بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ۇكىمەت توراپتارىنىڭ اتىن جامىلىپ، ءوندىرىس حاۋىپسىزدىگىنە قاتىستى جالعان كۋالىكتەردى جاساۋعا سوققى بەرۋ ارناۋلى ارەكەتىندە جاڭا ىلگەرىلەۋشىلىك بولدى

مەملەكەت ورگاندارى تاراتاتىن كۋالىكتەردى جالعاننان جاساۋعا قاتىستى ءبىر توپ تيپتىك دەلو جاريالاندى

2022.01.10 15:56     كەلۋ قاينارى : حالىق تورابى

  جۇڭگو جۇمىسشىلار گازەتىنىڭ ءتىلشىسى ۋاڭ دۇڭمەي حابارلايدى. زاڭسىز ەلەمەنتتەردىڭ شۇعىل جاعدايعا توتەپ بەرۋدى باسقارۋ تاراۋلارىنىڭ ۇكىمەتتىك تورابى مەن كۋالىك ينفورماتسياسىن تەكسەرۋ تەكشەسىن جالعاننان جاساۋ، ەرەكشە مىندەت اتقارۋشىلاردىڭ كۋالىگىن، ءوندىرىس حاۋىپسىزدىگى بىلىمدەرى مەن باسقارۋ قابىلەتىن باعالاۋدا تولىمدى بولۋ كۋالىگى قاتارلىلاردى جالعاننان جاساۋى، ساتۋى سىندى زاڭعا قايشى ارەكەتتەرگە سوققى بەرىپ، جالعان كۋالىكتەردىڭ زيانىن باتىل الاستاپ، قالىپتى ءوندىرىس حاۋىپسىزدىگىنىڭ ءتارتىبىن شىنايى قورعاۋ، كاسىپورىنداردىڭ جانە وسى سالادا ىستەيتىندەردىڭ زاڭدى ۇقىق – مۇددەسىن قورعاۋ ءۇشىن، 2021 – جىلى 9 – ايدان باستاپ، شۇعىل جاعدايلارعا توتەپ بەرۋدى باسقارۋ مينيسترلىگى قوعام حاۋىپسىزدىگى مينيسترلىگىمەن بىرگە بۇكىل ەلىمىز كولەمىندە ۇكىمەت توراپتارىنىڭ اتىن جامىلىپ ءوندىرىس حاۋىپسىزدىگىنە قاتىستى جالعان كۋالىكتەردى جاساۋعا، ساتۋعا سوققى بەرۋ ارناۋلى ارەكەتىن ورىستەۋ جونىندە ورنالاستىرۋ جاساپ، مەملەكەت ورگاندارى تاراتاتىن كۋالىكتەردىڭ جالعان نۇسقاسىن ساتۋعا ساياتىن ءبىر توپ تيپتىك زاڭعا قايشى دەلولاردى انىقتاپ، جالعان كۋالىكتەردى جاساۋ، ساتۋ جانە ۇكىمەتتىك توراپتاردى جالعاننان جاساۋ سىندى زاڭعا قايشى قىلمىستىق ارەكەتتەرگە پارمەندى سوققى بەرگەن.

  جۋىردا، جياڭسۋ ولكەسى ۋشي قالاسى جياڭين قالالىق قوعام حاۋىپسىزدىگى مەكەمەسى الدىڭعى مەرزىمدە يەلەگەن ءجىپ ۇشتارىنا نەگىزدەلە وتىرىپ، ينفورماتسيالىق جەلىدەن زاڭعا قايشى تۇردە پايدالانۋ جانە مەملەكەت ورگاندارىنىڭ قۇجاتتارىن، كۋالىكتەرىن، تاڭبالارىن جالعاننان جاساۋ، وزگەرتىپ جاساۋ، الىپ – ساتۋ قىلمىستارىنا دەلو تۇرعىزىپ، تەكسەرۋ جۇرگىزگەن، ارناۋلى گرۋپپا قۇرىپ، گانسۋ، حۋبەي، حىبەي، جياڭسۋ، حىنان، شاندۇڭ قاتارلى 6 ولكەدە ءبىرتۇتاس تور جيۋ ارەكەتىن ورىستەتكەن. قازىرگە دەيىن، قىلمىس كۇماندىلارىنان 40 نەشە ادامدى قولعا تۇسىرگەن، ونىڭ اراسىندا مەملەكەتتىك مينيسترلىك – كوميتەتتەردىڭ تورابىن جالعاننان جاساۋ قىلمىس كۇمانىن وتكىزگەن 2 ادام، مەملەكەت ورگاندارىنىڭ كۋالىگىن جالعاننان جاساۋدى كاسىپ ەتۋ قىلمىس كۇمانىن وتكىزگەن 4 ادام، 34 دەلدال بار، زاڭعا قايشى 37 توراپ جابىلعان، دەلو قازىر ىشكەرىلەي تەكسەرىلۋدە.

  باسقا دەلولار مىنالاردى قامتيدى: سىچۋان ولكەسى مەيشان قالاسى رىنشوۋ اۋدانى ەرەكشە مىندەت اتقارۋشىلاردىڭ كۋالىگىن جالعاننان جاساۋ دەلوسىن انىقتاپ، قىلمىس كۇماندىلارىنان 14 ادامدى تۇتقىنداعان، جالعان كۋالىكتەردەن 3000 نان استام كۋالىكتى قولعا تۇسىرگەن؛ يۇننان ولكەسى كاييۋان قالاسى جالعان كۋالىكتەردى جاساۋ، ساتۋ قىلمىسىمەن اينالىسقان توپتى انىقتاپ، باستى قىلمىس كۇماندىلارىنان 4 ادامدى تۇتقىنداعان، جالعان كۋالىكتەن 100 نەشە كۋالىكتى قولعا تۇسىرگەن.

  جوعارىداعى بىرنەشە تيپتىك دەلونىڭ سيپاتى ورەسكەل، قوعامدىق ىقپالى توتەنشە ناشار بولدى، جالعان كۋالىكتەردى قاتىستى كاسىپتىك ءبىلىمى، شەبەرلىگى جوق كوپتەگەن ادامدار زاڭعا قايشى جولدار ارقىلى قولعا كەلتىرىپ، قوعامدى جونگە سالۋ مەن ءوندىرىس حاۋىپسىزدىگى جاعىندا اسا زور كومەسكى حاۋىپ – قاتەر تۋدىرعان.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار