بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شي جينپيڭ كوكتەم مەرەكەسى قارساڭىندا سانشيگە بارىپ، نەگىزگى ساتىداعى كادر - جۇرتشىلىقتان حال سۇرادى

بۇكىل ەلدەگى ءار ۇلت حالقىنا كوكتەم مەرەكەسى بايلانىسىمەن ىزگى تىلەك جولدادى

ءار ۇلت حالقىنىڭ باقىتتى، الاڭسىز بولۋىن، ۇلى وتاننىڭ گۇلدەنىپ - كوركەيۋىن، قۇدىرەتتەنۋىن تىلەدى

2022.01.28 17:29     كەلۋ قاينارى : حالىق تورابى


  «حالىق گازەتى»، 1 - ايدىڭ 27 - كۇنى، تاييۋان. جۇڭحۋا ۇلتىنىڭ ءداستۇرلى مەرەكەسى كوكتەم مەرەكەسى قارساڭىندا، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ سانشيگە كەلىپ، نەگىزگى ساتىداعى كادر - جۇرتشىلىقتان حال سۇراپ، بۇكىل ەلدەگى ءار ۇلت حالقىنا، شياڭگاڭدىق، اۋمىندىق، تايۋاندىق باۋىرلاستارعا جانە شەتەلدەگى مۇھاجىر باۋىرلاستارعا كوكتەم مەرەكەسى بايلانىسىمەن ىزگى تىلەك ءبىلدىرىپ، كوپشىلىكتىڭ دەندەرىنىڭ ساۋ، قىزمەتتەرىنىڭ ءساتتى، وتباسىلارىنىڭ باقىتتى، بارىس جىلدارىنىڭ قۇتتى بولۋىن تىلەدى! ۇلى وتانىمىزدىڭ تاۋ - وزەندەرىنىڭ كوركەم بولۋىن، جاۋىن - شاشىنى كوڭىلدەگىدەي بولۋىن، ەلى امان، جۇرتى تىنىش بولىپ، گۇلدەنىپ - كوركەيۋىن، قۇدىرەتتەنۋىن تىلەدى!

  1 – ايدىڭ 26 – كۇنىنەن 27 – كۇنىنە دەيىن، شي جينپيڭ سانشي ولكەلىك پارتكومنىڭ شۋجيى لين ۋ - دىڭ جانە ولكە باستىعى لان فو - اننىڭ سەرىك بولۋىندا لينفىن، جينجۇڭ قاتارلى جەرلەرگە بارىپ، اۋىل - قىستاققا، مادەني مۇرالاردى قورعاۋ ورىندارىنا، كاسىپورىندارعا بارىپ تەكسەرۋ - زەرتتەۋ جۇرگىزىپ، نەگىزگى ساتىداعى كادر - جۇرتشىلىققا پارتيا ورتالىق كوميتەتىنىڭ قامقورلىعى مەن سالەمىن جەتكىزدى.

  1 - ايدىڭ 26 – كۇنى تۇستەن كەيىن شي جينپيڭ قارلى بورانعا قاراماي لينفىن قالاسىنا كەلىپ تەكسەرۋ - زەرتتەۋ جۇرگىزدى. وتكەن جىلى 10 – ايدا سانشيدە اۋا رايى ەستەلىككە الىنعاننان بەرگى ەڭ كۇشتى كۇزگى تاسقىن مەزگىلى جارىققا شىعىپ، بۇكىل ولكەدەگى 11 قالا اپاتقا ۇشىرادى. حوجٶۋ قالاسى شىجۋاڭ اۋىلى فىڭنانيۋان قىستاعى − لينفىن قالاسىنداعى ەگىنشىلەر ۇيلەرىنىڭ ءبۇلىنۋى ءبىرشاما اۋىر بولعان قىستاقتاردىڭ ءبىرى، شي جينپيڭ وسى اراعا ارنايى كەلىپ، اپاتقا ۇشىراعان جۇرتشىلىقتان حال سۇرادى. ول سانشيدىڭ اپاتتان كەيىنگى قالپىنا كەلتىرۋ، قايتا قۇرۋ، كۇزدىك داقىلداردى تولىقتاپ ەگۋ، جۇرتشىلىقتىڭ قىستان امان - ەسەن، قىمتىرىلماي وتۋىنە كەپىلدىك ەتۋ، اپاتتان ساقتانۋ، اپات زيانىن ازايتۋ جانە شۇعىل جاعدايعا توتەپ بەرۋ جۇيەسى قۇرىلىسىن كۇشەيتۋ سياقتى جاعدايلار جونىندەگى مالىمەتىن تىڭدادى، وسىدان كەيىن اپاتقا ۇشىراعان قىستاق تۇرعىنى شى حۇڭبيڭىڭ ۇيىنە امانداسا باردى.

  چى حۇڭبيڭدەردىڭ 4 بولمەلى جەر تولەسى بىلتىر نوسەر جاۋعاندا تۇگەلدەي قۇلاپ كەتكەن بولاتىن، ۇكىمەتتىڭ كومەك قاراجاتى مەن ءار جاقتىڭ كومەگىندە قۇراستىرىلمالى 2 اۋىز تۇرعىن ءۇي سالىپ، كوشىپ كىرگەن ەدى. شي جينپيڭ اۋلانى، تۇرعىن ءۇيدى زەر سالا كوردى. شى حۇڭبيڭنىڭ ءۇي ىشىندەگىلەردىڭ جاڭا جىل مومىسىن سالىپ جاتقانىن كورگەن شي جينپيڭ ولاردىڭ قاتارىنا قوسىلىپ، قامىردى گۇل پىشىنىندە كۇلشەلەپ، قامىرعا شىلان قىستىرىپ بەردى. كوڭىلدى كۇلكى ءۇنى ىشىندە مەرەكەلىك مومى جاسالىپ، ءۇي ءىشى ەرەكشە شاتتىققا شومدى.

  شي جينپيڭ شى حۇڭبيڭنىڭ ۇيىندەگى ۇلكەن - كىشىمەن بىرگە وتىرىپ اڭگىمە دۇكەنىن قۇرىپ، ولاردىڭ تۇرعىن ءۇي ساپاسىنىڭ قانداي ەكەنىن، مەرەكەلىك بۇيىمداردى تولىق ساتىپ العان – الماعانىن، تاعى قانداي قيىنشىلىقتارى بار ەكەنىن ىقىلاسپەن سۇرادى. شى حۇڭبيڭ باس شۋجيگە بۇل ءۇيدىڭ ءارى بەرىك، ءارى جىلى ەكەنىن، ءبىر ءۇيلى جاننىڭ مەرەكەنى الاڭسىز وتكىزە الاتىنىن، پارتيا مەن ۇكىمەتكە شىن جۇرەكتەن العىس ايتاتىندارىن ءبىلدىردى. شي جينپيڭ مىنالاردى اتاپ كورسەتتى: مەن اپاتقا ۇشىراعان رايونداعى جۇرتشىلىقتى ەستەن شىعارمايمىن، اپاتتان كەيىنگى قالپىنا كەلتىرۋ، قايتا قۇرۋ جاعدايىن ناق مايداندا كورۋ ءۇشىن، بۇگىن سانشيدەگى ساپارىمدى وسى ارادان باستادىم. قىستاقتىڭ بەت - بەينەسى تازا، رەتتى ەكەنىن، ءوندىرىس، تۇرمىس ءتارتىبى قالپىنا كەلگەنىن، قايتا سالىنعان، جوندەلگەن ۇيلەردىڭ حاۋىپسىز، جىلى ەكەنىن، بارشا وتباسىنىڭ مەرەكەگە ازىرلەنىپ قاربالاس بولىپ جاتقانىن، مەرەكەلىك بۇيىمداردىڭ دا تولىق ازىرلەنگەنىن، ەگىس اتىزدارىندا تىرشىلىك تىنىسى جارىققا شىققانىن كورىپ وتىرمىن، مەن بۇعان ءدان ريزامىن. اۋىلداستاردىڭ ءوندىرىس، تۇرمىس جاقتارىندا تاعى قانداي قيىنشىلىقتارى بار، پارتيا مەن ۇكىمەت مۇنى شەشۋگە ۇزدىكسىز كومەكتەسۋى كەرەك. اپاتتان كەيىنگى قالپىنا كەلتىرۋ، قايتا قۇرۋ جانە اۋىل - قىستاقتى گۇلدەندىرۋدى ءبىر تۇتاس جوسپارلاپ، اعارلاردى جان - جاقتى جونگە سالۋدى كۇشەيتىپ، اپاتتان ساقتانۋ نەگىزدىك قۇرىلعىلارىنداعى ولقىلىقتاردى تولىقتاپ، اپاتتان ساقتانۋ، اپات زيانىن ازايتۋ، اپاتتان قۇتقارۋ قۋاتىن جوعارىلاتىپ، حالىق جۇرتشىلىعىن ەڭبەكشىل قوس قولدارىمەن كورىكتى مەكەندى قايتا قۇرۋعا باستاپ، قاجىماي - تالماي كۇرەس جۇرگىزۋ ارقىلى باقىتتى تۇرمىس جاراتۋ كەرەك.

  قىستاقتان اتتاناردا قىستاق تۇرعىندارى باس شۋجيگە امانداسۋعا جينالدى. شي جينپيڭ اۋىلداستارعا مەرەكەلىك سالەم جولداپ، كوپشىلىكتىڭ جالىندى جىگەرمەن تۇرمىستارىن بارعان سايىن جاقسارتا ءتۇسۋىن ءۇمىت ەتتى.

  وسىدان كەيىن شي جينپيڭ اۆتوكولىكپەن فىنشي اۋدانى سىڭنيان قالاشىعى دۋانسۇن قىستاعىنا كەلىپ، جەرگىلىكتى ورىننىڭ كەدەيلىكتەن ارىلتۋدان قامال الۋ جەتىستىكتەرىن بەكەمدەۋ، كەڭەيتۋ، اۋىل - قىستاقتى گۇلدەندىرۋدى ۇزدىكسىز ىلگەرىلەتۋ، نەگىزگى ساتى پارتيا قۇرىلىسىن كۇشەيتۋ سياقتى جاعدايلارىن تەكسەردى. حالىققا قولايلى قىزمەت وتەۋ ورتالىعىندا قىستاق كادرلارى شي جينپيڭگە وزدەرىنىڭ حالىق ءۇشىن قىزمەت وتەۋ، نەگىزگى ساتىنى جونگە سالۋ دەڭگەيىن جوعارىلاتۋ، قايتا كەدەيلەنۋ ءجايتىن اۋقىمدىق باقىلاۋ - ولشەۋ جانە كومەكتەسۋ سياقتى ادىستەرىن تانىستىردى. قىستاق تۇرعىنى ساي ۋىنميڭنىڭ ۇيىندە شي جينپيڭ اس ءۇيدى، جاتىن بولمەنى جانە قوي قوراسىن ءبىر - بىرلەپ كورىپ، وتباسىنىڭ كىرىسىنىڭ قانشا ەكەنىن، تۇرمىسىنىڭ قانداي ەكەنىن ەگجەي - تەگجەيلى ۇعىستى. ءبىر ءۇيلى جاننىڭ 2016 - جىلدىڭ سوڭىندا كەدەيلىكتەن ارىلعاننان كەيىن، قازىر قوي باعۋعا، سىرتقا شىعىپ جۇمىس ىستەۋگە سۇيەنىپ تۇرمىستارىنىڭ بارعان سايىن جاقسارعانىن ەستىپ، شي جينپيڭ ايرىقشا قۋاندى. ول مىنالاردى اتاپ كورسەتتى: حالىق جۇرتشىلىعىن باقىتتى تۇرمىسقا كەنەلتۋ − پارتيامىزدىڭ 100 جىلدان بەرگى بۇلجىماس تالپىنىسى، ءبىز اۋەلگى ماقساتتى ۇمىتپاي، بورىشتى ەستە بەرىك ساقتاپ، ۇرپاقتان - ۇرپاققا جالعاستىرىپ ىستەۋىمىز كەرەك.

  قىستاقتىڭ مادەنيەت الاڭى دۋمانعا بولەنگەن، قىستاق تۇرعىندارى بارابان سوعىپ، ياڭگى ءبيىن بيلەپ مەرەكەنى قارسى الۋدا. باس شۋجيدىڭ كەلگەنىن كورگەن جۇرت قۋانعانىنان الاقايلادى. شي جينپيڭ اۋىلداستارعا بىلاي دەدى: پارتيامىزدىڭ ءتۇبىرلى ماقساتى − حالىق جۇرتشىلىعى ءۇشىن جاقسى ءىس ىستەۋ، حالىق جۇرتشىلىعىنىڭ باقىتتى تۇرمىسى ءۇشىن كۇرەسۋ، ۇلەس قوسۋ، قىزمەت وتەۋ. ءبىز كەدەيلىكتەن ارىلتۋدان قامال الۋ شايقاسىنىڭ جەڭىسىنە ۋاعىندا قول جەتكىزىپ، جاپپاي دوڭگەلەك داۋلەتتى قوعام قۇرۋ نىساناسىن ۋاعىندا جۇزەگە اسىردىق، قازىر جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستادىق. وسىزاماندانعان مەملەكەت قۇرۋ اۋىل شارۋاشىلىعىن، اۋىل - قىستاقتى وسىزامانداندىرۋدان ايرىلا المايدى، كەدەيلىكتەن ارىلتۋدان قامال الۋدىڭ جەتىستىكتەرىن ۇزدىكسىز بەكەمدەپ، اۋىل - قىستاقتى گۇلدەندىرۋدى تىڭعىلىقتى ىلگەرىلەتىپ، جۇرتشىلىقتىڭ تۇرمىسىن تىڭ ساتىعا كوتەرىپ، اۋىل شارۋاشىلىعىن، اۋىل - قىستاقتى وسىزامانداندىرۋدى ىلگەرىلەتۋ بارىسىندا بارعان سايىن العا باسۋ كەرەك.

  شي جينپيڭ 1 - ايدىڭ 27 – كۇنى جينجۇڭ قالاسىندا تەكسەرۋ - زەرتتەۋ جۇرگىزدى. سول كۇنى تۇستەن بۇرىن ول پيڭيۋان بايىرعى قالاسىنا كەلىپ، يىڭشۇن قاقپاسىنان قالاعا جاياۋ كىرىپ، قالا قورعانىنا شىعىپ، جالپى بەت - بەينەسىنە كوز سالدى، وسىدان كەيىن اۆتوكولىكپەن پيڭيۋان اۋداندىق ۇكىمەت ورنىنا بارىپ، بايىرعى قالانىڭ تاريحي وزگەرىسى، قۇرىلىستىڭ ورنالاسۋى، مادەنيەت مۇرالارىن قورعاۋ، جالعاستىرۋ سياقتى جاعدايلار جونىندەگى مالىمەتتى تىڭدادى. پيڭيۋان بايىرعى قالاسى − دۇنيە جۇزىلىك مادەني مۇرالار تىزىمدىگىنە ەنگىزىلگەن، جۇڭگوداعى ەڭ كەمەلدى ساقتالعان بايىرعى قالالاردىڭ ءبىرى. شي جينپيڭ مىنالاردى اتاپ كورسەتتى: تاريحي مادەنيەت مۇرالارى جۇڭحۋا ۇلتىنىڭ گەنىن جانە قان تامىرىن جالعاستىرادى، ول بىزگە عانا ەمەس، ۇرپاقتارعا دا ءتان. تاريحتان يمەنىپ، مادەنيەتتەن يمەنىپ، ەكولوگيادان يمەنىپ، تاريحي مادەنيەت مۇرالارىن جاپپاي قورعاپ، ساياحاتتىڭ دامۋىن، ەرەكشە تيجاراتتى، بايىرعى قالانى قورعاۋدى ءبىر تۇتاس جوسپارلاپ، مادەني ەسكەرتكىشتەردىڭ حاۋىپسىزدىگىنىڭ تومەنگى شەگىن بەكەمدەپ، بۇرىنعىلاردىڭ بىزگە قالدىرعان قاستەرلى بايلىعىن ويداعىداي قورعاۋ كەرەك.

  پيڭياۋ – سانشي ولكەسىنىڭ ساۋدا ىستەرىنىڭ قاينار كوزى، مادەنيەت استارى تەرەڭ، رىشىڭچاڭ ساۋدا دۇكەنى ەلىمىزدىڭ فينانس كاسىبى دامۋىنىڭ جولىن ەڭ ەرتە اشقان. رىشىڭچاڭ ساۋدا دۇكەنى مۇراجايىندا شي جينپيڭ سانشي ساۋدا مادەنيەتىن جانە سانشي ساۋدا رۋحىن جەتىلدىرۋ، دامىتۋ سياقتى جاعدايلاردى ۇعىستى. ول مىنالاردى دارىپتەدى: مادەنيەت سەنىمىن بەكەمدەپ، سانشي ساۋداگەرلەرىنىڭ مادەنيەت مازمۇنىن ىشكەرىلەي اشىپ، جۇڭحۋانىڭ تاڭداۋلى ءداستۇرلى مادەنيەتىن اناعۇرلىم ويداعىداي ساۋلەلەندىرىپ، ەكونوميكالىق، قوعامدىق دامۋ مەن حالىقتىڭ ساپالى تۇرمىسىنا اناعۇرلىم ويداعىداي قىزمەت ەتۋ كەرەك.

  بايىرعى قالانىڭ وڭتۇستىك كوشەسىندە مەرەكەلىك ءتۇس ەرەكشە قويۋ ەدى. شي جينپيڭ كوشەنى بويلاپ بايىرعى قالانىڭ كەلبەتىن كوزدەن كەشىرىپ، پيڭياۋ سيىر ەتى دۇكەنىنە، تۇيگۋاڭ سىرلى بۇيىمدار دۇكەنىنە، دۇڭحۋ بايىرعى سىركە سۋ دۇكەنىنە بارىپ، جەرگىلىكتى ورىننىڭ مادەنيەت مۇرالارىن قورعاۋ، پايدالانۋ جانە ەرەكشەلىككە يە تيجاراتپەن شۇعىلدانۋ جاعدايىن ۇعىستى، سونداي - اق پيڭياۋ سيىر ەتى، شوشىرە، سىركە سۋى سياقتى مەرەكەلىك بۇيىمداردى ساتىپ الدى، سونداي - اق سىركە سۋىن اشىتىپ، كۇبىلەۋگە ارالاستى. ول مىنالاردى اتاپ كورسەتتى: تاڭداۋلى ءداستۇرلى مادەنيەتكە مۇراگەرلىك ەتۋشى بولىپ، سىرلى بۇيىمدار سياقتى مادەنيەت اسىلدارىن ويداعىداي قورعاپ، ۇلتتىق ەرەكشەلىككە يە ءداستۇرلى مادەنيەت كاسىبىن ساۋلەلەندىرۋ، دۇنيە جۇزىنە بەت الدىرۋ كەرەك. ناق مايدانداعى جۇرتشىلىق باس شۋجيمەن جابال امانداستى، شي جينپيڭ كوپشىلىككە قول بۇلعاپ قۇرمەت ءبىلدىرىپ، كوپشىلىككە مەرەكەلىك سالەم جولدادى.

  شي جينپيڭ مىنالاردى دارىپتەدى: قازىر بۇكىل دۇنيە جۇزىندە ىندەت ءالى دە كەڭەيۋدە ءارى جاڭا ەرەكشەلىكتەر جارىققا شىعۋدا، جاڭاشا وزگەرگەن شتاممداردىڭ تارالۋى تەز، جۇعۋ قۋاتى كۇشتى، ونىڭ ۇستىنە قىس ماۋسىمىندا ءتۇرلى جۇقپالى اۋرۋلار كوپ تۋىلىپ، ساقتانۋ - تىزگىندەۋ حاۋىپ - قاتەرى ارتا تۇسەدى. ءار دارەجەلى پارتكومدار مەن ۇكىمەتتەر ىندەتتەن ساقتانۋ - تىزگىندەۋ سىندى ارقاۋدى باستان - اياق شيراتىپ، ساقتانۋدى نەگىز ەتۋدە تاباندى بولىپ، سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ قىزمەتىن ۇزدىكسىز مىقتى، ەگجەي - تەگجەيلى يگەرىپ، ساقتانۋ مەن تىزگىندەۋدىڭ عىلميلىعىن، دالدىگىن جوعارىلاتۋى كەرەك. جۇرتشىلىقتىڭ ەمدەلۋى، زاتپەن قامدالۋى، جول ءجۇرۋى سياقتى جاقتارىنا دا جان - جاقتى ىلەسىپ، حالىقتىڭ باس اماندىعى مەن نەگىزگى تۇرمىس قاجەتىن ويداعىداي قامتاماسىز ەتۋ كەرەك.

  شي جينپيڭ قىسقى ەلەكترمەن قامداۋ، جىلۋمەن قامداۋدى قامتاماسىز ەتۋ قىزمەتىنە ايرىقشا كوڭىل ءبولدى. 1 - ايدىڭ 27 – كۇنى تۇستەن كەيىن ول سانشي رۇيگۋاڭ جىلۋ ەلەكتر شەكتى جاۋاپكەرلىك سەرىكتەستىگىنە كەلىپ، تەكسەرۋ - زەرتتەۋ جۇرگىزدى. تاياۋ جىلداردان بەرى بۇل كاسىپورىن عىلىم - تەحنيكادا جاڭالىق اشۋدا تاباندى بولا وتىرىپ كاسىپورىننىڭ دامۋىنا جەتەكشىلىك ەتىپ، كومىر جاعاتىن گەنەراتور اگراگاتتارىن لاس زاتتاردى ەرەكشە از شىعاراتىن ەتىپ وزگەرتۋ، ارتىق جىلۋلاردى ساتىلى پايدالانۋ، قاتتى كۇيدەگى جاراقسىز زاتتاردى جان - جاقتى پايدالانۋ، كومىرتەگى قوس توتىعىن جيناۋ سياقتى جاقتاردا بەلسەندى ونىمدىلىككە قول جەتكىزدى. شي جينپيڭ الدىمەن سانشي ولكەسىنىڭ ەنەرگيا توڭكەرىسى جالپىلىق رەفورماسىن تۇيىندە سىناق ەتۋ جانە كاسىپورىنداردىڭ كومىردى تازا، جوعارى ونىمدىلىكپەن پايدالانۋدى ىلگەرىلەتۋ، ءداستۇرلى كاسىپتەردىڭ تيبىن وزگەرتىپ، دارەجەسىن جوعارىلاتۋدى جەدەلدەتۋ سياقتى قىزمەتتەر جونىندەگى تانىستىرۋىن تىڭدادى. كاسىپورىننىڭ جىلۋ ەلەكتر گەنەراتور اگراگاتتارىنىڭ ءوندىرىسىن شوعىرلى مەڭگەرۋ بولمەسىندە، جانار زاتتى زەردەلىلەندىرۋدى باسقارۋ - مەڭگەرۋ ورتالىعىندا، قۇلتەمىردى اۆتوماتتى تەكسەرۋ بولمەسىندە شي جينپيڭ ءوندىرىس اينالىم ساندى مالىمەتتەرىن كورىپ، جۇمىس باسىنداعى تەحنيكتەردەن كاسىپورىننىڭ ەنەرگيا ۇنەمدەپ، لاس زاتتاردىڭ شىعارىلۋىن ازايتۋ، ءوندىرىس ونىمدىلىگىن جوعارىلاتۋ جانە ءوندىرىس حاۋىپسىزدىگىن قامتاماسىز ەتۋ سياقتى جاعدايلاردى ۇعىستى. شي جينپيڭ وسىدان كەيىن كاسىپورىننىڭ كومىر ساقتاۋ الاڭىنا بارىپ، كومىر الاڭىنىڭ كومىر ساقتاۋ جاعدايىن كوزدەن كەشىردى. ول مىنالاردى دارىپتەدى: سانشي مەملەكەتتىك ەنەرگيا اۋىر حيميا ونەركاسىپ بازاسى رەتىندە مەملەكەتتىڭ دامۋىنا ماڭىزدى ۇلەس قوستى. كومىر قىشقىل گازىنىڭ شىعارىلۋىن جوعارى مانگە جەتكىزۋ، كومىر قىشقىل گازىن بەيتاراپتاندىرۋ نىساناسىن ىلگەرىلەتۋدى باسقالار بىزگە تاپسىرىپ وتىرعان جوق، قايتا ءوزىمىز ءسوزسىز ىستەۋىمىز كەرەك، ءبىراق بۇل وڭاي - وسپاق ىسكە اسپايدى، توسۋعا دا، اسىقپاۋعا دا بولمايدى. وبيەكتيۆ زاڭدىلىققا قۇرمەت ەتىپ، قادام ريتىمىن يگەرىپ، الدىمەن ورناتىپ، ونان سوڭ تالقانداپ، ورنىقتىلىق بارىسىندا ىلگەرىلەۋ كەرەك. كومىر كوپ، مۇناي، گاز تاپشى بولۋ − ەلىمىزدىڭ مەملەكەت جاعدايى، ەل ىشىندەگى ەنەرگيا ءوندىرىسىنىڭ نەگىزىن بەكەمدەپ، كومىرمەن قامداۋ حاۋىپسىزدىگىن قامتاماسىزداندىرىپ، كومىردى تازا، تومەن كومىرتەكتى دامىتۋ، كوپ نەگىزدى پايدالانۋ، جان - جاقتى ساقتاۋ، تاسۋ سىندى كەلەلى ءىستى ءبىر تۇتاس ويداعىداي يگەرىپ، جاسىل، تومەن كومىرتەكتى تەحنيكادان قامال الۋدى جەدەلدەتىپ، كاسىپ قۇرىلىمىن ساپالىلاندىرۋدى، دارەجەسىن جوعارىلاتۋدى ۇزدىكسىز ىلگەرىلەتۋ كەرەك. كومىر قىشقىل گازىنىڭ شىعارىلۋىن جوعارى مانگە جەتكىزۋ، كومىر قىشقىل گازىن بەيتاراپتاندىرۋ نىساناسىن جۇزەگە اسىرۋدى بەلسەنە ورنىقتى ىلگەرىلەتىپ، ەكىنشى 100 جىلدىق كۇرەس نىساناسىن جۇزەگە اسىرۋعا، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە ءتيىستى ۇلەس قوسۋ كەرەك.

  كاسىپورىنداعى جۇمىسشى - قىزمەتكەرلەر باس شۋجيگە ىقىلاسپەن امانداستى، شي جينپيڭ كوپشىلىككە مەرەكەلىك سالەم جولدادى. ول مىنالاردى اتاپ كورسەتتى: ەلەكترمەن قامداۋ، جىلۋمەن قامداۋ ەكونوميكالىق دامۋدىڭ جالپى جاعدايىنا جانە قوعام ورنىقتىلىعىنىڭ جالپى جاعدايىنا سايادى، حالىق تۇرمىسىنا قاتىستى ءىرى ءىس. پارتيا ورتالىق كوميتەتىنىڭ ەنەرگيامەن قامداۋعا كەپىلدىك ەتۋ جونىندەگى ورنالاستىرۋلارىن، تالاپتارىن دايەكتىلەندىرىپ، تياناقتاندىرىپ، كوپ ءتۇرلى شارانى قاتار قولدانىپ، قامداۋ مەن قاجەتسىنۋدى رەتتەۋدى كۇشەيتىپ، ەنەرگيامەن قامداۋ، قامتاماسىز ەتۋ قۋاتىن جوعارىلاتۋ، ءىرى كاسىپورىندار، اسىرەسە، مەملەكەت مەنشىگىندەگى كاسىپورىندار باستاماشىلدىقپەن قامداۋعا، باعانى ورنىقتىرۋعا كەپىلدىك ەتىپ، حالىق تۇرمىسىنا قاجەتتى ەنەرگيامەن قامداۋدى قامتاماسىز ەتۋ جاۋاپكەرلىگىن كۇشەيتىپ، حالىق جۇرتشىلىعىنىڭ قىستان امان - ەسەن، قىسىلماي وتۋىنە كەپىلدىك ەتۋ كەرەك.

  شي جينپيڭ پارتيانىڭ 19 - قۇرىلتايىنان بەرگى سانشيدەگى ءتۇرلى قىزمەتتەردە قول جەتكەن ناتيجەلەردى تولىق تۇراقتاندىردى. سانشيدەن پارتيا ورتالىق كوميتەتىنىڭ شەشىمدەرى مەن ورنالاستىرۋلارىن جاپپاي دايەكتى تياناقتاندىرىپ، ورنىقتىلىق بارىسىندا ىلگەرىلەۋ سىندى قىزمەتتىڭ نەگىزگى ارناسىنان جازباي، جاڭا دامۋ يدەياسىن تولىق، دۇرىس، جالپى بەتتىك دايەكتىلەندىرىپ، جاڭا دامۋ اۋقىمىنا بەلسەندىلىكپەن قىزمەت وتەپ جانە ونىمەن توعىسىپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، «التىنى ورنىقتىرۋ»، «التىنى قامتاماسىزداندىرۋ» قىزمەتىن ءۇرتىس جاقسى ىستەپ، حالىق تۇرمىسىن ۇزدىكسىز جاقسارتىپ، ساپالى دامۋ جاعىندا ۇزدىكسىز تىڭ تابىستارعا قول جەتكىزىپ، پارتيا 20 - قۇرىلتايىنىڭ تابىسپەن اشىلۋىن ءىس جۇزىندىك ارەكەتپەن قارسى الىپ، سانشيدىڭ جاڭا داۋىردەگى جۇڭگوشا سوتسياليزمدى امالياتتا ايگىلەۋىنىڭ تىڭ داستانىن تىنباي جازۋىن ءۇمىت ەتتى.

  ديڭ شۋەشياڭ، ليۋ حى، چىن شي، حى ليفىڭ جانە ورتالىقتىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى.

  كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار