بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

مەحانيزمدە جاڭالىق اشىپ، حالىقتىڭ ۋايىمىن شەشتى

− تىنىش جۇڭگو قۇرىلىسىنداعى وزات جەكە، قارامايلى قالاسى قارامايلى رايوندىق پارتكوم ساياسي - زاڭ كوميتەتى جالپى بەتتىك جونگە سالۋ ورتالىعىنىڭ ورىنباسار مەڭگەرۋشىسى چىڭ تاۋ جونىندە

انار بۇلت / شينجياڭ گازەتىنىڭ ءتىلشىسى سۇي يۇنيان

2022.01.11 15:50     كەلۋ قاينارى : شينجياڭ گازەتى

  بىلتىر 12 - ايدىڭ 20 - كۇنى قارامايلى قالاسى قارامايلى رايونى قوعامدىق قايشىلىق، داۋ - شارلاردى كوپ نەگىزدى جاراستىرۋ ورتالىعىنا بۇقارا ارت - ارتىنان كەلىپ ماسەلەلەردى اڭىس ەتىپ، كومەك سۇرادى. بۇل ارادا قايشىلىق، داۋ - شار ءبىر جولدا قابىلدانىپ، بۇقارانىڭ ارىز - ارمانى سول جەردىڭ وزىندە ءبىر جايلى ەتىلىپ، باسىن قاتىرعان قيىن ماسەلەلەرى جاپپاي شەشىلىپ، تۇتاس تىزبەكتى قىزمەت ءتارتىبى بۇقارانىڭ جۇرەگىن جىلىتتى.

  ”قوعامدىق قايشىلىق، داۋ - شارلاردى كوپ نەگىزدى جاراستىرۋ ورتالىعى 2020 - جىلى 5 - ايدا قۇرىلعان، ءبىز رايون، ءمالى، الەۋمەتتىك اۋماق ءۇش دارەجەلى قايشىلىق، داۋ - شاردى اداقتاۋ، شەشۋ ۇيىمى جۇيەسىن بەلسەنە قاراستىردىق جانە قۇردىق، بۇل تەكشەنى قۇرىپ، بۇقارانىڭ قيىنشىلىقتارىن، ارىز - ارماندارىن قابىلدادىق“، - دەدى قارامايلى قالاسى قارامايلى رايوندىق پارتكوم ساياسي - زاڭ كوميتەتى جالپى بەتتىك جونگە سالۋ ورتالىعىنىڭ ورىنباسار مەڭگەرۋشىسى چىڭ تاۋ.

  ءتىلشى قابىلداۋ زالىندا الەۋمەتتىك زاڭ جونىنەن قىزمەت وتەۋ ورتالىعى جانە بۇقارانىڭ ارىز - ارمانىنا قىزمەت وتەۋ ورتالىعى ورنالاستىرىلىپ، جيىنى 14 قابىلداۋ تەرەزەسى، 30 يقۋاتتىق بولمە، تاعى سەميالىق، وتباسىلىق داۋ - شارى، ەڭبەك - كادرلار ءىسى داۋى سياقتى 4 ارناۋلى جاراستىرۋ بولمەسى، ماماندار جاراستىرۋ بولمەسى جانە الىستان جاراستىرۋ بولمەسى بار ەكەنىن كوردى.

  ”ءار قىزمەت كۇنىندە ءادىليا، اكىمشىلىك، ارىز - ارمان قابىلداۋ، ادام كۇشى بايلىعى جانە قوعامدىق قامتاماسىزداندىرۋ، سوت مەكەمەسى سياقتى 20 نەشە تاراۋدىڭ قىزمەتكەرلەرى مەن حالىقتىق جاراستىرۋشىلارى وسى ارادا قىزمەت ىستەپ، اقىل - كەڭەس بەرىپ، قايشىلىقتاردى جاراستىرادى“، - دەدى چىڭ تاۋ.

  بىلتىر 11 - ايدىڭ سوڭىندا قارامايلى قالاسىنىڭ تۇرعىنى ياڭ حانىم 300 يۋانعا تاياۋ اقشا جۇمساپ جىلۋ ساقتايتىن تاماق ىدىسىن ساتىپ العان ەكەن، ويلاماعان جەردەن ىدىستى ءبىر رەت ىستەتكەننەن كەيىن قاقپاعى قايتا اشىلماي قالادى. ”مەن ىدىستى اۋىستىرايىن دەسەم، تالونىن جوعالتىپ الىپپىن، تاستاۋعا قيمادىم“. ياڭ حانىم نە بولسادا سىناپ كورەيىن دەپ قوعامدىق قايشىلىقتاردى، داۋ - شارلاردى كوپ نەگىزدى جاراستىرۋ ورتالىعىنا كەلەدى، ونى قابىلداعان قارامايلى رايوندىق بازار باقىلاۋ - باسقارۋ مەكەمەسىنىڭ وسى ورتالىقتا تۇراتىن قىزمەتكەرى يۋان يفىن ەدى. يۋان يفىننىڭ كومەگىندە ياڭ حانىم ەرەن بازاردىڭ اقشا تولەگەن جۇيەسىنەن اقشا تولەگەن تالون ينفورماتسياسىن تەكسەرىپ، ءساتتى تۇردە جاڭا ءبىر ىدىس اۋىستىرىپ الادى.

  وسى بولماشى ىسكە ياڭ حانىم ريزا بولىپ، يۋان يفىن دە كۇنى بويى قۋانىپ ءجۇردى. قوعامدىق قايشىلىق، داۋ - شارلاردى كوپ نەگىزدى جاراستىرۋ ورتالىعىنىڭ قىزمەتتەردى ءبىر تۇتاس جوسپارلاپ سايكەستىرۋىنە جاۋاپتى چىڭ تاۋ ءار رەت بۇقارانىڭ ريزا بولىپ قايتقانىن كورگەندە ول دا مارسيىپ قالادى.

  تالاي جىلداردان بەرى، چىڭ تاۋ قارامايلى رايونىنىڭ تىنىشتىق قۇرىلىسى قىزمەتىنە قاتىستى ءتۇرلى تۇزىمدەردى ورناتۋىنا، كەمەلدەندىرۋىنە جانە تەرەڭدەتۋىنە ات سالىسىپ، تىنىشتىق قۇرىلىسى قىزمەتىنىڭ ورنىقتى، ءتارتىپتى ورىستەتىلۋىن ىلگەرىلەتۋگە تاماشا تۇزىمدىك قامتاماسىزدىق ازىرلەدى. مۇندا قايشىلىقتاردى، داۋ - شارلاردى كوپ نەگىزدى جاراستىرۋ مەحانيزمىن كەمەلدەندىرۋ ونىڭ قىزمەتىنىڭ ءتۇيىنى بولدى.

  ”نەگىزگى ساتىداعى قايشىلىقتاردى، داۋ - شارلاردى ۇيلەسىمدى شەشۋ بۇقارانىڭ زاڭدى ۇقىق - مۇددەسىن قورعاۋدىڭ، قوعامدىق تەڭدىكتى، ادىلدىكتى قورعاۋدىڭ ’ءبىرىنشى قورعانىس شەبى‘“، - دەدى چىڭ تاۋ، قوعامدىق قايشىلىقتى، داۋ - شارلاردى كوپ نەگىزدى جاراستىرۋ ورتالىعى قۇرىلعاننان كەيىن، ول ”تىكەسىنەن تىك تۇرىپ، جاعى تالعانشا ءتۇسىندىرۋ“ قىزمەت فورماسىن باستاپ، ءارقايسى تاراۋلاردى ءبىر تۇتاس جوسپارلاپ سايكەستىرىپ، بۇقارانىڭ قيىنشىلىعىن شەشۋ ونىڭ كۇندەلىكتى شارۋاسى بولدى.

  ”مەنىڭ قىزمەت نىسانام بىرەۋ عانا: بۇقارا ورتالىققا كەلەدى ەكەن، ولاردى ەكىنشى رەت سابىلتۋدىڭ نەمەسە باسقا تاراۋعا جىبەرۋدىڭ قاجەتى جوق، ورتالىعىمىز ماسەلەنى ءبىر جولاتا شەشەتىن ’ەڭ سوڭعى بەكەت‘“. چىڭ تاۋ بىلاي دەدى: بايلىق قاينارى بىرىكتىرىلگەننەن كەيىن، قايشىلىقتاردى، داۋ - شارلاردى شەشۋ قىزمەتى ”كاسىپتىك قابىلداۋدان“ ”جالپىلىق قابىلداۋعا“، ”جەكە ءبىر تاراۋدىڭ بىتىرۋىنەن“ ”كوپ نەگىزدى سايكەسىپ بىتىرۋگە“ قاراي وزگەردى. بۇل ارادا بۇقارانىڭ ويىن ايتاتىن جەرى بار، اڭىس ەتكەن ماسەلەگە دە ءبىر ادام سوڭىنا دەيىن جاۋاپتى بولادى.

  ءتىلشى وسى ورتالىقتىڭ ورتا ەسەپپەن ايىنا اقىل - كەڭەس سۇراعان بۇقارادان 1100دەن استام ادام - رەت قابىلداعانىن، 2021 - جىلى جيىنى ءتۇرلى قايشىلىق، داۋ - شاردان 1821ىن جاراستىرىپ، ءساتتى جاراستىرۋ مولشەرى %98.4 بولىپ، دەلوعا ساياتىن سوما 20 ميلليون 773 مىڭ 800 يۋان بولعانىن ءبىلدى. تىنىشتىق، جاراسىمدىلىق وسى ارادان باستاۋ الىپ جالعاسىپ كەلەدى...

  چىڭ تاۋ مىنانى ءبىلدىردى: بۇدان بىلاي ءتۇرلى تۇزىمدەردى ۇزدىكسىز كەمەلدەندىرىپ، قوعامدىق جونگە سالۋدى ەگجەي - تەگجەيلىلەندىرۋ دەڭگەيىن ۇزدىكسىز جوعارىلاتىپ، تىنىش جۇڭگو، تىنىش شينجياڭ، تىنىش قارامايلى قۇرىلىسىن ىلگەرىلەتۋگە ءوزىمىنىڭ كۇش - قۋاتىمدى ارنايمىن.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار