بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

موڭعۇلكۇرە تۇلپار اۋەجايىندا ۇشاق قاتىنايتىن ۋاقىت كەرى ەسەپتەۋ كەزەڭىنە ءوتتى

ارزىگۇل ابدەش  قىزى، ساۋلەت ءشارىپقان ۇلى حابارلايدى

2022.01.18 15:29     كەلۋ قاينارى : حالىق تورابى

  مەملەكەت بويىنشا «13 ـ بەسجىلدىق» جوبا مەزگىلىندە جاڭادان سالىنعان 44 اۋەجايدىڭ ءبىرى بولعان موڭعۇلكۇرە تۇلپار اۋەجايى كەزەكتە ۇشاق قاتىناۋدىڭ ءتۇرلى دايىندىعىن جاساپ بولىپ، الدا شينجياڭ تاسىمالىنداعى 23 ـ تاسىمال اۋەجايىنا، سونداي ـ اق شينجياڭداعى تۇڭعىش ۇستىرتتەگى تاسىمال اۋەجايىنا اينالدى.

  ءتىلشى سالىنىپ بولعان موڭعۇلكۇرە تۇلپار اۋەجايىنا بارعاندا اۋەجاي قىزمەتكەرلەرىنىڭ ءتۇرلى جابدىقتارعا ەڭ سوڭعى سىناق جۇرگىزىپ، اۋەجاي ىسكە قوسىلعاننان كەيىن قالىپتى پايدالانۋعا كەپىلدىك ەتكەندىگىن كوردى. شينجياڭ موڭعۇلكۇرە حالىقتىق اۋەجاي ينجەنەريا قۇرىلىسىنا قولباسشىلىق ەتۋ ءبولىمىنىڭ ورىنباسار قولباسشىسى يۋان شيننىڭ تانىستىرۋىنا قاراعاندا: موڭعۇلكۇرە اۋەجايى بارلىق ينجەنەريا قۇرىلىسى مىندەتىن، سونداي ـ اق سالىنىپ بولعان قۇرىلىستى تەكسەرىپ وتكىزىپ الۋ، سىناق رەتىندە ۇشۋ سياقتى قىزمەتتەردى تىڭعىلىقتى ورىنداپ، 2021 ـ جىلى 12 ـ ايدا كاسىپ سالاسىنىڭ تەكسەرىپ وتكىزىپ الۋىنان ءساتتى وتكەن. قازىر العاشقى اۆياتسيالىق قامتاماسىزداندىرۋ قىزمەتىن بار كۇشپەن جاقسى ىستەۋدە ەكەن.

  موڭعۇلكۇرە تۇلپار اۋەجايى ينجەنەرياسى — مەملەكەتتىڭ «مەملەكەتتىك حالىقتىق تاسىمال اۋەجايلارىنىڭ ورنالاسۋ جوباسىنا» جانە «جۇڭگو حالىقتىق اۆياتسياسىن دامىتۋدىڭ 13 ـ بەسجىلدىق جوباسىنا» ەنگىزىلگەن ءتۇيىندى نىسان بولىپ، قازىرگى يەلەگەن جەر اۋماعى شامامەن 2561 مۋ، اۋەجايدىڭ ورنى ەل ىشىندەگى حالىقتىق تارماق لەنيالى اۋەجايعا جاتادى، سونداي -اق 3140 شارشى مەترلىك اۋەجاي عيماراتى، 1476 شارشى مەترلىك امبەباپ كاسىپتىك عيمارات، 2136 شارشى مەترلىك جالپىلىق قىزمەت كورسەتۋ عيماراتى جانە باسقادا قوسالقى قۇرىلعىلار جاڭادان سالىنادى. موڭعۇلكۇرە تۇلپار اۋەجايىنىڭ اۋەجاي عيماراتىن جوبالاۋدا «حاۋىپسىز جوعارى ءونىمدى، جاسىل ورتانى قورعايتىن؛ زەردەلى دە قولايلى؛ جاراسىمدى دا كوركەم» بولۋداي اۋەجايدىڭ ءتورت ءتۇرلى ولشەمدى جوباسى تىعىز ارقاۋ ەتىلدى.

  ۇعىسۋعا قاراعاندا، موڭعۇلكۇرە تۇلپار اۋەجاي ينجەنەرياسى 2025 ـ جىلعا بارعاندا جولاۋشى قابىلداۋ ـ جونەلتۋ مولشەرىن 200 مىڭ ادام ـ رەتكە، جۇك قابىلداۋ ـ جونەلتۋ مولشەرىن 600 تونناعا، ۇشاقتىڭ ۇشىپ ـ قونۋ مولشەرىن 2600 رەتكە جەتكىزۋدەي نىسانالىق جوبالاۋ قۇرىلىسى بويىنشا، ۇشۋ اۋماعىنىڭ دارەجەسىن C4 گە؛ سىرعىما جولىنىڭ ۇزىندىعىن 2800، كەڭدىگىن 45 مەترگە جەتكىزىپ، ەڭ جوعارى بولعاندا 737 ـ 800 تۇرپاتتى ۇشاقتىڭ ۇشىپ ـ قونۋ تالابىن قاناعاتتاندىرا الادى ەكەن.

  موڭعۇلكۇرە تۇلپار اۋەجايىنىڭ قۇرىلۋى شينجياڭنىڭ جالپىلىق قاتىناس ـ تاسىمال جۇيەسىن اناعۇرلىم كەمەلدەندىرۋمەن بىرگە اۆياتسيا كاسىبىنىڭ جاڭا سالاسىن اشىپ، ساياحات كاسىبىنىڭ، ەرەكشە كاسىپ سالاسىنىڭ جانە وڭىرلىك ەكونوميكانىڭ دامۋىن جەبەۋدە ماڭىزدى مانگە يە.

  قۇلجا (نارات، مۇڭعۇلكۇرە) اۋەجايىنىڭ ورىنباسار ديرەكتورى ۋاڭ فەي بىلاي دەدى: موڭعۇلكۇرە اۋەجايى ىسكە قوسىلعاننان كەيىن قۇلجا اۋەجايىمەن، نارات اۋەجايىمەن بىرگە ىلە وزەنى اڭعارىنداعى كەڭىستىك ساياحات اينالما جەلىسىن قالىپتاستىرىپ، ىلە وزەن اڭعارىنداعى ساياحات پەن قارجى قوسۋ ورتاسىن بارىنشا جاقسارتىپ، ساياحات بازارىن كەڭەيتىپ، شينجياڭدى ساياحاتتاۋ ستراتەگياسىنىڭ تەرەڭ تامىر تارتۋىنا دەم بەرەدى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار