بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شينجياڭ بوشىران سەرىكتەستىگى:

عىلىم - تەحنيكادان قامال الىپ، شارۋالار وتباسىنا قىزمەت وتەدى

انار بۇلت / شينجياڭ گازەتىنىڭ تىلشىلەرى جاڭ جىلي، كاڭ حاۋيان

2021.12.28 17:33     كەلۋ قاينارى : شينجياڭ گازەتى

  ”ۇيرەنبەسەڭ بىلمەيسىڭ، ماقتا تەرۋ ماشيناسىن جۇرگىزۋ تراكتور جۇرگىزۋدەن كوپ قيىن ەكەن. كەلەر جىلى ماقتا تەرۋ مەزگىلىنىڭ الدىندا تاعى 3 رەت باۋلۋ بار، جۇرگىزۋ تەحنيكاسىن، ءسوز جوق، ۇيرەنىپ الامىن“. 12 - ايدىڭ 20 - كۇنى شيحۋ قالاسى چىپايزى قالاشىعى شازاۋ قىستاعىنىڭ تۇرعىنى سۋ حايبو تەلەفوندا ناعاشىسى ما ۋىنچىڭعا وسىلاي دەدى.

  ءبىر ايدىڭ الدىندا كەيبىر شارۋا وتباسىلاردىڭ ماقتا تەرۋ ماشيناسىن ساتىپ الىپ، ماقتاشىلارعا قىزمەت وتەپ اقشا تاپقانىن كورگەن 50 نەشە جاستاعى ما ۋىنچىڭعا دا وي تۇسكەن بولاتىن. ول جيەنى سۋ حايبومەن اقىلداسىپ، كەيىن ءبىر ماقتا تەرۋ ماشيناسىن ساتىپ الماقشى بولدى. ”ماقتا تەرۋ ماشيناسىن سەن جۇرگىز، ءسويتىپ، كىرىس كوزىڭ كوبەيەدى“، - دەدى ما ۋىنچىڭ.

  سۋ حايبو مەن ناعاشىسى شيحۋ قالاسى حيميا ونەركاسىپ باقشا رايونىنا ورنالاسقان شينجياڭ بوشىران زەردەلى اۋىل شارۋاشىلىعى ماشينالارى شەكتى جارنا سەرىكتەستىگىنە ماقتا تەرۋ ماشيناسىن ساتىپ الۋعا كەلدى.

  سەرىكتەستىكتىڭ ساتۋ ءبولىمىنىڭ جاۋاپتىسى جاڭ حايلۇڭ ولارعا اۋىل شارۋاشىلىعى ماشينالارىن ساتىپ الۋعا قوسىمشا قاراجات بەرۋ، كەپىلدى قارىز اقشا، قامسىزداندىرۋ قاراجاتىن ۇسىنۋ سياقتى ءتيىمدى ساياساتتاردى تانىستىردى، سونداي - اق كەلەر جىلى كوكتەم مەرەكەسىنىڭ الدىندا، 6 - ايدا جاڭا ماشينا زاۆودتان شىققاندا، 8 - ايدا ماقتا تەرۋدەن بۇرىن تۇگەلدەي جاتاق - تاماعى اقىسىز تەگىن باۋلۋ ۇيىمداستىراتىندىعى جونىندە ۋادە بەردى.

  ما ۋىنچىڭ بىلاي دەدى: اۋىل شارۋاشىلىعى ماشينالارىنىڭ اۆتوماتتانۋ دارەجەسىنىڭ بارعان سايىن جوعارىلاۋىنا ىلەسە، شارۋالار ”تەحنيكالىق ولقىلىقتارعا“ ءدوپ كەلۋدە. اۋىل شارۋاشىلىعى ماشينالارىنىڭ يقۋاتىن بىلمەسە، جۇرگىزۋ تەحنيكاسىنا قانىق بولماسا، ولاردىڭ ەكونوميكالىق ونىمدىلىك جاراتۋىنا قانشا وسىزاماندانعان اۋىل شارۋاشىلىعى ماشيناسى بولسا دا سەپتىگى بولمايدى.

  ماقتا تەرۋ ماشيناسىن ساتىپ الىپ كوپ ۇزاماي، سۋ حايبو شينجياڭ بوشىران سەرىكتەستىگىنىڭ باۋلۋ حابارلاندىرۋىن تاپسىرىپ الدى. وسى سەرىكتەستىكتىڭ كادرلار ىستەرى اكىمشىلىك باس باقىلاۋشىسى ليۋ شۋاي بىلاي دەپ تانىستىردى: بۇرىن سەرىكتەستىكتىڭ قوعامعا قاراتىلعان اقىسىز باۋلۋى 3 رەتتەن جۇرگىزىلەتىن. بيىل قىستا سەرىكتەستىك ىشكى جاقتاعى كاسىپ سالاسى جۇمىسشىلارىن باۋلۋدى كۇشەيتۋمەن بىرگە، جاڭاشا كاسىپتىك شارۋالاردى باۋلۋ تەبىنىن دە ارتتىردى.

  ءتىلشى مىنالاردى ۇعىستى: كوز الدا شينجياڭ بوشىران سەرىكتەستىگىنىڭ بازارداعى ماقتا تەرۋ ماشيناسىنىڭ مولشەرى 1500 دانا. بيىل جىل باسىنان بەرى بۇل سەرىكتەستىك قوعامعا باعىتتاي وتىرىپ اۋىل شارۋاشىلىعى ماشينالارىن جۇرگىزۋشىلەردەن 4000 نەشە ادامدى باۋلىدى. بۇدان سىرت، سەرىكتەستىكتىڭ تەحنيكالىق قىزمەتكەرلەرى ماقتا تەرۋ مەزگىلىندە اتىز باسىنا بارىپ تەحنيكالىق قىزمەت وتەپ، قاريدارلاردىڭ قيىن ماسەلەلەرىن شەشتى.

  جۋىق جىلداردان بەرى شينجياڭ بوشىران سەرىكتەستىگى ماقتا ءوندىرىسىنىڭ جالپى بارىسىن ارقاۋ ەتىپ، جەر جىرتۋدان تۇقىم سەبۋگە دەيىن، اتىز باپتاۋدان جيىن - تەرىنگە دەيىن، ساباعىن تاقتادا قالدىرۋدان جاراقسىز سۋلياۋ جارعاقتى جيناپ الۋعا دەيىن 6 جەلىدەگى 13 ءتۇرلى اۋىل شارۋاشىلىعى ماشيناسىن زەرتتەپ اشىپ ءوندىرىپ، 107 ءتۇرلى پاتەنتكە ءوتىنىش بەردى.

  اۋىل شارۋاشىلىعى ماشينالارىن زەرتتەپ اشۋ بارىسىندا ءتۇرلى ماسەلەلەرگە كەزىكتى، ماسەلەن، جاراقسىز سۋلياۋ جارعاقتى بوس تيەۋ ۇلگىسىمەن جيناپ الاتىن ماشينا تومەنگى بۋىنداعى كاسىپورىنداردىڭ وڭدەۋىنە، پايدالانۋىنا قولايلى بولعانىمەن ماقتاشىلاردىڭ جيناپ الۋىنا ءتيىمسىز؛ باۋلاپ جيناپ الاتىن ماشينا جيناپ الۋعا قولايلى بولعانىمەن تومەنگى بۋىنداعى كاسىپورىنداردىڭ وڭدەۋىنە ءتيىمسىز. سوندىقتان، شينجياڭ بوشىران سەرىكتەستىگىنىڭ زەرتتەپ اشۋ قىزمەتكەرلەرى اتىز باسىنا بارىپ شارۋالاردىڭ قاجەتىن ۇعىسىپ، ونىمدەردى ۇزدىكسىز زەرتتەپ اشىپ جاڭالاپ وتىردى.

  ”كەلەر جىلى ءبىز جاراقسىز سۋلياۋ جارعاقتى جيناپ الاتىن 4 - ۇرپاق ماشينانى شىعارامىز، سونىمەن بىرگە وسى تۇردەگى 5 - ۇرپاق ماشينانى دا قاۋىرت زەرتتەپ اشۋ ۇستىندەمىز“. سەرىكتەستىكتىڭ زەرتتەپ اشۋ ءبولىمىنىڭ ديرەكتورى لياڭ ديڭ - ي بىلاي دەدى: قازىر سەرىكتەستىك نىسانعا العان نەمەسە زەرتتەپ اشۋعا كىرىسە باستاعان ونىمدەردەن الما، المۇرت، شىلان جەمىستەرىن تەرۋ - ءۇزۋ ماشيناسى، پىشەن شابۋ ماشيناسى، مال شارۋاشىلىعى باعىمشىلىعىندا دايراق تازالاۋ ماشيناسى قاتارلىلار بار.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار