جاۋ ليجيان: جۇڭگو جاق ورتا ازياداعى ەلدەرمەن بىرگە ءوزارا قارىم – قاتىناستىڭ ساپاسىن، دارەجەسىن جوعارىلاتۋدى، ۇزدىكسىز جاڭا بەلەسكە كوتەرۋدى قالايدى
2022.01.25 16:04 كەلۋ قاينارى : حالىق تورابى
«سىرتقى ىستەر مينيسترلىگى مالىمدەمەشىسى كەڭسەسىنىڭ» حابارلاۋىنشا، 1 - ايدىڭ 24 - كۇنى وتكىزىلگەن سىرتقى ىستەر مينيسترلىگىنىڭ كەزەكتى تىلشىلەردى قابىلداۋ ماجىلىسىندە، شينحۋا اگەنتتىگىنىڭ ءتىلشىسى بىلاي دەپ سۇراعان: بۇگىن تۇستەن بۇرىن، جۇڭگو جاق ءتوراعا شي جينپيڭنىڭ جۇڭگونىڭ ورتا ازياداعى بەس مەملەكەتپەن ديپلوماتيالىق قارىم - قاتىناس ورناتقاندىعىنىڭ 30 جىلدىعىنا ارنالعان بەينە كەسكىندى باسشىلار ءماجىلىسىن باسقاراتىندىعى جونىندەگى حاباردى جاريالادى. بۇل جاعىنان اناعۇرلىم كوبىرەك مازمۇنداردى تانىستىرۋىڭىزعا بولا ما؟ جۇڭگو جاق بۇل رەتكى ماجىلىستەن قانداي ءۇمىت كۇتەدى؟
جاۋ ليجيان: 1 - ايدىڭ 25 - كۇنى ءتوراعا شي جينپيڭ جۇڭگو مەن ورتا ازياداعى بەس مەملەكەتتىڭ ديپلوماتيالىق قارىم - قاتىناس ورناتقاندىعىنىڭ 30 جىلدىعىنا وراي وتكىزىلەتىن بەينە كەسكىندى باسشىلار ءماجىلىسىن باسقارادى. بۇل جۇڭگونىڭ بيىل ورتا ازياداعى مەملەكەتتەرگە باعىتتالعان تۇڭعىش رەتكى كەلەلى ديپلوماتيالىق قارىم - قاتىناس ارەكەتى، سونىمەن بىرگە، تۇڭعىش رەت جۇڭگو مەن ورتا ازياداعى بەس مەملەكەت فورماسىندا وتكىزىلەتىن مەملەكەت باسشىلارى دارەجەسىندەگى كەڭەس، جۇڭگو مەن ورتا ازياداعى ەلدەردىڭ قارىم - قاتىناسىنىڭ دامۋىنداعى جەتىستىكتەر مەن تاجىريبەلەردى جان - جاقتى قورىتىندىلاپ، جاڭا تاريحي كەزەڭدە ەكى جاقتىڭ كەلەسى كەزەڭدەگى ءتۇرلى سالالارداعى سەلبەستىكتەرىن ءبىرتۇتاس جوسپارلاۋ جاعىندا كەلەلى ءمان الادى.
باسشىلار ءماجىلىسى مەزگىلىندە، ءتوراعا شي جينپيڭ مەن ورتا ازياداعى بەس مەملەكەتتىڭ باسشىلارى جەكە - جەكە ءسوز سويلەپ، جۇڭگو مەن ورتا ازياداعى بەس مەملەكەتتىڭ قارىم - قاتىناسىنىڭ باسىپ وتكەن ۇلى بەلەستەرىنە بىرگە قايرىلا كوز جىبەرىپ، ەكى جاقتى سەلبەستىكتەر بارىسىندا قول جەتكىزگەن كەلەلى جەتىستىكتەرىن جان - جاقتى رەتتەپ، ءساتتى تاجىريبەلەردى ىشكەرىلەي قورىتىندىلاپ، بولاشاقتاعى ەكى جاقتى سەلبەستىكتەردىڭ ۇلى جوباسىن تىزە قوسا جاسايدى. باسشىلار ماجىلىسىندە «جۇڭگو مەن ورتا ازياداعى بەس مەملەكەتتىڭ باسشىلارىنىڭ ديپلوماتيالىق قارىم - قاتىناستىڭ 30 جىلدىعى جونىندەگى بىرلەسكەن مالىمدەمەسى» ماقۇلدانادى ءارى جاريالانادى.
ديپلوماتيالىق قارىم - قاتىناس ورناتقان 30 جىلدان بەرى، جۇڭگو مەن ورتا ازياداعى مەملەكەتتەردىڭ قارىم - قاتىناسىندا ۇزدىكسىز سەكىرمەلى دامۋ ىسكە اسىرىلىپ، تاريحتاعى ەڭ جوعارى ورەگە جەتتى. ەكى جاقتى كوپ سالاداعى سەلبەستىكتەردە تاريحي سيپاتتى، نىشاندىق سيپاتتى، جاڭالىق سيپاتىندىق جەتىستىكتەرگە قول جەتكىزىلىپ، جاڭا تيپتەگى حالىقارالىق قارىم - قاتىناستىڭ ۇلگىسىنە اينالدى، سونىمەن بىرگە، ادامزاتتىڭ تاعدىرلاس ورتا تۇلعاسىن قۇرۋدى ىلگەرىلەتۋگە ۇلەس قوستى. جاڭا تاريحي باستاماعا قادام تاستاعان ساتتە، جۇڭگو جاق ورتا ازياداعى ەلدەرمەن بىرگە بۇرىنعىعا مۇراگەر، كەيىنگىگە بۇيداگەر بولىپ، ۇدەرە العا تارتىپ، ساياسي جاقتاعى ءوزارا سەنىمدىلىكتى ۇزدىكسىز كۇشەيتۋدى جانە جان - جاقتى ءوزارا ءتيىمدى سەلبەستىكتەردى كەڭەيتۋدى، ءوزارا قارىم – قاتىناستىڭ ساپاسىن، دارەجەسىن اناعۇرلىم جوعارىلاتۋدى، ۇزدىكسىز جاڭا بەلەسكە كوتەرۋدى قالايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
