بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

104.88! بۇكىل ەلىمىزدەگى ەر مەن ايەلدىڭ سالىستىرما سانى جاريالاندى

2022.01.18 15:03     كەلۋ قاينارى : حالىق تورابى

  مەملەكەتتىك دامۋ – رەفورما كوميتەتى 1 – ايدىڭ 17 – كۇنى جاريالاعان ساندى مالىمەتكە قاراعاندا، 2021 – جىلدىڭ سوڭىنا دەيىن بۇكىل ەلىمىزدەگى جان سانى (31 ولكە، اۆتونوميالى رايون، توتە قاراستى قالا مەن قازىر مىندەت وتەپ جاتقان اسكەرلەر جان سانىن قامتيدى، قازىر 31 ولكە، اۆتونوميالى رايون، توتە قاراستى قالادا تۇرىپ جاتقان شياڭگاڭدىق، اۋمىندىق، تايۋاندىق تۇرعىنداردى جانە شەتەلدىكتەردى قامتىمايدى) ءبىر ميلليارد 412 ميلليون 600 مىڭ ادام بولىپ، الدىڭعى جىلعى جىل سوڭىنداعىدان 480 مىڭ ادام ارتقان. جىل بويى 10 ميلليون 620 مىڭ نارەستە ومىرگە كەلىپ، جان سانىنىڭ ارتۋ مولشەرى ‰7.52 بولعان؛ 10 ميلليون 140 مىڭ ادام قازا بولىپ، قازا بولۋ مولشەرى ‰7.18 بولعان؛ جان سانىنىڭ تابيعي ارتۋ مولشەرى ‰0.34 بولعان.

  جىنىستىق قۇرىلىمىنان الىپ قاراعاندا، ەرلەر جان سانى 723 ميلليون 110 مىڭ ادام، ايەلدەر جان سانى 689 ميلليون 490 مىڭ ادام، جالپى جان سانىنىڭ جىنىستىق سالىستىرماسى 104.88 (ايەلدەر سانى 100 بويىنشا الىندى) بولعان.

  جاس قۇرىلىمىنان الىپ قاراعاندا، 16 جاستان 59 جاسقا دەيىنگى ەڭبەك ىستەي الاتىن جان سانى 882 ميلليون 220 مىڭ ادام بولىپ، مەملەكەت جان سانىنان ۇستايتىن سالىستىرماسى %62.5 بولعان؛ 60 جاس جانە ودان جوعارى جاستاعىلاردىڭ سانى 267 ميلليون 360 مىڭ ادام بولىپ، مەملەكەت جان سانىنىڭ %18.9 ىن ۇستاعان، مۇندا 65 جاس جانە ودان جوعارى جاستاعىلاردىڭ جان سانى 200 ميلليون 560 مىڭ ادام بولىپ، مەملەكەت جان سانىنىڭ %14.2 ىن ۇستاعان.

  قالا – اۋىل قۇرىلىمىنان الىپ قاراعاندا، قالا – قالاشىقتارداعى تۇراقتى جان سانى 914 ميلليون 250 مىڭ ادام بولىپ، الدىڭعى جىلدىڭ سوڭىنداعىدان 12 ميلليون 50 مىڭ ادام ارتقان؛ اۋىل – قىستاقتارداعى تۇراقتى جان سانى 498 ميلليون 350 مىڭ ادام بولىپ، 11 ميلليون 570 مىڭ ادام ازايعان؛ قالا – قالاشىقتارداعى جان سانىنىڭ بۇكىل ەلىمىز جان سانىنان ۇستايتىن ارا سالماعى (قالا – قالاشىقتانۋ مولشەرى) %64.72 بولىپ، الدىڭعى جىلدىڭ سوڭىنداعىدان 0.83 پايىز ارتقان.

  بۇكىل ەلىمىزدە ادام مەن نوپوس ءبىر جەردە بولماعان جان سانى (تۇرعان جەرى مەن نوپوسىن قوندىرعان جەرى ءبىر اۋىل – قالاشىقتا، مالىدە بولماعان، ونىڭ ۇستىنە نوپوسىن قوندىرعان جەردەن كەتكەنىنە جارىم جىلدان اسقان جان سانى) 504 ميلليون 290 مىڭ ادام بولىپ، الدىڭعى جىلداعىدان 11 ميلليون 530 مىڭ ادام ارتقان؛ مۇندا جىلجىمالى جان سانى 384 ميلليون 670 مىڭ ادام بولىپ، الدىڭعى جىلداعىدان 8 ميلليون 850 مىڭ ادام ارتقان.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار