بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

لي كىچياڭ شەتەلدىك ماماندارمەن بىرگە كوكتەم مەرەكەسى بايلانىسىمەن اڭگىمە ءماجىلىسىن وتكىزدى

2022.01.28 17:45     كەلۋ قاينارى : حالىق تورابى

  شينحۋا اگەنتتىگى، 1 - ايدىڭ 27 - كۇنى، بەيجيڭ. كوكتەم مەرەكەسى قارساڭىندا مەملەكەتتىك كەڭەستىڭ زۇڭليى لي كىچياڭ 1 - ايدىڭ 26 - كۇنى تۇستەن كەيىن بەيجيڭدە جۇڭگودا قىزمەت ىستەيتىن شەتەلدىك مامانداردىڭ ۋاكىلدەرىمەن ىقىلاسپەن كەزدەستى ءارى اڭگىمە ءماجىلىسىن وتكىزدى.

  لي كىچياڭ كوپشىلىككە شىنايى سالەم جولدادى جانە مەرەكەلىك تىلەك ءبىلدىردى، ولاردىڭ جۇڭگونىڭ رەفورما جاساپ، ەسىك اشۋ جانە وسىزامانداندىرۋ ىستەرىنە قوسقان ۇلەسىنە العىس ايتتى. شەتەلدىك مامانداردىڭ كاسىپتىك ابزالدىعىن ساۋلەلەندىرىپ، حالىقارالىق اۋىس - كۇيىس پەن سەلبەستىكتى جەبەپ، جۇڭگو ۇكىمەتىنىڭ قىزمەتى ءۇشىن اناعۇرلىم جاقسى ۇسىنىس - پىكىر بەرۋىن ءۇمىت ەتتى. انگليا، وڭتۇستىك افريكا قاتارلى ەلدەردەن كەلگەن كوپتەگەن مامان پىكىر جانە ۇسىنىس ايتتى.

  لي كىچياڭ مىنانى ءبىلدىردى: وتكەن ءبىر جىلدا كۇردەلى دە اۋىر ىشكى - سىرتقى جاعداي مەن حاۋىپ - قاتەر، سىن - سايىس الدىندا شي جينپيڭ جولداستى ۇيىتقى ەتكەن ج ك پ ورتالىق كوميتەتى بۇكىل ەل حالقىن ىنتىماقتاستىرىپ جانە باستاپ، قيىنشىلىقتاردى جەڭىپ، جۇڭگونىڭ ەكونوميكالىق، قوعامدىق دامۋىندا تىڭ دا كەلەلى تابىستارعا قول جەتكىزدى. ءبىز ورنىقتىلىق بارىسىندا ىلگەرىلەۋدە تاباندى بولىپ، «لتىنى ورنىقتىرۋ»، «التىنى قامتاماسىزداندىرۋ» قىزمەتىن تىڭعىلىقتى ىستەپ، ماكرولىق ساياساتتا جۇمىسقا ورنالاستىرۋدى الدىمەن ويلاستىرۋعا ءمان بەرىپ، سالىقتى ازايتىپ، اقىنى تومەندەتۋ سياقتى ساياساتتاردىڭ تياناقتانۋىن كۇشەيتىپ، بازار تۇلعالارىنىڭ قالپىنا كەلۋىنە، ومىرشەڭدىك قۋاتىن ارتتىرۋىنا كومەكتەسىپ، سول ارقىلى جۇمىسقا ورنالاستىرۋدى، كىرىستى جانە نەگىزگى حالىق تۇرمىسىن ورنىقتىردىق. ساياساتتى اتقارۋ تەبىنىن ۇيلەسىمدى يگەرىپ، بيىلعى قيىنشىلىقتار مەن سىن - سايىسقا توتەپ بەرۋگە ساياساتتىق مۇمكىندىك قالدىردىق.

  لي كىچياڭ بىلاي دەپ اتاپ كورسەتتى: ەكونوميكالىق دامۋدىڭ جاڭا قۇلدىراۋ قىسىمى الدىندا ءبىز ماكرولىق ساياساتتىڭ پەريودتىق رەتتەۋ تەبىنىن ارتتىرىپ، ەكونوميكالىق اينالىمنىڭ ۇيلەسىمدى ارالىقتا بولۋىن ساقتايمىز. باعىتتامالى تىزگىندەۋدى كۇشەيتىپ، دەر كەزىندە پارمەندى، ۇتىمدى شارالار قولدانىپ، قيىنشىلىقتار مەن سىن - سايىسقا توتەپ بەرىپ، بازار مەجەسىن ورنىقتىرىپ، بازار سەنىمىن سەرپىلتەمىز. كاسىپورىنداردىڭ قيىنشىلىق قىسپاعىنان قۇتىلۋىنا كومەكتەسۋ تەبىنىن ارتتىرىپ، كولەمدى، كەشەندى كۇيدەگى سالىقتى كەمەيتۋ، اقىنى تومەندەتۋ ساياساتىن ويداعىداي اتقارىپ، كاسىپورىنداردىڭ، اسىرەسە، ورتا، شاعىن، ۇساق كاسىپورىنداردىڭ قارجى قۇراۋ وزىندىك قۇنىن ۇزدىكسىز تومەندەتىپ، كوپ ءتۇرلى شارانى قاتار قولدانىپ، ءونىمدى سۇرانىستى كەڭەيتىپ، قيىنشىلىعى زور، جۇمىسقا ورنالاستىرۋى كوپ بازار تۇلعالارىنىڭ قيىن وتكەلدەن وتۋىنە كومەكتەسەمىز. رەفورمانى ونان ارى تەرەڭدەتىپ، ساۋدا ورتاسىن ۇزدىكسىز ساپالىلاندىرىپ، ءتۇرلى مەنشىكتەگى شارۋاشىلىقتىڭ بىرگە دامۋىن جەبەيمىز.

  لي كىچياڭ بىلاي دەپ دارىپتەدى: سىرتقا ەسىك اشۋ − جۇڭگونىڭ نەگىزگى مەملەكەت ساياساتى. ءبىز اناعۇرلىم جوعارى دەڭگەيدەگى سىرتقا ەسىك اشۋدى ۇزدىكسىز ىلگەرىلەتەمىز. ادام كۇشى، دارىندىلار بايلىعىنىڭ رولىن اناعۇرلىم ويداعىداي ساۋلەلەندىرىپ، ءار ەل ماماندارىنىڭ جۇڭگودا قىزمەت ىستەۋىنە، تۇرمىس كەشىرۋىنە اناعۇرلىم كوپ قولايلىلىق جاراتىپ، ولاردىڭ جولىققان قيىنشىلىقتار مەن ماسەلەلەردى شەشۋىنە كومەكتەسەمىز.

  ۋاڭ ي، شياۋ جيە قاتارلىلار اڭگىمە ماجىلىسىنە قاتىناستى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار