شي جينپيڭ جۇڭگونىڭ ورتا ازياداعى 5 ەلمەن ديپلوماتيالىق قاتىناس ورناتقانىنىڭ 30 جىلدىعى بايلانىسىمەن وتكىزىلگەن بەينە ەكران باسشىلار ءماجىلىسىن باسقاردى
اناعۇرلىم نىعايعان جۇڭگو - ورتا ازيا تاعدىرلاس ورتاق تۇلعاسىن قول ۇستاسا قۇرۋدى دارىپتەدى
2022.01.26 20:13 كەلۋ قاينارى : حالىق تورابى
 |
1 - ايدىڭ 25 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدە جۇڭگونىڭ ورتا ازياداعى 5 ەلمەن ديپلوماتيالىق قاتىناس ورناتقانىنىڭ 30 جىلدىعى بايلانىسىمەن وتكىزىلگەن بەينە ەكران باسشىلار ءماجىلىسىن باسقارىپ، «قول ۇستاسا تاعدىرلاس بولىپ، بولاشاققا بىرگە بەت الايىق» دەگەن تاقىرىپتا ماڭىزدى ءسوز سويلەدى.
سۋرەتتى شينحۋا اگەنتتىگىنىڭ ءتىلشىسى پاڭ شيڭلەي تۇسىرگەن
|
■ جۇڭگونىڭ ورتا ازياداعى 5 ەلمەن 30 جىلدىق سەلبەستىگىنىڭ تابىستى بولۋىنىڭ قۇپياسى ەكى جاقتىڭ باستان - اياق ءوزارا قۇرمەت ەتىپ، تاتۋ كورشىلىك دوستىق ورناتىپ، تار جول، تايعاق كەشۋلەردەن بىرگە ءوتىپ، ءوزارا پايدا جەتكىزىپ، تەڭ يگىلىككە كەنەلۋىندە. وسى ءتورت پرينسيپ − سەلبەستىك بارىسىندا جيناقتالعان باعالى تاجىريبە جانە ورتاق بايلىق، جۇڭگونىڭ ورتا ازيا ەلدەرىمەن قاتىناسىنىڭ ورنىقتى، باياندى بولۋىنىڭ ساياسي كەپىلى، سونداي - اق جۇڭگونىڭ ورتا ازيا ەلدەرىمەن دوستىق بارىس - كەلىسىنىڭ بۇرىنعىعا مۇراگەر بولىپ، كەيىنگىگە جٶل اشۋىنىڭ كۇش قاينارى. حالىقارالىق جاعداي قالاي قۇبىلسا دا، بولاشاقتا جۇڭگو دامىپ قاي دەڭگەيگە جەتسە دە، جۇڭگو باستان - اياق ورتا ازيا ەلدەرى سەنىم ارتاتىن جانە سۇيەنەتىن تاتۋ كورشى، سەنىمدى سەرىك، ابزال دوس، ەتەنە باۋىرلاس بولادى. جۇڭگو ورتا ازيا ەلدەرىنىڭ ءوز ەلىنىڭ جاعدايىنا ۇيلەسەتىن دامۋ جولىمەن ءجۇرۋىن باتىل قولدايدى، ءار ەلدىڭ ءوز ەلىنىڭ يەلىك ۇقىعىن، تاۋەلسىزدىگىن، تەرريتوريا تۇتاستىعىن قورعاۋىن باتىل قولدايدى، ءار ەلدىڭ ۇلتتى گۇلدەندىرگە جانە ىنتىماقتاسا وتىرىپ الۋەتتەنۋگە تالپىنۋىن باتىل قولدايدى، ءار ەلدىڭ حالىقارالىق ساحنادا اناعۇرلىم زور رول اتقارۋىن باتىل قولدايدى. جۇڭگو ورتا ازيا ەلدەرىمەن بىرگە اناعۇرلىم نىعايعان جۇڭگو - ورتا ازيا تاعدىرلاس ورتاق تۇلعاسىن قول ۇستاسا قۇرۋدى قالايدى
■ 5 ءتۇرلى ۇسىنىستى ورتاعا قويدى. ءبىرىنشى، تاتۋ كورشىلىك دوستىقتىڭ ۇلگى اتىزىن تەرەڭ جىرتۋ كەرەك. ەكىنشى، ساپالى دامۋدىڭ سەلبەستىك بەلدەۋىن قۇرۋ كەرەك. ءۇشىنشى، بەيبىتشىلىكتى قورعاۋدىڭ قورعانىس قالقانىن كۇشەيتۋ كەرەك. ءتورتىنشى، كوپ نەگىزدى ىقپالداستىق ۇلى شاڭىراعىن قۇرۋ كەرەك. بەسىنشى، بەيبىت داميتىن جەر شارى قىستاعىن قورعاۋ كەرەك
شينحۋا اگەنتتىگى، 1 - ايدىڭ 25 - كۇنى، بەيجيڭ. مەملەكەت ءتوراعاسى شي جينپيڭ 1 - ايدىڭ 25 - كۇنى تۇستەن كەيىن بەيجيڭدە جۇڭگونىڭ ورتا ازياداعى 5 ەلمەن ديپلوماتيالىق قاتىناس ورناتقانىنىڭ 30 جىلدىعى بايلانىسىمەن وتكىزىلگەن بەينە ەكران باسشىلار ءماجىلىسىن باسقاردى. قازاقستاننىڭ زۇڭتۇڭى توقايەۆ، قىرعىزستاننىڭ زۇڭتۇڭى جاپاروۆ، تاجىكستاننىڭ زۇڭتۇڭى راحمون، تۇركىمەنستاننىڭ زۇڭتۇڭى بەردىمۇحامەتوۆ، وزبەكستاننىڭ زۇڭتۇڭى ميرزيويەۆ باسشىلار ماجىلىسىنە قاتىناستى.
شي جينپيڭ بەس ەلدىڭ باسشىلارىمەن بىرگە جۇڭگونىڭ ورتا ازيا ەلدەرىمەن قاتىناسىن دامىتۋداعى تاريحي ساتتەر بەينە ەكران ماتەريالىن كورىپ، قىزۋ، سالتاناتتى، دوستىق بەينەدە تاجىريبەلەردى بىرگە قورىتىندىلاپ، بولاشاققا كوز تاستادى. شي جينپيڭ «قول ۇستاسا تاعدىرلاس بولىپ، بولاشاققا بىرگە بەت الايىق» دەگەن تاقىرىپتا ماڭىزدى ءسوز سويلەدى (ءسوزدىڭ تولىق مازمۇنىن «حالىق گازەتىنىڭ» 2 - بەتىنەن وقي الاسىزدار).
شي جينپيڭ بىلاي دەپ اتاپ كورسەتتى: 30 جىلدىڭ الدىندا جۇڭگو ورتا ازيا ەلدەرىمەن الدىمەن ديپلوماتيالىق قاتىناس ورناتىپ، ەكى جاقتىڭ قاتىناسى مەن سەلبەستىگىنىڭ قاقپاسىن اشتى. 30 جىلدان بەرى ەكى جاق اۋقىمعا سايكەسىپ، سەنىمدىلىكتى، تاتۋلىقتى دارىپتەپ، ءوزارا ءتۇسىنىسۋ، ءوزارا جول بەرۋ نەگىزىندە تاريحتان قالعان شەكارا ماسەلەسىن تۇبەگەيلى شەشىپ، تاتۋ كورشىلىك، دوستىق، سەلبەسىپ تەڭ يگىلىككە كەنەلۋ جاڭا جولىمەن ءجۇرىپ، جاڭاشا حالىقارالىق قاتىناس ورناتۋدىڭ ۇلگىسىنە اينالدى. ەكى جاق قول ۇستاسا بىرگە ىلگەرىلەپ، دامۋدى بىرگە جوسپارلاپ، «ءبىر بەلدەۋ، ءبىر جولدى» بىرگە قۇرۋ ورتا ازيا وڭىرىندە گۇل اشىپ، جەمىس بەردى. ەكى جاق بەينەت پەن زەينەتتى بىرگە وتكەرىپ، حاۋىپ - قاتەردى بىرگە ارقالاپ، ورتاق حاۋىپسىزدىك مۇددەسى مەن ءوڭىردىڭ بەيبىتشىلىگى مەن ورنىقتىلىعىن پارمەندى قورعادى. ەكى جاق ءبىرىن - ءبىرى ءتۇسىنىپ، ەتەنە بولىپ، ءوزارا توعىسىپ، جۇڭگو مەن ورتا ازيا ەلدەرى حالىقتارىنىڭ راقاتتا دا، جاپادا دا بىرگە بولىپ، جۇرەكتەرى توعىسقان اسەرلى سيمفونياسىن جازدى. ەكى جاق ءبىر - بىرىنە دەم بەرىپ، ادىلدىكتەن جازباي، ءبىر - ءبىرىنىڭ وزەكتى مۇددەسىنە ساياتىن ماسەلەلەردە ءبىر - ءبىرىن باتىل قولداپ، ەكى جاقتىڭ ورىندى ۇقىق - مۇددەسى مەن ستراتەگيالىق مۇددەسىن قورعادى.
شي جينپيڭ بىلاي دەپ دارىپتەدى: جۇڭگونىڭ ورتا ازياداعى 5 ەلمەن 30 جىلدىق سەلبەستىگىنىڭ تابىستى بولۋىنىڭ قۇپياسى ەكى جاقتىڭ باستان - اياق ءوزارا قۇرمەت ەتىپ، تاتۋ كورشىلىك دوستىق ورناتىپ، تار جول، تايعاق كەشۋلەردەن بىرگە ءوتىپ، ءوزارا پايدا جەتكىزىپ، تەڭ يگىلىككە كەنەلۋىندە. وسى ءتورت پرينسيپ − سەلبەستىك بارىسىندا جيناقتالعان باعالى تاجىريبە جانە ورتاق بايلىق، جۇڭگونىڭ ورتا ازيا ەلدەرىمەن قاتىناسىنىڭ ورنىقتى، باياندى بولۋىنىڭ ساياسي كەپىلى، سونداي - اق جۇڭگونىڭ ورتا ازيا ەلدەرىمەن دوستىق بارىس - كەلىسىنىڭ بۇرىنعىعا مۇراگەر بولىپ، كەيىنگىگە جٶل اشۋىنىڭ كۇش قاينارى. حالىقارالىق جاعداي قالاي قۇبىلسا دا، بولاشاقتا جۇڭگو دامىپ قاي دەڭگەيگە جەتسە دە، جۇڭگو باستان - اياق ورتا ازيا ەلدەرى سەنىم ارتاتىن جانە سۇيەنەتىن تاتۋ كورشى، سەنىمدى سەرىك، ابزال دوس، ەتەنە باۋىرلاس بولادى. جۇڭگو ورتا ازيا ەلدەرىنىڭ ءوز ەلىنىڭ جاعدايىنا ۇيلەسەتىن دامۋ جولىمەن ءجۇرۋىن باتىل قولدايدى، ءار ەلدىڭ ءوز ەلىنىڭ يەلىك ۇقىعىن، تاۋەلسىزدىگىن، تەرريتوريا تۇتاستىعىن قورعاۋىن باتىل قولدايدى، ءار ەلدىڭ ۇلتتى گۇلدەندىرگە جانە ىنتىماقتاسا وتىرىپ الۋەتتەنۋگە تالپىنۋىن باتىل قولدايدى، ءار ەلدىڭ حالىقارالىق ساحنادا اناعۇرلىم زور رول اتقارۋىن باتىل قولدايدى. جۇڭگو ورتا ازيا ەلدەرىمەن بىرگە اناعۇرلىم نىعايعان جۇڭگو - ورتا ازيا تاعدىرلاس ورتاق تۇلعاسىن قول ۇستاسا قۇرۋدى قالايدى.
شي جينپيڭ 5 ءتۇرلى ۇسىنىستى ورتاعا قويدى.
ءبىرىنشى، تاتۋ كورشىلىك دوستىقتىڭ ۇلگى اتىزىن تەرەڭ جىرتۋ كەرەك. جۇڭگو جاقىن، ادال، ءتيىمدى، كەشىرىمشىل بولۋ ۇستانىمىنان جازباي، ورتا ازيا ەلدەرىمەن جوعارى جىكتەگىلەردىڭ بارىس - كەلىسى مەن ستراتەگيالىق تىلدەسۋىن كۇشەيتىپ، «جۇڭگو + ورتا ازياداعى 5 ەل» سىرتقى ىستەر مينيسترلەرىنىڭ ديدارلاسۋى سياقتى ءبىرقىدىرۋ پىكىرلەسۋ، سەلبەسۋ مەحانيزمىن ويداعىداي جۇرگىزىپ، ىنتىماقتى، ءوزارا سەنىمدىلىكتى ۇزدىكسىز كۇشەيتىپ، ءوزارا ءتيىمدى سەلبەستىكتى تەرەڭدەتىپ، بىرگە دامۋدى، بىرگە گۇلدەنۋدى جۇزەگە اسىرادى. ادامدىق ۇقىقتى سىلتاۋ ەتىپ باسقا ەلدەردىڭ ىشكى ىسىنە كيلىگۋگە باتىل قارسى تۇرۋ كەرەك.
ەكىنشى، ساپالى دامۋدىڭ سەلبەستىك بەلدەۋىن قۇرۋ كەرەك. جۇڭگو ورتا ازيا ەلدەرىنە ەرەكشە كەڭ كولەمدى بازار اشىپ، ورتا ازيا ەلدەرىنىڭ اناعۇرلىم كوپ ساپالى تاۋارلارى مەن اۋىل شارۋاشىلىق ونىمدەرىن يمپورت ەتىپ، جۇڭگو - ورتا ازيا ەكونوميكا - ساۋدا سەلبەستىك تالقى مىنبەرىن ۇزدىكسىز ويداعىداي وتكىزۋدى قالايدى. جۇڭگو جاق جۇڭگو - ورتا ازياداعى 5 ەلدىڭ ەلەكتروندىق ساۋدا سەلبەستىگى جونىندە پىكىرلەسۋ مەحانيزمىن ورناتۋدى، جۇڭگو - ورتا ازيا ەلدەرىنىڭ كاسىپ سالاسى جانە قارجى قوسۋ سەلبەستىگى جونىندەگى تالقى مىنبەرىن ىڭعايلى كەزدە وتكىزۋدى دارىپتەيدى. ادام ىركىلىسسىز جۇرەتىن «جىلدام ارنا» قۇرىپ، زات ىركىلىسسىز جۇرەتىن «جاسىل ارنانى» كەمەلدەندىرىپ، جۇڭگو - قىرعىزستان - وزبەكستان تەمىر جول نىسانىن جەدەل ىلگەرىلەتىپ، جۇڭگو - ورتا ازيا قاتىناس ءدالىزى قۇرىلىسىن ىلگەرىلەتۋ كەرەك. جۇڭگو - ورتا ازيا مۇناي، تابيعي گاز قۇبىرىنىڭ ورنىقتى اينالىمىنا كەپىلدىك ەتىپ، ەنەرگياداعى تۇتاس كاسىپ تىزبەگى سەلبەستىگىن كەڭەيتۋ كەرەك. جاساندى زەردە، ءىرى ساندى مالىمەت، بۇلتتىق ەسەپتەۋ سياقتى جوعارى تەحنيكا سالاسىنداعى سەلبەستىكتى كۇشەيتۋ كەرەك.
ءۇشىنشى، بەيبىتشىلىكتى قورعاۋدىڭ قورعانىس قالقانىن كۇشەيتۋ كەرەك. «ءۇش ءتۇرلى كۇشكە» ۇزدىكسىز سوققى بەرىپ، شەكارانى باسقارۋ - مەڭگەرۋ سياقتى سەلبەستىكتەردى تەرەڭدەتىپ، وڭىرلىك حاۋىپسىزدىكتى قورعاۋ تورىن بەكەمدەۋ كەرەك. جۇڭگو ورتا ازيا ەلدەرىن ۆاكسينا جانە ىندەتكە قارسى اتتانۋ زاتتارىمەن ۇزدىكسىز قامداپ، ۆاكسينا مەن ەرەكشە ءونىمدى دارىلەردى بىرلەسىپ ءوندىرۋدى، تەحنيكانى وتكەرمەلەۋدى كۇشەيتۋدى قالايدى. 2022 - جىلى جۇڭگو ورتا ازيا ەلدەرىنە تاعى دا 50 ميلليون دانا ۆاكسينانى كومەككە بەرەدى، سونداي - اق قاجەت ەتكەن ەلدەردە ءداستۇرلى مەديتسينا ورتالىقتارىن قۇرادى. جۇڭگو جۇڭگو - ورتا ازيا سالاماتتىق كاسىبى وداعىن قۇرۋعا ۇندەيدى.
ءتورتىنشى، كوپ نەگىزدى ىقپالداستىق ۇلى شاڭىراعىن قۇرۋ كەرەك. گۋمانيتارلىق اۋىس - كۇيىستىڭ جالپى جاعدايىن قالىپتاستىرىپ، ءوزارا مادەنيەت ورتالىعىن قۇرۋدى جەدەلدەتىپ، مادەنيەت مۇرالارى جونىندە پىكىرلەسۋدى بەلسەنە ورىستەتىپ، ايەلدەر، اقىل - پاراسات قويماسى، اقپارات قۇرالدارى سياقتى سالالارداعى اۋىس - كۇيىستى ۇزدىكسىز ىلگەرىلەتۋ كەرەك. جۇڭگو ورتا ازيا ەلدەرىنىڭ ساياحات بايلىعىن تانىستىرۋىنا تۇعىر ازىرلەيدى، 5 ەلدى تۇگەلدەي جۇڭگو ازاماتتارىنىڭ شەتەلگە شىعىپ ساياحاتتاۋداعى نىسانالى ەلى ەتۋدى قالايدى. جۇڭگو جۇڭگو - ورتا ازيا حالىقتارى دوستىق تالقى مىنبەرىن وتكىزۋدى دارىپتەيدى، الداعى 5 - 10 جىلدا جۇڭگو ورتا ازياداعى 5 ەلمەن دوس قالالاردى 100 جۇپقا جەتكىزۋگە قۇلشىنادى. الداعى 5 جىلدا جۇڭگو ورتا ازياداعى 5 ەلگە ءبىر مىڭ 200 جۇڭگو ۇكىمەتىنىڭ وقۋ سيلىق اقشاسى سانىن بەرۋدى، جۇڭگو - ورتا ازيا جاستار كوركەمونەر فەستيۆالى، «بولاشاق كوپىرى» جۇڭگو - ورتا ازيا جاس باسشىلارىنىڭ ءبىلىم تولىقتاۋ، اۋىس - كۇيىس جاساۋ لاگەرى سياقتى قيمىلداردى وتكىزۋدى جوسپارلاپ وتىر.
بەسىنشى، بەيبىت داميتىن جەر شارى قىستاعىن قورعاۋ كەرەك. تاياۋدا مەن دۇنيە جۇزىلىك دامۋ باستاماسىن العا قويىپ، حاۋىپ - قاتەر مەن سىن - سايىسقا تىزە قوسا توتەپ بەرىپ، بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كۇن ءتارتىبىن ىلگەرىلەتۋگە ۇندەدىم. مەن قازىر مىنانى جاريالايمىن: الداعى 3 جىلدا جۇڭگو ورتا ازيا ەلدەرىنە 500 ميلليون دوللار اقىسىز كومەك بەرەدى، بۇل ءار ەلدىڭ حالىق تۇرمىسى نىساندارى قۇرىلىسىنا پايدالانىلادى؛ 5 مىڭ زەرتتەۋ - تالقىلاۋ سانىن ازىرلەپ، ءار ەلدىڭ دەنساۋلىق ساقتاۋ، سالاماتتىق، كەدەيلەردى ازايتۋ، شارۋالارعا تيىمدىلىك جاساۋ، ۇلاستىرۋ - تۇتاستىرۋ، ينفورماتسيا تەحنيكاسى سياقتى سالالارداعى كاسىپتىك دارىندىلاردى جەتىلدىرىپ، دامۋدىڭ ىشكى قوزعاۋشى كۇشىن نىعايتۋىنا كومەكتەسەدى.
شي جينپيڭ سوڭىندا بىلاي دەپ دارىپتەدى: جۇڭگونىڭ ەرتەدەگى ادامدارى: «جول جاقىن بولعانىمەن، جۇرمەسەڭ، جەتە المايسىڭ؛ ءىستى كىشكەنە دەمە، قۇلشىنباساڭ ورىندالمايدى» دەگەن ەكەن. ءبىز 6 ەل حالقىنىڭ ورتاق باقىتىن شىعار ءتۇيىن ەتىپ، دوستىقتى جالعاستىرىپ، سەلبەستىكتى ىلگەرىلەتىپ، جۇڭگونىڭ ورتا ازيا ەلدەرىمەن قاتىناسىنىڭ اناعۇرلىم كوركەم بولاشاعىن بىرگە جازىپ، ادامزاتتىڭ تاعدىرلاس ورتاق تۇلعاسىن قۇرۋدى بىرگە ىلگەرىلەتەيىك.
ورتا ازياداعى 5 ەلدىڭ مەملەكەت باسشىلارى جۇڭگونىڭ وسى رەتكى تاريحي مانگە يە بەينە ەكران باسشىلار ءماجىلىسىن اشۋ باستاماسىن كوتەرگەنىنە ءارى باسقارىپ اشقانىنا العىس ايتىپ، جۇڭگونىڭ دامۋ جەتىستىكتەرىنە جوعارى باعا بەرىپ، جۇڭگونىڭ ءوڭىردىڭ جانە دۇنيە ءجۇزىنىڭ بەيبىتشىلىگى مەن دامۋىنا قوسقان ماڭىزدى ۇلەسىن القاپ، ورتا ازيا ەلدەرىنىڭ جۇڭگومەن قاتىناسقان ورناتقان 30 جىلدان بەرگى دامۋدا قول جەتكىزگەن سۇبەلى تابىستارىن بەلسەندى باعالاپ، بىلاي دەپ قارادى: ورتا ازيا ەلدەرىنىڭ جۇڭگومەن قاتىناسىنىڭ دامۋى وزدەرىنىڭ دامۋىن، گۇلدەنۋىن جەبەپ قانا قويماي، ءوڭىردىڭ ورنىقتىلىعىن دا ءونىمدى قورعاپ، ءوزارا قۇرمەت ەتەتىن، ءادىل دە ادىلەتتى، سەلبەسىپ تەڭ يگىلىككە كەنەلەتىن جاڭاشا حالىقارالىق قاتىناستىڭ ۇلگىسىن ورناتتى. ءار ەلدىڭ ۇزاق شەكارا سىزىعى «الاۋىزدىق شەكاراسى» بولۋدان قالدى، قايتا حالىقتاردىڭ ءوزارا تاتۋ كورشىلىك دوستىعىنىڭ كوپىرىنە جانە دانەكەرىنە اينالدى. جۇڭگونىڭ 5 ەلگە ۇزاق ۋاقىتتان بەرى كورسەتكەن قاستەرلى قولداۋى، سونداي - اق 5 ەلدىڭ جاڭا جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا كورسەتكەن ۆاكسينا جانە ىندەتكە قارسى زاتتىق ماتەريالدار سياقتى جاقتارداعى قولداۋى ورتا ازيا ەلدەرىنىڭ جۇڭگومەن مىزعىماس دوستىعىنىڭ ايعاعى سانالادى.
5 ەلدىڭ مەملەكەت باسشىلارى مىنانى ءبىلدىردى: ءتوراعا شي جينپيڭنىڭ جۇڭگونىڭ بولاشاقتاعى ورتا ازيا ەلدەرىمەن قاتىناسى جونىندە ورتاعا قويعان ۇسىنىسىن تولىق قۇپتايمىز، ەكى جاقتىڭ ديپلوماتيالىق قاتىناس ورناتقانىنىڭ 30 جىلدىعىن جاڭا باستاما ەتىپ، مازمۇنى باي، تابىسى مول، دوستىعى باياندى ستراتەگيالىق سەرىكتەستىك قاتىناس ورناتىپ، ورتا ازيا - جۇڭگو تاعدىرلاس ورتاق تۇلعاسىن قالىپتاستىرىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى قالايمىز. ءار ەل ءبىر - ءبىرىنىڭ تاڭداعان دامۋ جولىن باتىل قولدايدى، ءبىر - ءبىرىنىڭ تاۋەلسىزدىگىن، يەلىك ۇقىعىن جانە تەرريتوريا تۇتاستىعىن قورعاۋىن باتىل قولدايدى، ءارقانداي سىلتاۋمەن باسقا ەلدىڭ ىشكى ىسىنە كيلىگۋگە قارسى تۇرادى، 6 ەلدىڭ وزەكتى حاۋىپسىزدىك مۇددەسى مەن ستراتەگيالىق مۇددەسىن بىرگە قورعايدى. «ءبىر بەلدەۋ، ءبىر جولدى» بىرگە قۇرۋ وسى ءوڭىردىڭ ەكونوميكالىق دامۋىن، حالىقتارىنىڭ ىرىسىن، تاتۋ كورشىلىگىن، ءوزارا سەنىمدىلىگىن جەبەۋدە كەلەلى ستراتەگيالىق مانگە يە. ءارقايسى جاق ديدارلاسۋداعى ماڭىزدى ورتاق تانىمدار مەن جەتىستىكتەردى مۇقيات تياناقتاندىرىپ، جوعارى جىكتەگىلەردىڭ مەرزىمدى بارىس - كەلىسىن كۇشەيتىپ، «ءبىر بەلدەۋ، ءبىر جول» قۇرىلىسىن جاپپاي ىلگەرىلەتىپ، وڭىرلىك ۇلاستىرۋ - تۇتاستىرۋ جانە ەكونوميكا - ساۋدا، ەنەرگيا، جوعارى تەحنيكا، حاۋىپسىزدىك سياقتى سالالارداعى ناقتى سەلبەستىكتى تەرەڭدەتىپ، دۇنيە جۇزىلىك دامۋ باستاماسىن بەلسەنە تياناقتاندىرىپ، وڭىرلىك حالىقارالىق ىستەردە پىكىرلەسۋدى، سەلبەسۋدى جيىلەتىپ، ورتا ازيا ەلدەرىنىڭ جۇڭگومەن قاتىناسىنىڭ جاڭا دامۋىن ىلگەرىلەتىپ، ورتاق سايىستارعا اناعۇرلىم ويداعىداي توتەپ بەرىپ، ءوڭىردىڭ بەيبىتشىلىگى مەن حاۋىپسىزدىگىن قورعاۋعا تىڭ ۇلەس قوسادى.
5 ەلدىڭ مەملەكەت باسشىلارى تۇگەلدەي مىنانى ءبىلدىردى: كەلەر اپتادا جۇڭگوعا بارىپ بەيجيڭ قىسقى وليمپيادا سپورت جارىسىنىڭ اشىلۋ سالتىنا قاتىناسۋدى اسىعا كۇتەمىز. جۇڭگو جاقتىڭ ىندەت قيىنشىلىعىن جەڭىپ، بەيجيڭ قىسقى وليمپيادا سپورت جارىسىن ۋاعىندا ءساتتى وتكىزىپ، دۇنيە جۇزىنە، ءسوز جوق، اناعۇرلىم كوپ سەنىم جانە ءۇمىت اكەلەتىنىنە سەنەمىز! بەيجيڭ قىسقى وليمپيادا سپورت جارىسىنىڭ تابىستى بولۋىن، جۇڭگو حالقىنىڭ كوكتەم مەرەكەسىنىڭ قۇتتى بولۋىن تىلەيمىز!
باسشىلار ءماجىلىسى «جۇڭگو مەن ورتا ازياداعى 5 ەل باسشىلارىنىڭ ديپلوماتيالىق قاتىناس ورناتۋدىڭ 30 جىلدىعى جونىندەگى بىرلەسكەن مالىمدەمەسىن» ماقۇلدادى جانە جاريالادى.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار باسشىلار ماجىلىسىنە قاتىناستى.
كەلۋ قاينارى: حالىق تورابى
 |
1 - ايدىڭ 25 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدە جۇڭگونىڭ ورتا ازياداعى 5 ەلمەن ديپلوماتيالىق قاتىناس ورناتقانىنىڭ 30 جىلدىعى بايلانىسىمەن وتكىزىلگەن بەينە ەكران باسشىلار ءماجىلىسىن باسقارىپ، «قول ۇستاسا تاعدىرلاس بولىپ، بولاشاققا بىرگە بەت الايىق» دەگەن تاقىرىپتا ماڭىزدى ءسوز سويلەدى. قازاقستاننىڭ زۇڭتۇڭى توقايەۆ، قىرعىزستاننىڭ زۇڭتۇڭى جاپاروۆ، تاجىكستاننىڭ زۇڭتۇڭى راحمون، تۇركىمەنستاننىڭ زۇڭتۇڭى بەردىمۇحامەتوۆ، وزبەكستاننىڭ زۇڭتۇڭى ميرزيويەۆ باسشىلار ماجىلىسىنە قاتىناستى. سۋرەتتى شينحۋا اگەنتتىگىنىڭ ءتىلشىسى لي شياڭ تۇسىرگەن
|
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
