامىز، دارىندىلاردا قۋاتتى ەل دەگەن نە، دارىندىلاردا قۋاتتى ەلدى قالاي قۇرامىز دەگەن كەلەلى نازاريالىق جانە امالياتتىق ماسەلەلەرگە ەگجەي - تەگجەيلى جاۋاپ بەرىپ، ءبىرقىدىرۋ جاڭا ۇستانىمدى، جاڭا ستراتەگيانى، جاڭا شارانى ورتاعا قويدى. ءبىرىنشى، پارتيانىڭ دارىندىلار قىزمەتىنە جالپى بەتتىك باسشىلىعىندا تاباندى بولۋ، ەكىنشى، دارىندىلاردىڭ دامۋعا جەتەكشىلىك ەتەتىن ستراتەگيالىق ورنىندا تاباندى بولۋ، ءۇشىنشى، دۇنيە ءجۇزى عىلىم - تەحنيكاسىنىڭ الدىڭعى لەگىن بەتكە الۋدا، ەكونوميكانىڭ نەگىزگى مايدانىن بەتكە الۋدا، مەملەكەتتىڭ كەلەلى قاجەتىن بەتكە الۋدا، حالىقتىڭ ءومىرىن، سالاماتتىعىن بەتكە الۋدا تاباندى بولۋ، ءتورتىنشى، دارىندىلاردى جان - جاقتى باۋلۋدا، ويداعىداي ىستەتۋدە تاباندى بولۋ، بەسىنشى، دارىندىلاردى دامىتۋ ءتۇزىلىس - مەحانيزمى رەفورماسىن تەرەڭدەتۋدە تاباندى بولۋ، التىنشى، بارشا دارىندىلاردى توپتاپ، رولىن ساۋلەلەندىرۋدە تاباندى بولۋ، جەتىنشى، دارىندىلاردى تانيتىن، دارىندىلاردى ايالايتىن، دارىندىلاردى قۇرمەتتەيتىن، دارىندىلاردى ىستەتەتىن ورتا قالىپتاستىرۋدا تاباندى بولۋ، سەگىزىنشى، عالىمدار رۋحىن اسقاقتاتۋدا تاباندى بولۋ. وسى 8 تارماق ءبىزدىڭ ەلىمىزدىڭ دارىندىلار ىستەرى دامۋىنىڭ زاڭدىلىعى جونىندەگى تانىمىمىزدىڭ تەرەڭدەۋى بولىپ تابىلادى، وندا باستان - اياق تاباندى بولۋ ءارى ونى ۇزدىكسىز بايىتۋ، دامىتۋ كەرەك.

  ماقالادا مىنالار اتاپ كورسەتىلدى: دۇنيە جۇزىلىك ماڭىزدى دارىندىلار ورتالىعىن جانە جاڭالىق اشۋ بيىك بەلەسىن جەدەل قۇرۋدا، ءسوز جوق، ستراتەگيالىق ىرىقتىلىقتى يگەرىپ، ورەلى جوبالاۋ مەن ستراتەگيالىق جوسپارلاۋدى ويداعىداي ىستەۋ كەرەك. ءبىزدىڭ نىسانامىز: 2025 - جىلعا جەتكەندە، تۇتاس قوعامنىڭ زەرتتەۋ - اشۋ قاراجاتى ۇسىنىلىمىن زور مولشەردە ارتتىرىپ، عىلىم - تەحنيكادا جاڭالىق اشاتىن نەگىزگى كۇش قوسىنى قۇرىلىسىندا ماڭىزدى ىلگەرىلەۋشىلىككە قول جەتكىزىپ، ەڭ ۇزدىك عالىمداردى توپتاۋ دەڭگەيىن كورنەكتى جوعارىلاتىپ، دارىندىلاردى دەربەس باۋلۋ قابىلەتىن ۇزدىكسىز كۇشەيتىپ، شەشۋشى، وزەكتى تەحنيكا سالاسىندا قىرۋار ستراتەگيالىق عىلىم - تەحنيكا دارىندىلارىنا، بىرەگەي عىلىم - تەحنيكالىق كوشباسى دارىندىلارعا جانە جاڭالىق اشۋ ۇجىمىنا يە بولۋ؛ 2030 - جىلعا بارعاندا، ساپالى دامۋعا ۇيلەسەتىن دارىندىلار ءتۇزىمى جۇيەسىن نەگىزىنەن قالىپتاستىرىپ، جاسامپاز دارىندىلاردى دەربەس باۋلۋ قابىلەتىن كورنەكتى جوعارىلاتىپ، دۇنيە جۇزىندەگى ۇزدىك دارىندىلاردى باۋراۋ قۋاتىن كورنەكتى كۇشەيتىپ، نەگىزگى عىلىم - تەحنيكا سالاسىندا ءبىر توپ باستاماشىلار بولۋ، جاڭادان گۇلدەنگەن الدىڭعى لەكتەگى ايقاسپالى سالالاردا ءبىر توپ ءورىس اشۋشىلار بولۋ؛ 2035 - جىلعا بارعاندا، ەلىمىزدىڭ كوپتەگەن سالاداعى دارىندىلار باسەكەسىنىڭ سالىستىرمالى ابزالدىعىن قالىپتاستىرىپ، مەملەكەتتىڭ ستراتەگيالىق عىلىم - تەحنيكا كۇشى مەن جوعارى دەڭگەيلى دارىندىلار قوسىنىندا دۇنيە ءجۇزىنىڭ الدىڭعى لەگىندە تۇرۋ. جان - جاقتى ويلاسا كەلگەندە، بەيجيڭدە، شاڭحايدا، گۋاڭدۇڭ - شياڭگاڭ - اۋمىن ۇلكەن شىعاناق رايونىندا جوعارى دەڭگەيلى دارىندىلار بيىك بەلەسىن قۇرىپ، دارىندىلاردى دامىتۋ ءتۇزىلىس - مەحانيزمى كەشەندى رەفورماسىن تۇيىندە سىناق ەتۋدى ورىستەتىپ، مەملەكەتتىڭ ساپالى بايلىعىن شوعىرلاندىرىپ، ءبىر توپ مەملەكەتتىك تاجىريبەحانا جانە جاڭاشا زەرتتەۋ - اشۋ قۇرىلىمىن قۇرۋعا ءتۇيىندى قولداۋ كورسەتىپ، حالىقارالىق ۇلكەن عىلمي جوسپاردى باستاپ، دارىندىلارعا حالىقارالىق بىرەگەي جاڭالىق اشۋ تۇعىرىن ازىرلەپ، ستراتەگيالىق تىرەكتى جانە تىزبەك ارنانى جەدەل قالىپتاستىرۋ كەرەك.

  ماقالادا بىلاي دەپ اتاپ كورسەتىلدى: دارىندىلاردى دامىتۋ ءتۇزىلىس - مەحانيزمى رەفورماسىن تەرەڭدەتىپ، ادام ىستەتۋشى تۇلعالارعا ۇقىق بەرىپ، دارىندىلارعا بەلسەندى تۇردە ەرىك بەرىپ، دارىندىلاردى باعالاۋ جۇيەسىن كەمەلدەندىرۋ كەرەك. مەملەكەتتىڭ ستراتەگيالىق دارىندىلار كۇشىن جەدەل قۇرىپ، ستراتەگيالىق عالىمداردى كۇش سالا باۋلىپ جانە پايدالانىپ، عىلىم - تەحنيكادا بىرەگەي كوشباسى دارىندىلار مەن جاڭالىق اشۋشى توپ قۇرىپ، كولەمى زور جاس عىلىم - تەحنيكا دارىندىلار قوسىنىن جەتىلدىرىپ، قىرۋار ۇزدىك ينجەنەردى باۋلۋ كەرەك. دارىندىلاردى دەربەس باۋلۋ جولىمەن ويداعىداي ءجۇرىپ، دارىندىلاردىڭ سىرتقا ەسىك اشۋ سەرپىنىن ارتتىرىپ، ءتۇرلى دارىندىلاردان ويداعىداي، جاندى پايدالانۋ كەرەك. قالىڭ دارىندىلار اعا بۋىن عالىمداردىڭ وتاندى جادىنان شىعارماعان، حالىق ءۇشىن قىزمەت ىستەگەن تاماشا قاسيەتىنە مۇراگەرلىك ەتىپ جانە ونى ساۋلەلەندىرىپ، «مەملەكەتتىڭ ءىرى ءىسىن» كوكەيىندە ساقتاپ، ەل ءۇشىن قام جەۋى، ەل ءۇشىن قيىندىقتى شەشۋى، ەل ءۇشىن جاۋاپكەرلىكتى ادا ەتۋى كەرەك.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار