شينجياڭنىڭ بۇرىنعى ورىنباسار ءتوراعاسى رىن حۋانىڭ پارا الۋ دەلوسىنا ءبىرىنشى سوتتىڭ ۇكىمى جاريالاندى: 47 ميلليون 150 مىڭ يۋاننان استام پارا العان، 14 جىلدىق مەرزىمدى قاماق جازاسىنا ۇكىم ەتىلدى
2022.01.26 19:58 كەلۋ قاينارى : حالىق تورابى
حالىق تورابىنىڭ 1 - ايدىڭ 25 - كۇنى بەيجيڭنەن بەرگەن حابارى (شياۋ جينبو، بو چىندي) ءتىلشىنىڭ جياڭسۋ ولكەسى سۋجوۋ قالالىق ورتا دارەجەلى حالىق سوتىنان ۇعىسۋىنشا، بۇگىن اتالعان سوت شينجياڭ ۇيعۇر اۆتونوميالى رايوندىق حالىق ۇكىمەتىنىڭ بۇرىنعى ورىنباسار ءتوراعاسى رىن حۋانىڭ پارا الۋ دەلوسىنا سوت ۇكىمىن اشىق جاريالاعان، ايىپكەر رىن حۋاعا پارا الۋ قىلمىسى بويىنشا 14 جىلدىق مەرزىمدى قاماق جازاسى ۇكىم ەتىلگەن ءارى حالىق اقشاسى بويىنشا 4 ميلليون يۋان اقشالاي ايىپ سالعان؛ ونىڭ پاراعا العان بارلىق مال - مۇلكى مەن ءوسىمىن قايتارىپ الىپ، ۇكىمەت قازىناسىنا تاپسىرادى. رىن حۋا سوت ۇستىندە ۇكىمگە مويىنسال بولاتىنىن، جوعارىلاپ ارىزدانبايتىنىن بىلدىرگەن.
تەكسەرۋ ارقىلى مىنالار انىقتالعان: 2007 - جىلدان 2020 - جىلعا دەيىن، ايىپكەر رىن حۋا ج ك پ ءۇرىمجى قالالىق پارتكومىنىڭ تۇراقتى مۇشەسى، ۇگىت ءبولىمىنىڭ باستىعى، شينجياڭ ۇيعۇر اۆتونوميالى رايوندىق مادەنيەت مەڭگەرمەسى پارتگرۋپپاسىنىڭ شۋجيى، ورىنباسار مەڭگەرمە باستىعى، شينجياڭ ۇيعۇر اۆتونوميالى رايوندىق وقۋ - اعارتۋ مەڭگەرمەسى پارتگرۋپپاسىنىڭ شۋجيى، شينجياڭ ۇيعۇر اۆتونوميالى رايوندىق حالىق ۇكىمەتىنىڭ ورىنباسار ءتوراعاسى قاتارلى مىندەتتەردى اتقارعان كەزدە، قىزمەتىندەگى قولايلىلىقتان پايدالانىپ، قاتىستى ورىندار مەن جەكەلەرگە ينجەنەريانى كوتەرەگە بەرۋ، سەرىكتەستىك تيجاراتى، بانكەدەن قارىز الۋ، قىزمەتىن اۋىستىرۋ قاتارلى جاقتاردا كومەك بەرىپ، ولاردىڭ بەرگەن مال - مۇلكىن قابىلداعان، حالىق اقشاسىنا شاققاندا جيىنى 47 ميلليون 150 مىڭ يۋاننان اسقان.
سۋجوۋ قالالىق ورتا دارەجەلى حالىق سوتى بىلاي دەپ قاراعان: ايىپكەر رىن حۋا مەملەكەت قىزمەتكەرى بولا تۇرا، قىزمەت مىندەتىندەگى قولايلىلىقتان پايدالانىپ، باسقالاردىڭ مۇددەسىن كۇيتتەپ، ولاردان زاڭسىز تۇردە مال - مۇلىك العان، ونىڭ ارەكەتى پارا الۋ قىلمىسىن قالىپتاستىرادى. رىن حۋانىڭ پاراعا العان اقشاسىنىڭ سوماسى قوماقتى، دەلو انىقتالعاننان كەيىن ول ءوزىنىڭ قىلمىسىن شىنايى بايانداپ، دەلو ءبىتىرۋ ورگاندارى ءالى يەلەي قويماعان ءىشىنارا پارا الۋ قىلمىستىق فاكتتەرىن ىرىقتىلىقپەن تاپسىرعان، قىلمىسىن مويىنداپ، قىلمىس وتكىزگەنىنە وكىنەتىنىن بىلدىرگەن، پاراعا العان مال - مۇلكىن بەلسەندىلىكپەن قايتارعان، دەلوعا قاتىستى مال - مۇلىك تۇگەلدەي قايتارىلعان، بۇل ارەكەتتەر زاڭدا بەلگىلەنگەن احۋالعا قاراي جازاسىن جەڭىلدەتۋ جاعدايىنا ۇيلەسەتىندىكتەن، زاڭ بويىنشا وعان جەڭىلىرەك جازا بەرۋگە بولادى. سوت مەكەمەسى جوعارىداعىداي ۇكىم شىعاردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
