بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ۋاڭ ياڭ ءدىني ۇيىمدار جاۋاپتىلارىنىڭ كوكتەم مەرەكەسىن قارسى الۋ اڭگىمە ماجىلىسىنە قاتىناستى

2022.01.28 17:46     كەلۋ قاينارى : حالىق تورابى

  «حالىق گازەتى»، 1 - ايدىڭ 27 - كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ 1 - ايدىڭ 27 - كۇنى بەيجيڭدە مەملەكەتتىك ءدىني ۇيىمداردىڭ جاۋاپتىلارىنىڭ كوكتەم مەرەكەسىن قارسى الۋ اڭگىمە ماجىلىسىنە قاتىناستى ءارى ءسوز سويلەدى. ول الدىمەن ج ك پ ورتالىق كوميتەتى مەن باس شۋجي شي جينپيڭ اتىنان بۇكىل ەلدەگى ءدىن سالاسىنداعى قايراتكەرلەر مەن دىنگە سەنەتىن قالىڭ جۇرتشىلىققا مەرەكەلىك سالەم جولدادى. ول مىنالاردى دارىپتەدى: ءدىني ۇيىمدار − پارتيا مەن ۇكىمەتتىڭ ءدىن سالاسىنداعى قايراتكەرلەرمەن، دىنگە سەنەتىن جۇرتشىلىقپەن ىنتىماقتاسىپ، بايلانىس جاساۋداعى كوپىرى، دانەكەرى، مەملەكەتتىك ءدىن قىزمەتى ءماجىلىسىنىڭ رۋحىن مۇقيات ۇيرەنىپ، جاڭا داۋىردەگى پارتيانىڭ ءدىن قىزمەتى نازارياسى مەن باعىت - ساياساتىن جاپپاي دايەكتىلەندىرىپ، وزىندىك قۇرىلىستى شىنايى كۇشەيتىپ، دىنگە سەنەتىن قالىڭ جۇرتشىلىقتى پارتيا مەن ۇكىمەتتىڭ توڭىرەگىنە ىنتىماقتاستىرىپ، جاڭا جورىقتا العا باسۋعا، جۇڭگو ارمانىن جۇزەگە اسىرۋعا وڭ ەنەرگيا توپتاۋ كەرەك.

  ۋاڭ ياڭ ءدىني ۇيىمداردىڭ 2021 - جىلعى ىستەگەن قىزمەتىن تولىق تۇراقتاندىرىپ، 2022 - جىلعى قىزمەتتەرىنە شىنايى ءۇمىت ارتتى. ول مىنالاردى دارىپتەدى: ءدىني ۇيىمدار ءوزىن - ءوزى تاربيەلەۋدى كۇشەيتىپ، سوتسياليستىك وزەكتى قۇن كوزقاراسىن جەتىلدىرۋ جانە امالياتتا ايگىلەۋ، پارتيانى، وتاندى، سوتسياليزمدى ءسۇيۋ تاقىرىپتىق تاربيەسى سياقتى قيمىلداردى ۇزدىكسىز ورىستەتىپ، ءدىن سالاسىنداعى قايراتكەرلەر مەن دىنگە سەنەتىن جۇرتشىلىقتى «5 ورتاق تانىمدى» ۇزدىكسىز كۇشەيتۋگە جەتەكتەپ، ىنتىماقتاسا كۇرەس جۇرگىزۋدىڭ يدەيالىق - ساياسي نەگىزىن بەكەمدەۋى كەرەك. ءدىندى جاپپاي قاتاڭ جونگە سالۋ تالابىن تياناقتاندىرىپ، ءدىننىڭ اقاۋسىز جالعاسۋىنا ىقپال جاسايتىن كورنەكتى ماسەلەلەردى پىشاق ءجۇزىن ىشكە قاراتاتىن باتىلدىقپەن شەشىپ، ىشكى باسقارۋ ءتۇزىمى مەحانيزمىن ورناتىپ جانە كەمەلدەندىرىپ، زاڭعا قۇرمەت ەتىپ، زاڭعا ءمان بەرەتىن، تيىم سالىنعاننان تيىلىپ، ەرەجەگە بويسۇناتىن، ستيلى پاك، سالتى دۇرىس تاماشا اۋقىم قالىپتاستىرىپ، ءدىن سالاسىنىڭ جاراسىمدىلىعى مەن ورنىقتىلىعىن قورعاۋ كەرەك. كۇن سايىن ۇلەس قوساتىن قايسارلىق جانە ۇزاق ۋاقىت ۇلەس قوساتىن تاباندىلىق ارقىلى ەلىمىزدەگى دىندەردىڭ جۇڭگوشالانۋىن ىشكەرىلەي ىلگەرىلەتىپ، ەلىمىزدەگى دىندەردىڭ سوتسياليستىك قوعامعا، جۇڭگوشا سوتسياليزمنىڭ جاڭا داۋىرىنە اناعۇرلىم ويداعىداي سايكەسۋىنە مۇمكىندىك جاساۋ كەرەك. ءدىني مەكتەپتەردى ويداعىداي باسقارىپ، كولەمى لايىقتى، تالاپقا ۇيلەسەتىن، رەت ساتىسى ۇيلەسىمدى نەگىزگى ساتى ءدىن قىزمەتكەرلەرى قوسىنىن جەتىلدىرۋمەن بىرگە، كلاسسيكالىق تاعىلىمداردى، جۇڭحۋانىڭ تاڭداۋلى ءداستۇرلى مادەنيەتىن جەتىك بىلەتىن جوعارى دەڭگەيلى ءدىني دارىندىلاردى دا باۋلۋ كەرەك. ىندەتتەن ساقتانۋ - تىزگىندەۋ بەلگىلەمەسىن قاتاڭ تياناقتاندىرىپ، دىنگە سەنەتىن جۇرتشىلىقتى ءدىني قيمىلداردى ۇيلەسىمدى ورنالاستىرۋعا جەتەكتەپ، جىلجىمالى توپتالۋدى لايىقتى ازايتىپ، كوكتەم مەرەكەسىن تىنىش، جاراسىمدى وتكىزۋ كەرەك.
ۋاڭ ياڭ بىلاي دەپ اتاپ كورسەتتى: پارتيا مەن ۇكىمەت ءدىن قىزمەتىنە، ءدىن سالاسىنداعى قايراتكەرلەرمەن ىنتىماقتىلىققا، سەلبەستىككە، ءدىني ۇيىمداردىڭ رولىن ساۋلەلەندىرۋگە باستان - اياق ءمان بەرىپ كەلەدى. جەر - جەر، قاتىستى تاراۋلار ءدىن سالاسىنداعى قايراتكەرلەردىڭ ۇسىنىس - پىكىرلەرىن تىڭداۋعا نازار اۋدارىپ، ءدىني ۇيىمداردىڭ قىزمەت ورىستەتۋىن قولداپ، ناقتى قيىنشىلىقتارىن شەشۋگە كومەكتەسۋى كەرەك.

  ج ك پ ورتالىق كوميتەتى شۋجيچۋىنىڭ شۋجيى، ورتالىق كوميتەت بىرلىكساپ ءبولىمىنىڭ باستىعى يوۋ چۋان اڭگىمە ماجىلىسىنە قاتىناستى. جۇڭگو بۇددا ءدىنى قوعامىنىڭ، جۇڭگو داۋجياۋ ءدىنى قوعامىنىڭ، جۇڭگو ءىسلام ءدىنى قوعامىنىڭ، جۇڭگو كاتوليك ءدىنى وتانشىلدىق قوعامىنىڭ، جۇڭگو حريستيان ءدىنى ءوزىن - ءوزى باسقارۋ، ءوزىن - ءوزى قامداۋ، ءوزىن - ءوزى تاراتۋ وتانشىلدىق قوزعالىس كوميتەتىنىڭ نەگىزگى جاۋاپتىلارى ماجىلىستە ءسوز سويلەدى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار