بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

لي كىچياڭ مەملەكەتتىك كەڭەس پارتگرۋپپاسىنىڭ ءماجىلىسىن باسقارىپ اشتى

باس شۋجي شي جينپيڭنىڭ پارتيا 19 - كەزەكتى ورتالىق ءتارتىپ تەكسەرۋ كوميتەتىنىڭ التىنشى جالپى ماجىلىسىندە سويلەگەن ماڭىزدى ءسوزىنىڭ رۋحىن ۇيرەنىپ، دايەكتىلەندىردى، ۇكىمەت جۇيەسىندە پارتيانى جاپپاي قاتاڭ جونگە سالۋدى اناعۇرلىم ىشكەرىلەي ىلگەرىلەتۋدى ورنالاستىردى

حان جىڭ ماجىلىسكە قاتىناستى 

2022.01.21 09:44     كەلۋ قاينارى : حالىق تورابى

  شينحۋا اگەنتتىگى، 1 - ايدىڭ 19 - كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى، پارتگرۋپپا شۋجيى لي كىچياڭ 1 - ايدىڭ 19 - كۇنى مەملەكەتتىك كەڭەس پارتگرۋپپاسىنىڭ ءماجىلىسىن باسقارىپ اشىپ، باس شۋجي شي جينپيڭنىڭ 19 - كەزەكتى ورتالىق ءتارتىپ تەكسەرۋ كوميتەتىنىڭ التىنشى جالپى ماجىلىسىندە سويلەگەن ماڭىزدى ءسوزىنىڭ رۋحىن ۇيرەنىپ، دايەكتىلەندىردى، ۇكىمەت جۇيەسىندە پارتيانى جاپپاي قاتاڭ جونگە سالۋدى اناعۇرلىم ىشكەرىلەي ىلگەرىلەتۋدى ورنالاستىردى.

  ءماجىلىس بىلاي دەپ اتاپ كورسەتتى: وتكەن ءبىر جىلدا مەملەكەتتىك كەڭەستىڭ پارتگرۋپپاسى مەن ۇكىمەت جۇيەسى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، «ەكىنى تۇراقتاندىرۋدىڭ» شەشۋشى ءمانىن تەرەڭ تانىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ، ويداعىداي ىستەپ، ۇكىمەت جۇيەسىندەگى پارتيانىڭ ساياسي قۇرىلىسىن ۇزدىكسىز ىلگەرىلەتىپ، ستيلدى دۇرىستاپ، ءتارتىپتى قاتايتىپ، پارتيا ستيلى، پاكتىك قۇرىلىسى مەن شىرىكتەسۋگە قارسى تۇرۋ قىزمەتىن ونان ارى كۇشەيتتى.

  ءماجىلىس مىنالاردى دارىپتەدى: باس شۋجي شي جينپيڭنىڭ 19 - كەزەكتى ورتالىق ءتارتىپ تەكسەرۋ كوميتەتىنىڭ التىنشى جالپى ماجىلىسىندە سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرىپ، پارتيانى جاپپاي قاتاڭ جونگە سالۋ، وزىندىك توڭكەرىستى ىلگەرىلەتۋ تالابىن ۇكىمەت قىزمەتىنىڭ جانە وزىندىك قۇرىلىستىڭ ءارقايسى جاعىندا، جالپى بارىسىندا تياناقتاندىرىپ، قاتاڭ نەگىزگى اۋەننەن اۋىتقىماي، ۇكىمەت جۇيەسىنىڭ پارتيا ستيلى، پاكتىك قۇرىلىسى مەن شىرىكتەسۋگە قارسى تۇرۋ قىزمەتىن تاباندىلىقپەن ويداعىداي ىستەۋ كەرەك.

  ءبىرىنشى، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا تاباندى بولىپ، يدەيادا، ساياسيدا، ارەكەتتە شي جينپيڭ جولداستى ۇيىتقى ەتكەن پارتيا ورتالىق كوميتەتىمەن باستان - اياق وسكەلەڭ ءبىر اۋىزدىلىقتى ساقتاۋ كەرەك. پارتيانى جاپپاي قاتاڭ جونگە سالۋدىڭ تۇلعالىق جاۋاپكەرلىگىن تياناقتاندىرىپ، پارتيا تاريحىن ۇيرەنۋ تاربيەسىنىڭ جەتىستىكتەرىن بەكەمدەپ جانە كەڭەيتىپ، پارتيانىڭ داڭقتى ءداستۇرى مەن تاڭداۋلى ستيلىنە مۇراگەرلىك ەتۋ جانە ونى ساۋلەلەندىرۋ كەرەك. ۇكىمەت جۇيەسىندەگى ءار دارەجەلى پارتيالى باسشى كادرلار «ءبىر قىزمەت ورنىندا ەكى جاۋاپكەرلىك ارقالاۋدا» تاباندى بولىپ، وزدەرى باسقاراتىن سالالاردىڭ پارتيا قۇرىلىسىن كۇشەيتۋىنە جەتەكشىلىك ەتىپ، قۋزاپ، وزىنە قاتاڭ تالاپ قويىپ، پارتيا ەرەجەسىنە، پارتيا تارتىبىنە قاتاڭ بويسۇنىپ، باستاماشىلدىق، ونەگەلىك رولىن ساۋلەلەندىرۋى كەرەك.

  ەكىنشى، مىندەتىن بەلسەنە اتقارىپ، جاۋاپكەرلىكتى ادا ەتىپ، ىرىقتىلىقپەن جاۋاپكەرلىك ارقالاپ، ىسكەرلىك كورسەتۋ كەرەك. جاڭا دامۋ كەزەڭىن يگەرىپ، جاڭا دامۋ ۇستانىمىن دايەكتىلەندىرىپ، جاڭا دامۋ جاعدايىن قالىپتاستىرىپ، ساپالى دامۋدى ىلگەرىلەتىپ، ەكونوميكالىق، قوعامدىق دامۋدى ىلگەرىلەتۋدىڭ ءتۇيىندى قىزمەتتەرى مەن پارمەندى، ءونىمدى شارالارىن بەلسەنە جوسپارلاپ، ۇكىمەت جۇيەسىندەگى ءار دارەجەلى كادرلاردىڭ ءىس تىندىرىپ، يگىلىك جاراتۋ بەلسەندىلىگىن اناعۇرلىم ويداعىداي ساۋلەلەندىرىپ، ەكونوميكالىق اينالىمنىڭ ۇيلەسىمدى ارالىقتا بولۋىن ساقتاۋ كەرەك. ورنىقتى، اقاۋسىز ەكونوميكالىق ورتانى، مەملەكەتتىڭ تىنىش قوعامدىق ورتاسىن، ستيلى پاك، سالتى دۇرىس ساياسي ورتانى ساقتاپ، پارتيانىڭ 20 - قۇرىلتايىنىڭ تابىسپەن اشىلۋىن قارسى الۋ كەرەك.

  ءۇشىنشى، ءتۇيىندى سالالارداعى رەفورمانى ۇزدىكسىز ىلگەرىلەتىپ، جالعا ىزدەۋ مەن شىرىكتەسۋدى تۋدىراتىن توپىراقتى تۋ باستان ۇزدىكسىز الاستاۋ كەرەك. ۇكىمەت فۋنكتسياسىندا ونان ارى بۇرىلىس جاساپ، اكىمشىلىك ونىمدىلىكتى جوعارىلاتىپ، تۇزىمدىك ساۋدانىڭ وزىندىك قۇنىن تومەندەتىپ، بازارلانعان، زاڭمەن باسقارىلاتىن، حالىقارالانعان تيجارات - ساۋدا ورتاسىن جەدەل قالىپتاستىرۋ كەرەك. باقىلاۋ - باسقارۋ جاۋاپكەرلىگىن قاتاڭ تياناقتاندىرىپ، مونوپوليالاۋعا قارسى تۇرۋدى جانە كاپيتالدىڭ ءتارتىپسىز كەڭەيۋىنەن ساقتانۋدى كۇشەيتىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىنە، الەۋمەتتىك حاۋىپسىزدىككە، سونداي - اق كومەسكى حاۋىپ - قاتەرى زور، قوعامدىق حاۋىپ - قاتەرى جوعارى سالالارعا ءتۇيىندى باقىلاۋ - باسقارۋ جۇرگىزىپ، وقۋ - اعارتۋ، ەمدەۋ، زەينەتكەرلىك جانە قوعامدىق قامتاماسىزداندىرۋ، ەكولوگيالىق ورتانى قورعاۋ، ءوندىرىس حاۋىپسىزدىگى، ازىق - تۇلىك جانە ءدارى - دارمەك حاۋىپسىزدىگى سياقتى سالالارداعى بۇقارانىڭ اڭىسى كۇشتى بولعان كورنەكتى ماسەلەلەردى شوعىرلى تۇزەتىپ، وڭاپ، بۇقارانىڭ ءتول مۇددەسىنە زيان جەتكىزەتىن زاڭعا، بەلگىلەمەگە قايشى ارەكەتتەر مەن شىرىكتەسۋ ماسەلەلەرىن استە جول بەرمەۋ پوزيتسياسىمەن باتىل جازالاۋ كەرەك.

  ءتورتىنشى، ورتالىقتىڭ «8 ءتۇرلى بەلگىلەمەسىنىڭ» تياناقتانۋىن تاباندىلىقپەن مىقتى يگەرىپ، «ءتورت ءتۇرلى بۇرىس ستيلدى» تاباندىلىقپەن تۇزەتىپ، جاڭا ستيل ورناتىپ، وبيەكتيۆ ءىس جۇزىندىك جاعدايعا جانە بۇقارانىڭ قاجەتىنە قۇرمەت ەتىپ، حالىقتى باقىتقا كەنەلتەتىن ناقتى ىستەردى، جاقسى ىستەردى كوبىرەك ىستەپ، جالعان بەينە كورسەتۋدى، ءسانى بار، ءمانى جوق جاساندىلىققا بوي ۇرۋدى ءۇزىلدى - كەسىلدى تيۋ، ساياساتتى اتقارۋدا جەڭىل - جەلپى ىستەۋدەن، ءبارىن ءبىر شىبىقپەن ايداۋدان ساقتانۋ كەرەك. ۇكىمەتتىڭ ۇنەمشىلدىكپەن تۇرمىس كەشىرۋىندە تاباندى بولىپ، قاجىرلىلىقپەن كۇرەس جۇرگىزىپ، ۇنەمشىلدىكتى دارىپتەپ، ءسان - سالتاناتقا بەرىلمەۋ كەرەك. قازىنا - ەكونوميكا ءتارتىبىن قاتايتۋ كەرەك، عيمارات - سارايلاردى، ساياسي ناتيجە قۇرىلىستارىن بەلگىلەمەگە قايشى سالۋعا بولمايدى، قارابايىرلىقپەن جۇمىس ىستەۋدى قاتاڭ تەجەۋ كەرەك، سالىق جاسىرۋ، سالىقتان جالتارۋ، سالىق قىمقىرۋ سياقتى ارەكەتتەرگە زاڭ بويىنشا سوققى بەرۋ كەرەك.

  ءماجىلىس مەملەكەتتىك كەڭەستىڭ بيىلعى پاكتىك قىزمەتى ءماجىلىسىن ىڭعايلى ۋاقىتتا اشۋدى ۇيعارىپ، ۇكىمەت جۇيەسىنىڭ پارتيا ستيلى، پاكتىك قۇرىلىسى مەن شىرىكتەسۋگە قارسى تۇرۋ قىزمەتىن ارناۋلى ورنالاستىردى.

  حان جىڭ، سۇن چۇنلان، حۋ چۇنحۋا، ليۋ حى، ۋەي فىڭحى، ۋاڭ يۇڭ، شياۋ جيە، جاۋ كىجى ماجىلىسكە قاتىناستى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار