بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ۋاڭ چيشان جۇڭگو - يزرايل جاڭالىق اشۋ سەلبەستىگى بىرلەسكەن كوميتەتىنىڭ 5 - رەتكى ءماجىلىسىن باسقاردى

2022.01.26 10:59     كەلۋ قاينارى : حالىق تورابى

  «حالىق گازەتى»، 1 - ايدىڭ 24 – كۇنى، بەيجيڭ (ءتىلشى شياۋ شينشين). مەملەكەت ءتوراعاسىنىڭ ورىنباسارى ۋاڭ چيشان 1 - ايدىڭ 24 – كۇنى بەيجيڭدە يزرايلدىڭ كانديدات زۇڭليى، سىرتقى ىستەر مينيسترى لاپيدپەن بىرگە جۇڭگو – يزرايل جاڭالىق جاراتۋ سەلبەستىگى بىرلەسكەن كوميتەتىنىڭ 5 – ءماجىلىسىن باسقارىپ اشتى.

  ۋاڭ چيشان مەن لاپيد ەڭ الدىمەن ءتوراعا شي جينپيڭ مەن يزرايلدىڭ زۇڭتۇڭى يساك حەرزوگتىڭ ەكى ەلدىڭ ديپلوماتيالىق قاتىناس ورناتقانىنىڭ 30 جىلدىعىنا بايلانىستى ءوزارا جولداعان قۇتتىقتاۋ تەلەگرامماسىن وقىدى. ۋاڭ چيشان مىنانى ءبىلدىردى: ءتوراعا شي جينپيڭ جۇڭگو - يزرايل قاتىناسىنىڭ 30 جىلدان بەرگى دامۋىنا جوعارى باعا بەرىپ، ەكى ەلدىڭ جاڭالىق اشۋ سەلبەستىگىن اناعۇرلىم تەرەڭدەتۋ، ەكى ەل قاتىناسىنىڭ جاڭا داۋىرگە ءوتۋىن ىلگەرىلەتۋ جونىندە ءۇمىت ارتتى. بىلتىر 11 - ايدا ءتوراعا شي جينپيڭ حەرزوگ زۇڭتۇڭمەن تەلەفوندا سويلەسكەندە بىلاي دەپ اتاپ كورسەتتى: جۇڭگو - يزرايل قاتىناسىنىڭ قىسقا عانا 30 جىلدا قارىشتاپ دامۋىنىڭ تەتىگى ءبىر - ءبىرىنىڭ يەلىك ۇقىعىنا قۇرمەت ەتۋ، ءبىر - ءبىرىنىڭ ىشكى ىسىنە ارالاسپاۋ سياقتى ماڭىزدى پرينسيپتەردە تاباندى بولۋىندا. جۇڭگو مەن يزرايلدىڭ ەكونوميكالىق ابزالدىعىنىڭ ءبىرىن - ءبىرى تولىقتاۋ سيپاتى كۇشتى، ەكى ەل سەلبەستىگىنىڭ ءمانى − ءوزارا تيىمدىلىك جەتكىزىپ، تەڭ يگىلىككە كەنەلۋ، سەلبەستىك جەتىستىكتەرى ەكى ەل حالىقتارىن يگىلىككە كەنەلتۋ، ءۇشىنشى جاققا باعىتتاماۋ، ءۇشىنشى جاقتىڭ كەدەرگىسىنە دە ۇشىراماۋ كەرەك.

  ۋاڭ چيشان بىلاي دەپ اتاپ كورسەتتى: قازىر دۇنيە جۇزىندەگى 100 جىلدىق وزگەرىس جاعدايى مەن عاسىرلىق ىندەت توعىسىپ، قۇبىلىپ، دۇنيە ءجۇزى ەكونوميكاسىنىڭ قالپىنا كەلۋى بۇراڭدىققا تاپ بولدى. بۇل − تار جول، تايعاق كەشۋلەردەن بىرگە ءوتىپ، قيىنشىلىقتى بىرگە جەڭۋدى اناعۇرلىم قاجەت ەتەتىن ءداۋىر، تاتۋ ءارى پارىقتى بولۋعا، تاعدىرلاس بولۋعا ءتىپتى دە ۇندەيتىن ءداۋىر. ءبىز اشىق سەلبەستىكتىڭ دۇرىس جول، ناعىز كوپ جاقتىلىقتىڭ تاريحي اعىم ەكەنىنە كامىل سەنەمىز. جۇڭگو جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستادى، اناعۇرلىم زاڭمەن جونگە سالىناتىن، حالىقارالانعان، قولايلى تيجارات - ساۋدا ورتاسىن تاباندىلىقپەن قۇرىپ، جاڭالىق اشۋ ارقىلى دامۋعا دەم بەرۋ ستراتەگياسىن جەدەل اتقارىپ، سەلبەسىپ تەڭ يگىلىككە كەنەلۋ، سەلبەسىپ بىرگە ارقالاۋ، سەلبەسىپ بىرگە جونگە سالۋ سىندى بىرگە ەسىك اشۋدى ىلگەرىلەتىپ، دۇنيە ءجۇزى ەكونوميكاسىنىڭ اناعۇرلىم اشىق، قامتىمدى، جالپىعا ءتيىمدى، تەپە - تەڭ جانە تەڭ يگىلىككە كەنەلۋ بەتالىسىنا قاراي دامۋىن ىلگەرىلەتەدى.

  ۋاڭ چيشان مىنانى ءبىلدىدى: «جۇڭگو مەن يزرايلدىڭ جاڭالىق اشۋ سەلبەستىك ارەكەت جوسپارى (2021 – 2018)» اتقارىلعان 3 جىلدان بەرى ەكى جاق جاڭالىق اشۋ ارقىلى جەتەكشىلىك ەتۋدى جانە مەحانيزممەن قامتاماسىز ەتۋدى كۇشەيتىپ، ناقتى سەلبەستىكتى تەرەڭدەتىپ، ادامداردىڭ بارىس - كەلىسىن جەبەدى، ەكى جاقتى قاتىناس پەن سەلبەستىك مازمۇنى ۇزدىكسىز تەرەڭدەپ، جاڭالىق اشۋ جالپى بەتتىك سەرىكتەستىك قاتىناسى جاڭا كەزەڭگە ءوتتى. ءبىز ەكى ەل باسشىلارىنىڭ نۇسقاۋىنىڭ رۋحىنا بويسۇنىپ، جۇڭگو مەن يزرايلدىڭ جاڭالىق اشۋ سەلبەستىك بىرلەسكەن كوميتەتى مەحانيزمىنىڭ ەكى ەل قاتىناسىنداعى ماڭىزدى ورنىنا ستراتەگيالىق تۇرعىدان قاراۋىمىز كەرەك. ەكى جاقتىڭ ديپلوماتيالىق قاتىناس ورناتۋدىڭ 30 جىلدىعىن وراي ەتىپ، يدەيانى ونان ارى ازات ەتىپ، قايراتتانا العا ۇمتىلىپ، ءورىس اشا ناقتى ىستەر ىستەپ، ساياسي سەنىمدىلىكتى كۇشەيتىپ، گۋمانيتارلىق اۋىس - كۇيىستى كەڭەيتىپ، ەكى جاقتىڭ ماڭىزدى ورتاق تانىمدارىنىڭ، كەلەلى نىساندارىنىڭ تياناقتانۋىن جەبەپ، بيىل ەركىن ساۋدا كەلىسىمى كەلىسسوزىن اياقتاتىپ، جاڭالىق اشۋ ۇستانىمى مەن بايلىقتى ۇشتاستىرۋدى كۇشەيتىپ، ۆاكسينا جانە ءدارى - دارمەك زەرتتەۋ - اشۋ سياقتى سەلبەستىكتى كۇشەيتىپ، جۇڭگو مەن يزرايلدىڭ ءار سالاداعى جاڭالىق اشۋ سەلبەستىگىنىڭ قارىشتاپ دامۋىنا مۇمكىندىك جاساپ، ەكى ەلدىڭ ەكونوميكالىق، قوعامدىق دامۋىن جەبەۋدە، حالىقتى باقىتقا كەنەلتۋدە اناعۇرلىم زور رول اتقارۋىن ءۇمىت ەتەمىن.

  لاپيد مىنانى ءبىلدىردى: جاڭالىق اشۋ سەلبەستىگىن تەرەڭدەتۋ − يزرايل، جۇڭگو باسشىلارىنىڭ ماڭىزدى ورتاق تانىمى. ديپلوماتيالىق قاتىناس ورناتقان 30 جىلدان بەرى يزرايل مەن جۇڭگونىڭ قاتىناسىنىڭ دامۋ بەتالىسى تەبىندى، جاڭالىق اشۋ سەلبەستىگىنىڭ تابىسى مول بولدى، يزرايل جاق جۇڭگو جاقپەن تىعىز سەلبەسىپ، بىرلەسكەن كوميتەتتىڭ رولىن تولىق ساۋلەلەندىرىپ، يزرايل - جۇڭگو جاڭالىق اشۋ سەلبەستىگىنىڭ ەكى ەل حالىقتارىنا ءتىپتى دە زور باقىت جاراتۋىن ىلگەرىلەتۋدى قالايدى.

  ءماجىلىس ەكى ەلدىڭ قاتىستى تاراۋلارىنىڭ وتكەن 3 جىلدا ەكى جاقتىڭ عىلىم - تەحنيكا، ەكونوميكا - ساۋدا، دەنساۋلىق ساقتاۋ، قورشاعان ورتانى قورعاۋ، اۋىل شارۋاشىلىعى، قاتىناس سياقتى سالالارداعى سەلبەستىگىنىڭ ىلگەرىلەۋ جاعدايى جونىندەگى بايانداماسىن جانە كەلەسى ساتىداعى سەلبەستىك نىساناسى مەن شارالارىن تىڭدادى. ۋاڭ چيشان مەن لاپيد «جۇڭگو مەن يزرايلدىڭ جاڭالىق اشۋ سەلبەستىك ارەكەت جوسپارىنا (2022 − 2024 )» قول قويىپ، عىلىم - تەحنيكا، دەنساۋلىق ساقتاۋ، مادەنيەت، قورشاعان ورتانى قورعاۋ، تازا ەنەرگيا، ءبىلىم مەنشىك ۇقىعى سياقتى سالالارداعى 7 سەلبەستىك كەلىسىمىنە قول قويۋعا كۋا بولدى ءارى جۇڭگو مەن يزرايلدىڭ ديپلوماتيالىق قاتىناس ورناتقانىنىڭ 30 جىلدىعىنا ارنالعان مۋزىكا كەشىنىڭ جەلىدەگى سالتىنا بىرگە قاتىناستى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار